花園酒家

營業中

休息中

岩岩同2個fd去花園飲完茶即寫了. 3個人唔洗等位, 個場都幾爆下, 明顯唔夠待應 , 都無咩所謂, 最多揮多陣手姐. 我地點左7個點心: 燒賣, 菜苗餃, 流沙包, 牛肉球, 鮮竹卷, 小籠包, 腐乳通菜1. 燒賣: 一般貨色, 無咩特別, 都係豬肉, 冬菇, 蝦2. 菜苗餃: 個皮都ok, 但凍的3. 流沙包: 完全係凍的, 個餡點流沙都失哂分啦4. 牛肉球: 好粉, 唔鐘意, 可能本人一向都唔鐘意食牛肉球瓜5. 鮮竹卷: 唔算熱, 暖的, 但已經係成枱最熱的點心了, 都係一般水準6. 小籠包: 凍, 個皮超厚好"銀", 完全唔得7. 腐乳通菜: 唔知點解又係唔熱的, 好彩有腐乳點下黎食3個人136落樓, 又見到有蒼蠅飛過, 咁的價錢又係大集團好唔掂, 可能係個別分店問題吧, 葵興果間唔錯的, 下次唔會再去呢間

拎特區護照之前去左花園酒家飲早茶 , 幸好人唔多 , 好易搵位 ,加上個魚池好靚呀 早茶價錢幾優惠 , 款式都幾多 total $114 (連三位茶錢) 鵪鶉蛋燒賣鵪鶉蛋燒賣唔係間酒樓都有 , 難得有就必叫啦 , 鵪鶉蛋大粒好味 , 不過下面既豬肉就太散同冇咩味 三色糕 ( 蘿蔔糕 , 芋頭糕 , 馬蹄糕)一次過滿足左三個願望 . 蘿蔔糕同芋頭糕都有好多蘿蔔絲同芋頭粒粒分明 , 但最好味係馬蹄糕 , 馬蹄爽口配上香甜既糕 , 正!!炸雲吞炸雲吞裹既蝦肉彈牙 , 最欣賞係個甜酸醬碟比較大個 , 讓原個炸雲吞完全點上甜酸醬 流沙包 (3個)有別外面既流沙包 , 蛋黃比例多而香濃 , 雖然唔係流得好勁 , 但好味 !! 京蔥餅外表香酥 , 裹面京蔥超級香同爽口 , 雖然同預期唔同 , 唔錯唔錯 醬油蒸鳳爪鳳爪份量幾多同入味 , 不過冇咩特別 皮蛋廋肉粥 + 腸粉皮蛋廋肉粥夠棉 , 但腸粉就凍同唔滑既總括黎講 , 價錢抵食 , 大部分都係中點 , 食物唔錯 , 加上茶幾飲得 , 下次會再幫襯

這晚阿仙奴作客保頓，同兩個朋友來這裡睇波兼打邊爐。每人$126全包，幾乎可說是平絕旺區。先上來的有免費贈送的蟶虸，麻麻地，好彩每人得一條。之後開始喪點，甚麼肥牛、象拔蚌、脆肉鯇魚、魷魚等，幾乎全都好吃，未開波已幾乎吃飽。肥牛當然不是甚麼高質肥牛，但生熟程度控制得好也非常可口，免費任叫算係咁。象拔蚌也不能苛求甚麼新鮮薄切鮮甜爽脆，只是質感仍在已是超值，而且當天的象拔蚌亦頗為鮮甜，極度推介。最正係啤酒汽水及其他飲料一切任飲，不知不覺間喝了半打啤酒。球賽結束，阿仙奴宣布四大皆空，小弟非常高興。食物質素不俗加上免費任點，令小弟由吃飽變成吃滯，痛苦了好幾天。不過我仍然非常推介此酒樓，尤其是它的電視又大，客又少，可以盡情吃喝和專心睇波！

因為調假的關係. 星期一有一天的假期. 令到清明節假期可以連續的休息三天. 不過, 早上還是被公司安排了一個小任務. 走左出中環處理. 下午回到九龍. 原意是為了幫BB辦證. 可是我們沒有事先預約. 下午去到, 派哂籌了, 碰了一個釘.辦唔到證, 野又未食. 想找一間齋鋪又好似要行好遠. 臨時臨急的, 就近近地找家坐得舒適的酒樓, 而且又過了兩點半. 我們3大1細, 嘆返個下午茶.太太及外母大人, 均是素食者, 當然要為她們安排精美素點, 而花園酒家確實令她們開心. 除簡單的奶皇包外, 仲有素腐皮卷, 同一個竹笙羅漢齋炒麵. 我就要了兩個係市區酒樓少見的點心. 豬膶腸同鵪鶉蛋燒賣.先說葷食. 豬膶腸, 係酒樓既點心牌當中, 的確是一個極少見的點心. 因為豬膶易熟, 熟過頭會變得粉粉的, 好難食. 所以豬膶腸的製作, 一定要即拉即上. 才能夠保持到豬膶的滑溜同鮮味. 酒樓, 大堆頭的製作, 是很難有即拉腸粉的. 做得出好味的豬膶腸, 是證明了此酒樓的廚房有一個對腸粉的執著, 即拉, 即上, 所以, 我的腸粉是最先到的點心. 腸粉皮薄, 煌韌又滑溜, 豬膶熟得剛剛好, 而且又大大片, 香口

我地太肚餓啦....18:30就去左打邊爐~~~~~去到....未叫野食就黎左2隻帶子啦~~~~佢好好已經計好哂所有既錢, 如花生, 豉油, 茶呀等等~~~~任飲任食, 所以點了很多東西:先黎牛肉, 雖然唔太好好.....不過任食黎講, 呢度算好好啦~~~叫左好多野食, 有鱔, 雖然唔係一塊塊...係一條條....不過老實, 佢好新鮮, 真係好味咖~~其他都不在話下啦...不過我欣賞佢個調味bar, 咩都有, 有10幾種, 你想加咩任加...鮮鮮蝦滑: 無味, 唔彈牙 ----------> 不過任食係咁啦~唐生菜: 新鮮金菇: 可以.......流沙奶黃包: 少量流沙汽水, 啤酒任飲...服務都唔錯, 不過我地可能太早去啦, d waiter 仲未係作戰狀態~會再食, 因為真係好抵食, 呢個價錢有多款選擇好抵~

今晚一家叫了半席(6位）全包宴$1380,其中西芹炒帶子，帶子唔新鮮，頭抽煎中蝦，細隻又唔新鮮，紅燒雞絲珍珠翅，更加嚇死人，竟然夠擔用素翅，除了一條一斤魚及糯米飯、紅豆沙之外，其它餸菜都好唔得，真的是浪費金錢及難為了肚皮，真的唔明白這些餸菜點可能成為半席全包宴，普通小菜質素都好過它，我們一家決定以後都唔會再去食飯。及提醒各位食家睇清楚它們的全包宴，真的騙人的，請小心。

一月十一日 (星期二)是日特別日子,11年1月11日(五條煙)夠綽頭,同事們決定慶祝一翻天寒地凍,決定打邊爐由打邊爐專家威廉發板我們到了油麻地的花園酒家任點任食的,還包飲品食物質素真的不錯,唯獨落單上菜欠準值得推介的是肥牛和羊肉雖是任點,但質素仍能保持吃到尾聲,本想點些菜清清腸胃的但等了很久還沒來到....最後只有放棄

31.12.2010去年是與一個好姊妹在這酒樓打邊爐, 然後去看"阿凡達". 今年就與另一個好姊妹及妹妹, 一共三人, 又來這裡打邊爐. 原來只有三個人是不可訂座的, 但幸好我們在七點半到達時仍然有細枱給我們.任飲任食, 所以點了很多東西:肉類:- 肥牛: 很大塊, 有牛味- 象拔蚌片: 出奇地厚肉, 大塊, 而且好鮮味- 醉翁雞中翼: 問過阿姐這個雞中翼為何叫醉翁, 她話用了些酒來調味雞中翼, 但我們完全感受不到, 我們只食到有咸味.....丸, 餃類:- 鳳城水餃: 皮薄, 餡有很多, 正- 鮮墨魚滑, 鮮蝦滑: 令人失望, 無味, 而且不彈牙- 芝士腸, 包心芝士丸: 一咬下去就勁多芝士爆出來, 大家都食了很多- 四川麻辡丸: 丸內有豬肉, 而且有很多辡油, 就算唧了辡油出來仍然很油, 不吃也吧- 黑椒牛根丸: 大粒, 好味- 爽口墨魚丸: 出奇地細粒, 失望海產類:- 白鱔片: 都算多骨, 所以食了少少就放棄了- 炸魚皮: 好脆呀, 不咸蔬菜, 豆類:- 鮑魚菇皮: 真的很大塊呀!!!- 山水豆腐: 好大塊, 好滑, 但它比其他一般山水豆腐硬一點, 所以不會很容易爛- 鮮冬菇:

平常返工的日子是沒有機會在下午ニ時多上茶樓飲茶的,所以對這些下午茶特價優惠時段向來對我這些打工仔來說是無福消受.難得這天獲得一個千載難逢的機會,於是在這個比平常午飯時間推遲了兩個多小時的下午二時半來了這裡.看見全場滿座才發現,原來下午是這麼多人還未吃午飯的!牛肉腸粉----腸粉皮薄滑豉油偏咸了一點,免治牛肉餡料內混入了些馬蹄粒豐富了口感.上湯浸娃娃菜----娃娃菜本身已有甜味加上濃湯一灼,有點"漏"的感覺.生菜魚滑粥----粥僅煲至爆花未至於是棉滑,吃一口有種奇怪的感覺,怎麽好像淡淡的只得魚肉及生菜的味道?原來是沒有味精在作怪,這粥就只得食材的原味!吃到沒味精感出奇,有就覺得是正常,真悲哀.炸雲吞----雲吞皮夠乾身夠脆油份亦少,餡料有點爽彈的蝦肉吃起來本應不錯,但想不到竟出事在酸甜汁上,這個汁完全是水的質感!就算直接淋下去,汁也掛不到雲吞皮上.山竹牛肉----其實點叫這個就應心中有數吃到的會是一團粉,只不過是滑與不滑及牛肉成份有多少罷了.這裡的做得滑沒有筋膜在內,牛肉味亦有一點.腊味鯪魚球----確有非常多的腊味粒在內,鯪魚的味道亦不弱.只是粉的比例多了一點,吃起來有點實.灌湯餃--

唔知大家睇完相有咩感覺? 有否被騙過?事源和幾位朋友去慶祝生日兼聚舊, 某君提議來這裡, 埋單才知道是138一位! 雖然這類宣傳人法不算新鮮, 但你也不會expect價錢是原來68的一倍有多!真的有點缺德, 無商業操守可言... 至於食物就一般, 可取的是這裡提供了嘉士伯和Jolly Sandy等飲料。總括來說, 我相信不會再來, 不是價錢的問題, 而是不滿其經營手法。閣下自行判斷吧!

幾個鐘頭前,(即係9點鐘)去完呢間花園酒家打邊爐.....要提早幾個字去登記拎籌(穩陣d),準備9點開始.........................9點前$136/位,9點後$116/位(已包.....湯底,任飲任食,花生一小碟,醬料,加一服務)..限時兩個半鐘~~~我坐左2樓~!!! 湯底:有大約6個比你選擇,4 人或以上可多兩個湯底選擇,之後我選擇左沙嗲...好淡而無味,好在可以自行去醬料台度,無限次添加~~ok 啦~~~ 食品:種類多..都新鮮...用左好多出名牌子的食品,例如:出前一丁,都一烏冬,靚蟹柳,d丸又無雪藏味,d魚真係有鮮魚味,又有(象不傍),午餐肉0既味道,就係平時落街食早餐果種,仲送左兩隻大聖子,還有兩至三籠點心可比你落單tim~~食品總結:唔差~~~~!!種類繁多~~~!!! 飲品:有啤酒(+事伯),百是可樂,美x達橙汁,7起,,裝里&新迪,以上全罐裝飲品,衛生好好~~~仲有酸梅湯,仲有兩款涼茶....~~~ >>呢個品牌啤酒唔係度度打邊爐都可以免費無限次飲用~~!!!! 環境:地方企理...冷氣如可開大小小,就更好~~

食物款色多, 質素還可以。百事, 嘉士佰任飲!!! 超抵!!!! 鍾意食丸類一定會好開心, 因為有芝心丸, 蟹籽丸.....等等 諗得到都有~!!! 仲要有一包包嘅出前一丁 牛肉每碟得 3-5塊, 每次落單都要叫幾碟先夠食~ 湯底方面, 蕃茄肉碎, 讚!!!! 好濃蕃茄味~~

兩個人叫了:牛肉粥 - 滾燙熱辣,牛肉滑,有幾棟白菜仔又幾夾.薄撐 - 不油,邊又不硬,好食!小籠包 - 有水準的出品.齋腸粉 - 完全O.K.蒜茸蒸南瓜 - 只看見少許蒜茸,但食落幾清香又甜.一大點,四中點,埋單$80,(點九落單)不知是午市價,還是下午茶價?

$128任飲任食送左蝦平時係屯門食開80蚊蝦同蠔都任點任食有比較之下覺得佢比較貴不過有樣野好好就係可以自己混醬一般酒樓唔提供ge甜醬佢都有law左枝菊花露飲唔錯啤酒氣水個d同埋"左你仙地"都任飲因為得我食牛所以係點點單寫左1但都黎左一大碟最好食係d蝦滑真係好好食~絕對值得推介而且一般出面都無蝦滑提供其他菜丫肉個d無咩大特別d丸就街外貨係街市買得到個d而且有電視提供可以睇波雖然我地唔睇但一入波會感覺到震因為d人會大叫同時有樣唔好就係d員工叔叔會偷望電視不過要落單都唔難搵佢地d野食算黎得快不過d枱有d油淋淋同埋有限時食過時要加錢但我地食左個幾鐘就飽所以唔知過時要比幾多錢總結唔錯想睇波有氣氛可以黎lee到

一行六人訂枱打邊爐 (朋友仔推介, 因為$128包晒)送4-5隻蝦同6-7隻帶子, 有朋友唔食帶子, 我就食左幾隻, 一般啦有多款湯底揀, 點了 肥牛, 墨魚滑, 蝦滑, 炸魚皮, 白鱔片, 芝心丸, 蟹籽丸, 貢丸, 雞片, 牛片, 支竹, 芋頭片 草菇 菜etc (丸類其實是一般佳寶貨色, 墨魚滑蝦滑較稀不彈牙)有朋友喜歡食雞子, 鵝腸, 我就喜歡鱔片+肥牛佢走左一個單: 黑豚肉侍應服務好, 不時加水, 上菜又快, 我們唔寫紙, 單叫炸魚皮, 經理立即拎來, 抵讚雖然說任食2個半鐘, 1個多鐘都已經飽飽了