茶記冰室 (已結業)

今日響葵桶果邊睇完戲，男朋友提議去呢間剛轉手無耐的茶記冰室食晚飯，佢話佢屋企人前排食過，話晚市小菜唔錯，可以試一試～晚上7點幾，店舖差唔多坐滿哂客人，相信係呢區既人氣食肆！最後我地兩個人叫左兩個小菜套餐+炒菜一碟例湯清甜，無咩味精，唔錯～而西芹腰果炒雞柳，鑊氣非常足夠，如果份量再多少少更好～至於士多啤梨金莎骨，食落同普通金莎骨好唔同，好清新，如果加少量士多啤梨做伴碟定必錦上添花！最後再添上一碟蒜蓉炒芥蘭，為此完美晚餐作結。

咁岩約左個好耐都約唔到既叔叔..hoho 今晚有空食飯,所以就反佢係葵涌個頭會合,順便DINNER一下. 門面幾得意 MR TEA CAFÉ, 茶記先生^_^  好有FUSION感睇睇個MENU先! 一般小炒價錢吾貴。仲可以選擇清炒,蒜蓉,腐乳.蝦醬薑汁上湯 金銀蛋,濃雞湯等項目 看看是日晚餐上ABCDEF同小莱價錢吾貴㗎，每個小菜仲附送白飯、例湯和熱飲。打開門做生意就係明碼實價 仲要有圖有真相 真係地道茶記特質!都會有小小海鮮, 夠哂多元化比你選擇, 唔洗怕太單一下下客飯.今晚點咗個>麻辣雞煲<和>茶記小炒皇<。先嚟一碟茶記小炒皇，咪睇價錢平，碟頭都夠份量，送啤酒正呀！真係可以叫做 雖然個名叫小炒王，小莱呢嘅。入面都有一些韮菜花炒虾乾、鲜魷仔、菜甫、腰果咁。好似炒什菜咁。嚟支藍妹啤啤先。好特別，茶記冰室呢係用碗飲啤酒架！仲有自己個名印上去! 其實可以叫做”特飲”待應好好，問我飲例湯定羅宋湯。羅宋汤都好好味,D菜都好入味。再嚟一個麻辣雞煲，看價錢68元，未打開蓋時，以為份量好少，一打開都不少仲好足料下，應該有半只雞，之後跟了白飯，今晚就係咁飽飽了！可叫

這間街坊茶餐廰位於石蔭路，附近餐廳眾多，競爭也算激烈，因此餐廳要經營得好才能在激烈競爭中䇄立不倒，這間茶記剛剛轉手不久，早陣子也裝修過，地方很開揚寛敞，因此坐得很舒適，食物種類亦很多選擇，海鮮類亦有，今天晚上二人撐枱腳，簡簡單單的吃了咸蛋蒸肉餅和啫啫通菜煲，家常便飯的美食，茶記造得很有家的味道，肉餅不會太油腻，肉質似手剁！而通菜煲熱辣辣，用肉碎和一點點辣椒來刺激味蕾，餸飯一流！再加上一杯濃郁的奶茶，既簡單又完滿的一餐！

今日屋企無煮飯就落左附近既茶餐廳食飯，聽講呢間茶記冰室最近轉左人經營後比以前更高質！即刻去左試一試！我地4個人點左5個小菜分別係豉汁蒸黃立䱽，黑椒薯仔牛柳粒，西蘭花炒蝦仁，豆腐火腩煲同半隻玫瑰豉油雞。飲品叫左兩杯椰汁紅豆冰，一杯熱菜蜜同一杯熱柚蜜。性價比十分高！全部小菜都火喉十足，非常入味，份量亦足夠。我最喜愛就當然係男人那浪漫豆腐火腩煲。另外我飲個杯椰汁紅豆冰椰味都十足！最後埋單先每人100左右十分抵食西蘭花炒蝦仁黑椒薯仔牛柳粒豉汁蒸黃立䱽豆腐火腩煲玫瑰豉油雞椰汁紅豆冰

最近石蔭開左兩間冰室，依間茶記就開得耐啲，最近就轉左手，水準小編就覺得高左，野食都好味左。見佢晚市都好多人光顧。🥣中湯套餐包一個餐湯，熱飲同白飯。🍴西湯兩個湯都好足料，西湯夠酸又夠濃。🐟豉汁蒸倉魚 - $78小編一家都中意食魚，所以叫左個魚套餐。🐥玫瑰豉油雞(半隻) - $88依個係佢地既招牌。真係吾錯，雞好入味， 吾似普通既豉油雞偏咸，依個就有少少甜，反而更好味。🥔黑椒薯仔牛柳粒 - $76依個係小編媽媽的最愛。薯仔牛柳粒好夠鑊氣，牛柳都吾韌，有少少咬感，食落都夠淋。🍧紅豆冰 - 加$8甘大杯都係加8蚊炸，好抵。

多色多樣的茶記，連日式既鰻魚飯、肉燥飯都有😱實有野岩食！而且價錢幾平！十幾蚊既包類都有！餐廳岩岩轉手，所以同之前去食既餐牌都唔同左😉-1️⃣黑椒薯仔牛柳粒 $76⭐️⭐️⭐️⭐️薯仔同牛柳粒都入哂黑椒味😍，薯片皮好脆！好似食到大既薯條咁！牛柳粒都唔老，而且份量多🥰/2️⃣椒鹽鮮魷 $68⭐️⭐️⭐️魷魚新鮮，每舊size都比平時岀去食既大，味道就唔算太重味，適中3️⃣鹹蛋蒸肉餅 $63⭐️⭐️⭐️⭐️我個人唔中意食鹹蛋，除左屋企整既鹹蛋蒸肉餅，估唔到依到既鹹蛋蒸肉餅，我都食得到！鹹蛋同豉油令到成個肉餅都好香🥰肉餅都整得結實，冇爛哂咁既口感！-環境：7/10服務：7/10好味指數：8/10回頭率：8/10

茶記冰室同老婆來到呢間大大間既茶記冰室醫肚,好多熱炒,同埋碟頭飯揀我地就叫左 黑椒薯仔牛柳粒、鹹蛋蒸肉餅、椒鹽鮮魷*黑椒薯仔牛柳粒: 勁大份,炸過既薯仔特別鬆,再用黑椒醬炒真係特別香,牛肉都醃得好入味!*鹹蛋蒸肉餅: 佢既鹹蛋蒸肉餅蒸得岩岩好,鹹蛋同肉餅唔會過熟,送飯真係好正*椒鹽鮮魷: 脹仆仆又大大條既酥炸椒鹽鮮魷,即叫即炸好有心機,係茶記食椒鹽鮮魷就係一流兩個人叫三個送,真係食唔曬!!! 咁既價錢有咁既質素,茶記來講都做到好有心機,上菜速度都好快,唔會等好奈!

近日愛上邪惡食物「炸雞脾」，難得今日可以輕鬆一下走到葵涌街市食個下午茶，同事係葵涌街坊，大大推介剛在5月轉手的『茶記冰室』，食物質素好，佢話性價比極高，梗係要親身體驗下。來一個輕鬆休閒下午茶，炸雞脾配薯條都係$35，加3蚊有凍飲，我叫咗杯凍檸檬茶。嘩～炸雞脾超大隻，熱辣辣，切開後仲出煙，雞皮脆肉質滑，仲帶少少肥膏，忍唔住一路食一路讚，真係好好食呀！至於薯條係厚身扭紋的，啖啖薯仔肉，加上淮鹽，帶少少辛辣，非常惹味。檸檬茶都唔弱，檸檬新鮮，茶底夠茶香味，確實好飲。另外同事介紹我必點小菜，我哋就叫咗苦瓜煎蛋，份量十足，夠雞蛋味，苦瓜煮得剛剛好，很不錯。蒜蓉炒芥蘭都好香口，芥蘭新鮮又翠綠，入口幼嫩，夠鑊氣，正呀！其實唔只下午茶抵食，連午餐、常餐、炒粉麵飯同小菜都咁抵食又好食，值得變成大家心目中的茶餐廳新寵兒。

晚上係附近工作完就求其搵間冰室食個dinner醫醫肚😋 因為「冰室」兩個字而吸引入去！的確裝修好有特色👍🏻 佢寫左好多香港地道食物：絲襪奶茶/招牌檸檬茶都好吸引！最後叫左冰鎮咕嚕肉/木桶手撕雞-麻辣味/黃金大蝦球冰鎮咕嚕肉好特別keep到個冰凍口感不過就考你手指力夾走d冰粒喇～～～🥶🥶呢個食法好得意！d肉又唔會好多炸粉仲好厚肉👍🏻然後就係呢個木桶手撕雞好有風味佢陣麻辣味越食越出！食到底真係超級辣！食到我地出哂汗！味道好足同埋食極都有肉，唔係搵d配料疊高😬😬最後就係呢黃金大蝦球🍤蝦肉好大粒唔會得炸粉，好有誠意下次試埋佢個黃金蝦先！

總評分：3/5主食評分：3/5飽肚度：4/5飲品：3/5環境：4/5地點方便度：2/5輪候時間：5/5食物上菜速度：4/5服務態度：4/5付款方式：4/5首先 點評主食 係呢度見到幾多讚 黎試下 不過推薦菜式都已經冇哂 中式牛柳 份量都幾多 牛肉軟硬適中 唔會太韌或用鬆肉粉過冧 汁可以 菠蘿都係一般罐頭菠蘿 不過唔會煮過耐 過冧 仲有d咬口 豉汁蒸倉魚個汁幾好味 魚肉有少少蒸過龍 少少（鞋）口 份量、魚大小還可以飯 軟硬適中 不過食正應該裝好一段時間既飯 唔夠熱 隔壁枱後上係出煙飲品方面 餐係有配飲品及附送例湯 不過餐牌冇寫 奶茶不過不失 例湯一般環境算乾淨整齊光猛交通唔太方便 主要要係葵芳地鐵站轉搭巴士上黎呢次食晚餐無需輪候食物上菜速度算快 中式牛柳好快就上 蒸魚因為即蒸 等待時間合理服務態度正常 一般茶記水平 冇大力放水杯等等付款方式可以 設有八達通付款方式

我覺得這間餐廳的服務一般，因為當時幫我和我朋友落單和埋單的侍應，她們的表情顯現出是非常不耐煩，加上單據上的款項有問題，但她們不但沒有耐心聆聽去修改，還不耐煩地問我:「咁你宜家想點?」總結而言，這間餐廳垃圾服務，當客人只是提款機!

又到下午茶時段，叫左個滑蛋蝦仁飯。可以下午茶時間，樓面無嘜顧客，所以前後5分鐘就到啦。阿姐一拎出來，碟飯仲噴緊煙，新鮮出爐，即整。蛋花好滑，不過有些少過稀，蝦肉都好彈山新鮮，成碟飯新鮮熱辣辣，係特別開胃，而且價錢40蚊有找，無得要求太多。

話說呢間轉咗手我幫襯完先見到 FB 話佢新開張，可能之前我幫襯係試業 😂😂入到去未叫食物先上 3 個例湯，老實講佢啲湯都幾好味。我哋叫咗 2 個晚餐，薑葱魚腩煲同肉碎茄子四季豆，兩個都比較油膩同咸，碟頭比前細咗! 另外加咗個涼瓜煎蛋上檯幾靚，但蛋好薄同淡口，還好可以平衡吓 2 個晚餐嘅咸。餐茶叫唔奶茶同檸茶，杯奶茶比上次進步咗。

早前餐廳話裝修，見佢開返昨晚去幫襯。入到去比前光猛，但伙記唔同晒。 。 。原來連老闆都唔同咗 🤣🤣🤣一坐底老細就攞 3 盅粉葛湯上檯，飲得出係粉葛湯都唔差 😄 我哋先落個豉汁蒸黃立䱽，加個魚香茄子煲同咸蛋蒸肉餅。條魚有點失望，完全無魚味，但啲豉油豆豉汁就好香好好餸飯，魚香茄子煲熱辣辣上檯，媽子十分欣賞。而個咸蛋蒸肉餅有好香豬肉味， 唔知係咪幾日無豬肉賣今日食特別香呢 🤣🤣轉手之後餐廳除咗晚餐，其他餐牌叫餸加 $8 有白飯同餐飲，好似比之前平咗喎 😋😋

覓 覓 \_凸_/餐廳定位： 白領，遊客， 學生，街坊賣點: 地域優勢，創意餐單，新港式茶餐廳價錢：平均市價食用方式：外賣，堂食Wifi：無上菜速度：快奉送：水，餐具西餐具，調味料，小食裝修：高級版茶餐廳，主題燈光：柔和噪音：一般溫度：適中服務質素：服務員充足，勞累點菜菜式：味道一般過敏原：蔥，洋蔥，海鮮備註：有沒有人可以告訴我，他們門口的微信號優惠幾時結束的？我問老闆娘，只知道他們結束了活動卻還在門外掛海報推廣。優惠：不知道謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。