自家味道 (已結業)

太子地鐵站C出口，近年被稱為餃子街。點解？因為有6丶7間唔同種類丶口味的餃子店。今日黎到太子就黎幫襯一間開業三個月的新店，重係一間好有心去做的小店添！左面係黑糖薑蜜丶檸檬蜂蜜，兩杯飲品都好好味，唔會好似其他食店得個甜字，甜度岩岩好，重可以飲到黑糖既香味同埋檸檬既香味，唔會死甜。雙併鮮餃子配上海酸辣湯底勁好食！兩款餃子分別係紫菜三鮮餃同埋椰菜木耳鮮肉餃。個人偏好較濃味的紫菜餃，紫菜的香味同埋濃濃的湯底勁夾。而椰菜餃都好好味，咬落感受到梛菜同埋木耳既爽口。兩款餃子入口都好鮮甜，加上冇味精，好正！湯底都要一讚，首先湯底無傳統酸辣湯既豬內臟，食落更健康清爽。另外酸辣湯夠濃味，辣辣地令到餃子食落更惹味，好味隻隻都勁足料，脹卜卜又唔會整穿塊皮，一口都係滿足！勁足料！呢度既蒸魚飯都係店家極力推介，一試果然冇介紹錯！我就點左條桂花魚丶肉燥飯同埋豆漿魚湯浸菜。首先係條桂花魚，食落口勁鮮甜，夠新鮮丶夠甜味，蒸得個火喉岩岩好，証明到有心用靚材料同認真去煮條魚！讚肉燥飯冇平時台灣小店食的咁肥膩，爽口的肉燥飯更配合鮮甜的魚去下飯，唔錯的配合。豆漿魚湯望落清透，但飲落好香濃。唔係平時你話食味道個種魚湯既濃味，而係

最近係屋企附近發現依間開左無耐既餐廳，剛好今晚無飯開，同媽咪黎左食晚飯，餐廳都係賣住家菜既菜式，仲有多款套餐選擇，最後我地叫左一個套餐同湯餃一齊食<<雙拼鮮餃子>>餃子份量都幾多，有成十隻咁多，仲可以食哂兩款口味，椰菜木耳餃比較爽口，而另一款餃既紫菜餡好多，食落好香紫菜味，而湯底係佢地自己每日新鮮煲，一送到枱上就聞到好香豆味，飲落好清甜，完全無味精，而店內牆上都貼有介紹呢個湯既好處 ，見到隔離枱既客人係全部飲哂，我地都飲住送飯<<蒸烏頭套餐>>套餐除左主角蒸烏頭，仲配菜、飯同飲品每日餐廳推出既魚都唔同，每日都係佢地自己親自去街市入新鮮魚返黎，今晚叫左依條新鮮烏頭，用左檸檬清蒸，而蒸法都有好多選擇任你揀，適合各人口味，而且仲係即叫即蒸，所以等候時間會耐少少，大約十五分鐘左右就送到黎啦，魚肉食落好嫩滑，好新鮮，而且好大條如果一個人食係夠哂飽，加上碗白飯好大碗，我地加左$5 轉個肉燥飯，初初好怕肉燥會太肥，但店員話唔會，所以信佢一次，食落又真係唔油，肉燥完全無肥膏，啱哂至愛食瘦肉既我，個飯食落好香，值得一讚整體而言，依度食既都以

收工係家樓下搵食，見有新餐廳未試，即刻衝入去搵ya食。。。全新裝修，前身好像是家面包店呀，真不知入面有咁大地方呢😋麻辣蓮藕片18個人好食得辣都認為有點辣度，惹味好咬，切得薄薄，相當吸引。拍青瓜18爽脆，清新，開胃，真係幾爽wo，又無草青味，酸辣蒜汁幾特別。肉燥油菜18無烚菜咁單調，加左肉燥鬆化兼好香。溏心旦18好好味呀，又平，開邊有兩隻，質地香軟。酸辣湯紫菜三鮮餃33七隻紫菜餃幾特別，正合我意，多菜少肉，皮都有熟透，加酸辣湯我第一次，食味ok，而且無肉嫁個酸辣湯，好正。煎椰菜木耳鮮肉餃33七隻煎三面，所以要等少少時間，木耳爽口，去体毒血脂最一流，一樣係肉少菜多，雖然煎到勁熱辣金黃，但菜多所以都唔會好濟哎。職員還主動問要否醋同豆瓣醬tim加6凍檸蜜簡單又健康，美白由小處開始，落足好幾片，喉嚨痒，加賣蜂蜜正。食後感：平靚正好味道，又有好味餃子店，一次過滿足到我地想食辣ya，

有時屋企唔係成日煮飯一星期差唔多3-4日都出街食食到好悶，同埋出街食成日都好重味精經過太子唔想食肥膩野係金凰條街遠少少~發現一家唔起眼的小店叫自家味道但係食落就覺得好有人情味同住家味道環境不算大，但簡單乾淨我點了一個豉汁蒸桂花魚每日的魚款都會寫在黑板上可以看看當日有甚麼新鮮蒸魚套餐好抵食晚餐HK$68就有一條蒸魚、肉燥飯(+hk5)和青菜，仲有野飲tim以呢個價黎講條魚都算大條都幾多肉食~魚肉都好新鮮，唔會蒸到好淋~肉質剛剛好重點係個豉汁真係好香好入味個豉汁係自家製架加埋d蔥和汁一齊食送飯岩晒豆漿魚湯底雙拼鮮餃子米線雙拼鮮餃子分別係紫菜和椰菜餃紫菜餃都比較少見但原來係幾好味~餡料都好足料~好大粒!!!一碗都有10粒仲要幾大粒~陣係食餃都飽~怕唔夠飽仲可以加hk$8加米線個豆線魚湯底都係自家製食落都幾鮮甜但唔係好重口味比較清淡如果喜歡吃清清地既就岩晒~仲點左個小食~糖心滷水蛋~我好喜歡吃滷水蛋~未食個蛋黃都準備流心啦~味道都幾入味點餐可以加hk$6換一碟細份量的小食我揀左拍青瓜和木耳青瓜好多蒜~個汁好惹味而木耳就比較酸~飯前食好開胃黑糖薑蜜是很適合女生喝的飲料~有這個選擇非常貼心呢！食咁

如果只得$40 你會選擇甜品還是正餐？😀🤔而家閒閒地係香港 食個飯 要平靚正 談何容易？偽文青最近係太子覓食 找到這間 #自家味道 就同朋友仔係lunch去試下 食物款式都算多選擇 而且價錢都大眾化 如果係學生哥 一個飯加飲品 都係$27 $27 $27 真係仲平過食老麥😂 下午茶$22起👀 真係要一試🙊.難得有朋友仔一齊食飯 就發揮吃貨愛吃既本色👻點兩個套餐 一齊試食啦💪🏻😅1️⃣滷水三寶拼滷肉飯$41 仲有醃製小食-拍拍青瓜 仲有熱飲 三寶有滷水雞翼 豬腩肉 糖心滷水蛋 豬腩肉雞翼超入味 如果份量多少少 吃貨會更開心😂😂 因為share只能吃一隻😛我愛滷水雞翼👻 而滷肉飯 除左豬肉 仲有冬菇 洋蔥 令味道更香 加埋糖心蛋一齊食 正啊😍2️⃣健康手作餃子雙拼(煎餃) 紫菜三鮮餃拼椰菜木耳肉餃 椰菜木耳餃 係太子既餃子店絕不陌生 因為有好多餃子店都會有 但紫菜味 吃貨真係第一次食 但口感就好似飲梗紫菜湯咁 都係椰菜木耳餃好味d🙊3️⃣豆漿魚湯浸菜 有魚湯飲 又有菜食👍🏻4️⃣蒜香雞翼單骨 炸得香口 方便易食 但還是鍾情於滷水雞翼5️⃣熱飲 黑糖薑蜜 鮮檸蜂蜜 重點係餐飲唔洗加錢 精明既你 唔係唔試啊🤗..

最近朋友同我講，話太子果邊新開左間唔錯既餐廳，主打原條魚同埋佢自家製既豆漿鮮魚湯底。作為好魚之人，真係忍唔住要去試下。入到去覺得環境很乾淨，雖然都係食家常便飯，但同一般茶記唔同，睇得出老闆有花個心機裝飾，唔講仲以為係間CAFÉ。不過環境再靚都無用，因為食物質素先係重點。先講呢份蒸魚餐，我地叫左黃花魚，用豉汁蒸，跟餐配埋滷肉飯及菜湯。因為即叫即蒸，所以都等左陣。一上碟就見蔥豉鋪滿面，完全唔吝嗇。而最重要係食落真係好嫩好滑，同埋絕對係新鮮魚。食開魚既人都知，冰鮮魚或隔夜魚絕對唔會有呢種口感。再講呢碗單骨雞翼米線，我揀左配支竹。先飲個湯，湯底夠熱，有香濃既魚味之餘，仲有淡淡黃豆味，呢個配搭我都係第一次試，陣味好夾，有驚喜。而雞翼因為單骨，所以食落好方便，而且整得好入味。最後我地連湯都飲埋，你係飲得出沒味精，仲要一Ｄ都唔腥。我另外再加６蚊要埋隻滷蛋，個蛋黃好漿好黏，我敢講整得好過好多所謂日本餐廳，淨係果種黏黏漿漿既口感已值回票價。另外我地都叫左份煎餃，個皮薄得黎仍然好煙韌，唔會夾散。而且煎得好甘香，作為小食一流。

自家味道太子一間新開既平民食店 😆搵到間平靚正餐廳，菜色有驚喜！價錢真係好平 廿幾蚊都食到飽 😍食物品質都高 又無味精 唔會油膩 比到住家味道👍 溏心滷水蛋（＄18)滷水汁調較得好好 溏心蛋黃超香💛甜酸魚塊 配菜飯(＄40) 魚塊炸得好鬆脆，魚肉鮮嫩！唔會一大舊炸粉😝煎椰菜木耳鮮肉餃子($38 10隻） 煎餃子非常脆口，皮薄餡料靚！好驚係街食煎餃，通常都勁多油入面D豬肉又肥，但呢個唔會，似係屋企包既，好好食😊😊😊沙嗲豬扒抄烏冬($39) 微辣沙嗲, 炒得好有鑊氣！另有好多客人叫魚湯同蒸魚，大家都可以試下～餐廳星期一休息，大家唔好摸門釘呀🙈

去到太子來到這家小店 看看餐牌 平平無奇 價錢非常平民但實際上卻充滿驚喜 服務員很熱情很積極地招呼客人 讓人一坐進去就心情愉快食慾大增首先試試店裡主打的豆漿魚湯底，是用黃豆和魚熬製的，沒有添加任何味精，喝下去有股鮮甜，套餐包括整條魚，我就選擇了清蒸，少骨之餘非常鮮味！怕骨的人也可以吃，魚肉也蒸得剛剛好不會過熟，所以肉質很滑我們又點了鎮店之寶，鹵水三寶人氣飯餐，選擇了肉燥飯，肉燥飯超好吃啊，拌飯一流，下次一定要再來吃這裡的肉燥飯！另外這裡的店員告訴我們餃子算是人手包製的，我們看到湯底有酸辣湯，就有興趣一試。紫菜三鮮餃和西洋菜鮮肉餃，咬開來可以看到菜和肉都滿滿的，配上酸辣湯吃起來不錯，這餃子給我的感覺是健康，物有所值，令我再也不想吃超級市場裡面雪藏的味精水餃了小食方面，我不得不推薦拍拍青瓜和糖心滷水蛋，蛋真的很滑，加上流心，吃下去滿滿的享受啊

出面食一定重口味重味精？NoNoNo~太子依間以健康理念為主既餐廳等你以平民價錢 食到真正住家味道主打自家豆漿魚湯底每日新鮮熬製，真材實料，健康無味精！晚市仲有蒸魚tim～配飯配菜都係$6x今次揀左檸檬蒸桂花魚 配肉燥飯超推薦肉燥飯！大大碗我一個ko曬完全無難度，肉燥入面有香菇，增加味蕾！原來健康都可以甘好味豆漿魚湯淡淡豆漿香加上魚湯既鮮甜，真係香滑濃郁，平時係出面吾喝湯既我都飲曬小食方面 拍拍青瓜同爽爽木耳都非常推薦 夠味而吾會過咸或者感到油膩滷水三寶中雞翼同豬腩肉都非常入味溏心蛋就略為遜色，吾夠入味and無乜蛋香但蒜香單骨雞翼 炸粉超薄 好香口仲有自家上海酸辣湯 有咩特別？原來係全素嫁！吾似平時既會加入內臟health好多～餃子有兩款，都係自家包製，菜份量比肉多！食都食得health啲紫菜三鮮餃同椰菜木耳鮮肉餃，由於兩款都想試就揀左雙併紫菜三鮮餃味道似食緊紫菜湯個人就中意椰菜木耳餃口感爽脆啲成餐食完都吾覺口渴 真正健康無添加 值得支持既小店

太子荔枝角道一帶都是平民化的食肆，識食的朋友都會多行一條街，這天晚上沒飯開，走走看來到了一間新的餐廳，貪不用排隊加上負責接待的侍應笑容不錯，就決定試試。坐下發現客人多是一家大小，或者是一人前，看衣著很多也似是街坊，忙著同侍應有講有笑。吸引到大量街坊成為熟客，當然是因為取價公道。最貴的蒸魚套餐，有飯有湯都只是60多元，客飯亦大概40元而已。當大快樂消費已是接近70一個飯餐的時候，無飯家庭自然識揀。侍應們超Nice，熟客識自己點菜，生客如我或有選擇困難症的就細心介紹！他們最出名的是不含味精的豆漿鮮魚湯底，用優質的黃豆及鮮魚每日新鮮製造，湯底可以做米線湯，亦可以浸時菜食。豆漿浸娃娃菜因為我一心打算食蒸魚套餐，但又想試一下豆漿湯底，侍應哥哥提議可以加＄8 升級！娃娃菜翠綠色，不會煮到淋晒，豆漿魚湯白雪雪，好香黃豆味，立即試了一口，細心的不是熱到燙的溫度，剛好適合入口，又不會太凍。雪白色的，平衡著豆香及魚鮮香，不會覺得突兀，好飲到我想打包返家浸菜食！創作這個湯底背後有一個小故事，事緣店主有個朋友患有重病，醫生建議要多吃黃豆，但重病的人怎吃？最後他想到把豆漿加魚整成濃湯，可以更易吸收營養。說真的，

年初二晚，冇咩地方食野，路過見呢間野價錢街坊裝修簡潔幾好咁，啲枱又靈活，啱我一個人坐。睇門外掛左餐牌，本來都諗住叫個客飯套餐，四十左右有飯食有野飲，加幾蚊又多啲野食，幾好咁。坐低有個大家庭老老少少嗌緊野，一人一句侍應姐姐好好心機解答咁，都係有選擇困難症唧的我見隔離枱嚟個魚套餐，最後我要左紅衫魚，「封煎」，靚仔侍應哥哥好詳細解釋，佢越講我越肚餓，靚仔侍應哥哥仲安慰我封煎魚會快過清蒸，我唔使真係要等15-25分鐘咁耐。封煎的確好味過煎，而且魚腹處理得好乾淨，更加好好味每部份都食得暢快。魚好味！封煎魚好味！封煎紅衫魚好味！$68有野飲有菜的封煎紅衫魚好味！年初二都係$68有野飲有菜的封煎紅衫魚好味！感激救我一餐，又抵又好味！

經過見到新開，就入去試下。試了滷水三寶飯（雞翼，豬腩肉，滷蛋）雞翼好味，入味又緊實。豬腩肉都好入味，不過硬左d，霖d會好味d。滷蛋其實係溏心蛋，不過無咩味。飯可選肉燥飯，菜飯。肉燥飯幾好味。還有配豆漿同青瓜。