茶記冰室 (已結業)

難得這個時候還有些街坊幫襯，十分失望而回……今日去食晚飯，叫咗羊腩煲，入面竟然得“六小粒肉“碎“，全部都係枝竹，價錢亦唔平，二百幾，很過份！其他餸菜價錢比同區其他餐廳亦偏貴，份量亦很少不會再幫襯了

平靚正的茶餐廳冰室，下午茶好推介！晚餐都有好嘢食。咖咉多士同西多士就食過。唔知咖咉同西多士加埋一齊係咩味呢？西多士上枱時附送成支糖漿，真係好誇張呀！但係其實本身個咖咉已經夠曬甜，唔使另外加糖漿。西多士炸成金黃色，一d都唔燶。包質地軟熟，唔會炸到乾曬。一切開，d咖咉醬已經流曬出黎啦，真係睇到垂涎欲滴。餐飲點左：熱檸茶、椰香紅豆冰同熱薑檸樂。熱檸茶紅茶夠濃，檸檬好新鮮，浸得耐都唔會苦。因為夠新鮮，飲得到檸檬嘅果糖味，唔使落糖都夠甜。椰香紅豆冰紅豆同椰汁嘅比例啱啱好，飲得到椰香味，紅豆大大粒，一啖紅豆一啖椰汁，好sweet呀！熱薑檸樂好正！不得不讚！水吧師博好細心咁將薑切成一條條幼絲，可以食埋d薑絲落肚！成間餐廳環境整齊闊落，坐得好舒服，下次行開石蔭都要過黎食下野先！

茶記冰室——又茶記又冰室咁，淨係睇個名已經覺得呢間餐廳好特別。原來佢唔係得個名咁簡單。佢真係有齊茶記同冰室食到嘅野架！食物款式多籮籮，實有一款啱你食！去嘅時候啱啱開始下午茶時段。未食晏，想食d主食，見有「抵食下午茶炒粉麵」，$34奉送茶啡，咁抵喺邊度搵！叫左個乾炒牛河食。乾炒牛河好有鑊氣，醬汁比一般茶餐廳落得少，睇落色水較淡，味道淡啱唔會太鹹，啱曬我呢d著重健康嘅人士！朋友嗌左咖喱牛腩飯。咖喱牛腩飯咖喱香濃，咖喱汁較甜，唔會辣到食唔到。牛腩腍身易入口。食左咁多肉，食番d菜平衡下先。嗌左個上素羅漢齋。超足料！有芽菜、大白菜、豆腐、木耳、紅蘿蔔絲、秀珍菇等。真係多料到數唔曬呀！呢味菜只係用水灼熟加少少茨同鹽就上枱，清得黎又唔會味淡到唔想食。我同朋友不知不覺竟然清曬成碟！食完主食繼續食「甜品」！下午茶重有「冰室」類嘅野食比你揀！「輕鬆悠閒下午茶」餐牌有沙律同埋西多士、三文治等包類。我同朋友就點左炸雞髀沙律同埋咖咉西多士試下。炸雞髀沙律雞髀啱啱炸起，重熱辣辣！咬開後雞肉滴曬出黎，好juicy呀！沙律酸酸甜甜好開胃，有兩片大蕃茄舖喺面，好fresh！

港味茶記晚上係附近做完野就搵間冰室食個dinner醫醫肚，因為冰室兩個字而吸引我地入去食。裝修新淨企理，有好多港式野食。我地點了枝竹羊腩煲，豉油雞及蝦仁炒蛋。枝竹羊腩煲半份都好大份，足料，有十幾舊羊腩、枝竹、冬菇、馬蹄、香蔥等等，好香又入味！ 羊腩大件，軟身同入味，沒有膻味，連腐乳點來食，不錯。枝竹同冬菇都好吸汁，冬菇厚身，吸得仲多羊腩汁。連送生菜黎碌，補充纖維健康d。豉油雞成隻豉油色以為好咸，但吾會，反而雞肉嫩滑，帶鮮味，雞肉索晒d甜豉油，好食。蝦仁炒蛋蛋炒得剛剛好，不是坐熟，所以好滑，蝦仁好大舊，口感好又爽口，份量仲好大碟。餐飲叫左杯熱檸水同凍鴛鴦。

今日試左間受歡迎茶記，位於葵涌石蔭路，方便街坊鄰里。蔥油炸子雞 🐔 -肉質結實，皮下脂肪不多，而且剛剛好熟，大腿骨髓🦴仲係紅色架！西蘭花炒蝦仁🍤🥦 -度度都有得食，但係咪度度都好食？依間做法我中意，西蘭花同燈籠椒夠冧，入口清甜，蝦仁彈牙。啫啫芥蘭煲🥘 -火候夠，蒜蓉多，少少辣吊味。芥蘭係爽口的，師傅手法唔錯。 中湯·南瓜湯🎃 - 老火湯，南瓜蓉已融入湯中，有南杏北杏等材料，啱曬冬天潤肺補身。整體不錯。

話說今日同朋友搭錯車竟然上左去石籬！！見天色都開始暗喇，索性就食飽先搵路落返山啦咁行左幾個街口見到有有間冰室幾熱鬧應該都多熟客仔，所以二話不說入左去喇坐落環境好闊落，而且又有好多卡位裝修都係行懷舊冰室路線，幾特別菜單上面都有好多選擇，可以話咩都有但通常最簡單嘅小菜愈考功架所以我地就點左個魚香茄子煲、蒜蓉炒通菜同埋咸蛋蒸肉餅魚香茄子煲個魚香味唔算話好出但整體反而仲好味過其他茶餐廳食落好惹味，微辣又唔算好咸我一個女仔竟然食到想添飯！送飯簡直係一流啊！另外蒜蓉炒通菜味道唔錯炒落好香好夠鑊氣連我依個食肉獸都清哂全碟！最後個咸蛋蒸肉餅都意外地好食本身我都唔算話好鐘意食肉餅因為最怕蒸得好老好鞋但係出奇地依碟肉餅蒸落又唔老食落都好juicy同埋嫩意外之收！！飲味方面好推薦大家飲什果冰一啲都唔藥水又多雜果！勁好飲！！應承我一定一定要點黎飲！一句講晒：好意外好好味！就算好偏遠我都會再返頭食！住附近嘅一定要試下喇！

今日去葵涌搵朋友食下午茶，通常呢d鐘數食野搵間茶餐廳就最岩架啦，我地來到茶記冰室，呢間冰室環境都吾錯，夠闊落坐得舒服。未食午餐的我地可謂叫得多野食，有客家黃酒雞，蠔仔肉碎泡飯，菠蘿油，日式鰻魚炒飯，兩個人食夠晒數。幾碟野食都大大碗份量十足架，個鰻魚炒飯，炒得夠香，鰻魚肉也夠多，好好味啊。而黃酒雞又夠嫩滑夠味，而且面頭有個蛋係上面，真係另一翻風味，而撈埋黃酒雞d汁落蠔仔肉碎泡飯簡直ㄧ流啊。呢個下午茶時光吃著咁多美食都不用$200，抵食啊。

好耐都冇見過有餐廳可以做晚市需要等位架啦！好在唔係等好耐，五分鐘左右啦！今晚幾平靜，一於出街消費，食返之前食開既兩個餸加多個菜，兩口子，份量啱啱好。黑椒雞中亦想像中，以為佢會係乾身，有好多黑椒，但原來係濕炒，仲配埋青椒，紅黃綠色都有。都吸引到我眼球既。味道係 very good，有黑椒既香辣，夠野味；同時亦有蜜糖既甜味戥返勻。黃金鮮魷個咸蛋漿做得唔錯！啲鮮魷炸完會出水，本應會濕身，咸蛋漿就「痴」唔住。所以好講個廚既功力。意思係，如果做到外脆而唔硬，內裡唔出水但又唔乾到似柴。真係唔容易。呢個廚可以做到外脆，但裡面仲係有少少濕。但係個皮唔係勁厚，所以我都會比個 like 佢既。啫啫通菜煲通菜如果用煲上呢，會怕佢焗到乾晒或者黃金金。呢到就保持到啲通菜係有水份，唔乾身。加上蝦乾夠野味。但重點係佢唔會好咸，同埋唔會好油。食菜都係為健康啫。如果太多油，又或者太咸都唔好。佢好就係好在呢兩樣都唔多。

雖然依排心情麻麻，但朋友坐緊月都想探下佢，同bb玩開心下係佢樓下搵間茶記dinner，嗌左兩個set雙檸蒸烏頭平時食開豉汁蒸，今次試下雙檸（鮮檸加咸檸）果然有驚喜，酸酸甜甜，又幾開胃wo，仲要開邊蒸，蒸出黎唔會老，時間控制得岩岩好金銀蛋浸什菜唔想食炒菜咁油膩，又想有味唔會淡，所以次次都嗌金銀蛋，個湯又飲得，唔會有味精味，食皮蛋又可以下火，岩哂我哋成日捱夜。餐飲轉檸樂都只係加$8，好抵！茶記黎講依間質素係中上🌟

茶餐又平又大碟，好抵食，上菜好快，食物味道好惹味，食物種類選擇算ok,環境都算坐得舒服。試過幾次之後真心覺得唔錯，推薦佢嘅番茄炒蛋系列，下次想試下佢嘅冰鎮鮑魚。

話說前嗰排全家一齊去咗葵涌嗰邊一齊做運動，沿路見到呢一間茶餐廳塞滿晒人同埋裝修又幾靚，應該係一間幾好食嘅餐廳所以就同爸爸媽媽一齊入咗去食餐晚飯。✨魚香茄子煲($68)魚香茄子煲鑊氣十足，每一舊茄子都感受到焦香味道熱辣辣，而魚香茄子嘅肉碎非常入味攞嚟送飯簡直係一流！✨西蘭花炒蝦仁($78)食咁多肉當然唔少得嗌返啲菜嚟食啦，見到餐牌上面啲相嘅西蘭花炒蝦仁炒得幾靚 ，上菜嘅時候果然不負所望，每一舊西蘭花都炒到碧綠色，蝦仁粒粒好大粒，亦都好有味。✨欖角蜜汁金沙骨($70)蜜汁同埋金沙骨嘅配搭簡直係天衣無縫，金沙骨啖啖肉配合埋有一絲絲甜美嘅蜜汁，顯得格外惹味 ，令到我同同行嘅朋友，一啖一啖唔停咁食！✨七喜&凍檸茶食茶記當然要嗌返杯凍奶茶同埋七喜，咁先有嘅風味㗎嘛！

🌟🌟🌟🌟🌟🌟🌟🌟🌟🌟🌟🌟🌟🌟🍽茶記冰室 (葵涌)📍葵涌石蔭路60號金石樓地下2號舖🌟🌟🌟🌟🌟🌟🌟🌟🌟🌟🌟🌟🌟🌟對茶記總有份執著🤔好中意嗰種香港地道情懷☺️今次搵食搵到入石籬，好偏好入🙈為咗食真係去到好盡🤪黑椒薯仔牛柳粒 HKD$76即叫即整！上到枱仲冒緊煙架🤩黑椒好惹味，好正！薯仔皮微脆，薯味濃郁🥳牛柳粒份量好多，食到好滿足香辣口水雞(半隻) HKD$88好大隻雞😱😱好嫩滑d肉！如果冇咁油就好了醬爆四季豆炆茄子 HKD$68茄子好腍好入味！！🤩成碟菜竟然唔太油👍🏻大廚整得好好🤭

We came here for dinner on a weekday, it surprised us how many people there were enough on a weekday. We ordered a few signature dishes, egg yolk shrimps, wok fried beef with potatoes, veggie with mushroom. The interior inside is quite spacious and clean compared to other Chinese restaurant. their popular dishes are mainly on this menu. first arrived was the broccoli in mushroom sauce. It was definitely huge and delicious, lots of broccoli and mushroom 🍄 we loved it we finished the whole dish qu

已經有一段時間冇行過嚟石蔭呢頭食飯，今日趁住放假，本來想同先生過嚟食米線，經過石蔭路差啲嚇親，開咗好多新鋪頭，冰室都有兩間，連東亞銀行都變埋菜肉檔😧差少少以為自己幾年冇嚟！經過茶記冰室見入面都幾光猛整潔，先生話不如試下新嘢，聽聞餐廳轉咗手冇耐，一試無妨。餐牌選擇都幾多，除咗普通嘅粉、麵、飯，仲有好多小菜可以選擇，本來想試佢哋推薦嘅冰鎮鮑魚，但先生對鮑魚麻麻哋，於是揀咗幾個好餸飯嘅小菜。啫啫滑雞煲非常夠鑊氣，上枱仲「吱吱」聲，熱辣辣，加入豬潤、中芹、蒜頭同洋蔥，醬汁香濃，非常惹味😋滑雞煲的確係名不虛傳，雞肉非常嫩滑，肉質軟稔，至於豬潤雖然份量多，但就略嫌乾硬咗少少。沙嗲金菇肥牛煲醬汁豐富而且夠濃夠稠杰，撈飯一流！肥牛份量好多，絕對唔吝嗇😛加入大量我最愛嘅芽菜同青紅椒，仲有菠蘿非常清新解膩👍🏻金銀蛋白菜仔係比較少有嘅組合，一般茶餐廳都只會提供金銀蛋莧菜，而且價錢同一般小炒差唔多，呢度除咗有金銀蛋白菜仔之外，仲有金銀蛋菜心、芥蘭、通菜、西生菜同西蘭花揀，都不特止，除咗金銀蛋，烹調方法仲可以揀清炒、蒜蓉、亦腐乳、蝦醬、薑汁、上湯同濃雞湯可以自由組合，而且價錢實惠，有咩理由唔叫❤️金銀蛋份量都幾多

葵涌呢 我就真係好小黎 今次經過 肚仔又餓 二人決定 今晚晚餐 茶記冰室 無它 就係有種冰室情意結 有同感無？！啲間冰室空間大 光猛 裝修靚 枱大張 座位鬆動餐牌內食物品種尚算多元化價錢合理 應該平過茶餐廳全部都係讚既說話？ 啲種真係第一身感覺等上餐時已經聽到鑊氣聲 對我而言 食 真係一種減壓方法 兩個人叫了3個餸😂菠蘿生炒骨粒粒排骨新鮮炸 表面均勻包上一層甜甜汁 粉漿唔會過厚 入口仲有肉汁唔會覺得好硬/乾 波蘿甜魚香茄子煲茄子軟身 味道濃 肉碎分量多 啱哂小朋友配飯食西蘭花炒蝦仁西蘭花乾淨 蝦仁唔會有雪味 分量都唔小 3個餸當中 較淡味不過咁先攞到平衡點 一邊食 一邊Girl talk 老實講 好味 夠火候 兩條友真係食哂 無浪費 只係地點比較偏遠 有機會經過真係可以試一試