英發茶冰廳

營業中

休息中

最近甚少包評糕評，今次真的覺得好吃的又不妨介紹一下給大家，今次的主角是一個靚蛋糕。這個蛋糕看其顏色就知道焗得很好，焗過的面層香味甚是誘人，再細嘗下去感覺到蛋糕的除了夠細密外，蛋香味也甚出，十分討好。很快就吃到底層，感覺到比較油，原來在底層的中間加了少許蓮蓉，不會太甜，也挺夾這個蛋糕，這到底是不是舊式的做法，還是店方的特別出品，有機會會請教請教。再要一個剛出爐不久菠蘿包，吃的時候還是暖，新鮮出爐的包大多會好吃，當然這次也不例外，這兒賣菠蘿包的人不少，所以會經常出爐。同樣做得好的，是這個包的細密度很高，吃下去有飽足感，而面層可以拆下來皮的皮很香很鬆脆，如果再厚身一些，感覺就會更實在(第二次吃的時間，做到厚身一點的，我想放一塊牛油吃，會是無敵的吸引)，三元就得來的美味，經過不妨來一個吧。人家多年屹立不倒，總會有點本事的，可否看到他們的本領，有時倒是要碰碰運氣和多加嘗試。

九月上旬．晴餐包之旅，是在這裡開始的。在一個周日的早上，練跑完，想吃點東西。不能太多，不能太「虛」，要實在一點的，不能太油膩，身隨腳走，來了這裡，是個推介的地方。有不少的麵包是新鮮出爐的，但目標明確，不作他想，就要了餐包一個，熱咖啡一杯。這裡的餐包，四四正正的，是老實的做法。有硬邊，烘起上來必定香脆可口。專業推介是如果可以有得選，要選旁邊的一排好吃一點，極品，就當然是四隻角的那幾件，原理就如吃西多士，如果喜歡香口一點的，必選四周的幾件一樣。包本身質地綿密實在，但吃起來口感卻很鬆軟，有水準。味道方面，微甜又有麵粉香，配以牛油，會更好吃。果然很不錯，是很好的推介。熱咖啡香濃，始終在這等地道茶記，這一味熱咖啡，不會太失手的。是吃得心滿意足的離開。

睇左食評,先知原來成日經過的地方有寶懷舊的冰室,一入門口就撞..因為佢係封左膠幕既.只要係左手邊拿過去右邊就開到,但我就唔知,好彩老闆娘開(門)俾我...-_-入到去叫左特餐,有沙牛麵+腿蛋甜餐包+(冬)奶茶最先到係奶茶,奶茶飲到少量奶味和茶的澀,這可算是我飲過的最特別.然後是沙牛麵,麵自己覺得軟得仔,但牛肉卻有點爽口,很有趣,而且我還在湯中找到薑絲,所以湯會飲得出有少少薑味,很是特別!最後是腿蛋加甜餐包,都是很普通,沒什麼特別,但份量略少,所以有點不抵食的感覺.最後,可能同前一位食家說的一樣,這家店吃的可能不是食物的資素,而是店中的一點味,就左我剛坐下的時候,見到人地座著等卡位,侍應就講左句: 係LO,坐埋去,等佢有壓迫感,就會走快D!聽了以後,笑了.但那位乘客會有點不快吧?而且一提的是廳中的感覺很懷舊的,還可以見到字是由右寫到左,還有一些食物很有趣,如:公司意粉(令人好想知道有咩材料)還有鴛鴦刨冰,(應該會很好吃的?!)仲有不知為何單叫火腿蛋要$21難道份量很大?!總括來說,我發現了很多迷,有機會左解答吧!

六月十三日 (星期日)出發到上海前,在機場買了本飲食雜誌,才得知有英發!還說他的麵包好吃,特別是麵包皮呢,所以我們回來後,定必要試試老公仔說要試試多間舊式茶餐廳呢第一間就是英發了!下著雨,行了10分鐘,就從地鐵站行到了英發進了店子,店子小小,人不是多,但是都沒有卡位座不要緊,一邊吃一邊等我們都點了特餐不轉米粉,想吃吃麵,因為都有一陣子沒有吃過沙嗲牛肉麵了先來了炒蛋,午餐肉麵包麵包都可以,鬆軟炒蛋是普通貨色呢沙嗲牛肉麵,忘記了轉出前一丁,所以吃福字麵都不錯,牛肉軟硬適中,沙嗲味道濃!老公仔加了一個蛋撻和椰撻,味道不錯,皮香脆,但是蛋漿不夠濃整體上不突出,但是舊式的茶餐廳都要到到去影影相呢!!!!!

12月31日, 大除夕, 又係早放嘅時候, 所以去咗觀塘接呀菲放工, 除咗apm之外, 觀塘俾我嘅感覺就係一個舊區, 會有又平又好食嘅店舖~ 行行下見到呢間英發, 裝修似係五十年不變咁舊, 價錢又合理, 就食個常餐先~::: 火腿蛋 + 沙牛麵 + 凍奶茶 ::: $23 + $2火腿蛋煎到剛熟, 冇乜油, 火腿略為乾, 反而餐包幾鬆軟, 微暖, 內裏搽咗牛油, 比其他茶餐廳好~沙牛麵用上伊麵真係有d估唔到, 伊麵淋得滯, 湯底用咗福字麵嘅味精粉, 求其咗d喇… 另外就只有牛肉有沙爹味, 牛肉係幾淋同幾入味嘅, 不過同味精粉搶味, 麻麻地~一路食都見到唔同麵包不停出爐, 伙計一盤一盤新鮮熱辣麵包由廚房拎出門口, 擦身而過嘅麵粉味十分香, 好想叫多個菠蘿包食, 不過俾呀菲阻止… 而我地黎食嘅時間撞啱下午茶, 好多呀叔都黎飲杯茶食個包, 唔知佢地個口係咪擘唔大, 個個都禁到個包扁一扁先食~ 好有趣~ 食物黎講其實只係可以接受, 不過對住咁舊式嘅裝修, 伙計, 同環境, 令到食物好似好食好多~

連鎖飲食集團講賣點是多元化,但總認為本份都做唔好,往往顧此失彼.入正題先,在英發食了一個火腿公仔麵,水準都可以,唔使講太多熱奶茶係今次幫襯的最大驚喜,小弟呢個奶茶怪都覺得係水準之作,茶夠熱,飲落唔會鞋口,加半茶匙糖都夠味,買左個腸仔包$4-留返夜晚食,咬落去,有質感,有細個返學時一路行一路食包的感覺,舊式茶餐廳,環境一般啦,待應態度都算殷勤,應該會再嚟幫襯,當懷舊吓

喜歡懷舊既... 一定會喜歡英發....唔知佢地有無30年歷史呢??英發真係好懷舊, 真係真真正正﹐阿媽口中既<冰室>今時今日既香港, 真係少之有少.(當然唔計個D玩懷舊既時髦茶餐廳)佢地D抬抬凳凳, 真係張張都比我年長啊! 因為係好舊式既﹐ 所以, 都係細細張既D抬凳!鐘意食飯食得鬆動既朋友們, 可能會唔OKAY0魯~佢D面飽, 長期出爐, 又香又熱, 好正﹗茶餐因為我覺得無特別之處, 有比其他茶餐廳貴, 所以我每次去, 都係幫襯飽飽. 嘻嘻通常幫襯佢既甜餐飽, 超正﹗我見好多C奶阿叔叔都史波羅... 但我試過.....唔夠太子間金華好味! 其實英發都好, 但略為甜左D.......奶茶﹗ YUMYUM!!想順帶一提, D WAITERS 係同澳牛個D不相百仲. 哈哈但 我OK既, 因為我好少理既, 我至在食之嘛~

此乃小弟第一個既食評....(唔知講乜好添....)好啦,,,話說, 這天小弟做完lansik第二天, 出黎覆完診, 見有空, 就臨返歸途中, 去食下野先...(事關早餐都未食.....唉)眼見觀塘一帶, 係平日咁早既時間, 小弟非常旱見咁出現係樹, 就週圍搵下邊d係有好舊d冰室之類, 食個「早餐」....行到呢個觀塘街市呢頭.....有種好陳年既回憶.......但行下行下......俾我搵到間英發茶冰廳.......唸唸下.......呢間野好似自出我啊娘個胎出黎都未黎過呢間野度幫親過喎~ 好~! 胆粗的試一下......入到去.....um........好暗下........(岩晒, 隻眼唔想咁用神)...........之後還顧四週(係咪咁寫啊!?), 眼下d人食乜多先.....有個食常餐.....有個食豬排咩意粉(唔知燴定炒) --- 好似幾好食咁喎....咁睇下有無其他料先.....有....「沙爹牛肉」!?二話不說~即叫人落order:「唔該, 沙爹牛肉炒意粉, 飲凍奶茶, 多奶少冰....」個位哥仔即時用佢既出奇之意回應我:「多奶少冰!?」跟往佢就唔理我走左去....

十一月下旬‧寒冷約了食友午膳，路經這間茶餐廳，有新鮮出爐麵包供應，見剛托了一盤椰絲包出來，叫人怎抗拒？就立即要了一個。包很熱，吃起來很是鬆軟。內裡的椰蓉跟雞尾包的餡差不多，又香又甜，是我所喜歡的。加上灑在面頭的椰絲，轉眼已吃完一個。只是4蚊，便宜得很，且看回頭時，又有什麼麵包出爐？

今日係新年既第3日,但我就3點先食lunch。因為我要上堂ma。叫左個鮮茄雞柳飯(少味精)，見到都好多汁吓～但覺得蕃茄就少左ｄ，半個蕃茄都冇，咁慳做咩？食落去其實又唔算太重味既，但食落去都知佢加左ｄ咩料！其實呢碟真係一個名副其實既鮮茄雞柳飯。真係無乜特別～食吓都無所謂既～

踏入這裡，你就感受到這是一間位於觀塘舊區內旳茶記環境絕對是舊式.沒有服務可言，但感覺也不太差這裡選擇很多.碟頭飯.還即叫即炒.夠味道夠鑊氣又來這裡.差不多三點.飯市已過.吃下午茶坐下後就要一個下午茶餐腸仔，蛋通粉餐，飲奶茶腸仔現成貨不過不失，太陽蛋的蛋白也幾滑通粉煮得剛好，幾彈牙不錯但是湯底飲得出係味精湯，食完都有點口渴個奶茶調較得都ok 廿三蚊.係呢區算係合理了服務方面是可以的，經過這裡的話都會繼續光顧

我在觀塘多年也會經常在街上行走但總是與這間的茶餐廳擦身而過。原因是覺得很殘舊的感覺而且周圍也有很多食肆為何還要走去這些店！昨午因為某些原因，同友人來到這裡。間鋪頭比較舊，應該經過了好多年吧！座落去，叫左個叉燒乾炒意粉同凍奶茶。乾炒意粉都 OK WOR因為即炒，所以熱同幾香。味道唔會好重味精，又唔會好油。而凍奶茶就唔夠奶，下次都係叫多奶先。

在觀塘一帶辦完公務，又是時候去尋吃。對APM內的食肆全然不感興趣，決意走遠一點，去尋覓區內的草根美食可也....從網上找到了這間冰廳，沿着地圖找啊找，原來就是身處從前經常乘中轉小巴回家的車站附近。看見放在門前的"出爐麵包陣"，心裡湧出了一種似曾相識的感覺....找到了個四人卡位坐下來。在這類茶冰廳，吃午餐永遠是最抵吃及穩陣的。不過在午飯時段，自己對這些甚麼义燒湯意及火腿奄列委實是興趣不大，總覺這類東西在早餐時份吃是較適合，故此便棄之而取牛肉會意可也....例牌喝一杯茶走打頭陣。奶味及茶香味皆薄，入喉只覺點點澀瀝，感覺蠻不好受.....意粉現叫即製，入口仍是熱騰騰的，不過這已是唯一的好處了。粉條是一貫港式茶記的出品，腍得要命，這已是一早預料的結果，也可說是冰廳處理食材的慣例，不稀奇；茄汁獻味色水甚淡亦很稀，乏味；牛肉顏色像已被漂白水處理過一般，暗啞無光，咬下去只感是在吃一塊腍軟的膠狀物體，感覺完全不似是在吃肉.....所以一直也認為，到茶冰廳去懷舊一下是完全沒有問題，但對於食物方面，還是不要有太高期望.....

我幫親左成七,八次啦前日又入觀塘APM睇戲之後帶咗女友嚟試無咩客,得1台客,我哋變左第2台客,叫咗:一個常餐$23,一個黑椒朱扒火腿蛋飯$28常餐包括义燒通粉+多士+炒蛋+火煺+熱華田义燒和通粉都新鮮，比一般茶餐廳略好兩塊多士都很厚,麵包內很鬆軟而面則很脆口算是我吃過最好吃的厚多士炒蛋的水準比佐敦的澳洲牛奶公司更好蛋半生熟,充滿蛋汁很滑口,火煺則一般朱扒火腿蛋飯,個黑椒汁好香, 塊朱扒好好味火腿同雞蛋就無乜特別,但我哋全部食晒記得當時得一個伙記,一個收銀,一個老闆,一個廚房感覺到呢店制作好有誠意,給予我親切感

逢星期日我都會去英發打躉這間屹立於觀塘少說也有三、四十年的老店就絕對是此區的代表.門面及室內真是好懷舊仲記得第一次黎英發.係我小學一年級開學.當日媽咪帶我黎食早餐記得早餐八個半.午餐九蚊凍飲加五毫.不過往事祇能回味回到現實:老實講這處食物唔係太特別最鐘意呢度既早餐沙嗲牛意粉同公仔面足料得黎又夠味,唔會求求其比d野你食跟餐飲品，我覺得熱奶茶幾好喎,夠濃而且夠滑至於凍飲就要加2蚊.其他食物大部分都係普普通通店員服務很好,就好像老街坊一樣.很有親切感我覺得食物好不好吃也是其次最重要黎呢度係食氣氛.又多了一個回憶地方