華香雞 (已結業)

在觀唐行來行去，本身未決定食什麼，又成業街行來行去，有條小樓梯，看到大大「雞」字，加上門口有d新聞剪報，講店舖內的招牌雞，就決定入內一試，畢竟最近都想食中菜。第一次來食，有好多款雞，茶香雞，華香雞等等，因為第一次食，開放式廚師，見到兩款雞，兩款都想試 ，又可以雙併，便決定雙併。 華香雞，店舖的招牌菜，確是有料到。雞帶咸香味，亦很爽口，不像有時食的切雞太硬或太軟，亦不會太油，難怪枱枱都叫華香雞。雞肉亦比較滑，不單是雞皮，雞肉亦相當入味。茶香雞，看落似鼓油雞，但有淡淡茶味，也是爽口，而且好幸運，切了雞髀， 雞髀無敵啦，啖啖肉。另外叫了薑葱大蝦。這個相當不錯，本來都不知有粉絲，粉絲吸了薑葱味及蝦味，送飯一流。蝦份量也相當多，而且吾細隻，薑葱亦入味。本人自己好喜歡蝦頭，蝦頭才是精華，爽。蝦亦新鮮，肉彈牙爽口，，$128有此份量，真是抵。最後甜梅菜菜芯，平時清蒸，或是蒜蓉炒都是常見，但甜梅菜就比較少，一般住家飯先會出現。而且份量有大細之選，岩曬我不太大食的人，又不想浪費。梅菜和鼓油汁還可以拌飯，好似媽媽煮的飯。今次2人每人才是$150，份量剛好，喜歡食雞的人可以一試。

在觀塘工作最大的優勢是食肆林立，最近有朋友推薦位於工廈的華香雞，收工過後便決定一試。店鋪鄰近地鐵站，交通非常方便，餐廳座位數亦非常充足。他們主打切雞，我們點了雙拼茶香雞和花椒麻辣雞。雞件切口整齊，油雞香口，有陣陣燒香過的香味。兩款醬汁亦各有特色，薑葱油調味平均，不會被薑搶去味道，花椒麻辣的辣勁亦不算太強。點了切雞當然少不了飯，但單點白飯略有不足，我們於是點了煎黃飯煲。上枱時店員貼心提醒先讓飯在鐵煲上稍煮多一回便能享受飯焦的口感。我倆都一致認為此飯是必點之選，份量充足之餘又能和雞件互相輝映。最後追加了椒鹽蝦， 上枱時蝦在鐵板上吱吱作響，令人垂涎三尺。他們選用了大隻的虎蝦，蝦肉鮮甜爽口，而且還開邊並挑了蝦腸讓食客吃得安心，絕對是物有所值。

平時工作忙碌，唔得閒自己煮飯，但好多時出街食飯都多油多鹽多味精，好想食得健康啲。今日俾我唔打唔撞下，揾到呢間老字號，開業逾三十年，嘢勁好味得嚟又健康，簡直喺奉行健康主義人既福音呀！呢到食物選擇都唔少架，中意啖啖肉，可以揀雞、虎蝦煲、白鱔等等，而想食清淡啲，又或者素食人士都有選擇，有雜菜煲、豆腐煲。嚟到叫得華香雞，當然唔少得嗌返隻雞食啦！呢到有五款雞可以揀，其中一款係烏龍茶香雞，一般食肆好少見呢味，所以就嗌咗嚟試。但招牌華香雞話曬都係招牌菜，咁當然都要試啦，呢到加錢可以嗌雙併，所以我地就點咗呢兩款試試。烏龍茶香雞，雞肉勁嫩滑，入口仲有微微茶葉香味添。而招牌華香雞就類似鹽焗雞，鹹香味十足。除此之外，仲附有三款醬汁，老闆仲話呢三款汁係自己調配添咖。食完雞，梗係要飲返飲埋個雞湯。呢個雞湯不得了，超級清甜，仲要超足料添。入面除咗有雞，仲有瑤柱、紅棗、梛子肉。員工仲話我地知，呢盅湯係用梛子水煲添咖，唔掛得咁好飲啦。同埋呢到啲湯水會隨住季節而變換，冬天飲到滋補湯水，夏天會有去濕湯水，好有心思。嚟緊講呢個餸，真係一定一定要試！滑蛋蠔仔煲！勁有驚喜既一道菜。蠔仔整得啱啱好，入口有蠔味，唔會太老。個重點係

店名叫華香雞，去到梗係要試隻招牌華香雞喇！二個人叫例牌分量已經十分足夠，份量差不多有成半隻。雞肉很嫰滑，而且雞件十分瘦沒有多餘肥膏，就算食左幾塊雞皮都唔會太有罪惡感！（自我安慰🤣）薑蔥虎蝦煲，粉絲超級多，粉絲吸哂虎蝦既湯汁，超入味，送飯佳品！虎蝦肉身爽口彈牙，🦐好肉厚新鮮，正正！煎黃飯煲，咁大煲飯都只係$58，超抵食！黃飯很有薑味，每粒飯都炒得十分乾身，粒粒分明，唔黏口，送埋粉絲煲一齊食超夾。嗌咁多肉，食番個菜先，金銀蛋芥蘭菜，三色蛋分量比例適中，芥蘭煮得唔老有咬口，湯都無味精，飲完唔口乾。

嫩菜心甜梅菜甜梅菜+菜心，出奇地非常夾！ 　菜心脆嫩鮮甜，加甜梅菜有甜甜咸咸的味道，菜汁亦不見油膩。連我媽媽都說要偷師回家試煮！黃酒鮮雞黃酒，加入紅棗、木耳、金針等煮雞，非常養身。雞鮮美十足，但千萬不要以為雞愈肥大愈好，很多時都是過份使用激素以至肥大，所以這裡肥瘦適中的雞，對我來說就剛剛好了！這煲再加上店員推介的黃薑飯，正！　據說素食者都適合食～椒鹽虎蝦煲這煲虎蝦的價錢非常親民，一煲約有十條左右，除椒鹽味夠，經炸過的蝦，外殼脆，蝦肉亦十分鮮甜。小結：如果吃完一頓飯，沒有令你想不停飲水的感覺，那這家餐廳的食物落的味精都不會很重。而這家餐廳更特意提到其菜餚不加味道、糖精、香精等，用材鮮，講求健康。重點是性價比高，份量足以多人分享！！環境：位於工廈內，內裡環境十分寬敞。沿成業街直行會見到樓梯，直上一層就是了！後話：年輕的一代未必聽過【華香雞】，我也是從我媽口中得知這是老字號食店。好幾十年前她讀書時，一碟雞飯連雞腳湯，味道佳又飽肚，價錢亦相當平宜，後期好像是經營困難，【華香雞】又多間分店漸漸變成消息了。現在【華香雞】重現，我們又有口福了！

華香雞，我細細個就聽過呢個名啦，不過之前屋企附近嘅執咗，最近先知觀塘有一間華香雞，咁就梗係搵日放工嚟食啦。一入門口就見到呢個好大嘅牌匾，唔單止靚之餘，仲好有中國風味。呢度嘅侍應姐姐仲好熱情咁幫我地帶位添。黎得華香雞，就梗係要食招牌嘅華香雞啦。我哋兩個人就叫咗半隻，睇落份量都好夠喎。雞肉食落好嫩滑，雖然佢配埋醬汁，沙薑醬同姜蓉，但唔使點已經好夠味啦。呢個椰子雞湯，真係成個椰子咁上嫁。入面唔單止有椰子肉，而且飲落一啲味精都冇，仲好飲過屋企自己煲嗰啲呀。椒鹽排骨又係好適合送飯，佢嘅排骨唔會太老，而且椒鹽好夠味，令人想食多幾碗飯啊。呢個麻辣牛筋腩好香，但係又唔會太辣，適合啲唔係好食得辣嘅人。佢嘅牛腩煮得夠林，大人細路都啱呀。而且牛腩唔會太肥，牛筋亦夠口感，同麻辣汁好夾啊。呢度用既成set嘅公雞碗好有特色，而家出面好多餐廳都好少用啦。但我就覺得好正宗，而且好有懷舊嘅中國風味啊。雖然而家華香雞冇咁多分店，但嘢食嘅水準仍然係一流。而且雖然過咗咁耐，但佢既價錢一樣咁親民咁抵食，我以後放工都會多啲嚟食呀。

荃灣嗰間華香雞就食得多，知道觀塘都開咗間《華香雞》，呢日同同事做嘢經過觀塘，一於嚟試下。餐廳位於成運工業大廈1樓，地方相當闊落。除咗食雞外，仲有豬、牛、魚……等等，相當多選擇。午餐送例湯，羅漢果龍脷葉煲豬肉，清熱潤肺化痰止咳，真材實料清甜滋潤。招牌華香雞 + 黃薑飯碟 ($48) 招牌華香雞 - 有雞味，肉質爽滑，白滷水汁十分入味，難怪可成為招牌菜。烏龍茶香雞 + 黃薑飯碟 ($48)烏龍茶香雞 - 雞皮同雞肉都有好香嘅茶燻味，薄薄嘅雞皮同雞肉中間有一層透明嘅骨膠原，既有雞味肉質十分爽滑。黃薑飯 - 乾身得嚟唔會硬，味道香口。香煎蠔仔煲 ($98) - 有好多蠔仔，十分足料。食落相當香脆鬆化又唔油膩，蠔味濃郁，香口之選。呢度地方闊落、食物選擇多、真材實料、餐牌仲講明不加味精，價錢實惠，絕對係同區中個相當唔錯嘅選擇！

華香雞華香雞算是為人熟悉的老店，但這麼多年，幾經風浪，仍感受到老闆的用心經營，連裝薑黃飯的鍋或一些菜式的鍋也是精心挑選，可以保存食物的最佳狀態，既保溫又不會燶底。來這裡當然要點出名的華香雞配黃飯，我貪心，想試埋茶香難雞於是點了雙拼碟上。如果喜歡食飯焦的朋友可以鍋上，飯味更香。雞肉又香又滑，茶香雞帶有烏龍茶香，色澤亦較似豉油雞，配上健康的薑黃飯，真是午餐的不錯選擇。這天還點了欖角蒸鱔，鱔處理得很好，沒有腥味和泥味，好滑好香。加上用了可保溫的特別鍋上碟，不用擔心鱔放涼了變腥，十分貼心。而且沒想到原來欖角蒸鱔是這樣夾味，令到食雞已食飽的我還開多格胃來裝鱔。朋友還說下次要打包一份走做晚餐。

華香雞開業多年，一直都以傳統方式煮法的雞隻作賣點，而最傳統的招牌華香雞，就是滷水雞招牌也很傳統，位處觀塘工業區的成運一樓，走樓梯上就好。選擇除了１０款不同煮法的雞之外，還有牛腩，排骨，鱸魚，素，菜，白鱔等等，可以配飯或者以智能煲上半隻茶香雞（＄９０）比滷水更特色，帶點茶的澀味，不過不算很濃，加上雞本來有用一點滷水汁醃製過，所以甜中帶澀是不錯。薑蔥牛筋腩（＄５３）只點了最便宜的，上桌時超大一鍋，牛腩超軟稔，湯底又不會太多冰糖，份量很大！差點沒有吃完呢！跟餐黃薑飯又是超大盤的細菜（金銀蛋芥蘭），又是超大盤！芥蘭也是爽甜，吃極都還有！

香港是一個十分獨特的城市，由於土地問題，地價高昂，令我們這個小城市衍生了不少的樓上咖啡室，工廈餐廳等，當中隱藏著不少臥虎藏龍或抱著自己夢想的不同食肆。華香雞隱藏在觀塘的工廈，舖面很大，沒有華麗的裝潢，但食物的質素、份量和價錢等的性價比都極高，免茶之外亦沒有加一收費。烏龍茶香雞（$90/半隻）👍👍👍👍👍烏龍茶香雞的製法比較複雜，先以加入庶糖的滷水泡製，再加入古法豉油做成焦糖色的外皮，然後再用烏龍茶煙薰。經過煙薰的茶香雞，隱隱透著茶香和煙薰的香氣，爽脆的雞皮帶有蔗糖的甜味和雞油的香氣，雞肉仍然保持幼嫩。另外亦可配合薑蓉、沙薑粉或秘製辣醬，令味道更多元。椒鹽笋殼魚煲（$158）👍👍👍👍👍原條的笋殻魚切成大塊，加入炸漿，炸至外皮金黃酥脆，雪白的魚肉嫩滑鮮美，魚皮煙煙靭靱，配合椒鹽的椒香和炸蒜的蒜香，令味道提升亦更加惹味。另外想一提這個智能煲，利用燒熱的不銹鋼鍋放入木筒內，令食物上到枱時仍然保持熱度。清湯牛筋腩+白飯（$50）👍👍👍👍先說價錢，$50有一鍋牛筋腩配白飯，十分超值。牛腩炆得夠腍，還有白菜和中芹菜，而牛腩清湯也十分清甜。同樣用了智能煲盛載，吃到最後，溫度仍能夠保持。例湯（$10）👍👍

華香雞自家製烏龍茶香雞，有多款醬汁，其中辣醬沾上烏龍茶香雞，非常好食，外面的雞皮充滿茶香味，唔會有太多肥膏，雞肉好好食，記得叫雙拼食試哂兩款不同做法既雞，招牌雞一流！「蠔仔蕉蛋煲」非常新鮮，不會太鹹，而且個砵保存剛煮起的溫度，過了較長時間都是熱的，蠔餅入面既蠔仔好多，配上雞蛋🥚 炸到好香又不會炸太過脆，整個蠔仔口感豐富，調味亦做得好好！十分推薦大家試「金銀蛋滾白菜仔🥬」大大盆菜加金銀蛋，正「薑蔥虎蝦煲」即叫即整虎蝦每隻都介開了，十分易入口，攞上黎果陣仲係滾，蝦頭好易剝，粉絲吸盡鮮蝦味，食落去好甜好新鮮，佐飯一流👍🏻

觀塘一向都多工廈 朋友係附近番工 黎開呢頭所以就約佢食個lunch 朋友帶我嚟食呢間食雞嘅 雖然環境唔係話好靚 但啲嘢食真係好似屋企煮咁 係冇味精 上菜速度亦算快***我哋叫咗個招牌華香雞 配煎黃飯煲 一上台個黃飯超大盤 中意飯焦嘅我成盤清哂😂我地仲加左$10蚊轉雞脾 非常嫩滑 至於個清湯牛筋腩配白飯 牛筋腩半肥半瘦 幾軟腍 當然唔少得要有一碟菜 佢地嘅濃雞汁白菜仔份量都唔算少 重點係食落唔會好油 好有煮家飯味道 如果你地想食家嘅味道 呢度真係好適合🤣

好友話要清得清淡D, 所以SUGGEST 華香雞, 因為果度有住家飯FEEL, 而且又清淡健康, 冇味精~黎呢度, 當然要叫雞啦，最出名丫MA～我地先叫左個烏龍茶香雞(半隻)烏龍茶香雞比較深色, 味道好特別, 有煙薰過既味, 香口,  雞肉嫩滑, 即使唔點醬都好入味~蒜蓉白菜, 清清地, 有份菜食下感覺健康~另外仲有個薑蔥豆腐，豆腐好滑好嫩，而且有D湯汁, 幾夠味, 份量係極多, 好抵食!!我地仲一人叫左一個例湯- 粉葛湯，香甜美味，好岩依家濕熱既天氣飲~OVERALL 勁抵食, 每人都係$100頭~~

今日跟著識途老馬係官塘揾食，佢話要避開中午人流，差不多二點去揾食，話要食靚雞🐔喎😬哦！原來係「華香雞」，呢間老店當然知道喇，不過我唔知原來除左荃灣，官塘都有喎😍果然避開飯市，少人好多，冷氣又夠涼，坐得舒服好多👍🏻當然「雞」係主打，有不同造法，不過我地就鍾情招牌華香雞，一於要半隻👌🏻加煎黃飯煲🤗有三種配料，連埋原味，就有不同口味變化層次，還有器皿都好有特式，公雞🐔茶杯、碗筷🥢主角招牌華香雞🐔，先睇外表，唔好以為唔熟，其實呢個狀態係最Perfect，要少少見紅，雞肉先夠嫰夠滑，入口肉汁豐富，雞皮咸香惹味😋再配埋煎黃飯，就更加正，底層有微微飯焦，特別甘香，加上蛋香和特別有咬口的黃飯，健康又美味👍🏻雞汁滾芥蘭菜，蒜香加上雞汁味嘅芥蘭，用蒸煮方法，保留到蔬菜🥬的營養價值，又是一度健康美食😍估唔到官塘工廈區都可以食到家的感覺，而且價錢實惠，埋單唔使二百元，唔怪得我老友極力推薦啦👍🏻

上次同FD子夜晚食過華香雞覺得幾正，今日同屋企人行開觀塘就嚟返啅。都keep到水準，皮滑肉嫩雞味濃。有酒味但好淡，肉都幾滑嘅。唔麻唔辣嘅麻辣鱸魚，味道好淡，魚肉蒸得太耐好嚡。白鱔口感爽脆，但份量偏少。芥蘭食落咸咸地唔苦，枝竹吸咗豆豉鯪魚啲味好食過芥蘭，但整份量都係好少得幾條。味道幾香。食完呢餐不得不提嘅係個個員工都發緊夢咁…廚房係咁整錯，黃酒雞煲變咗紹興醉雞，嗌咗兩個飯嚟咗四個飯…樓面要人出聲追幾次都唔記得又落錯單…九肚魚無蝦又無，都唔知喺menu寫嚟做乜…呢間嘢真係唔會再嚟食