華香雞 (已結業)

今天在觀塘這邊工作, 相約了朋友吃飯, 工作消耗了不少能量, 需要吃點肉類補充, 發現這間主打吃雞的餐廳, 也蠻吸引的, 就在這裡吃吧。問一問店員, 知道晚上還有湯, 便order了例湯, 例湯一點也不像茶餐廳淡淡的質素, 它煲得夠濃而且很家常湯的樣子, 也幾大碗, 不太清楚實際是什麼湯, 但很健康的味道。叫了例牌招牌華香雞和烏龍茶香雞$70, 加$10轉雞脾, 它的肉質不是十分滑溜那種, 是有質感的肉, 兩款雞都香而入味, 帶點像煙薰的味道, 幾特別。另外點一個南瓜什菜煲配黃薑飯$53, 想不到什菜份量這麼多, 兩個人拼命的吃, 什菜有白菜和菜心, 如果可以再混雜一點就好, 南瓜味道出奇的甜, 黃薑飯偏軟和濕, 可能水落多了。發現價錢十分實惠, 吃得飽飽每人才幾十元, 有肉有菜, 店家主打健康養生, 不添味精色素, 吃得安心。

農曆假期和兩老跟團返國內兩日一夜，這團不論圍餐或自助餐都是以雞為賣點，有姜蓉雞、古法銀包雞、葵花雞等等，完全滿足晒愛吃雞的老爸，至於戎口的老媽就....齋睇無得食。回港後，老爸仍念念不忘，還細數多多款想吃的雞菜式，如醉雞、沙薑雞、白切雞、豉油雞，而最想吃就是客家雞，皆因他一向鐘情於客家菜。老爸一出聲又怎能不做野？馬上搜尋，找到有三十年歷史的老字號「華香雞」，位於觀塘的工廈裏。紅色的招牌高高掛，加埋牆身貼滿有關報導和介紹，好搶眼！內裏同樣搶眼，紅磚牆身鑲上一塊又金又紅的巨型招牌，有氣勢！而鮮黃色的椅子亦好吸晴。唔止呀！半開放式的廚房前方排放了一棟棟木盤，原來是用來盛載食物，既有特色，亦可能保暖。還有一隻隻鎮店的肥雞都是吸引之處。地方都幾寬敞，長方形格局，設有多張長枱，靠牆有二至四人枱，還有幾張大圓枱，可容納不少食客。只有一份餐牌，清晰簡單。除了五款鎮店靚雞外，還有十二款智能煲，當中六款是淨煲，包括滾菜、虎蝦、九肚魚、蠔仔、笋壳魚和豆腐，而另外六款就可配飯或淨煲，分別有牛筋腩、素齋、鮮雞、排骨、鱸魚和白鱔。每款類別也有不同的烹調方式，如椒鹽、仁稔、薑蔥、麻辣、欖角等，可讓客人揀喜歡的配搭。

今晚去左KWUN TONG 搵朋友食飯，佢介紹我黎到華香雞～佢話LUNCH 同同事食過唔錯，想帶我黎試試！一黎到睇個MENU，都幾多野想食～～先黎半隻招牌華香雞，味道有D 似豉油雞，食落雞肉嫩滑，蔥油D蔥都幾多，但味道唔會咸，唔錯～之後我地一人要左一碗「清補涼」～內有淮山、芡實、圓肉、杞子、蓮子、沙參、百合、玉竹、紅棗（去核）等等，仲加左豬肉、陳皮等；不寒、不熱、不燥，有滋陰、潤肺、生津功效，真材實料！ 另外叫左個琵琶豆腐，入面D料同平時食開嘅唔同，整體上很滑， 而且很夠熱，超重要～～仲有個金銀蛋浸白菜仔係我暫時食過最好食，用左咸蛋黃做埋湯汁，有別於一般淨用上湯浸，味道特別~OVERALL 真係唔錯, 而且冇加一、冇茶位，好抵呀～～

首間分店始創於荃灣的「華香雞」，係一間食雞專門店，主打自家創製的招牌華香雞，雞隻源自自設農場，雞嘅質量都有所保證，選用多種藥材炮製鹵汁去鹵製。是晚就帶左鍾意食雞的媽媽去試下餐廳採用傳統懷舊嘅雄雞碗碟，好有特色餐牌嘅選擇好多種類，除咗有雞，仲有排骨、牛筋腩、鱸魚、白鱔，素齋煲、蠔仔、虎蝦等等，啱晒口味變化多端嘅香港人。我同媽媽就每人各叫咗一個餐招牌華香雞飯雙拼烏龍茶香雞華香雞嘅雞肉好肥美，肉嫩滑，柔軟適中，好有雞味！係冇加味精、雞精、香精等等添加劑，所以食落啖啖鮮雞味！至於烏龍茶香雞都各具風味，茶香雞煥發茶香，雞味都好濃郁，適合配送白飯食煎米粉煲小編第一次食煎米粉煲，原來係靠不銹鋼鍋底嘅熱力將米粉底部煎成脆脆的口感，好香口，亦好似食緊飯焦咁。米粉加咗豉油、蛋絲同椰菜，簡單又美味冬菇豆腐煲配白飯豆腐係不經油炸的超嫩滑豆腐，加左冬菇所以令到豆腐多左菇菌香，成個煲清淡健康又美味

記得小時候經常跟家人到旺角的<華香雞>點沙薑雞及小菜，後來全線結業實在教人婉惜。上次行經成運工廈見到<華香雞>開分店，當然要重拾一下兒時味道～呢度既雞有好多配搭，除左招牌華香雞、沙薑雞，仲有仁棯雞、茶香雞等等，我地點了黃酒雞滋補一下。店主特別訂制既＂煲＂，看似一個碟但原來放在木盆上具有保溫功能。上檯時仲係沸騰狀態，散發出陣陣酒香，雞既味道非常吸引經常手腳冰冷既我，先飲兩口雞汁精華雞肉嫩滑，配上金針木耳，有養血補虛之效，加上黃酒更暖胃。本來只點白飯，不過見鄰桌既一"煲"飯幾吸引，就試左煎黃飯煲其實感覺有點似煲仔飯，店員先用小鐵鏟炒鬆黃飯，底下既飯焦脆口且帶焦香~ 店員本來推介滑蛋蠔仔，不過食左雙蛋早餐怕超標，所以點左薑蔥蠔仔，鑊氣十足，蠔仔脹卜卜且鮮甜，沒半點腥味～另外清湯牛腩煲分量都唔少。牛筋夠淋身，牛腩唔韌唔騷，味道剛好品嘗到本身嘅肉鮮味，係唔錯既選擇！　留意到vip房有一圍用餐，一問之下原來可預訂私房菜，下次家庭聚會又多一個選擇了～

公司附近最近開左一間新餐廳，主要賣點係食雞，約埋一個男同事試下。個餐牌有少少複雜，但服務員很耐性地講解，所以她介紹了我們雙拼，這樣就可以嘗試到招牌華香雞及烏龍茶香雞這兩種，再加煎黃飯煲。煎黃煲飯很特別，上菜時熱騰騰，黃薑味濃，飯底下仲會有飯焦，而且份量很大。華香雞及茶香雞，兩種雞肉很嫩滑，我個人偏愛茶香雞，有一種獨特的煙燻味。服務員還是給我們有薑䓤，辣醬等等，送飯一流的。還叫了清湯牛筋腩煲，上菜時也是熱騰騰的，清湯腩有嚼口，還有牛筋，味美極了。餐飲可以揀例湯或餐飲。

今晚係APM行街,上網搵附近有咩食,搵到呢一間源自1988的華香雞。地理位置容易搵,位於一樓,行上樓梯就見到大大招牌同兩旁既宣傳單張~店內環境寬敞舒適明亮,一坐低,留意到檯上有紙巾提供,然後店員好快就有禮貌黎接待我地,所有店員都一同著起黃色制服,比我既感覺好整齊乾淨。我地可以選擇要茶或水,而餐具是傳統雞碗,份外覺得家的感覺~欣賞佢地既菜單,單單同一既食材,卻可以由客人選擇不同調味同烹調方式,今晚我同老公叫左:$53清湯牛筋腩(其中$3係因為轉黃薑飯)﹑$88客家黃酒雞煲﹑$98椒鹽9肚魚﹑$48濃雞汁菜心(小煲)呢到既特色就係所有餸菜都係熱騰騰上檯,全部都熱得有bu Lulu既聲音上檯,而且全部由竹盤盛載,望落同食落都係大大份,以佢地既價錢,絕對係抵食~客家黃酒雞煲除左主角重要,配料都重要, 有紅棗、薑、芹菜、木耳等等,酒味雖濃但不過火,雞肉肉質嫩滑,而且吸收所有配菜同酒既味道,令人胃口大開~椒鹽9肚魚,其實原先我地想叫香煎蠔仔煲,可惜最後一份岩岩賣完,店員就推介我地食9肚魚,都好呀,一於就椒鹽9肚魚。椒鹽味道真係抗拒不了,香口到不得了,而9肚魚熱騰騰,肉質新鮮,又係食到LAM LAM

今晚約了幾個波友去了觀塘食飯，其中一個觀塘人就帶了我們去這間華香雞店。餐廳位於工廠大廈內，地方寬敞。烏龍茶香雞半隻：雞皮被薰至焦黃色，帶著淡淡茶香，味道方面，茶香多自雞皮，雞肉的煙薰味較淡，肉質比較有咬口，半隻份量已足夠三人分享有餘。清湯牛筋腩煲：牛腩份量十足，雖然不是坑腩部位，但肉質都炆至很腍又入去，還帶些牛筋部位，入口溶化，清湯鮮甜。金銀蛋菜芯：菜芯煮得較腍，表面舖滿了大量的皮蛋及咸蛋，還有很多的炸蒜，要的是中鍋，份量等同外面的兩碟，超級抵食。

觀塘越開越多餐廳，今次就經過見到這間以雞為主題的小店，以智能煲為煮食工具，款式不算多但勝在便宜。薑葱鱸魚原條鱸魚開邊蒸焗，鱸魚肉質雪白，魚肉鮮甜嫩滑，魚鱗撤底去掉，魚皮乾淨，所以可以連皮一起吃，除了魚腩部份，魚骨不算多，還有魚春，以薑葱作配料，可以去掉魚腥味，亦能提鮮。烏龍茶香雞半隻茶香的煙燻味濃郁，尤其是雞皮必食，雞皮油脂較重，雞肉略嫌不夠嫩滑，但味道確實不錯。煎黃飯煲有驚喜的飯，一大盤飯底還帶飯焦，十分香脆，薑黃味都算香，還有些椰菜及蛋絲配料，飯就比較濕潤。

華香雞相信很多觀塘人也吃過，但相信不是每枱客人也點雞以外的食物，今日難得集結幾個朋友去食，必要試上新菜式。店舖位於東廣場，入內有個中式古典招牌，有點古時客棧的感覺。餐牌選擇滿多，由最平價抵食碟頭飯至煲仔小菜也有，雞、魚、蝦、蠔等煲仔價錢普遍一百左右。午餐決定每人點一個主食再額外加欖角蒸白鱔。主食當然是以雞為主，上菜速度滿快，點餐後不久就上齊。欖角蒸白鱔極驚喜的菜色，鱔片每片較薄灑滿大盆里，魚肉質柔嫩細緻滑溜，晶瑩剔透，入口欖角香滲在鱔肉里，味道鮮甜帶鱔香，沒有半點腥味。花椒麻辣雞一開始知道是麻辣醬加在華香雞上時有點失望，吃上覺得麻麻辣辣異常過癮。雞肉質軟滑帶韌性，雞皮薄而沒肥膏，麻辣中現雞香。

朋友於觀塘返工，星期六返半日，於是便相約到觀塘工廈覓食!而這天朋友又想食下中菜同雞，於是就黎左呢間餐廳試下。只要上工廈的樓梯一層便到餐廳，十分方便!餐廳環境很大，可以容納到好多人，但可能因為係星期六，所以未算很多人食LUNCH!看過餐牌，點了兩款不同的雞試下。招牌華香雞配煎黃飯煲($45)，上菜的時候真係嚇左一跳，因為個飯仲大過碟雞!先講講個招牌華香雞，味道似豉油雞，雞肉嫩滑有雞味，蔥油都有很多蔥，味道唔會好咸!煎黃飯煲亦都係這間店很出店的，聽店員講飯煲是他們公司特製的，可以做出飯焦!這煲飯大概可以分到2-3碗滿滿的飯，黃薑飯已經有味，還有紅蘿蔔絲、雞蛋絲和菜絲一起，淨係食個飯都已經好好味!黃酒雞配黃薑飯($50)，黃酒雞就是用上這間店特製的煲盛著，黃酒雞用上紅棗、薑、金針、雲耳、芹菜一齊整，所以味道很濃。雞仍然很滑，而且吸收了雞的味道，特別惹味。而配菜金針、雲耳同芹菜亦吸收哂黃酒加上雞油的味道，所以用黎撈飯一流!而這碗黃薑飯就不像煎黃薑飯一樣有味，但是用上黃酒雞的汁撈埋一齊食的話，絕對可以食多兩三碗飯呀!以上兩款飯都是可以跟例湯/飲品，當天的例湯是老黃瓜雞腳湯，味道唔係好濃，淡淡地，

今晚是公司團年飯。朋友說從小吃華香雞長大，但因為我不是這個年代，我沒有試過。 前晚試過之後驚為天人，這是我吃過最好吃的中式雞肉一進門口跟華香雞招牌合照時，黎到既待應四萬咁口咁提議幫我影相，而佢哋成晚既態度非常好。完全唔似普通工廈黑口黑面既質素最難忘的是花香雞，水晶雞與茶香雞。雞肉有韌勁至於，又能保持著嫩滑口感，而且非常有雞味。至於，這個花膠火朣炖雞湯用料十足，而且沒有加鹽與味精，能夠品嘗到雞湯的原汁原味。我下次經過觀塘會再光顧。

有一日為咗食一間新開嘅店舖，咁啱路經呢一間"華香雞"，就決定下一次嚟呢度食啦!地點唔算太難搵，都係喺馬路邊嘅工業大廈，上一層樓梯就到。地方好大，好多座位，應該唔怕冇位坐。主打就係雞我要咗"茶香雞", 另外朋友要咗"招牌華香雞"。茶鄉雞配黄飯雞唔算太嫩滑，感受唔到"茶香"係咩味。。。有少少似豉油雞。。。飯有少少鹹味，都ok菜是凍的招牌華香雞配黄飯沒什麼特別，飯一碟~跟餐的湯看似十分足料，被佢吸引所以就叫了湯，而沒有叫飲品，十分後悔。。。完全係滾水沖出嚟， 我相信湯頭係十分足料的，不過可能唔夠，或者有用滾水加落去。。。 總之味道完全不能接受奶茶每人午餐大約$60一個人價錢不高，但性價比低

晚市一個人去，問佢仲有冇碟頭飯食，佢話有，咁咪坐低食囉！點知，碟野黎到，肉少唔在講，最最最最大問題係:成碟野都凍架大佬! 雞凍嘅! 薑蓉凍嘅! 連菜都係凍嘅! 得d飯係有少少溫度，其他野凍過冷盤!! 嗰幾件雞仲要冇乜肉，雖然$48係平啫，但係咁嘅質素，再平都死啦..........已經冇討論餘地........係我唔啱! 晚市時間走去叫碟頭飯，要你serve啲凍雞俾我食，好對唔住呀!我保證: 唔會再有下次!!!

我平時滴酒不沾 ，但醉雞我就至愛食喇！見呢間食店有醉雞餐， 我就點會放過呢！紹興醉酒雞配湯麵線，酒味不太强烈，雞肉嫩滑，肉質有咬口，午餐食淡淡地都好，免得食醉咗返唔到工。椒鹽排骨，夠辣刺激，喜歡食🌶，才好叫，我覺咁香口飲酒好似啱D。欖角鱸魚，魚汁夠惹味，芫茜幫助提升魚味好夾，配白飯食最啱！