興記

營業中

休息中

Book左6:45PM，6:00早到左，先confirm左個訂位，跟住去關財記買海鮮。買左西澳龍蝦約1斤7兩，3隻大連鮑魚。買海鮮共$330。跟住自己攞返去興記。1)上湯龍蝦衣麵底 – 2樣加埋上枱，冇諗過1斤7 兩咁大碟。雖然唔係南澳龍蝦，但都彈牙，味道唔錯，麵都有幾碗。2)清蒸鮑魚 – 覺得而家食鮑魚，都冇左鮑魚味。但蒸的時間都岩岩好，細路仔用隻叉叉住食，個樣食到好滋味咁，OK啦。3)班片西蘭花 – 每次去都叫，$50覺得幾值，因為真係班片，唔係D不知名有魚鯹味魚肉。白飯一碗。埋單$175。加埋買海鮮，即係$505。覺得底食，有鮑魚有龍蝦有班片食，自己買料整都可能差唔多價錢。上菜好快，唔駛8:00PM埋單返屋企。

29-03-09 興記 Sunday Dinner朋友生日, 即日book 21:00, 幸好有位7 人晚餐, 亦都是忠仔記買料買料用了$520連加工total 大概$1200當中魚和蝦和海鮮湯的料是送的跟第一次吃的伙伴但無獨有偶也是7 人上次3 男 4 女今次4 男 3 女其實如果會吃湯渣的話, 大可人頭數目減2 作為餸的數目標準醬爆雞球: 因為當中有人不怎麼吃海鮮, 所以另外點了這道小菜. 不過這道菜卻不大好吃, 香味是夠, 很多韮王, 很多辣椒但是雞肉炒得過了火, 老了呠酒焗蠔: 乾了一點, 有點像炸蠔, 吃起來有些地方脆卜卜的, 但內裡就沒有汁了. 和日本料理吃到的炸蠔當然不同啦椒鹽蝦: 本身的蝦已死了一段時間, 用椒鹽的方式吃起來會好一點. 爆得很香, 很脆, 蝦殼都吃了神仙魚: 兩味, 炆頭炒球. 炆頭的部份都是先炸再炆, 很脆, 很入味, 又是脆卜卜的, 金香味美.炒的部份用西芹去炒, 亦很香口.蒜茸貴妃蚝: 很新鮮, 很香, 啖啖肉的, 吃起來很有感覺豉椒炒蟶子: 幾乎是這裡必吃的, 豉椒的味道把蟶子的鮮味吊了出來

和中七同學到了興記晚餐沒有預約, 五時半到了興記只得最早七時半入座在沙灘公園坐了一會便到海鮮檔買海鮮其中一人認識忠仔記店員便買了$950 海鮮然後到了最旺場的興記加工1) 豉椒蟶子2) 豉油蝦3) 芝士焗龍蝦伊麵4) 椒鹽瀨尿蝦5) 蒜茸炒豆苗6) 海鮮湯7) 清蒸紅斑8) 蒜茸粉絲蒸扇貝9) 菓皮蒸鮑魚仔10) 燒鵝半隻1) 豉椒蟶子: 豉椒使蟶子本身的鮮味得以發揮, 而且很入味, 豉汁濃, 用來撈白飯最好2) 豉油蝦: 蝦很大隻, 多膏, 整個蝦頭也是膏, 一定要'損'先可以吸盡箇中精華. 3) 芝士焗龍蝦伊麵: 龍蝦很爽口, 多肉, 很彈牙, 很新鮮. 但略嫌上湯味蓋過了點芝士味, 芝士味不夠濃郁. 伊麵煙靭, 吃起來很有感覺.4) 椒鹽瀨尿蝦: 這種瀨尿蝦是多蝦膏的, 蝦肉較少. 蝦膏的確很多, 整個背部都是膏. 椒鹽不足, 跟這道菜的名不相稱5) 蒜茸炒豆苗: 豆苗不夠爽, 好像不太新鮮6) 海鮮湯: 用料十足, 蝦蟹菜各樣都有, 但可能只是煲了不足半小時的關係, 味道很淡7) 清蒸紅斑: 魚肉不算滑, 有點蒸過了火, 魚皮也很鞋8) 蒜茸粉絲蒸扇貝: 味覺之選, 香濃的蒜頭

見到好多人話好食...尋晚因慶祝媽咪生日,所以一家6人決定去試下...照樣去海鮮鋪買海鮮..買左$760龍蝦 - 2隻,花螺,聖子同斑1條花螺極之唔抵..買左成$200芝士龍蝦伊底 - 芝士汁好粉, 同汁唔夠多變左底下個伊麵乜味都無辣酒煮花螺 - 又唔辣又無酒味...同白烚無分別!! 但碟野個樣又好似好辣禁豉椒炒聖子 - 味道ok,但過左火好"un"蒸魚 - 最好既一樣, 但只可以話好正常, 同豉酒只係正常生抽太咸..不過價錢係比較平..我地重叫左薑汁炒芥蘭 - (大),例牌燒鵝,3個白飯同汽水啤酒埋單只係$462....比海天平好多....不過質數就唔會再去啦!! 完全係浪費左我既海鮮

今次去屯門興記食海鮮又真係覺得幾好味，最緊要又價錢合理，所以想同大家分享吓~先去買料：有膏大隻賴尿蝦 x 2隻桂花蚝 x 4隻聖子 x 1斤total $360之後攞去興記煮：椒鹽有膏大隻賴尿蝦：勁香口﹗好新鮮好彈牙，又炸得夠脆﹗豉椒抄聖子：都幾好味，但無咩特別，下次都係試吓聖子皇喇~ 蒜蓉粉絲蒸桂花蚝：好味，不過桂花蚝殼就大，肉就細...再叫埋個例牌菜：燒鵝例牌：好好味呀~ d皮又香又脆，最好食係個自家製梅子醬﹗配燒鵝就真係一流喇﹗total $190買料錢比起西貢平好多，但比起街市又貴好多，只有有膏大隻賴尿蝦是普通街市買不到，聖子和桂花蚝則是一般街市貨式~不過... 近近地都食得好開心

很久沒試過大夥兒食飯, 難得朋友話往三聖食海鮮, 我舉手讚成。 朋友訂了 8點, 他們於有枱前往海鮮檔買了大隻瀨尿蝦、蟶子、帶子、東風螺、蜆和蝦。店員已經太熟識, 立即提供煮法供我們參考, 以下就是 menu:椒鹽瀨尿蝦王 – 大隻又有膏, 非常好味但略為油膩豉椒蟶子 - 蟶子幾大隻, 用豉椒炒夠入味酒煮花螺 – 有酒味不太辣豉椒炒蜆 – 夠火候蒜蓉粉絲蒸帶子 – 認為用蒜蓉粉絲蒸帶子是最好味, 加上自己喜歡吃蒜蓉粉絲。 帶子不會過熟, 夠鮮味蒸中蝦 – 不算大隻而且沒有膏, 不過不失燒鵝一隻 – 不好吃、皮又不脆咕嚕肉 – 自己不太吃咕嚕肉, 所以不知味道如何炒菜兩碟 – 正常料錢、加工費、其他小菜和酒水, 埋單每人 $250。 價錢不算便宜, 加工費$3x 一斤。但大家食到很飽, 有些餸還吃不下。

己經是第３次在這裹加工海鮮，是次吃得很清淡，只吃了清蒸東星斑，白焯中蝦，油鹽水煮蛤蜊，蒸扇貝，炒豆苗和炒飯，魚最好食，蒸的時間剛剛好，又滑又鮮味，其他的餸菜都可以，油料，菜和飯只收＄２６０也是抵食了，不過很難等位，我們只得３人，明明電話裹伙記也給我們排了隊，到達時那老闆娘卻說人太少不會留甚麼枱之類，態度就是對你說你人那麼少我做不做你生意也沒相干，相當囂張，侍應的態度卻是可以的。

星期六一行八人夜晚黎食海鮮, 我地之前係誠達搵貞姐買左海鮮, 跟住黎呢度加工油鹽焗重皮蟹, 辣油煮花螺好香酒味, 豉焦壁子, 油鹽水蝴蝶蚌好鮮味, 砵酒焗磰球(淡左少少), 燒鵝肥左少少

(19/9/08)與同事們來這隔攝地方食海鮮。很屋村味的大排檔,很久未接觸過了,有童年回憶泛起。七點來等位,要等到八點才可入坐。在外面海鮮檔買了材料。店員純熟地建議了各樣東西的泡製做法,果然有經驗!好像蛤蜊,用薑,粉絲清煮,才食到蛤蜊的鮮甜味。酒煮花螺,不太辣,保留到花螺的味道。豉椒蟶子、椒鹽賴尿蝦、蒸海斑、豉油蝦、薑蔥炒蟹、粉絲帶子,都煮得很出色!另叫一隻燒鴨,麻麻,不是我杯茶。蒜蓉白菜仔,咸左d。叫左幾豌白飯、啤酒、汽水,total 賣單 $1200

星期一小弟三十大壽，一家四口出街食飯去到三聖上記買海鮮，有瀨尿蝦王、蜆、鮑魚、芝麻斑、扇貝，好彩時間尚早，仲有位坐，大排檔有冷氣已經好好，唔好要求裝修招牌燒鵝：屯門黎講唔錯，咁梗係深井好食ｏ的喇清炒菜心：早知佢唔用豬油，就叫蒜蓉炒果皮蒸鮑魚：火候好好，蒸到剛剛好蒜蓉粉絲蒸扇貝：同上清蒸芝麻斑：同上之餘，ｏ的汁好好味，食左我三碗飯椒鹽瀨尿蝦王：嘩～好好味，同流浮山有得fight！必食！豉椒炒蜆：又係另一樣整得好好食既野煮海鮮除左食材夠新鮮之外，火候係另一重要元素火候控制得唔好，再靚既食材都會浪費呢度師博既手勢可以話係成個三聖最好，同出面比較一ｏ的都唔輸蝕有好既食材，加好既廚藝，呢餐海鮮宴真係好！

26/7(六) 8:30pm千里迢迢跨區到屯門的三聖村,出席組長的家庭聚餐.先到相熟的海鮮檔口,"上記"揀選上等海鮮;其後徒步到距離不遠的"興記"."興記"內外人氣鼎沸,十里洋場.三十多度的戶外,仍座無虛席,認為誇張!去電預留了八時的座位,到八時半才能入內安坐.廿二人分兩席,菜單如下:豉椒炒蟶子,上湯粉絲浸大蜆,蒜蓉蒸扇貝,燒鵝$240隻,炆斑腩,西芹炒斑球,海鮮湯,薑蔥炒蟹,灼生菜,椒絲腐乳通菜,瑤柱蛋白炒飯.一眾海鮮的鮮度其高,甜美得很.加上師傅的廚藝,一雙巧手實在功德無量!豉椒炒蟶子,上湯粉絲浸大蜆,蒜蓉蒸扇貝,炆斑腩,西芹炒斑球,薑蔥炒蟹,無不出類拔萃.另一邊廂,"興記"的自家出品也不能小覷.燒鵝油脂豐盈 肥大肉厚,皮脆,膏小,味濃;不吃不可!與此同時,海鮮湯亦絕不欺場;以大量尿蝦,蜆仔,芥菜及豆腐熬製而成,奶白色的湯品醇厚鮮透!整晚唯一的瑕疵位是其瑤柱蛋白炒飯炒至略略油膩,幸虧飯粒仍夾雜瑤柱,蛋白及蔥粒的幽香.伙計們效率高,招呼佳.加上連開八支贈慶之物,盡興而歸!

拜訪金童玉女的清雅新居後，晚餐決定在吃地道風味的興記搞掂。週六來幫襯的人大排長龍，辛苦兩位等位的猛男了；等到拎到位，海鮮格價隊又回歸，時間已是差不多九點，好在上菜神速：　燒鵝-雖然數天前鏞記的出品鵝肉甘香嫩滑，但講真我還是不太吃得慣軟皮鵝；興記的燒鵝肉質不能同鏞記比，卻勝在皮脆又多肉，一班餓鬼還是很受落的。鹽酥鮮魷-如Oli所言，炸粉多是此店特色，我估計是用來掩蓋不太鮮味的食材吧。鮮魷一點不鮮，加上厚厚炸漿後，初吃十分惹味，再吃就會感到很膩。咕嚕肉-味道一般，肉質偏下，相比之下菠蘿更顯吸引西檸雞-炸漿過多情況最為嚴重，而且醬汁極酸，是最差的一味清炒西蘭花-清淡不油膩的綠葉腐乳炒通菜-水準一般，可能就是差那麼一點鑊氣叉燒炒蛋-炒蛋算滑，叉燒亦不會太瘦太乾，是最快清碟的一味粟米班塊-厚漿班塊味道一般，反而粟米汁不錯，我拿去撈飯了!　自家出品中，我較欣賞燒鵝及西蘭花，其他普通吧。而要數最驚喜，一定是自帶海鮮，雖然油料$38/斤，但興記絕不呃秤，份量充足的上檯：椒鹽珍寶瀨尿蝦王-我們特登揀了軟殼瀨尿蝦，果然比一般硬殼的輕薄，已經夠巨型的瀨尿蝦也更顯得啖啖肉；由於用貨極度新鮮，每啖咬下去都鮮味滿

雖然訂了位，但都要麻煩兩位猛男等了超過半小時。人齊後，有的去買海鮮，有的負責留守點菜，由落單到上菜，不雖15分鐘，真是神速。看見人家的燒鵝很肥美，我們也嚷著要一隻，可能「隔離飯香」，我們的燒鵝欠缺燒出來的深紅光澤，雖然是啖啖肉，椒鹽鮮魷、西檸雞、咕嚕肉及粟米石班塊這四款炸物唔夠脆身，同樣是炸漿過多的通病，吃不到大排檔獨有的鑊氣。小菜中以最簡單的叉燒炒蛋做得最好，蛋炒得唔老又夠滑，蛋同叉燒分量又適中。還有兩碟普通的炒清菜，清炒西藺花及椒絲腐乳通菜。最後出場是我們所買的海鮮，豉油炒蟶子及椒鹽瀨尿蝦，兩款海鮮的質素唔錯，不過廚房的後期加工水準麻麻，欠缺火喉鑊氣。雖然小菜一般，大家又講又笑，慶祝食友生日，又與飯友聚舊，這才是最要的。

13/7晚我哋9大1細，向海鮮市場買咗4種海鮮(共$700)過嚟，加工收費共$266, 都唔係貴吖，而且款款都好味，有：1. 白灼海蝦2. 椒鹽賴尿蝦-- 必食3. 豉椒炒聖子皇-- 必食4. 蒜蓉粉絲蒸扇貝-- 必食另外我哋向度叫咗：5. 燒鵝 -- 招牌菜真係幾正，燒鵝皮很脆，必食6. 椒鹽鮮魷 -- 一般7. 砵酒焗鱔 -- 唔知點解放咗幾片"品客"薯片入去，味道一般，我都係覺得清蒸會好食啲8. 通菜 -- 一般總結：除咗燒鵝，我覺得佢煮海鮮好食啲，其他小菜就一般~

七月四日跟英國回來的大哥及眾親、友共十人到此食海鮮，因友人識熟人買海鮮，所以今次海鮮真係平靚正，可惜煮得差浪費左！東星斑兩味>炒球太乾身且無情情打獻汁！蒸頭腩竟然用十分鹹的生抽而非用蒸魚醬油，蓋晒魚的鮮味！燒鵝賣相十分好，但醃得唔入味，連背骨隙都唔覺鹹，且肉味較淡。海蝦也是走油得太熟太乾，味道則可以。椒鹽賴尿蝦也是太乾太熟，以致肉已黏殼，可惜！大連鮑蒸得太隨便，無晒鮮味，汁也太鹹！炒蜆炒了，但出來時又有汁，明顯是了用水沖淨加汁翻炒！鹽油焗奄仔蟹OK唔錯，能清乾淨鹽更好！砵酒焗蠔好正！兩碟菜不入流，海鮮材料無得頂！重有全程菜饈的味精較重手，海鮮為何味精重手！興記........................海鮮材料誇喇喇，興記煮到小喇叭！唔會再幫襯！