茶記冰室 (已結業)

而家新興的茶餐廳，好多時都玩懷舊feel, 今日去呢個茶記冰室，就係懷舊當時髦的裝修，幾得意小菜全部都會送餐湯同埋白飯，即是小菜套餐，價錢都幾平。有肉類小菜，海鮮類小菜，估唔到咁多套餐選擇喎。今晚嘅例湯係菜乾豬骨湯，好好飲，菜乾味超香，豬骨湯煮到好甜，真係自家老火湯，不加味精的。入到去裝修玩懷舊feel ,用正方形格仔地磚 ,貼咗啲懷舊茶餐廳招牌菜式在牆上，幾得意。豉椒蒸白鱔，例牌$98,好味，白鱔好滑好爽口，仲有豆腐卜墊底，完全是精華所在，食到乾乾淨淨。豉椒炒花甲$78,炒得好有鑊氣，豉椒味又唔會太鹹，而且份量好多，係裝滿一座小山的，比起大排檔更加抵食！木瓜雲耳炒鮮淮山$58,是碟齋菜，炒得好味好清甜，淮山好爽口，清腸胃好，雲耳沾了蒜蓉好香呢，木瓜又甜！呢個價錢幾抵食。屋邨茶餐廳有咁好質素，又做到咁平嘅價錢，真係唔錯。最緊要係全部送飯送湯，唔煮飯，落街食都抵啦。

經過石蔭唔知食咩好🤔上網搵搵就見到呢間茶記冰室雖然交通唔算方便，不過區內餐廳來說算幾特別！環境裝修都幾特別呀！定價都中等偏貴～叫左兩個有星星的推介小菜套餐😛有包埋例湯，熱飲，白飯豉汁蒸白鱔 $108份量可接受，白鱔尚算彈牙另外下面用豆卜墊底 索哂上面的豉汁！豚肉扒豆腐 $68還以為真的是一片片的豚肉😂原來係肉碎狀的～味道普普通通有五條菜心，豆腐幾滑，用來送飯一流😍有機會想試下冰鎮咕嚕肉同千島鬼馬！今次因爲想食少啲肉 錯過左tim

工作關係去左葵涌果邊 做完野已經夜深 就同同事係附近搵間餐廳醫飽肚入左間裝修比較光鮮 但sell懷舊既茶記冰室估唔到小小一間街坊茶餐廳 有咁多特式小菜揀幫襯得茶記 唔飲奶茶又點試到水吧師傅既功力?!杯奶茶滑溜有茶味 合格有餘小菜套餐都幾抵食同大碟 70幾80蚊就有例湯,白飯,仲有杯嘢飲我地碟西蘭花炒帶子 唔單止菜多 就連帶子都好多另外試左佢個招牌冰鎮咕嚕肉 同樣係份量好多 賣相震撼冰塊底下 除左菠蘿 仲有車厘茄同清甜既青提子個設計好特別 冰塊令到咕嚕肉表面變得非常之脆 但又唔會因為溶冰而浸淋仲炒左碟豉椒炒蜆過下口癮食咁多野 有肉有菜仲有海鮮 加埋都係食左$250 抵食

之前聽人介紹過有間冰室有得食冰鎮咕嚕肉，所以特登嚟到葵涌區呢度試試佢。一入到去，室內環境佈置唔馬虎，牆上面既掛相，真係令人勾起以前冰室室內環境既感覺。睇睇餐牌，好多都好想試，晚餐小菜嘅選擇多，真係花咗一段時間先決定到食物。好喇又到左食好嘢嘅時候，呢碟招牌冰鎮咕嚕肉粒粒都卜卜趣，食落口好冰爽嘅感覺，加埋提子、菠蘿、蕃茄仔成件事感覺好Fresh，酸酸甜甜好開胃。之後我哋仲叫咗椒鹽炸豆腐，一黎到哇左聲👍🏼咁大碟既喂，食落口椒鹽味好重同豆腐好夾，真係夾下一舊夾下又一舊。節瓜粉絲蝦米煲又係大大碟，茶記冰室嘅份量普遍都比較大份真係抵食夾大件。十足份量嘅粉絲同蝦米，鹹鹹香香嘅蝦米加上清清嘅節瓜，食咗咁多肉同煎炸野清一清個口腔都係不錯嘅選擇。最後，仲有豉汁蒸倉魚。食落口十分新鮮。豉汁味濃郁，配合滑溜又厚實既魚肉👍🏼👍🏼yummy最抵食就係每一個餸都送一個白飯例湯同餐飲。呢個價錢加食物質素真係10分咁抵。重點係例湯都唔馬虎，係我最鍾意飲嘅蓮藕赤小豆豬肉湯。飲落口就好似屋企自己煲嘅湯一樣夠火候唔會有味精味。值得推介👍🏼

茶記羊腩煲 好久沒來荃灣區了，這裏有一間街坊茶餐廳，令我念念不忘，今日我又重回舊地，尋找昔日的味道，這間地道的茶餐廳，有一種親和力，就係食物和人情味。羊腩煲和冰鎮菠蘿咕嚕肉係我至愛，雖然冇嚟一段時間但係水準 依然，在一個寒冷嘅晚上食呢個羊腩煲，真係溫暖到入心。沸騰嘅羊腩煲，濃香撲面，軟腍腍嘅肉質滿載羊肉幽香，煙韌又咬口，肉汁豐富無比，本身已經好滋味，再點一些腐乳醬來進食，簡直係錦上添花。還配有多款食材同樣出眾，鮮竹筍爽滑清甜，馬蹄爽脆潤喉多汁，索滿汁液的枝竹，真係冇得彈。冰鎮菠蘿咕嚕肉 大廚拿手好戲，滿滿一盤晶瑩亮麗，像一顆顆紅噹噹的寶石在一座冰山裏似的，外皮脆卜卜，冰冰凍，咬下聲音清脆，當你咬到內心時，熱騰騰的感覺，立刻湧現出嚟，兩種口感非常厲害，肉汁豐富的，柔柔韌韌，非常入味 可口，昔日嘅情懷，又再次感受到了。在這裏吃的食物都充滿住人情味，以後要抽多點時間黎食野先得。

冰室同茶記究竟點樣結合?去開葵興 朋友話有間幾有特式GE街坊茶記外表就真係睇佢吾出 試完又覺得係幾掂！ 入邊座位吾少座位 冇時果D茶記好鬼迫GE感覺燈光幾光明 設計開陽仲係早段GE晚餐時間都陸陸續續坐左大半GE位我地揀卡位坐有厚梳化幾舒服 MENU GE選擇都係街坊餸 價位吾高有吾少招牌菜 EG. 黃金蝦 冰鎭咕嚕肉 等等仲有D係連個菜名都花心思好似 草船借箭GUM 原來係原條椒鹽九肚魚幾有意景 店員係點餐後好快就呈上GE餐湯有少量瓜同埋豬骨連肉 味道幾夠味 平時GE菠蘿咕嚕肉用左冰鎭處理原來吾單止就咁放D冰係面連個盤都係特別而製見到個底部有一個空位比佢裝住溶左GE水咁就吾怕D冰水會溝淡D肉咕嚕肉都有好多 約莫十幾件 大大舊炸皮薄得嚟幾鬆化 冰鎭過就更加脆入邊GE肉完全唔韌 好爽口配料都好多 好抵食 朋友決定叫GE黃金鮮魷炸得漲卜卜GE外皮都幾脆口食得到咸蛋味道 同一般GE灑咸蛋碎係面方法有分別呢到應該係將咸蛋一早混合左D炸漿先包D鮮魷咁樣可以令到D咸蛋味道平均D份量都多 食極都仲有仲有一點 雖然炸得幾勁 但吾會好油淋淋 食左咁多炸野都要叫返D蒸餸食BALANCE返蒜蓉蒸帶子都好難會失

因為工作關係, 黎到比較遠既石蔭。沿路見到茶記冰室光猛舒服既裝潢, 就本著一試無妨既心態入左去坐。可能因為平日, 所以人數唔算好多, 入到去係好清靜, 同同事傾起公事都係好舒服。諗住冰室都係食下公仔面, 點知見到餐牌係小菜黎, 都有D驚喜! 其中一個餐牌寫左有特價優惠, 個炒蜆都係60蚊有找, 緊係叫返個試下除左炒蜆, 我地仲另外叫左兩個小菜, 分別係冰鎮咕嚕肉同埋炒白菜仔。落好單之後, 就飲住湯等上菜。因為店內唔算多客人, 所以上菜都好快! 等左10分鐘到就上齊哂所有野!炒蜆真係好推介, 因為平時食果D通常都係殼多過肉, 但今次真係無呃秤! D蜆肉係好多, 而且每粒肉都有好重既蠔油味, 好夠味! 配埋白飯食就無咁咸喇!另外我見餐牌係好推介冰鎮咕嚕肉! 佢真係同出面食到既咕嚕肉有好大分別, 因為佢真係有冰架!!!! 平時出去食, 好多時都會配桃去食, 但今次, 仲有蕃茄同提子, 食落完全唔油! 雖然佢係冰鎮, 但咬開係暖既, 感覺好得意!最後係食店坐左個幾2個鐘先走, 坐得好舒服, 估唔到可以係炒小菜既地方同同事傾到公事之餘, 仲可以食得無咁頹!

茶記晚餐。甫坐下侍應姨姨親切地送上兩碗熱湯，太肚餓關係舉碗嘰哩咕嚕便喝下，味道正常。餐牌內容主要是中式粉麵飯及小炒，不假思索地點了三款比較常吃的小菜。先是崧子菊花魚 $98賣相與一般的不太一樣，但又說不出是那裡有問題，總覺得怪怪的。魚未算炸得十分香脆，醬汁亦略欠酸甜，不夠過癮，勝在肉多配料多。啫啫滑雞煲 $62雞件大件肉多，價錢相宜，足料抵吃。肉質不夠嫩滑惹味。燒薯牛粒 $88壓軸出場的有驚喜! 牛肉切小粒易入口，肉質夠腍，黑椒味恰到好處，薯仔焦香鑊氣十足，一致好評推薦燒薯牛粒。

<茶餐廳盡顯大排檔風味>😃今日黎到葵涌 打羽毛球 打完醫肚😂 上網見到呢間茶記唔錯 又有特別既冰鎮咕嚕肉食 即管試試佢😃🍴冰鎮咕嚕肉 88 蚊🐷❄用好深既兜裝住 上面鋪滿住冰 入面有熱辣辣既咕嚕肉 整得夠香夠鑊氣既咕嚕肉 用冰凍住 令到皮夠哂香脆❄🐷 入面肉又熱辣辣 甜酸度適中 加上新鮮車厘茄🍅青提 菠蘿🍍 夠哂清新😃🍴白玉翡翠😃 68 蚊手工野 將豆腐切到好薄片排列整齊 茨汁甜甜咸咸密度高 加上甜叉燒🐷 青瓜粒🥒 蝦肉🦐菜絲 要黎撈飯一流🍚🍴瑞士雞翼撈公仔麵 42 蚊 🐤🍜四大隻雞中翼 咸甜度醃得唔錯 😍 夠哂爽滑 公仔真比較幼身 充滿瑞士汁🍜 連埋滑炒蛋🥚同厚多士🍞 夠哂豐富😍🍴燒薯牛粒 88 蚊🐮🔥薯仔牛肉粒 近呢兩年好多大排檔都有做 呢間整得相當唔錯 薯仔熱辣辣帶點蜜糖香🍯 外面夠香脆 而牛肉粒夠煙靭肉味濃 好食😍🍺獅威 19 蚊19 蚊枝獅威 抵飲😃Score 平均分 <7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍

今晚男友與男友人在葵涌晚飯，做跟得女友的我就下班從中環乘坐東涌線到葵涌會合男友，路程只需幾個站，所需時間比預繳中快得多。很少踏足葵涌此地，感覺都是住宅多，餐廳都是做街坊生意。他們隨意進了這間冰室，店內光猛。每位送例湯，今晚是粉葛湯。我們倆口子小炒兩個再加白飯就夠。他本來想吃羊腩煲，可惜店員說今晚沒有。唯有另點《豉椒炒蜆 $78》- 大碟、份量足，而且每個殻都連肉，不會有「殻多肉少」的情況。味道鮮甜而且用上豉椒很香口惹味，蜆肉算肥亦無沙。而我點了每見必點的《豉汁蒸白鱔 $98》- 同樣地份量足，每件白鱔都用上豆卜舖底，吸了醬汁的豆卜很入味；白鱔肉質爽口彈牙，骨軟易吃。兩款菜式的醬汁用來拌飯實在不錯。

今晚先生車我到附近做義工，做完後都差不多晚飯時間，所以還是找間餐廳吃完晚飯才回家。這條街的都有不少餐廳小店，但比較癢眼的就是這間，而且人流不少，街坊都去的應該不錯。簡單的叫了《冰鎮咕嚕肉 $88》和《海皇什菜煲 $68》冰鎮咕嚕肉的賣相很強，一大個玻璃兜放滿了大大粒的冰，之間夾雜了大大粒的咕嚕肉、原粒青提子、原粒車厘子和菠蘿片，很豐富。咕嚕肉炸後即冰令外層十分香脆，加上甜甜酸酸的味道很開胃。海皇什菜煲都很足料又大件，有魷魚、西蘭花、蝦、白菜、菜芯、雲耳、帶子和粉絲。湯底清甜，菜又夠腍同甜，粉絲吸了湯汁很惹味。

今日同同事嚟左見客就揸左嚟葵涌食飯，因為同事話呢頭有咪錶易泊車。佢帶左我喺呢間茶記冰室，話之前晏畫嚟食過。我地兩個都點左常餐，而且仲要一樣係招牌沙嗲牛肉麵，此外另加一碟豉椒炒蜆，因為見隔離枱嗰碟炒得幾正。常餐（配有牛乳滑蛋/火腿奄列+牛油厚多士/牛油豬仔包+飲品）《招牌沙嗲牛肉麵 $40 +牛乳滑蛋+牛油厚多士 +飲品》- 沙嗲牛肉幾香濃而且唔韌，d都浸左一陣都無發漲同變軟腍，幾好味。牛乳滑蛋有蛋香，加埋脆口既牛油厚多士一齊食仲正又飽肚。凍飲加$3《豉椒炒蜆 $78》份量岩晒兩個男人食，大碟又多蜆肉，d蜆肉都幾鮮同肥。

今晚到葵涌同班舊同學踢波，之後便跟其中一位師兄到他的家附近食飯傾偈。他帶我到這家冰室，說價錢相宜又夠飽肚，差不多算是他的飯堂。他拍板點了 冰鎮咕嚕肉 $88 和霸皇雞 $78（半隻）。霸皇雞看似乾身，但肉質入味不韌，醬汁夠提味，叫多碗白碗撈汁一流。冰鎮咕嚕肉好架勢，有大量冰塊凍感十足，咕嚕肉好脆口，而且每件咕嚕肉都好大粒，最適合男人一口一件，口感十分，加上味道酸甜，有夠醒胃。冰室無加一。 下次踢球後識路食飯了。

光鮮明朗 鑊氣十足係我對呢間茶室既第一印像牆上亦有許多介紹野食既風趣字句都頗新奇有趣而且聽到客人同姐姐們互相問候 就已經知有好多長期熟客香港既人情味出曬來雖然係一間小小既茶室但好多細節都統一並井井有條地方乾淨企理 不錯茶記既必點凍檸茶豉椒炒蜆醬汁都算濃郁 而架都幾多蜆佢d汁如果係送飯都幾惹味 佢有套餐一飲一餸仲有野飲都係幾十蚊幾豐富幾抵食上菜d雞係半熟既待應姐姐話上桌等佢岩岩炆熟就可以揭蓋冬天食真係暖粒粒架仲叫左半隻雞既雞煲由於係gas爐上既 所以可以一路食一路滾睇下d雞已經沾滿曬辣雞煲汁 可以攞來送飯一餐點可以冇菜佢餐牌好得意 唔係固定既炒菜式 而係可以自選既我拼左最基本既蒜蓉炒白菜仔 少少咸味 吊到白菜仔本來最自然既味已經成功令我既罪惡感降低。人情味先係呢間餐廳我地最需要體會既野

今晚咁凍，梗係食羊腩煲喇，羊腩煮得好淋，好入味，完全冇膻味，其他配菜都好好味，有馬蹄（爽呀）、枝竹，食完個胃溫笠笠又補下身。另外，蒜蓉粉絲蒸蝦，蝦好新鮮，蒸到啱啱好，配埋蒜蓉粉絲一齊食，真係我既最愛！我地叫左半份麻辣雞煲小辣，連爐一齊上，可以一路滾一路食！岩曬咁凍嘅天氣食！用料豐富，有洋蔥、蒜頭、唐芹，仲有超多雞件！小辣的辣度好微，易入口！整體感覺好香口，雞肉又滑嫩！食肉之外都要食菜🤤叫個西蘭花炒花枝片，一上碟就聞到好香蒜蓉味！即叫即炒，熱辣辣！花枝片爽口，唔會好似食香口膠咁，咬唔開，再配搭充滿蒜蓉汁的西蘭花一流！見到個餸名叫千島伴鬼馬咁盞鬼，仲有推介星星，當堂就嗌咗碟嚟試試有幾鬼馬！一上菜就聞到好香千島醬味，即刻就夾咗舊落碗，咬開原來係墨魚膠釀係油炸鬼入面，口感夠哂爽口彈牙，加埋千島醬，送飯一流！另外仲叫咗碟豚肉扒玉豆腐，賣相同menu上張相一模一樣，都係咁吸引！微炸過嘅玉子豆腐外脆內軟，同菜心梅花間竹咁擺碟，面頭再淋上同台式肉燥相近嘅豚肉汁。一碟餸又有菜又有肉，一次過滿足哂兩個願望～