薄荷葉泰國菜

營業中

休息中

估唔到元朗有間氣氛咁好，啲野食又靚又好食的泰國bar~ 實在太鍾意食泰國菜🇹🇭，真係百食不厭☺️一入餐廳已經聽到好好聽的泰文歌同待應好熱情的招待🙈估下我地今次叫左咩？雖然去到bar 冇叫酒有d可惜，不過叫左海鮮🦀仲正😋😍因為實在太鍾意海鮮^，^配埋椰青（$45/個）係perfect match~我哋仲叫左：1.咖哩🦀（$418/1.2兩）d咖喱汁煮得好好食👍🏻，好入味，好鮮甜，多肉又多計，食2夠已經夠～2.Pad Thai ($128)超值之選，份量多到2個人都食唔晒，仲要裝飾到超靚✨送到枱面忍唔住「哇」一聲，上面隻🦐＆🌿好似孔雀開屏🦚味道就唔洗講，超好食，除左金邊粉，入面仲有肉＆雞蛋芽菜～The restaurant also provide gloves for eating the crab 🦀 It consider customers’ matter of hygiene, so admire their considerate attitude 😊Must order beer 🍺 last time for some celebration or gathering eve

有朋友極力推介呢間泰國餐廳，一行四人就一於試吓。訂枱7:00，坐喺樓上一樓。見到7:30開始已經有人龍排隊等位。Satay beef/ pork / chicken $198 for 6 PCs 沙嗲（豬牛雞六串）$108串燒熱辣辣，燒得好香，點沙嗲汁好惹味。泰式金邊粉$128Pad Thai $128 插咗隻蝦喺上邊， 買相特別，再煎蛋包住整個金邊粉，伴入芽菜、韭菜、花生碎，唧少少青檸汁，撈埋辣椒粉，辣得過癮。泰式燒蠔$198 (4 個）Thai style bbq oyster $198 （4pcs) 肥美的蠔，上面有泰式辣醬，好味，每人食兩隻。泰式豬頸肉炒麵$118Fried noodles with pork neck $118 炒得好香，炒麵彈牙。

返左成日工當然要食番餐好~元朗住嘅朋友又話要帶我食好野平日夜晚餐廳都六七成滿半開放式設計環境舒服開揚~背景大投射幕播歌 氣氛好好😆同朋友傾住計好chill好舒服每次食泰國野都有選擇困難泰式小食、炒粉麵、海鮮乜都有得兩個胃樣樣都想order🤣佢地上菜速度好快 食物portion又大馬拉盞炒通菜 $78炒得好香好惹味 絕對有落足馬拉盞👍🏼仲有小小辣係泰國食大排檔感覺返晒黎！沙嗲串燒6串 (豬、牛、雞) $108串燒肉好大舊啖啖肉😋肥瘦適中均勻 唔似出面果啲好乾身又瘦😅餐廳pre set左豬牛雞各兩串食客亦可以自由配搭肉嘅選擇冬蔭公湯(細) $108我地2個人嗌左細份食埋其他野都勉強飲得晒😝入面有蝦同菇唔算好辣都好夠味~佢地用黑色pot上冬陰公湯有別一般泰菜店爐加火咁上依啲唔起眼位餐廳都有花心思👍🏼泰式炒金邊粉 $128個賣相好靚炒蛋鋪面有幾隻蝦係上面做裝飾好得意入面金邊粉夠濕潤好夠鑊氣！最初未切開錯覺以為好細份點知差啲食唔晒🤭店員推薦嘅椰青 $45100分~椰子水好夠甜入面仲啖啖肉🤩正！

最近好鍾意入元朗搵嘢食，因為呢度真係有好多唔同嘅小店，唔會千篇一律都係食連鎖店。今日就入咗元朗搵朋友食飯，佢帶我去食泰國菜，Mint Thai House佢話食過幾次質素都幾好。呢間泰國菜係喺元朗體育館附近，有indoor 同outdoor ,環境暗暗地，有個大電視播住泰國歌，氣氛都唔錯。menu 都有幾多嘢食揀，樣樣都想試前菜小青瓜，酸酸地好開胃我哋點左串燒，揀咗豬牛雞各2 串（$108）賣相好吸引，仲配有新鮮自家種嘅小茴香，連埋啲肉一齊食好清香，肉嘅火候控制得啱啱好。外面燒到有少少焦香哋，入面又可以鎖住啲肉汁，而個沙嗲醬甜甜辣辣，有好香嘅花生味。馬拉盞炒椰菜苗$98每次食泰國嘢都要食椰菜苗，可以選擇馬拉盞炒或者鹹魚炒，我哋鍾意食辣就點左馬拉盞，炒得好有鑊氣，帶有少少辣味，椰菜苗又爽又脆，好惹味。明爐酸辣魚 $198呢個明爐酸辣魚好特別，味道好有泰國嘅風味，同平時食嗰種有少少唔同，個酸辣汁並唔係清澈個種，紅紅地嘅汁有少少酸辣，同埋帶有泰國香葉嘅味道。條魚有走過油，食落非常香口，仲食到佢嘅香脆，魚嘅肉質亦夠鮮嫩，唔會因為一路燒，而肉質變得鞋左，同埋條魚唔多細骨，好容易食。魚上面亦有好多

元朗真係好多野食！今日行入少少嚟到薄荷葉食泰菜🥰.餐廳幾有格調，又有酒可以飲下，一班人就啱啦😍 叫左個木瓜沙律🥗 上枱就覺得幾靚下！份量亦好足，酸酸甜甜又夠爽口🥳幾refresh!! .另外點左菠蘿炒飯😚 真係2個人食唔哂，上面好多肉鬆、nuts、菠蘿同海鮮🦞 撈勻食都幾有咬口，飯都炒得粒粒分明添👏🏻👏🏻.再叫個燒羊架😜 上面有d椒鹽粉同香料，食落好惹味，又唔會太干，熟度亦剛剛好！配左d沙律菜可以解下膩添🤩🤩.馬拉盞炒通菜就一定係必食泰菜啦！炒得剛好又唔會太油，濃味菜撈飯一流😌.叫埋杯菠蘿特飲轉下口味又可以清爽下，值得再嚟呀👍🏻👍🏻

泰國薄荷葉餐廳今日朋友生日所以請佢食生日晚飯～佢鍾意食辣同埋醒神開胃嘅嘢食，你是帶咗佢去一間泰式餐廳。去到之後勁多人喺呢度食嘢，一睇就知冇介紹錯。有別於一般傳統嘅泰式餐廳，呢度嘅環境好似酒吧咁樣，好有活力，好夢幻。好啦事不宜遲，肚仔餓，咁就開始叫嘢食啦。打開餐牌有好多唔同嘅角色各樣美食選擇，有小食，頭盤，海鮮，湯，特飲，等等。咁我哋首先叫咗：餐廳會提供酸瓜小食比大家醒下胃，好好食～肉碎生菜🥬包好味指數：10/10首先份量都相當多，肉碎都充滿咗唔同嘅香料，又有啲瘦肉，又有啲肥肉，另外生菜都新鮮爽脆，再加上秘製醬汁，一咬落去簡直非常之好食！非常推介大家去食之一！沙嗲（豬/牛/雞）肉串好味指數：9/10每款肉有兩串，新鮮烤到上手，一定要趁熱食，咬落去熱辣辣，肉質鮮嫩，香濃可口，層層厚肉，門滿口多汁，烤到岩岩好，唔會太硬。泰式牛仔骨好味指數：10/10呢個好食到停唔到口，可以講師傅揀塊肉同埋係烹調上面落足功課，淨係得肉無脂係唔夠好食，而呢塊油脂同肉分布平均岩岩好，食落去入口即溶！越式紙米卷好味指數：10/10大家食咗咁多香濃可口嘅嘢食，最後叫一碟清淡嘅嘢食，裏面有一塊煙燻嘅三文魚，同紙米卷配搭

<<Thursday Couple 尋食記😋👣>> 同男朋友係YOHO Mall 睇完戲！就係元朗搵啲嘢食！想舒舒服服坐低食啲好嘢！之後就上OR睇到呢間泰國野環街同食物都好似不錯😚🥰好有泰國fu ，好似開咗好耐，好多人都推薦🔥所以我地就行咗過黎呢邊。其實都要行一段路，但同男友散下步咁過黎都幾正🥰🤣🔥好似去咗外國旅行咁！仲有個吧枱仔！好有feel ！我見大家多數都係黎飲酒chill 下！好正！仲有個大銀幕播住啲外國歌同MV ，好寫意！☺️☺️😎🤩佢哋嘅食物種類都好多，一般嘅泰國菜都有齊！見到個唔係成日有嘅蠔，男朋友話想試！又唔想咁熱氣叫炸蠔！咁啱佢有一個泰式烤蠔！好似都好正！所以叫咗！而我本身自己唔係好食蠔嘅！但有成四隻，所以我都試下，因為男友話唔會腥，同佢個sauce 啲味好正，好特別，有啲酸酸辣辣咁！我食落都覺得幾好食！😂🤣😂中意食蠔都幾推薦你叫！😚😚但佢就唔會太重海水味！🤩之後又例牌叫番個pad thai ，再加上呢個睇圖已經覺得佢好靚靚！有個蛋網包住啲pad thai ，仲有隻蝦做裝飾！啱曬打卡！🥳🥳但原來佢啲pad thai 都炒得幾地道，又偏酸甜，

🥒 有機前菜 $12一入座就自動上，細細碟嘅青瓜，都幾開胃🥬 馬拉盞炒通菜 $78馬拉盞食落唔會太鹹，有菜食感覺健康啲🍛 青咖喱（牛）$118平日食開紅色或者黃色嘅咖喱，青咖喱比較少食，唔會太辣，只係少少辣🌶️ 啲牛肉都幾軟腍～🐖 泰式燒豬頸肉 $108肉質偏瘦，外層幾脆，配埋沙律🥗 🍢 沙嗲（豬/牛/雞）6串 $108串燒係放喺酒杯入邊，比較特別～ 肉質軟嫩，都幾大舊，飽肚～🍍 特色菠蘿飯 $128菠蘿飯唔係裝係菠蘿入邊，而係一個大木桶🪵 個桶幾深，份量都多，有肉鬆、海鮮（蝦🦐、魷魚🦑）等配料我發覺呢度每個餸都會附上🍴，可以做公筷～ 而且每碟都會有葉🍃或者香草🌿

朋友介紹了元朗一家質素很高的泰國菜，星期五晚特意相約一起去試試看。串燒選了三串牛和三串雞，賣相吸引，配搭惹味的沙嗲醬。雞肉嫩滑，燒得剛剛好，沙嗲醬花生味濃，還吃得到花生粒。串燒搭配了一小撮有機茴香，店員說是自家種的，搭配串燒味道更清新。蝦餅分量很大，件件都炸得金黃色，火侯剛好。搭配泰式辣醬，外層香脆內裏彈牙，是每次吃泰菜都必點的菜式。青咖喱雞不太辣，除了雞肉還有茄子蕃茄等配菜，沾滿咖喱汁很入味。吃咖喱當然要配薄餅，入口香脆酥軟，不覺油膩。冬陰公點了小份，兩個人分享剛剛好。湯裡有很多配料，除了蝦還有秀珍菇和蕃茄等配料，味道不會很辣。馬拉盞椰苗比一般椰菜口感較為滑嫩，加上馬拉盞更能帶出鮮味。菠蘿特飲甜而不膩，有一點點夏天的感覺。薄荷青檸梳打清新又醒胃，吃泰菜配青檸梳打更有泰國風味。

甜柚鮮蝦沙律洋蔥絲，紅蘿蔔絲，芽菜，椰菜，番茄仔，清甜嘅柚子，鮮甜爽口嘅蝦肉，加埋酸酸哋嘅醬汁，好fresh好開胃。泰式燒牛仔骨外表燒到焦香，7至8成熟食落唔會太韌太老，又不失筋肉嘅嚼勁，均勻嘅肉質牛肉嘅原味出晒嚟。配埋秘製嘅醬汁食，仲有自家菜園種嘅小茴香，味道更豐富。椒鹽魔鬼魚炸到勁香脆嘅外皮，滿滿椒鹽香味，上面鋪滿三色椒，一齊食冇咁油膩，雪白鮮味嘅魚肉，連魚骨都脆到食得。兩種秘製醬汁，一種青椒一種紅椒，青椒偏辣，紅椒偏酸，適應唔同口味嘅人。馬拉盞炒通菜菜質好嫩好爽脆，馬拉盞醬惹味，同通菜真係最佳配搭。斑蘭黃咖喱豬+薄餅黃咖喱味道唔太濃，偏甜，加埋洋蔥青椒就更清新。豬肉好嫩好入味，反而斑蘭味就唔係太出。值得一讚嘅係薄餅，上枱熱辣辣嘅時候外皮香脆，裡面煙韌，就算凍咗都仲keep到。泰式炸蠔香脆嘅外皮包住大大隻熱辣辣又鮮甜嘅蠔，蘸秘製醬汁用自家菜園種嘅生菜包住食，清爽鮮味。薄荷葉青檸梳打薄荷葉都係自家種，好香，夠汽夠酸，解膩一流。椰青鮮甜，解辣一流

元朗有幾間出名嘅泰國菜餐廳，今次朋友就提議食mint🇹🇭什錦小食(細)🍴小食拼盤長期都係我嘅必叫list，依個什錦小食有炸蝦餅、炸魚餅、雞肉沙嗲、豬肉沙嗲、春卷、蝦片，份量啱2人share👫炸蝦餅魚餅都鮮味彈牙沙嗲燒得恰到好處，醃料惹味得嚟亦冇完全蓋過本身嘅肉味不過春卷就實咗啲，綜合嚟講屬於中上水準👍班蘭咖哩魚🥘咖哩魚賣相十分精美，條魚本身都幾大條又唔多骨，容易起肉，而且呢款咖哩係唔辣嘅，咁就可以食到多啲魚嘅鮮味，另外叫咗薄餅嚟點咖喱汁🫓馬拉盞通菜🥬餐牌第一頁介紹咗餐廳用嘅泰式香料同埋蔬果係來自自家農田，本來想特別食下有機菜，可惜嗰晚賣晒，唯有叫番馬拉盞通菜，馬拉盞嘅鹹鮮味啱啱好😋椰青, kirin ichiban frozen beer🍺餐廳係半開放式設計，雖然係食泰國菜，但幾有酒吧嘅氛圍，適合放工嚟輕鬆下，又或者一班friend慶祝生日(嗰晚咁啱就有兩枱🤣)

今次遠離一吓元朗市中心，走咗過嚟元朗圖書館呢邊搵食。經過呢間泰菜，見氣氛唔錯，就決定一試！呢間餐廳環境真係唔錯，餐廳唔算好大，但有室內同室外選擇，燈光稍暗，而且播放住音樂，都幾好feel。一坐低，餐廳職員立即送上餐前小食，青瓜好新鮮，配埋個醬汁，酸酸甜甜好開胃😋今次我哋2個人叫咗泰式燒豬脾仔、沙嗲、馬拉盞炒椰菜苗、廚師特色蝦醬炒飯同2杯可樂。首先嚟到嘅係馬拉盞炒椰菜苗，椰菜苗咬落有質感，配上馬拉盞嘅鹹香，夠晒惹味。個廚師特色蝦醬炒飯一嚟到真係好吸睛，頂層係蝦串，中間係魔鬼魚乾。將個蝦醬炒飯連埋配料撈埋一齊，食起嚟一啲都唔單調，而且仲有提子乾同青芒果，酸酸甜甜，夾埋啲飯一齊食，一啲都唔膩；而且個魔鬼魚乾都幾特別，鹹鮮鹹鮮嘅，起咗一個提鮮嘅作用。佢個泰式燒豬仔脾亦係驚喜之作，火候控制得啱啱好，保留到豬仔脾既嫩滑肉質，啖啖肉，加上泰式酸辣醬，更加惹味。個沙嗲都唔錯，即叫即燒，質感嫩滑唔柴皮，而且肉汁豐富，再配上惹味濃郁嘅沙嗲醬，令人回味無窮！整體嚟講，無論環境、食物同服務都唔錯，好啱朋友仔一齊出嚟飲吓啤酒，食個飯吹吹水😊

今日又入黎元朗搵食，見耐冇食泰國野🇹🇭就同朋友黎左呢間半bar半餐廳食呢到啲音樂都好大聲，加上環境暗暗地同埋有露天位，超有feel，夜晚黎嘆番杯酒都幾chill，不過今日就黎試佢啲野食食物都好多款式可以揀，唔同款海鮮同沙律，而且價錢適中，有啲選擇困難症🤣一黎到會俾左個前菜食住先，係醃青瓜同蘿蔔，好清新醒神甜柚鮮蝦沙律：柚子酸酸甜甜，好多汁，加埋大大隻蝦好新鮮，非常開胃！什菜粉絲煲：有甘荀、粟米仔、西蘭花、椰菜花、芥蘭、車厘茄，都幾多款，健康之選。加上超多粉絲好大碟，差啲食唔晒特色菠蘿飯🍍：同出面好唔同嘅係佢用木桶裝，都幾得意，飯炒得幾香，入面啲料都好多沙嗲（豬/牛/雞）：每樣有兩串，真係好正，燒得好香脆，唔會油而且冇雪味，沙嗲汁味濃，推介必點菠蘿/石榴特飲：都幾大杯，唔會太甜，個人幾鐘意店員服務態度都幾好，食物好快送到，收枱都好快

夜晚過去，裝修得很漂亮，充滿異國風情，點了咖喱，烤肉，金邊粉，烤肉超大串，用高杯子裝著，好好食，咖喱我們沒有點飯，點了包，沾著食好食，因為咖喱都幾多，後面還追加一份包，金邊粉就好看但味道真的一般啦，總體推薦咖喱和烤肉

經過呢間餐廳嘅門口好多次 終於有機會試到啦，今次係嚟食下午茶 因為係閒日， 加上下午時段所以餐廳冇乜人侍應服務都幾好，一坐低就遞上餐牌 不過我同男朋友 揀咗好耐都唔知食乜好 最後決定是但食個飯就算我哋一人嗌咗一碟飯， 我食菠蘿海鮮炒飯佢啲飯好大碟， 份量亦都好多 一個人食係會食淨，飽到上心口整體黎講都唔錯嘅，不過我覺得啲飯嘅味唔夠出同埋啲飯炒得太乾，我唔習慣食咁乾爭爭嘅飯飯入面嘅魷魚同埋蝦， 好似都未夠新鮮相反男朋友嗰個飯，味道反而好出有少少辣辣地，啲冬陰功味好夠食完覺得好開胃， 酸酸甜甜咁嗌飯會送飲品，係跟餐嘅我哋一人嗌咗一杯草莓特飲，同埋菠蘿特飲雖然好鬼細杯，不過味道好好呀真係幾好飲，成杯邊食飯邊飲晒好香嘅草莓味，同埋有好多草莓肉沉晒底啲嘢飲用來影相打卡呃like真係一流夠晒靚至於碟炒通菜，夠曬大碟，份量亦都超級多 我哋食埋個飯，已經好飽所以啲菜都只係食咗一半味道都唔錯嘅炒得幾香，只係啲菜食落有點韌感覺啲菜有啲老咁