船皇 (厚福街) (已結業)

N5 澳洲和牛船麵（$68），老實講，啲澳洲和牛有丁丁失望，一來有啲韌，二來少少偏肥。至於湯底，超濃郁兼且杰撻撻（用嚟做沾麵都得），夠哂味道。N4 船皇船麵（$58），有8種配料，啱哂貪心嘅我，每種都正常普通（牛腩比較好食，有牛味，夠淋；其次牛肉丸，有牛味，彈牙）。PS：麵底可選蛋麵、米粉、金邊粉、河粉

呢餐其實舊年食，仲諗住出唔出 post 好，不過見個 menu 雖然係期間限定，但大部份食物都係恆常供應，所以都記錄一下啦。呢個 Mirror 成軍三周年套餐（二人餐）包括 One and All 船皇船麵兩碗，神隊友雞翼 12 隻同埋飲品兩杯。船麵有四種麵底可以揀，食材包括牛腩，和牛，牛肉片，豬腩片，牛肉丸，豬肉丸，豬潤，雞翼，雞絲同炸豬皮，加埋麵同湯底，剛好 12 樣，唔知邊樣代表邊個😆。本來我麻麻哋鍾意食船麵，因為硬係覺得啲湯底好鹹，次次食完都勁口渴，不過呢度嘅船麵有驚喜喎，除咗兩種肉丸較淡口外，其餘食材味道唔錯，湯底更加係濃而不鹹，OK 喎👌。神隊友雞翼係單骨雞翼，炸得幾香脆，點埋甜辣醬食，好惹味，食下一隻食下一隻，眨下眼就食哂😂。於是就散叫多個炸雲吞皮，呢個純粹係口痕用嚟攝牙罅😆。兩杯飲品都有幾高汁，姜糖必飲嘅姜糖茶薑味好強，巧妙地化掉茶葉中那點苦嘅甜蜜泰式奶茶茶味香濃，銀色嘅器皿仲非常靚，望見都開心🤩。

好耐無去泰國🥲好掛住當地嘅美食啊😫好彩香港有船皇🤩船皇係過江龍船麵品牌,喺泰國當地有50間分店🇹🇭正宗泰國嘅味道😛我成日都有去食架😚特別推薦澳洲和牛船麵、船皇船麵、泰仔奶茶😍澳洲和牛船麵嘅和牛片份量好多🐮而且入口即溶好好味😋船皇船麵就乜都有,有牛腩、牛肉片、牛肉丸、雞絲、雞翼、豬肉、豬肉丸同豬潤🤩好豐富,樣樣都試到😍麵底可以揀米粉、金邊粉、蛋面同河粉🍜佢地嘅湯底配方用咗牛骨、豬血、斑蘭葉、枸杞、刺芹等熬成,每日新鮮熬製8個鐘頭🥣所以湯底味道濃郁入味😋細碗版船麵都會配上泰國空運到港炸豬皮,脆卜卜好好味簡單滋味又抵食👍🏻船皇嘅泰仔奶茶都好好飲😋為咗還原泰式奶茶嘅味道,船皇選用泰國手標紅茶茶葉沖調🌱令奶茶入口濃滑,而且茶味香😚再以冰凍泰國銀碗盛載,唔會額外放冰🧊好似身處喺泰國飲奶茶一樣咁正😍

喺尖沙咀行完街～就嚟試吓依間船麵先～聖誕節期間排長龍都正常呀店裏面嘅裝飾都好有泰式風味有魚露、泰式酸辣汁、辣椒粉、白糖～因應個人口味隨意加落碗麵度牛腩、牛肉片、牛肉丸船麵～牛腩有三舊幾入味幾淋～兩片炸豬皮幾脆～幾塊全熟牛肉片冇咩特別、兩粒牛肉丸彈牙～應該係訂返嚟冇咩特別～揀咗金邊粉～有西芹粒、蔥花～令船湯更嘢味～湯底夠濃唔會鹹泰式秘製滷水雞髀船麵～原隻雞脾上～滷水汁味偏鹹但係都好好食秘製通菜細細份～加上秘製酸酸甜甜嘅醬汁喺上邊～麻麻地泰式炸蝦卷一份三件配泰式酸辣醬～即叫即炸香口食物唔錯夠正宗～但可能係唔使加一服務費～所以服務差

呢幾年都冇得去旅行突然想泰式船麵😋搵一間正宗嘅船麵湯底唔容易㗎，嚟到尖沙咀見到其中一間食船麵分店，店外泰式風格，裏面坐枱都比較寬敞可以慢慢坐低嘆番杯泰式奶茶🥤😙✨船皇湯麵 $58招牌船皇湯麵一定要食，豬潤、豬肉丸、牛肉丸、牛腩、牛肉片、雞絲、雞、炸豬配菜非常豐富😍先講個湯底用咗太多配菜好淆底已成特別濃郁🤤加埋小辣醬汁濃縮咗湯嘅味道，湯底沾滿晒金邊粉勁香濃，加埋咁多配料呢個份量啱啱好😝✨船麵x車仔麵 $48另一碗自選沙爹湯底，另加咗3個餸 有雞翼、豬肉丸、炸豬皮，配加咗秘制辣汁湯底冇船麵原味金龍清淡嘅加沙嗲味道配上豬肉丸都好夾，鍾意食清淡啲，可以試下呢個湯底😋✨泰妹雞翼 5/件 $22少食order單骨雞翼，單骨比較方便容易食😝雞肉醃製過酸酸地好開胃✨秘醬通菜 $14通菜炒得好鮮嫩，加入秘製醬料撈埋一齊食有酸酸辣辣既味道🤤✨泰仔凍奶茶 $21好耐冇飲過泰式奶茶，思鄉病發作🤣同當地嘅泰式奶茶一樣，茶味甘香濃郁，奶茶加入香滑嘅煉奶，飲落去好順滑💗😍✨外賣而家有優惠添外賣是取有九折串燒6串以上 八折船麵自選兩碗以上八八折

之前同朋友一齊喺船王到打邊爐因為之前食過啲面都唔錯但自從打完邊爐先發現原來呢一間餐廳嘅衛生可以咁差我哋嗌早餐之後半個鐘嚟咗兩碟牛肉話自己係和牛唔好食都算 牛仲要有啲發黑然後嚟咗兩碗河粉又等咗15分鐘都未黎湯底我同朋友一路傾偈一路飲奶茶所以冇戴口罩但係佢竟然喺我哋傾傾吓途中拎走左我哋其中一碗河粉俾咗隔離枱淨係同我哋講咗聲唔好意思就拎走左睇到我哋都呆咗隔離位又喺度投訴好唔衛生最後湯底終於嚟咗然後我就同待應講話少咗一碗河粉佢竟然同我講而家冇晒河粉叫我轉其他面佢哋咁樣嘅操作真係好唔掂以後不論係火鍋定係船面都唔會再去食！

ฉันรักประเทศไทย！又食泰國🇹🇭嘢啦，今次食船麵，兩款都係牛腩、牛肉片同牛肉丸麵，不過一個係湯嘅，一個就係撈嘅💛💛試下有咩唔同，最後兩個我都好鍾意，兩個都勝出😂😂我好怕食船麵個湯底係好肥好油好咸，但係呢個係一啲都唔油😍兩個麵加個通菜同飲品都係150蚊有找！性價比高！身為泰國通嘅我非常推介呢間餐廳，再次成為我嘅onlist餐廳！有時都要等位，建議大家早小小去等，唔使餓親😙

呢間餐廳主打招牌船麵，麵底有4款選擇，所有材料同調味料均由泰國直送🇹🇭除此之外更提供各款串燒同特色小食🍢💗船皇船麵 ($78)湯底用上牛骨、豬血、斑蘭葉、枸杞、刺芹等秘製藥材膽，每日新鮮熬煮8個鐘，味道濃郁厚重🥘；蛋麵幼滑彈牙，掛湯力強🍜；配料有齊牛腩、牛肉片、牛肉丸、雞絲、雞翼、豬肉、豬肉丸、豬潤，非常豐富；最後以蓬鬆酥脆嘅炸豬皮點綴🥠💗泰式秘製炸雞髀船麵 ($78)雞髀大隻厚肉，炸至外皮焦脆香口，內𥚃肉質嫩滑多汁，沾上少量泰式甜辣醬🍗；同樣配上正宗船皇牛骨湯同蛋麵底🍜💗泰式炸蝦卷 (2件)用上薯絲捲起蝦身，炸至外層金黃香脆，內𥚃綿密薯蓉配上爽口蝦肉🍤💗泰妹單骨雞翼 (4件）雞翼以香茅醃製，炸至皮脆肉嫩，食落香惹入味🐥💗泰式無骨鳳爪 ($22)鳳爪爽彈有嚼勁，味道酸辣開胃🐓💗秘製通菜 ($14)通菜翠嫩爽脆，秘製醬酸中帶甜，非常特別🥬💗凍泰仔奶茶 (+$8)選用泰國手標紅茶，每日新鮮煲製，味道順滑香醇，煉奶香突出，甜度較高🧋💗凍蜂蜜柚子茶柚子蜜酸甜清新，有助解膩🍊

🍜 船皇 係我食船麵嘅go-to place，暫時係香港食過都覺得佢係最正宗最有「泰」度，湯頭夠濃夠層次😍早排路過厚福街果間見到原來多咗好多選擇，所以又去咗懷念下泰國味道🤓🍜最新嘅選擇係有炸雞肶同滷水肶配船麵，咁有諗頭嘅配搭我梗係試佢一試，尤其我係炸肶控🤤佢係即叫即炸所以要等5-10分鐘啦，隻肶水準中上，配埋船麵咁食又非常咁夾，可以一戰💪🏻另外一碗就係正常豬肉丸加豬腩加豬潤，算係皇牌超穩陣選擇，當然都係咁正😋🍜另外船皇特色係仲有泰式串燒食，呢點係好多賣船麵嘅鋪頭無嘅！今次試咗牛舌保留到好多肉汁，唔錯❤️另外佢地嘅泰仔奶茶一向都好好飲似足泰國當地風味，係必試架！埋單人均$75左右，都仲係咁正！

#過江龍船麵🚤疫情持續嚴峻 夜晚冇得出去食飯 所以特別珍惜晏晝喺外面食嘢嘅機會 不過唔係好多小區都敢去 今日揾咗尖沙咀一間過江龍麵店 食地道泰式船麵-🍜和牛船麵 $88/午市套餐🍖單骨雞翼🥤泰式紅豆冰 加$8套餐包小食同飲品 喺尖沙咀嚟講 呢個價錢算係抵食 小食要咗單骨雞翼 酥香夠味 半肥瘦和牛🥓有四片 牛味濃 油脂甘香豐腴 湯底同樣正‼️ 有好濃厚嘅牛骨味 又夾雜些少班蘭葉清香 記得飲返幾啖 唔好錯過😋 相比之下 紅豆冰嘅賣相同味道 只係一般-🧆船皇撈麵 $58朋友揀咗蛋麵 亦可以揀金邊粉／米粉／河粉 小辣程度 可以另加辣椒粉🌶 撈麵醬油夠味但唔鹹 幼條蛋麵加埋脆卜卜炸豬皮 香茜同爽口荳芽 口感清爽而有嚼勁 係招牌船麵以外嘅好選擇-📍船皇尖沙咀厚福街7號地下

船皇 @torcharmhk 船皇係泰國過江龍船麵品牌，係泰國當地有超過50間分店。湯底配方選用牛骨、豬血、斑蘭葉、枸杞、刺芹等熬成，每日都新鮮熬製8個鐘頭，味道濃郁。細碗版船麵仲會配泰國空運到港既炸豬皮，簡單滋味又抵食。疫情期間推出咗以下優惠:👉🏻正價產品外賣自取九折👉🏻凡惠顧兩款麵或飯類即可享全單88折👉🏻加購串燒6串或以上全單8折試咗幾款店鋪推薦菜式，澳洲和牛船麵、船皇船麵、泰仔奶茶。🌟澳洲和牛船麵$88 （套餐可以自己揀辣度，叫咗唔辣，湯底真係好濃郁，面底揀咗蛋麵，同個湯底幾夾。和牛油脂豐富好正。🌟船皇撈麵 $78 （套餐）材料好豐富，有牛腩、牛肉片、牛肉丸、雞絲、雞翼、豬肉、豬肉丸、豬潤。面底揀咗金邊粉，個醬汁都好香，不過兩款比較鍾意食湯麵。。套餐跟一款小食，咁啱另外兩款冇，要咗🌟單骨泰妹雞翼同🌟泰式無骨鳳爪。單骨雞翼配泰式辣醬幾好食。🌟串燒菠蘿 $12、🌟串燒沙嗲豬肉 $14燒菠蘿酸酸甜甜，沙嗲豬肉都幾香口🌟泰仔奶茶 +$8因為飲品冇得少甜，本身仲擔心好甜，好彩飲唔落又唔會太甜，茶味幾香都幾好飲。📍船皇 @torcharmhk 銅鑼灣謝斐道526號地鋪尖沙咀厚福街7號地

🍴船皇• 今次嚟到位於厚福街嘅船皇😚厚福街出咗名多嘢食 今次咁啱經過 想食個快lunch 於是就揀咗呢間船皇嚟試吓🤣 ————————————————❶ 澳洲和牛船麵 $78+$10升級和牛和牛份量頗多 大約都有五六塊大大塊 不過湯底相對上太濃郁 所以遮蓋咗牛肉嘅味道🥺和牛食落有少少筋 如果下次有機會我可能會嗌返普通牛肉🥺粉麵方面有四款粉麵可以選擇包括蛋麵、米粉、金邊粉和河粉😚 今次揀咗金邊粉 因為覺得船麵配返金邊粉就係最match✌🏻不過食到一半啲金邊粉已經斷晒🥺🥺所以如果有改善就好啦！而蛋麵煙煙韌韌幾彈牙！🤣幾滑身 而且好掛湯 啖啖麵都食到啲汁👻❷ 單骨泰妹雞翼有四隻單骨雞翼 旁邊仲有配上甜辣醬 雞翼一嚟到嘅時候已經聞到好香😚識落好香口 而且都幾入味 同埋最鍾意佢係單骨!! 都幾值得嗌佢嚟食😚❸ 蜂蜜柚子茶(熱)都係樽裝個啲開出嚟 但落得幾多 都夠味🤣冬天點都要飲番啲熱飲————————————————推薦指數: 🌕🌕🌕🌕🌕🌕🌕🌑🌑🌑| 7/10環境指數: 🌕🌕🌕🌕🌕🌕🌕🌑🌑🌑| 7/10服務指數: 🌕🌕🌕🌕🌕🌕🌕🌑🌑🌑| 7/10好食指數: 🌕🌕🌕🌕🌕🌕🌕🌑🌑🌑| 7/10性價比

朋友最近講起好掛住以前一齊去泰國旅行！原來已經係2017年既事😭😭諗起自己冇食過船麵 就去左船皇試試佢😝Set lunch 任何一款船麵配野飲同小食都係$78😆😆仲有四款麵可以揀添~✨船皇船麵有齊牛腩牛肉丸牛肉片雞絲雞翼豬肉豬肉丸豬潤😂😂勁豐富😍個湯底真係冇得頂 濃郁到食唔停口😋我諗唯一既唔好就係船麵份量係會少啲 唔夠喉啊😎✨澳洲和牛船麵 (+$10)之前同事食過佢係咁話好食！和牛肉質嫩不過可能冇咁好彩今次食會有少少筋比較難咬 成本高啲所以啲餸就相對冇咁多款式 不過呢個價錢值得一試😝✨單骨泰妹雞翼 小食揀左雞翼(一個set有4件單骨) 雖然賣相唔算討好 但估唔到咬落係咁juicy同埋好惹味😍😍點埋個泰色醬4件絕對唔多喉😋😋

禁堂食,早食飯,尖沙咀厚福街出名多野食,呢間食船麵超好食所以今次朋友一齊黎食試多款野食船麵由48蚊起,仲有多款小吃選擇配搭,亦可船皇套餐,包飲品+小吃一款無加一收費和牛船麵,麵條有4款選擇,配金邊粉或蛋麵係個人心水可選小辣/大辣/不辣, 個人覺得唔辣個湯底係最濃郁,反而小辣個湯底無咁突出檸茶幾特別,用碗仔上,係帶點香料味既茶底,飲落個味道好複雜,同平時飲到既好不同船麵上有豬皮,和牛4片,和牛用湯底既熱力灼熟,入口仍然好有油香好嫩滑湯麵吸滿船湯底,幾口就快快食完,份量唔算特別大碗,但味道就真係好出色!小食係雞翼,一份4支單骨雞翼,脆香可口,用左泰式醃料醃香再炸,好食炸雞脾配船麵,一份52蚊!超大隻即炸雞脾,本身個皮只係岩岩好包住佢入面雞脾係啖啖肉之餘,仲好有肉汁,係用噴汁黎形容! 估唔到係泰國船麵店食到一隻超出色雞脾!本身帶點香料味,好香但唔會蓋過肉既味道!#船皇 (厚福街)  #船麵 #過江龍 #泰國菜 #船河 #尖沙咀美食 尖沙咀厚福街7號地舖

—聖誕節尖沙咀人山人海，想搵一間餐廳都唔係咁易，最後竟然比我發現尖沙咀船皇竟然唔洗等就可以入座食野，而且船皇過往食過都幾好味，所以聖誕就決定食了你。𝐎𝐫𝐝𝐞𝐫:⧐ 澳洲和牛船麵 | $68*2⧐ 泰仔奶茶 | $21*2⧐秘醬通菜|$14⧐沙爹醬雞串3串|$39和牛船麵黎到好快，而且可以見到啲和牛嚟到既時侯都仲有小小熟紅色，果然係新鮮上盤，絕無花巧，而且和牛仲好腍好好味!而且麵底有4種麵可以簡，有蛋麵、河粉、金邊粉同米粉適合唔同既人士，減肥人士就梗係食蛋啦，貪佢可以低卡低脂嘛…泰仔奶茶好似有小小朱古力味既感覺同本地既奶茶唔同，都係幾好味。秘醬通菜我就覺得不過不失，14蚊個價錢都公道。沙爹雞串3串價錢黎講唔算太貴，但口感黎講有小小乾，但都係好味既，沙爹醬幾出。—📝評分味道 ⁴ / ⁵環境 ⁴ / ⁵服務 ⁴ / ⁵衛生 ⁴ / ⁵抵食 ⁴ / ⁵—📍 船皇 (厚福街)尖沙咀厚福街7號地鋪