茶屋町 (長沙灣道) (已結業)

去黃金買野，行過諗住入去醫肚。一入去人手極不足，得一個十幾歲細佬係樓面，落單收枱收錢一腳踢。整個水吧枱全是收完未洗的污穢碗碟。唔知放左幾耐都冇人處理。廚房跟本冇人理啲碗碟。坐底見餐牌啲野都唔平，深水埗區來計算貴。叫左雞排烏冬，等足半小時先到，等待期間一個呀叔等外賣企左半個鐘不停粗口問候。個烏冬極普通，個雞排又鹹又乾，樓下茶記水準，食完走人，完。強烈建議大家趕時間唔好黎，想食好野諗諗，介紹環境衛生諗諗。

小編同朋友喺深水埗呢個美食天堂食完晚飯見有啲時間梗係要搵吓甜品食。我哋搵咗呢間充滿日系感覺嘅茶屋，食完就當一齊去咗個小旅行👭🏯🎏🍡。《抹茶千層糕🍵🍰》平時食千層糕，最怕啲奶油太肥膩同埋餅皮雪得太硬，呢間店鋪做得幾好，完全冇呢啲問題，入口即溶而不膩。加上中間有一層紅豆蓉🍭，除咗美觀外亦口感豐富，同時中和抹茶奶油🍵的肥膩感。《茶屋宇治金時巴菲杯🍵🍨》講到追求口感豐富、講求配搭新穎嘅你，一定要試吓呢一個。一杯甜品🍧，以濃濃嘅抹茶雪糕搭配六種配料🍬，包括綿滑嘅紅豆蓉、米通、穀物脆片、蜜柑、同埋啫喱。而且仲有兩粒抹茶味糯米糰子😚一次過滿足晒花心嘅你。《混合抹茶雪糕🍦》如果我想食多啲雪糕，可以揀一款。混合味雪糕嘅白色部份係牛奶雪糕🍼，牛奶味非常香甜，口感幼滑，旁邊仲有4粒煙煙韌韌嘅糯米糰子🍡，食完即刻feel到滿滿嘅和風🗻～

由內而外都似日式小店，行入店內更像火車卡箱放了不少宮崎駿的海報頗有温馨感覺餐牌選擇分了丼飯和烏冬類，類別不多但算應有盡有👌🏻看到了期間限定就決定了🤩一飯一烏冬剛剛好跟了麵豉湯和一份伴菜，非常豐富。麵豉湯帶有蟹的鮮甜美，有驚喜👍🏻而豚肉煮入味，少少重口味，適合配飯蟹肉、蟹膏和三文魚籽的份量都不少🤩🤩撈飯滿滿一口鮮味，蟹味充足，蟹膏亦夠濃滑👍🏻鰻魚冷烏冬: 鰻魚原條上！喜歡冷烏冬的溫度剛好，夏天食一流！而且烏冬偏粗夠彈牙，配香軟的鰻魚正好👍🏻/整體性價比高，2人食完後連甜品都食唔落了😶唯有下次再試芭菲😋

又係呢到深水埗找好好味食的時候.呢排鍾意食日本嘢 見到長沙灣道有間日本嘢就入去試下.呢度餐牌都好多選擇 午飯時仲有特價套餐首先就叫咗一 客 鰻魚飯 配上麵豉湯鰻魚有半條 鰻魚好肥美 燒到焦香 咬落去魚油會漏出 香味可口. 鰻魚飯用上日本珍珠米 粒粒 煙煙靭靭 可口美味之後就加多一 客明太子雞一刻明太子雞翼總共有兩隻 大大隻雞翼 之中 釀 入明太子 雞皮煎到香脆 一啖咬落去 雞油參透明太子的肉當中 非常之好味雞肉鮮嫩 多汁 食落唔會 乾 口最後叫番杯柑桔檸茶 又係完美的一餐

今日來到位於深水埗站長沙灣道旁的茶屋町吃個晚飯，鋪面的裝修設計是日式簡約風格，甚有日本風味。店內近門位置有甜品展示櫃可供外賣顧客購買，十分推薦大家品嚐布丁燒，要注意的是很早就會售罄喔菜單上有烏冬，丼飯及，甚至意粉都有，款式十分豐富，我點了兩款主食和一杯飲品，分別是芝士唐揚雞丼（$65），汁燒雞排烏冬（$77），可謂無雞不歡呀！飲品則是雪糕抹茶牛乳（$30）上餐速度也很快，先給我們飲品解渴，過5款雪糕抹茶牛乳抹茶和牛乳的份量配答得天衣無縫，抹茶味十分清香，通常飲品我會點少甜但甜道適中，抹茶牛乳上面還有牛乳雪糕，食客可點抹茶味，牛乳味或混合味雪糕，牛乳味雪糕奶味濃郁，喜歡牛乳味的食客一定要品嚐一下！ 隨後芝士唐揚雞丼也上餐了，我看道上面的芝士和醬汁已經感覺到飽濟感，海量的芝士包裹著脆皮的雞肉，芝士豐富到可以做到拉絲的感覺，芝士控切勿錯過。這個丼的份量很多，加上濃郁的芝士，隨餐還附送了一小碟日式叉燒，味道很好肉質鬆軟，醬汁能夠帶出肉的鮮味，非常好食。如果有這款叉燒的烏冬，我一定會十分喜歡！ 最後汁燒雞排烏冬也上菜了，顧客可以因應個人喜好選擇不同湯底，所以我選擇了冷的烏冬湯底，好有日冷面感覺，

今晚和朋友食飯 又去常幫襯既日式小店。鍾意這間小店除左食物好食價錢合理， 亦愛這裡的裝修佈置。火車車窗內看見了少時喜歡既宮崎駿海報。回想起不少回憶。今日朋友點了鰻魚烏冬。 鰻魚都好大條又好味。 比起其他店鋪都算大份抵食。我點了燒豚肉烏冬。 豚豬係五花腩但食落一d都唔肥。 我最鍾意係佢地既堅魚湯底同好彈牙既烏冬。最怕烏冬煮到林林的唔好食。 這裡既烏冬剛剛好。朋友點了抹茶牛乳。 今次佢地轉左個杯。成個雪山咁好靚好又feel.  朋友話抹茶味香又濃。抹茶控既朋友超愛。打卡一流。我地今次又試左個星空羊羹。店員說藍色的是由蝶豆花中來的 用上日本既寒天 加上椰汁同紅豆。藍色中有閃閃既星空，有淡淡的清酒香味。唔太甜 清爽的。香港很少見這個甜品。炎炎的夏天最合適。店員友善服務都很好， 在深水埗很少這種特式小店。

深水埗出名多好嘢食，今日同朋友經過一間日式餐廳，望落環境都幾舒服，價錢又幾公道，就一於入去試吓。餐廳係掃QR code落單，都幾先進。汁燒鰻魚丼原條鰻魚都厚身，啖啖鰻魚肉，超級滿足。汁燒得啱啱好，好入味。加上芝麻同埋紫菜，增加層次感。仲有一碗牛肉小菜，都有成5-6粒牛肉粒，好抵食。照燒雞扒烏冬上菜的時候，首先能夠聞到非常香的鰹魚味，先試一口湯，湯頭非常之濃厚，不會太鹹，配烏冬吃非常可口。 烏冬烹調的熟度剛剛好，咬下去堅韌有小小彈牙，不會煮得太淋。 照燒雞的醬汁很香，而且還有少少的焦香味，雞扒嫩滑多汁，配著烏冬食，很美味～炸南瓜薯餅$24有4好大塊嘅南瓜薯餅，南瓜味都幾濃，個蓉好creamy，2-4個人食啱啱好，配埋沙律醬更好味。餐廳仲有好多好吸引同埋優惠嘅甜品，不過我哋實在太飽，下次再試。整體而言，今晚食嘅嘢都幾好味又抵食。

歡迎乘搭開往「茶屋町」的列車牆身嘅車窗勁有日本懷舊列車嘅感覺💺!🔖 燒豚肉烏冬豚肉切成薄片並配以秘製燒汁都唔錯嘅 不過如果可以再脆邊啲就正喇ദ്ദി˙◡･)同埋份量太多 竟然有約10-15片!!食咗一半有啲膩 然後宣布放棄嚕～湯底揀咗鮮甜嘅鰹魚湯 還好 但淡味啲啲更好

約左朋友見面，途經茶屋町，見肚餓就決定入去試試。裝修充滿日式風格，乾淨企理，而且難得個位坐得好舒服。於是叫個芝士唐楊雞肉丼，另加20蚊轉特大盛，有埋吉列大蝦鰻魚同埋溫泉蛋，幾抵食。雞肉丼份量充足，兩個人分享都很飽，芝士味濃郁，同雞肉好配合。雞肉丼有幾層芝士，睇樣都令人胃口大增，雞肉炸得幾香口，幾軟滑，同芝士一齊食落口，在口中混合，口感豐富味道濃郁另外配菜吉利蝦炸得幾鬆脆同鰻魚都唔錯，少少焦脆配埋醬汁，味道香甜，口感軟滑。溫泉蛋相當有水準，撈埋落飯一齊食一流。再叫了茶屋混合巴菲杯，內里材料充足，宇治金時雪糕，內有好多脆脆和紅豆，外貌和味道一流。飯後再加甜品，非常飽肚和滿足，結帳時每人一百元都不用，真是性價比十足。

去深水埗買完野經過見到呢間日式餐廳，又係晚餐嘅時候，就入左去試下～見到餐廳有好多宮崎駿嘅作品，加上係鐵路嘅風格，感覺都幾特別！薄燒牛肉丼牛肉燒得好香，仲一啲都唔油膩！牛味重而且有肉汁～牛肉汁都好多，撈飯食一流😍汁燒雞扒飯(大盛。吉列大蝦+鰻魚+溫泉蛋)見餐牌可以+$20轉大盛。吉列炸蝦外皮好酥脆，蝦肉彈牙！鰻魚都好肥美厚肉～雞扒好大塊，燒得好香，雞肉多汁嫩滑。白飯上面加左啲飯素，好好味😋加左大盛嘅餐份量真心好多，食完超滿足！墨魚腸純手工製嘅墨魚腸口感同味道都非常好，彈牙嘅口感，味道又唔會太咸！檸檬烏龍茶蘋果紅茶

近排無咩食神福份, 經常幫襯D唔多掂檔嘅餐廳.連一D幫襯過唔錯嘅餐廳, 都轉為差劣, 發生咩事?今日同女友食咗個早餐, 之後忙到中午飯都無時間開, 所以出深水埗一落巴士, 女朋友已經話肚餓要食飯!大家都知, 女友發火, 非同少可! 即刻食飯!見到茶屋町, 係門口望望個餐牌都算啱咀形, 即刻沖入去.汁燒鰻魚丼同咖哩和牛漢堡係自己心水, 另外女友想食明太子雞翼同炸薯餅....好好好, 叫叫叫.....怕咗佢!餐廳雖然店舖細細, 但出品又唔錯喎.....初時以為鰻魚飯好細碗, 食落先發現個碗中間係凹陷, 成碗飯份量充足, 而且好明顯用上日本珍珠米, 再加上味道帶甜嘅燒汁, 滿意!鰻魚原條上夠哂台型! 鰻魚入口即溶, 好味到女朋友掛住食都唔理我!牛肉漢堡係另一個讚, 入口無渣無根, 好似食緊蒸牛肉餅, 唔需要點咖哩汁已經好好味, 日本咖哩汁一直唔辣同樣味道帶甜, 再配埋粒粒分明嘅珍珠米, 滿意x2.明太子雞翼同炸薯餅同樣超熱辣咀, 食果時要留心. 雞明太子份量不少, 炸著餅外脆內軟而且內餡加上奶油, 更加嫩滑!原本想話食雪糕，滿腹食唔落，可惜！哩餐女朋友話好滿意！我話知道啦！食到褶褶聲唔理我！

👍🏻芝士唐揚雞肉丼 $76雞肉好嫩滑！雞皮仲脆卜卜🤪雞肉份量都幾多，可惜唔算好熱辣辣用左兩種唔同既芝士醬，好重芝士味，可以拉絲😛餐廳每次都會送唔同既小食，今次送左鹵水腩肉，味道都唔錯，不過瘦左少少整體份量好多，食完勁飽😂😂味道：7/10性價比：7/10-📍#茶屋町深水埗長沙灣道217號地舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #深水埗 #深水埗美食 #深水埗好去處 #深水埗打卡 #芝士 #炸雞

深水埗出名多美食，想不到在鬧市中發現到一間很有日本風格的餐廳。這間「茶屋町」位置很接近地鐵站，很方便。一入店舖，就被裏面充滿宮崎駿作品吸引住。他的點餐方式是使用QR code，很方便。我們叫了兩個套餐，加一個小食。汁燒雞扒烏冬和汁燒鰻魚丼，還有明太子雞翼。首先，明太子雞翼炸得很有肉汁，裏面明太子很飽滿，很好味道。汁燒鰻魚丼，鰻魚很大塊，份量很足夠，而且燒得很入味，醬汁調教得十分好，很推介。套餐還附送麵豉湯和叉燒，性價比超高汁燒雞扒烏冬，烏冬可以選擇凍食或熱食，而我就選擇了凍烏冬，烏冬十分彈牙，配上凍湯，味道一流。雞扒很滑，很Juicy。

深水埗出名多好嘢食，就試試間充滿日本風味的餐廳！牆身有玻璃窗，在模仿火車內的環境，十分有趣袋子可以放在籃子上，店員十分細心「宇治金時」熱飲點了這杯抹茶latte，係茶味超級濃郁，抹茶控至愛！「汁燒鰻魚丼」鰻魚超級大條！是超超超超級大條！應該是把整條的鰻魚放在飯上，性價比極高！鰻魚明顯是燒過的，算是有誠意，加上燒汁，味道不錯！「茶屋宇治金時」雪糕是抹茶雪糕混合牛奶雪糕，抹茶雪糕抹茶味超級濃，中間的粟米片十分脆，混合紅豆一起吃，味道非常配合！總結：食物整體好吃，價錢便宜，性價比高！會再來！

深水埗餐廳多的是，但這一間日本餐廳總吸引我去。餐廳不算大，但乾淨舒服，同深水埗這地方截然不同。鰻魚飯咖哩雞排烏冬鰻魚飯一如既往的大條，一隻手掌的size, 絕不偷工減料，而且飯也大大碗的，味道美味，如日本吃的一樣。烏冬滑口，咖哩湯底不會太濃味，湯底另有清清的鏗魚味，特別好味。而且雞排很滑，非常juicy。明太子雞翼味道不用多介紹，就是嫩滑，多汁，好味。值得講的是，一口咬下去，它的肉汁會飛出來，可見雞翼的juicy程度和大廚功力。薯餅薯餅也是值得介紹，一來煎得香口，二來它的紫薯非常香甜，吃落兩種感覺，又香口，又軟甜，非常好味。