華苑潮州餐廳 (已結業)

昨天中午又約即興飯局。時間人物依舊﹐地點則兜兜轉轉﹐最後去了一間上樓的潮州茶餐廳-- 華苑。還未坐穩﹐侍應已急不及待先送上每人一碗例湯。喂, 使唔使快成咁呀?? 看看是日午餐的選擇﹐跟潮州菜沒半點關係﹐完全是普通茶記的感覺﹐雖然經濟﹐但實在看不過眼﹐便看看其它有甚麼好吃。哈! 原來還有潮式午餐﹐雖然不是天天不同﹑日日精選﹐但看下去總算較為像樣。我們三人﹐就選了三個餐﹐滷水五花腩﹑煙鴨胸﹑及秋刀魚。秋刀魚最遲點﹐但最快上桌﹔做法是跟平常打冷吃的大眼雞差不多﹐唯一分別是將條魚開半而非原條上。大家都飢腸轆轆﹐急不及待地下筷去拆解此味。肉質有點實﹐而味道最初吃是有點腥的﹐但吃下去亦不是那麼差﹐點上豆醬吃﹐總算可以﹐而且大家越吃越滋味﹐是三道菜中最快清掉的。煙鴨胸﹐鹹味十足﹐味道就似煙火腿﹐而且質太乾硬﹐大家一致認為是買回來的貨色﹐也就沒甚麼好講的了。我個人則認為這幾片火腿味鴨片﹐用來夾麵包會更好味。滷水五花腩是三樣中最出色的﹐肉質半肥瘦相間﹐略帶點軟骨﹐煮得亦頗入味﹔切成約一分厚薄﹐送飯剛好。墊底的豆腐也吃得過﹐絕非陪跑角色﹔開半的滷蛋味足但較硬﹐相比之下不及豬肉及豆腐﹐只算是配角。環境及服務

同朋友唱完k搵飯食, 原本去Tokichi, 不過剛剛過了10:00pm的last order時間, 於是去了華苑食兩食就飛返屋企睇波. 4個人, 叫了5樣野.胡椒豬肚湯: 胡椒味很重, 幾辣, 但個人喜歡這辣的版本, 不過有點偏鹹. 豬肚易咬, 唔錯.方魚肉碎粥: 要了$68的中size, 份量比想像中大. 不過不失.鵝片拼大腸: 鵝片同周圍都係咁上下. 韭菜豬紅: 個汁幾夠味的, 個人怕濃汁, 所以用湯飯的湯過了少少水, 但都唔會太淡, 都ok. 最遲上的是金瓜烙. 不過由於太飽, 所以由晚上會睇波的我先包了4件, 我們再即席瓜分了其餘的2件. 像麥記薯條般粗的南瓜條煎成餅, 上面灑了砂糖和花生碎, 像糖不甩般. 熱辣辣上台, 微脆, 加上甜甜地, 幾好味的. 不過返到屋企已然腍晒, 同埋出油了, 沒吃多少啖便放棄了, 反正晚上真的沒有quota了. 食物ok. 服務生雖然有點遊雲及唔得醒目, 但態度卻不是差, 總括是可以的.

在食家同事推介下, 某平日晚便來了這裡吃潮菜, 他推介我要沙茶牛肉炒河& 鹵水鵝肝~鹵水蛋- 女友愛吃所以便叫了, 後來發現原來鹵水鵝又有一人隻蛋, 可惡的侍仔又唔提吓人...anyway, 有d咸~普寧豆腐- 已經係成晚最好食的菜式, 唯一的原因係因為夠熱, that's all~鹵水鵝片拼肝&腸- 非常一般, 鵝肝食食下仲有沙...沙茶芥蘭牛肉炒粿條- 我好鐘意食咁樣的東西, 但其實不過不失而已..九肚魚烙- 我唔試評價這道菜, 因為我唔知點先叫好食; 個人標準黎講佢整得太腍, 唔似以前老廟d豪餅咁脆口, 而且好濟, 麻麻地...食物Overall其實都只係一般, 個侍仔好好service, 環境都係一般, 我諗黎一次就算了~

除夕晚, 大伙兒一齊黎食.....皆因睇到食評唔錯~~一行六人~ 其實並唔肚餓.....只係小吃一頓~~1)川椒雞- 味道不錯~~人人都愛~ 但可能唔係食飯, 感覺好咸~~ 如果食飯, 可能味道剛剛好~ 配以炸之薄荷葉~ 正!!2)潮州拼盤- 有五花肉, 豬腸, 鵝片......味道ok 啦~ 都不錯~~ 3) 蠔仔洛- 哩個就一般~蠔仔份量不少, 但好似唔熟~~有少少水水地~ 而且煎得唔夠脆.....差少少!!4) 糖醋面- 都唔錯.....面身炸得幾脆.....裡面又軟軟地~ 加埋醋糖~~ 都ok!!朋友叫左兩個白飯.....結帳$237地方算乾淨~~ 服務都唔錯~~ 但唯獨上菜慢左d, 個晚客人唔多, 但連個拼盤都等左好耐~~ 其他都ok 既~~

十一月回港,到這裏晚飯.初頭看到舖面以為不甚看頭但既來到而又因近酒店就式一式.估不到就無限驚喜,小小地方果然食物很有風味.我們點了凍鳥頭,滷水鴨,田雞粥等.服務一流,非常滿意的-餐.

一行六人於上星期六晚gathering, 朋友介紹這裡的潮州野好底食, 咁我地就預早打電話去book左間房仔啦(真係一間好細的房,剛剛好夠我地座. 地方都算ok乾淨, 係冷氣唔係好夠.我地叫左凍烏頭($58),九肚洛($48), 蠔仔洛, 方魚粥, 炒菜, 炒聖子, 糖醋面, 炒魚面, 仲有反沙芋頭/蕃薯.我覺得最好食都係九肚洛同蠔仔洛, 炒聖子都正呀! 味道arm arm好,d蠔都幾新鮮! 聖子好肥美好好味呀! 不過, 炒魚面就一般啦..無乜特別. 反沙芋頭/蕃薯唔夠乾身, 攪到d糖好似熔熔地咁.. 唔係太好食.服務就一般啦.. 茶餐廳feel啦.. 叫人沖水都要叫幾次先至有人理..不過整體上係ok的.. 可以再去呀!

近日同foodking兄食lunch多過同太座,哈哈!老實講,近年多左好多樓上舖,可想而知舖租有幾貴,要價錢平定要質素,有時好難選擇,原本foodking兄極力推介的糯米灌腸係lunch時間無得供應,退而求其次,要左一個套餐,內容唔重覆:川椒雞:過左火,乾身過頭,有d直頭燶左,得d珍珠葉好食.蠔仔粥:似乎上環陳勤記好d,陳勤記蠔仔大粒好多(可能貴d啦),味道無咁濃,個人喜好潮州食品味道較濃洌普寧豆腐併蝦棗:好新鮮熱辣,但一如foodking兄所講,無乜味道甜%應該係綠豆爽:即整,所以等好耐,淡口左d,不過小弟唔好煻水,無乜所謂服務真係唔得,寫單阿姐面燶燶,可能得佢一個寫菜啦!好多時都手忙腳亂,有待改進!

阿爐兄放假，得閒過黎尖咀陪下小弟食Lunch，真係感激不盡。尖咀搵野食，爐兄當然交個波給我了。我就抬搵左呢間潮洲，諗住等阿爐兄食下果個糯米灌腸。上到去，至知糯米灌腸剛剛沒有，唯有叫個二人套餐吧。套餐有普寧豆腐、蝦棗、村椒雞、蒜蓉炒清菜、蠔仔粥及甜品麥米粥。普寧豆腐弄得不錯，外脆內軟而熱。蝦棗就嫌雪房味好重，得個熱字，食落雖彈牙，卻沒有蝦的鮮味。村椒雞味道好像沒有以前我食到的好味，淡淡的，雞味亦稍欠，唯獨伴碟的珍葉炸得脆脆的，幾得。清菜是菠菜，略油，還有點老。蠔仔粥就唔錯，落了頗多蠔仔，亦食唔到沙，還加了大地魚煲，因而有陣魚香味，還沒有腥。甜品的麥米粥就稍稀又淡了，不食亦無損失。最弊呢排成日病，搞到冇咩胃口，好多食物都要靠阿爐兄清理了。

一向少去打冷，主要是覺得衛生方面欠保障，但這間潮洲店例外。二人吃飯只點了三個菜：糯米灌豬腸、九肚魚烙及薯粉條炒菜。糯米灌豬腸是用腸衣灌以糯米、臘肉及花生等材，應該有用豬油，香味口感俱佳，但不宜多吃。九肚魚烙可以是個好嘗試，水份多的九肚魚以粉漿當成蠔餅煎封，既香且滑鮮甜，咸味適中，比起椒鹽有時過濃的味道感覺更好，也沒有剪蠔餅的油膩感。至於粉條炒菜，則比較失準，粉條被炒得細碎，也不是條分開糊在一起，咸味太重，但用料還可以，有腩肉絲、冬菇及蝦干。環境及食物質素不俗，但價錢不會比街舖的貴，是可喜的地。食譜選擇多，可以多約幾個人一起試。聞說其蘋果烙做得非常好，可以當甜點吃，不妨一試。

一行三人黎食晚飯, 同一條街見到兩間華苑有人響度拉客, 原來只係新鋪同舊鋪之分, 基本上係一樣的. 我地去左舊鋪.餐牌選擇非常多, 又圖文並茂, 對於唔太熟潮州菜既我地, 花多眼亂得黎又睇得好興奮, 樣樣都想試. 結果要左:普寧豆腐----好大件, 熱辣辣, 外脆內軟滑.沙茶蟶子----多沙, 但肥美大隻, 加上唔係煮得太熟, 好岩我地口味.水瓜烙----好怕出面好多食肆, 整呢d乜乜烙都炸到油膩又死咸. 呢度標榜半煎煮, 果然唔算油膩, 質感少少煙韌. 水瓜味淡, 鍾意香口d既可以揀其他材料.梅糕燒骨----自稱係招牌菜, 雖然唔覺好特別, 但味道酸酸甜甜好醒胃, 又香口, 都唔錯.煎芋粿----芋頭切幼絲之後, 用腐皮捲成一大條, 再切厚塊煎成. 蘸個甜甜地既醬汁食, 好味.潮州炒魚麵----芹菜好香, 個魚麵質地似扎肉, 味道似魚蛋, 所以呢味似小菜多過炒麵.豆醬炒春菜----豆醬味唔濃, 春菜味似芥菜.反沙金銀----即係反沙芋頭拼蕃薯, 估唔到個甜品係成餐最令人失望既. 食開既係d糖成塊咁黐實件芋頭, 呢度就將蔥同糖炒埋, 再鋪響芋頭同蕃薯上面, 感覺完全唔同.環境係茶餐廳格

星期四晚有活動，同去的是公司的同事，佢要在尖咀附近等佢裝頭同裝身。都估到該類活動是無啖好食，所以就趁有限時間自己食少少野先。見呢度係樓上舖，吃得比較方便，就來試試。呢度看樣子是不錯的潮州菜館，牆上貼了不少名人及食家的合照，好似好掂。不宜吃得太飽，所以叫了個粉麵餐，要了潮州豬肉卷米線，及熱咖啡。雖然價錢平平地，估唔到碗米線都幾大碗。豬肉卷是切片上，似一片片札肉的，平舖在米線上。豬肉卷味道都不算很特別，勝在味精又唔係太重；湯底亦是清清的，全靠下了辣椒油才多點味道。好處是吃完應不會口渴，但就真係清淡左少少。咖啡是即溶貨色，如果要渴就提議要檸茶或檸水。看來名人、食家也沒有多大指引性，希望下次來真的吃潮州野，會好一點吧！埋單22蚊，又真係平，一試無妨。

星期四晚，要食我最討厭的政治飯局，冇得推。潮洲老細話這店在隔離開多間，又這裡做得比較正宗潮洲菜，就決定今次帶埋其餘客人到這裡晚飯。由一貫沒有禮貌的潮洲老細，粗聲粗氣的同d 架傑欄伙記點菜。是晚點了：(1)凍烏頭—魚味鮮甜沒有腥，醮豆辦醬食一流，據負責人講這裡所有的凍魚都係在潮洲整完後運來，不是在港加工。(2)海參魚膘—海參魚膘炆得夠腍，亦夠入味，但海參不多。(3)村椒雞—由珍珠葉配小許麻辣的雞肉，雞肉味幾夠，但個人就一向對珍珠葉沒多大好感，可能是沒有口感吧。(4)糯米豬腸—由糯米、蝦米、栗子等塞入薄薄的豬腸，加上甜甜的醬汁，這個非常唔錯。(5)煎倉魚—雪房魚番煎，完全沒有味道，可以不食。(6) 鵝肉—不肥膩而肉厚，作頭盤一流。(7)沙爹炒牛河—牛肉炒得腍，沙爹入味，河粉亦沒有炒得太爛。(8)臘腸炒荷蘭豆—揀選的臘腸略嫌肥膩，整體一般。算做幾滿足，再加上幾支老細買來的cheap 紅酒把我飲得有點醉意，夠晒藉口第二天休息一天，連放三日假去了。

前晚, 同幾位朋友去食, 叫了十二樣菜, 都幾好味. 但是招呼就認真麻麻.下下要人客搵侍應執碟茶!

佢個英文名都寫明係走快餐路線, 但裝修就唔似喎~ 佢係一間二樓食肆, 睇相你地就會見到有個corner特設成品茶區, 其他位都ok o架~ 我坐個卡位仲望到街o添~ 不過除o左卡位之外, 其他位都幾窄~ Service算ok喇~食物就只係一般:豬腸灌糯米($18) - 第一次食, 無得compare, 但我覺得佢蒸得濕o左d~ 普寧豆腐($15/2件) - 個皮係幾脆, 入面又好滑~水瓜烙($48) - 一向都唔鍾意食水瓜烙同蠔餅一類, 因為好油, 依味都係, 但味道ok喇~潮州炒薯粉條($38) - 依個唔掂, d粉條黐埋一舊, 夾都難夾, 味道都只係一般~佢仲有好多小食, e.g. 殼棵, 鱟棵, 筍棵, 甜粽球, 荷蘭薯棵, 等等~ Photos:http://community.webshots.com/album/136017373QxdFae

看到報紙後一家人去試。最記得兩道:珍珠菜大腸豬血湯--豬骨湯底來煮，味道一流。太極羹--標榜潮州道地煮法用番薯葉同蓮子蓉做。不知是不是不習慣，吃下去是特別，不過沒有驚喜味道。其他潮州家鄉鹹甜小食都一定水準。環境是新裝修感覺不差。提供的茶都是上等貨，可以一試的店。另外想找找報紙中的店主，說是好好人的，不過見不到，但是員工服務都ok。