莆田 (已結業)

對於較偏好食物清淡，不愛濃味，不愛油膩的我來說，莆田是我最愛的中菜館之一。最初來莆田，是因為它擁著新加坡米芝蓮一星餐廳的美名。其後真正喜歡上莆田，是因為它我菜式味道切切實實的清淡純樸，沒有多餘不健康的油脂。這天是星期六下午，一如以往，新港城人潮如鯽。放假總是會放肆地吃喝，故此都希望盡可能在其中選擇清淡的餐單，避免每餐都保持「三高」狀態，莆田正是一個不錯的選擇。紅菇燉土雞紅菇燉湯是莆田近期力推的菜式。紅菇產自福建武夷山一帶，由於沒法人工培植，較以野生為主。紅菇營養價值高，它含有豐富的氨基酸和蛋白質，有美容、強健大腦、滋陰補腎等功效。紅菇燉土雞湯的顏色帶紅色，乃紅菇的天然色素融入水中而產生。湯的味道很有菇的清香味，加上雞肉，更增鮮味。此外，這湯品帶有微微的酒香，酒香對此湯品起了提味的效果。酥炒芋心芋頭被切成長方磚狀，經過酥炒。外層糖皮脆脆的，內裡是粉粉的芋頭，味道很不錯，忍不住吃完一顆又顆！蝦苗伴頭水紫菜滑滑口感的紫菜，味感涼浸浸好fresh，醋汁酸酸同紫菜的味道好夾，酸酸味道令人開胃。百秒黃花魚黃花魚細細條，兩個人食剛剛好。黃花魚開成蝴蝶形來煮，每一角落魚肉的生熟度更均勻一致。黃花魚的肉

黎到馬鞍山呢個美食沙漠搵野食，見到呢間新加坡餐廳係米芝蓮一星，而且咁大個女都未試過莆田菜，應該都幾特別，本著一試無妨既心態，於是就去試下啦!蝦苗伴頭水紫菜外觀好吸睛，賣相好靚好精緻，外面用左青瓜圍邊，成道菜味道酸酸地，好開胃，而頭水紫菜好爽口，而且營養價值高，食完之後感覺好似健康左，哈哈，另外入面有啲蝦米，食落口都幾清甜，作為頭盤，又真係幾好食。酥炒芋芯芋頭表面包住一層糖，外面脆身帶甜，內裡又好軟滑，又鹹又甜，有驚喜。百秒黃花魚賣相又係好靚，黃花魚魚肉好嫩滑又好鮮甜，而且個湯加左薑既關係，一啲都唔覺得腥，仲覺得好香，好好味，鍾意食魚既人一定要食下。莆田鹵麵聽聞係莆田既傳統美食，呢個鹵麵比我地平時食既麵會杰身啲，有啲食羹既感覺，份量夠多，入面有蝦同蜆，味道好香濃，唔錯。紅菇燉土雞第一次食野生紅菇，聽聞對身體好好，個湯上枱時又係好吸睛，因為個湯係紅紅地色，雞肉燉到好嫩滑，火候夠又足料，飲落口係好清甜，一啲都唔油，真係好好飲。蓮子銀耳湯呢個甜品好滋潤養顏，甜度適中，為呢餐劃上完美既句號。總括黎講，環境唔錯，價錢唔貴，食物質素好，尤其是紅菇燉土雞同百秒黃花魚，真係好好味，下次一定會再去。

今日去左探搬左入馬鞍山既朋友，去完佢間新屋後坐左陣後就去左佢屋企樓下附近搵食，就咁睇原來呢度都好多新的餐廳，但係就網上見評價呢間唔錯就食喇，餐廳在香港有多家分店，在星加坡曾被選為米芝蓮一星。我地點咗幾個都沒食過嘅，當試新野了，反正佢新出左野！最先上既係蝦苗拌頭水紫菜 - 賣相亮黑，彷如密質質的黑松露般！紫菜用兩片薄薄青瓜包裹著，拌入蝦苗及醋，質感滑溜豐富。紫菜的香配上爽甜的蝦苗，更能顯出層次感的鹹鮮味！跟住既係「百秒黃花魚」，原來呢道餸獲得米芝蓮一星嘅殊榮。廚房將魚身劏開一半，有熱湯浸住。魚肉又滑又鮮甜，完全唔腥。魚骨比較少同幼。跟住就係主食既「莆田滷麵」。一碗麵有１２種食材，有菜有肉有海鮮有豆卜。味道一般，好似平時食團餐農家菜咁，材料都算新鮮，味道亦可，岩曬送魚！今日嘅主角，就係「紅菇燉土雞」！一放底已經有陣陣嘅雞湯香味。飲落個湯好清，不過略嫌咸左少少，但都幾正！最後就係小食「酥炒芋芯」，芋芯由糖漿包住拎去炒，所以個皮脆脆地，而芋頭好粉，一咬落去外面脆得嚟又有少少黐入面就好粉，都幾好食。 整體味道也不錯，可能是米芝蓮餐廳期望會再高一點，而酥炒芋芯是驚喜之作!

尋日夜晚打風前喺馬鞍山蒲田食晚飯為朋友慶祝生日。 除咗非常滿意餐廳嘅食物之外， 職員嘅服務亦非常之好。 經理 先生除咗貼心服務客人，又安排員工提早放工。 餐廳員工幫手慶祝生日， 朋友非常開心。

之前係去元朗分店食個晚餐覺得唔錯😆而今日下晝去開馬鞍山見到佢分店就試吓佢個下午茶na再望望meau。。。佢除咗主菜 小食揀兩款 又有糖水都係幾十蚊真係幾抵喎～不過叫小食嗰時就發現原來好多都話冇五款小食裏邊已經有兩款話冇晒☹️所以小食我就叫左莆田糯米丸同埋酥炸莆田扁肉主菜就叫咗醬爆肉絲湯麵🍜當主菜一上尼。。。點解得嗰三條肉絲。。。加半條菜。。。好似俾人食咗一半咁樣😦因為之前食過佢分店嘅晚餐感覺唔錯所以碗麵一送到真係呆咗一呆。。。不過味道都唔算太差嘅。。。但係唔知啲醬爆去晒邊度。。。而且肉絲真係太少了吧。。。😓之後小食同糖水送上嚟na咁樣用個木盤我覺得都幾靚原來去莆田糯米丸只係普通嘅芝麻湯丸😮雖然咁樣整幾新奇 但係好似傳統咁煮好食啲 haha個扁肉嘅煮法就好似炸迷你雲吞咁樣味道都係一般般 好似就咁醃左一啲比較濃味既肉咁反而個紅棗雪耳糖水就幾清甜 um。。。總括而言。。。我諗佢既下午茶我都唔會再幫襯😅反而晚餐我會再試吓其他分店既

今日朋友介紹左「莆田」呢一間餐廳比我，佢之前係尖沙咀食過晚飯話幾好唔錯，而且亦曾經攞過米芝蓮既推介，所以我就去試下佢地既下午茶喇。本身下午茶點心叫左酥香黃金磚，無耐侍應走過黎話無哂，隔多陣侍應又走過黎話水晶豬蹄凍同鹽焗豬肝都無哂，我好似剛剛下午茶時間開始黎就已經無哂唔係掛。最後叫左一個下午茶點心 ($49) : 莆田糯米丸、酥炸莆田扁肉、醬爆肉絲湯麵、精美甜品同下午茶小聚 ($59) : 滷水自製豆腐、家常燜筍乾、興化炒米粉、精美甜品。醬爆肉絲湯麵上枱時比個賣相打左個突，笑左出黎。。。不是嘛，這就是米芝蓮推介餐廳？廚房比返小小心機出餐好無，好似將啲餸頭餸尾放係碗麵咁。蒲田糯米丸只係普通芝麻湯圓 ; 酥炸莆田扁肉只係炸雲吞皮包住一些肉碎。興化炒米粉 : 用上花生、蝦、峴、菜、冬菇、紫菜等配料 ; 米粉極幼身，食落綿綿口感特別，但可惜炒得很乾身，濕潤少少會更好，而且侍應無提供任何醬汁比我，是否乾食？豆腐同筍乾都係普普通通，無特別驚喜，唯一做得最好係甜品 (紅棗雪耳)，算幾清甜 ; 埋單連加一 $118，我相信呢個價錢可以去其他地方食得更好，後尾上返 Openrice 睇發現馬鞍山呢間分店腐

我本身好鐘意食魚 見佢主打黃花魚尖沙咀分店又大獲好評就黎到屋企附近呢間莆田試下 同媽媽二人叫左個二人套餐前菜係水晶豬蹄凍 好林質感一點都唔挺身 好油膩嘅感覺 再黎係金湯時蔬 皮蛋係唔靚嘅皮蛋 無乜皮蛋味 個汁太杰身 好似落左好多粉㳄咁風味酥棗 中間係豬肉 馬蹄 呢個不過不失 有少少似茶樓果啲芋頭酥到主菜黃花魚 有點腥 啲肉好散 一夾就散 個味ok 但魚嘅質素令佢大打折扣莆田滷麵好似都係佢呢間野必食 個麵質係林身果啲 鐘意食爽身嘅我唔鐘意 味道無乜特別 個人覺得人啲似屋企食唔哂嘅餸撈埋一碟煮個米線最後係芋圓 我係芋圓控 佢呢個芋圓令我好失望 又係一咬就散 一啲都唔煙韌 你睇下張相 芋圓痴埋哂一舊可能係我唔識欣賞福建菜 但呢一餐真係令我好失望

當晚我同男朋友想食d暖胃飽肚d嘅晚餐，係新港城行來行去都未決定到。經過莆田，有個店員企門口，笑笑口同我地講有二人套餐，又抵又好食。印象中，我今年年頭都食過一次莆田，記得佢道「百秒黃花魚」好食。咁就唔駛再諗喇！食莆田！*Menu係一本厚厚的硬皮書。食物款式多，而且附有菜式圖片供人參考～*枱面擺左今期推廣的紅菇，店員話係補血好食物。但我今次無試。莆田係新加坡+福建菜，店入面都比較少年青人面孔，大多食客都係家庭／職場人士。讚一讚佢：無論座位、環境都幾舒適。但眼見樓面就比較少。雖然閑日+時間早，食客較少，但係店員都係好似好忙咁（現在好多食肆都係咁，難做難做）。今晚我地叫左個二人套餐（$338，未加茶芥加一），餸菜有：水晶豬蹄凍、百秒黃花魚、金湯時蔬、風味酥棗；主食（自選五選一）：莆田滷麵／興化炒米粉／包菜飯／媽祖麵線／漁民紫菜燜飯；最後甜品：芋圓花生湯。餐前小食「菜甫」（個人希望係水果／木耳）。因為菜甫唔岩我地胃口，食左幾舊就放埋一邊。*水晶豬蹄凍一開始上左「水晶豬蹄凍」先～ 豬蹄凍，廢話講句，即係冷盤啦！口感爽滑，但就唔係好彈牙，因為質地比較軟身，唔係好硬，有d似Jelly。豬蹄凍細細粒，淋

又到哆頭蟶子嘅季節，以前食過莆田嘅藥膳蟶子一直對其鮮味念念不忘，今日經過馬鞍山莆田，就入去尋鮮啦⋯⋯坐低先黎壺菊花茶，清香而無硫黃味，上品；跟碟菜脯小食，味道淡淡的，呢餐飯唯一有食淨嘅就係佢！兩條友仔叫左八樣野，原本坐二人枱，後尾張枱放唔晒拉埋隔離張枱俾我地用。講返d野食，叫左扁肉湯，好似超迷你版嘅魚皮餃，皮有點煙un，餡有肉嘅鮮香，好味！四小併（豬腸好味唔肥，豬皮凍略嫌有點淋身，紫菜酸酸地好開胃，豆腐略遜滷得過咸）小人食可以叫嘅。跟住就係今晚主角莆。田。蟶。子。，看圖就知道佢嘅肥美，鐵板鹽焗嘅做法保留到蟶子最原有嘅鮮味，真心推介！冰爽酒糟做法係好食嘅但個人較喜歡鐵板鹽焗。咸香黃花魚可以用七個字形容，皮脆肉嫩骨鬆化，除左粒魚石食唔到外，全部皮骨肉都食晒。半生熟嘅醉蚶，蒜頭加埋c蚶真係好正，處理得好好有鮮味又唔會血淋淋，冒著肚痾嘅風險都值得。紫菜燜飯，食完一輪鮮味野難免比下去，相信單獨叫係好食的。最後發現無叫菜咪又叫多個蝦苗伴頭水紫菜，上菜至醒覺四小併已有，哈！雖然好味但每碟份量真係太少！

今天生日，女友請我去莆田食飯，因為大家都想試試D蟶子，6:00去到不用等位，直接入去坐，蟶子菜式有數款，價錢約$100-$120，但有優惠$198選2款，一心試蟶子，所以叫了鐵板鹽焗聖子及酒浸蟶子，另外再叫了：莆田扁肉湯、四小拼、咸香黃花魚、漁民紫菜燜飯、一品醉蚶、蝦苗拌頭水紫菜。好豐富。鹽焗蟶子：勁鮮甜，爆肉～好好食！酒漕浸蟶子：蟶子好多肉，但略嫌酒味蓋過了繩子的鮮甜味扁肉湯细細碗的魚皮餃湯，湯甜，；咸香黃花魚是煎黃花魚，香口皮脆肉嫩，連骨也可以食、漁民紫菜爛飯，像一小煲煲仔飯，咸香好味、一品醉蚶，蒜香酒香，螄蚶鮮甜，四小拼有小腸，腐皮，紫菜，餚肉。味道一般。侍應服務細心，主動換碟，給濕紙巾抹手。另外菊花茶亦好好飲！

今日和太太往馬鞍山莆田食午市一人餐, 一人餐有湯品, 主菜和前菜。我們點了主菜興化炒米粉和包菜飯；前菜有冰鎮苦瓜、滷水浸豆腐、蝦苗拌頭水紫菜和家常燜筍乾。今日湯品是肉丸湯, 湯溫度適中, 味道鮮甜肉丸鮮甜彈牙, 蕃茄鮮甜開胃, 椰菜花爽口；前菜滷水浸豆腐, 豆腐吸入滷水味道鮮甜, 蝦苗拌頭水紫菜食落酸酸甜甜, 紫菜爽口, 蝦苗彈牙, 家常燜筍乾食落鮮甜彈牙爽脆,肉絲軟腍有肉味；主菜興化炒米粉和包菜飯, 興化炒米粉炒得乾身, 米粉食落惹味爽口, 蜆食落彈牙, 紫菜, 花生和西芹爽口, 蝦食落彈牙, 整碗興化炒米粉好足料份量十足；最後包菜飯飯味香濃, 醬味濃, 配上新鮮和生菜和蔥粒, 能帶上包菜飯的美味。菊花茶茶味香濃, 甜度適中。餐廳座位舒適, 食物美味, 價錢合理, 我和太太食了一頓高質美味的晚餐。

今期莆田出左蟶子節, 198元可以食到兩款蟶子,如果散叫,冰爽酒糟蟶子($119)同鐵板鹽焗蟶子($99),冰爽酒糟蟶子,酒味不太重,易入口。熱騰騰的鐵板配上蟶子, 沒有任何的調味, 只有鹽與蟶子的味道。兩款的蟶子都很新鮮。百秒黃花魚, 清湯煮黃花魚,魚身滑,煮的時間剛剛好。興化炒米粉, 第一次食, 口感幾特別, 米粉好幼好輕, 米粉同樣是淡淡的, 配上鮮蝦、蜆、花生等。很喜歡莆田的菊花杞子茶,可以令人狂飲的茶。

試吓呢款福建菜先！蒲田頭等餐，2個人各點1個餐，我們點選主食有興化炒米粉及媽祖麵線，再選六個小食，冰浸苦瓜，滷水嫩豆腐x2，蝦苗拌頭水紫菜，家常燜筍乾及水晶豬蹄凍、是日靚湯是蟹肉豆腐紫菜羹，再叫1碗鎮店之寶扁肉湯。米粉似用新竹米粉比較幼身，炒得乾身， 味道淡淡的，至於媽祖麵線除了有海鮮外有炒蛋於麵線下面，炒蛋吸收湯汁味道特別。而小食方面我較為喜歡冰浸苦瓜，因苦瓜伴以稀釋蜜糖，令甘中帶甜，而滷水嫩豆腐，豆腐嫩滑加上滷水味道適中。至於扁肉湯果然鎮店之寶，真係食過返尋味！裝修不俗，坐位舒適，加上有湖水藍色調點綴，感覺份外新清新！

「莆田」呢個名聽過好多次，米芝蓮一星既新加坡福建菜，食就第一次食。7點幾去到有少量座位，都幾多家庭去食。裝潢設計幾新穎，以藍色同木做配搭，光線幾舒服。我地2個人叫左4個菜式：1. 冰爽酒糟蟶子：排得好整齊，大約有16隻，名副其實係又冰又爽，酒味唔會過重，辟左蟶子腥味，又帶出到佢既鮮甜。2. 鐵板鹽焗蟶子：個人認為呢個製法比頭先既冰爽酒糟蟶子更鮮甜、更好味！用左乾花椒調味，個底鋪滿粗鹽，熱辣辣用鐵板上，食落更滋味。3. 百秒黃花魚：條魚整得岩岩好熟，肉好嫩滑，鮮味十足，個魚湯有好多薑粒用黎去腥味，擺盤亦好靚，將條魚開邊方便易食，連原本唔太好魚既男朋友都讚好味，應該好多骨膠原，對皮膚好。4. 興化米粉：用左超級多料黎炒既超幼米粉，材料包括：五花腩絲、蝦仁、白菜、紫菜、花生、豆卜、冬菇、芹菜、蜆，所以個米粉吸晒d料既味，食落齒甲留香，如果有少少汁應該仲好味。前菜有個蘿蔔頭，好爽口。侍應仲為我地揀左菊花杞子茶，飲落好清香，又有清肝明目既效用。總結：呢餐食得好滿足，2個人食會太飽，建議可以同家人一齊去食。

成日話馬鞍山係美食沙漠，冇野好食，今次就入去行一轉睇下有幾惡劣。 今日去咗新港城行下，行過就比莆田d宣傳吸引我，原來蟶子有咁多種食法， 我淨係食過豉椒蟶子。行到入去地方好寬敞， 侍應揀咗個二人枱畀我哋坐， 可能我哋晚市剛開， 室温比較熱， 侍應見到我 我哋坐低後，立即將溫度調返好， 讓我哋舒舒服服食晚餐。宣傳話$198 2份蟶子， 熱辣辣嘅我哋就揀咗冰爽酒糟蟶子同埋鐵板鹽焗蟶子。今次真係有冰火感覺，先上左冰爽酒糟蟶子，菜如其名，蟶子係凍，肉脹卜卜，加上酒香，味道好似食醉雞咁，但配上肥美蟶子又出奇地夾。跟住就到鐵板鹽焗蟶子， 佢哋上菜都好精美， 未開始食都覺得好享受。 一層厚厚嘅鹽加上新鲜蟶子放喺鐵板上面焗， 熱辣辣，賣相十足。食落去好鲜甜， 感覺食出海水味， 值得推介。食完蟶子都唔飽， 我哋叫咗賣相好靚嘅，百秒黃花魚， 上菜巳經流口水， 食落去就覺得肉質好滑， 少食鱼嘅朋友就略嫌多骨。最後叫左頂肚嘅興化米粉，佢比一般米粉幼同輕身， 食落去好滑同鬆化，加上配左蝦同蜆，都幾配合主題。食飽後繼續行新港城，雨天去商埸揾食，可以去试下呢度嘅蟶子。