藏戶概念館 (已結業)

我們一行 8人去試, reception 話無晒位, 要坐房, 不過有min charge $1200我們掃過餐牌, 見OK, 中左入去問題:1) 那間不是房, 只是有竹廉的卡位, 可以聽到後面枱食客的對話2) 每款食物只是幾十, 但原來份量很小 (見議有相post 的話, 下次唔該放包tissue 一齊影, 有個size 對比最後, 我們每人消費$200, 不過食唔飽如其他消費者想試, 千萬不要坐有min chage 的房 (因為如果有咩唔對路, 都可以閃) 食客可先點幾款小食, 自己確認一下份量有幾"大", 睇下我講既有無錯

昨天8個人去食晚飯, reception 姐姐話只有坐房才有位, 不過房有min charge $1200我哋見 $1200 都OK la, 掃過餐牌就中入去不對路地方:1) 那間不是房, 只是有竹廉的卡位, 可以好清楚聽到後面那台食客的對話2) 其實入面可以坐 8 位的枱全部都係"房", 所以人多去, 你只可以選擇坐房或都唔幫襯3) 餐牌上每款食物既價錢都是幾十, 不過份量其實好少最後, 埋單每位 $200 (不過食唔飽)如果大家真係要試, 千萬不要坐"房", (如果無min charge, 唔對路就可以鬆人)

父親節提早食飯, 餐廳專登打黎話留張卡位俾我地, 不過要九點交檯, OK啦! 1. 牛油焗什菌 ------- 好味2. 一口芝士 (4粒) -- 芝士味重,一人一粒剛剛好3. 什錦串燒 ---------- 有燒菇同肉, OK 4. 冷稻庭烏冬 ------- 好滑, 好好味5. 海鮮海膽炒飯6. 三文魚壽司7. 三文魚刺身8. 軟殼蟹沙律卷9. 芒果卷第5-9項, 不過不失, 埋單八折後$400, 下次會再黎我見到入面有坐地下既房仔, 下次去會試下!

上星期日兩個人lunch黎呢度食～去到唔係好多人，佢俾左個卡位我地坐～由於係日頭所以好光猛！有街景睇～星期日全日半價起～有三張紙寫晒有半價的食物，另外仲有午市定食，餐牌上唔係半價的都有七折～（忘記左其他半價時段）試左幾樣野：北海魚生飯午餐($58)+前菜甜茄子+麵豉湯+甜品係和?子（唔知咩味的糯米磁雪糕～好清新）+餐飲：個魚生飯唔係魚生碎，全部都係一件件刺身，有帶子，蛋，蟹，海膽，三文魚子，北寄貝，好新鮮，三文魚子唔腥的～三文魚刺身(2片半價$9)，吞拿魚刺身(2片半價$19)，油甘魚刺身(2片)：新鮮，好味櫻蝦炸豆腐(1大件)：熱辣辣，配平時天婦羅的sauce好味～藏戶卷(4件)：外層好似係蘿蔔，入面有青瓜絲，三文魚，吞拿魚，三文魚子～很清新！所有野都好好味！！下次再試其他野（當然係半價起時段先去～）！

上星期同friend到藏戶概念館食晚飯, 換黎一肚氣. 上菜遲但迫人交檯:9點半要人交檯, 但9點3才上完所有菜. 我地係8點落order 既.燒烤併盤: 茄子是生的, 冬菇燒到好乾.燒雞沙律: d 菜苦苦地.甜品: 套餐雪糕無上就迫人埋單服務:其間無人收碟, 問拿紙巾又唔願做咁樣.4 人埋單 6百多, 個人平均消費要 $150的會有很多更好的選擇.

前晚 d 8 個 fd 去食飯, 安排左個 "房"俾我地, 勁迫囉, 個四眼經理仲要話 d 同事做 booking 個時講左, 全部人 o 左咀....因為完全無講, 既然係咁, 大家唯有迫住坐啦.d 食物係 ok 既, 但上菜好慢好慢.因為威 sir 生日, 我地之前放左個雪糕旦糕上去, 叫左 n 世話要起, 好耐都未黎. 一黎就融哂.....跟住個經理仲要話, 我唔知你地個個係雪糕旦糕喎....無野嗎.....咁大個字寫住都唔知? 埋單個個人, 無表情, 多謝都無句.從此我地會將依家野 black list.

15/5(四) 7:30pm友人還人情債的一餐.是次決策者為男友也.一行四人鮮有地選址於旺角,到兆萬中心內的"藏戶概念館一試底蘊.踏進店一室幽暗,被引領到倚窗的四人卡座.軟卡座舒適度實在應記一功;坐足兩句鐘也舒坦依然!除廂房以和式木垂簾佈置外,基本上格局和風味不重,但跟鄰桌的空間充足,難得的不受喧嚷之苦!主打和食,亦有供應非傳統的菜式;我們老愛忠於原著,點了蟹籽軟殼蟹卷物$48,什錦壽司拼盤$198,厚燒玉子奄列$22,和牛炸薯餅$48,,燒魷魚筒,炒什菜$28,稻庭烏冬$48,松葉蟹肉炒飯$68.蟹籽軟殼蟹卷物--壽司體型迷你,舖面的蟹籽並不爽脆!而軟殼蟹肉相當單薄,脆度亦然!苟且的卷物!厚燒玉子奄列--玉子體型嬌俏,入口嫩透,清香的蛋香中滲出微甜;查根究柢原本是從日本供應商交來的;不可不追加的玉子!什錦壽司拼盤(12-14件)--熟蝦,甜蝦,海膽,蟹肉,吞拿魚,三文魚,鯛魚,油甘魚,立魚,帆立貝toro壽司及炸蝦卷.一眾壽司鮮度皆達標.海膽尤甚,鮮甜至極.toro入口亦至半溶化之境地.和牛炸薯餅--外脆內軟,薯餅香軟輕柔,富淡然牛油及芝士香,幹掉整個也不感膩;奈何和牛碎也嚐不出!燒

跟babe試了set lunch。我要了天婦羅稻庭烏冬set，babe要了壽司(十件)set。天婦羅稻庭烏冬set - 稻庭烏冬真的頗煙刃，很喜歡，但天婦羅(蝦、芋頭、南瓜等)就較遜色了，油頗多。壽司(十件)set - 壽司用料一般，每件都比正常size小，但以此價錢，還可以喇。下次可再試試其他食物，或為了烏冬再來。環境和服務不錯，是聊天的好地方。

有幾款菜我特別鍾意：1. 冷稻庭烏冬- 勁爽勁滑，每次去都必食2. 北海道帶子刺身or壽司- 唔係成日有，超大隻超厚仲超甜，忍得住就奇3. 柚子sherbet - 又大個又好味4. 巨峰提子sherbet - 味道出奇地唔人工，同食緊巨峰提子差唔多，正其他sushi & sashimi都好新鮮好好味，熱食份量都唔少，唔會食極都唔飽，套歺都唔欺場，好味夾大件，兩個大男人都食唔哂

其實都來食過好幾次, 有時晚飯時間, 有時半價食, 之前9:30 去食, order D 野好耐至到, 于是就隔左成5個月至昨晚至再光顧昨晚9:20 就上到去, 好多位但就話要9:30至可以入座(同以前吾同啦)門口都有幾個人等緊, 其實差十分鍾啫, 應該俾人入去坐住先啦, 你話我8點幾9點就坐定入去等半價就話啫咁耐無來, 第一時間睇價錢, 又好似無加價喎, 燒三文魚腩sushi 都只是$10, sushi 真係同我最愛的板前一樣good我地三個人叫左13客sushi, 炒野菜, 燒雞沙拉, 枝豆, 多春魚, service 好好呀, waiter 好有禮貌佢地原來星期日全日都係半價, 咁就一定要半價至去食啦

可能太耐冇去過兆萬﹐我同朋友用左超過十五分鐘都竟然揾唔到部LIFT上去(上9/F原來要上4/F再轉LIFT﹐而且LIFT已經搬到商場另一邊), 幾經辛苦上到去﹐有D嘩一聲﹐因為估唔到兆萬有裝修得咁靚咁高格調的日本餐廳﹐同銅鑼灣的萬藏有D相似。必食推介1) 雜錦刺身(超新鮮﹐尤其係八爪魚同劍魚﹐非常鮮甜﹐連平日只愛三文魚既我都食左兩件)2) 芝士海鮮煲(類似芝士火煱﹐不過蒜蓉包太少﹐再叫多了一客都淨番好多芝士是次晚飯時段惠顧﹐(八折後) $140/位多D人仲可以坐和式廂座﹐好舒服﹐不過略嫌上菜太慢Mon-Thu 晚市八折﹐每晚9:30後半價(建議訂位﹐因為好多人)我果晚去完介紹左俾國同事﹐佢就第二晚9:30去﹐食左~$120﹐佢話介紹﹐因為好好味同半價好抵﹐可以好似放題咁狂叫

今日同女朋友去食晚飯, 但我想不會再去食, 除非上去借洗手間啦我地叫左三客sushi, 一客串燒, 食完個sushi 就即刻想走, total 一百元, 首先講下啲sushi啦, 我諗應該同百佳牌既質素差唔多, 啲三文魚不太新鮮, 而且仲要唔係一塊完整, 而係穿左個窿, 可能呢啲係師傅先生既獨特設計啦, 而其如兩碟既sushi不題也罷, 食既時候, 我只知自己食緊一種叫sushi既食物lor,甘仲有個串燒東菇, 燒得太乾+ 無汁, 有點像東菇干, 可能師傅先生想讓我試下當燒魷魚甘食gwa,其實, 仲有叫其他野食, 但我都唔知係好彩定唔好彩, 經理先生唔記得落單, 所以我同女朋友知道就即刻埋單走左,之後, 我地去左掃街, 去到廣華對面既一間由巴籍人士開既街邊小食店度食, 個pancakes好食呀, 有機會, 大家去試下

佢d lunch set有勁多選擇,around 20款.$32-80不等鰻魚飯定食:-有一小碟黃瓜(2片)+酸瓜好多細粒,一小碟荀條的物體,以上的都不是特別出色-一碗滿的飯,不是熱的,無温度.但係飯粒夠淋,唔會硬!-一碟鰻魚(6小舊)個汁好黏,都夠味.都係無咩温度.但係都係都好味o既...overall個portion太小.女仔食都唔係好夠!好彩有飯後甜品-芝麻雪糕雪米磁.好得!!p.s可能因為坐近廚房,成日傳泥陣陣臭味!

留意：我是說那電影不是這兒看過這齣妙趣電影一時間又難以動身往讚歧吃烏冬更難以找到那種以家鄉為事業的純真衝勁唯有吃個居酒屋來止止烏冬癮身在旺角當然不會有半點幻想可吃到極品烏冬這兒的烏冬沒有讓我感覺在吃都一即食烏冬已是萬幸了還錦上添花地附送一點煙韌的感覺湯底比較濃但不算咸配的天婦羅也不賴海老在旺角來說中上壽司嘛卷物嘛有甜蝦有帶子有三文魚等等又不是差的那種…總之飽肚囉牛肉鍋本來也是ok的牛肉沒有很大問題但那隻蛋攪極也不熟是不太夠熱了反而小食的海鮮薯餅和甜品雪糕都有點驚喜是有心思的作品坐得也舒服在mk來說也是不太嘈的可能因為價錢偏高更加不用等位慢慢傾偈說說電影說說工作仍然很愜意

在OpenRice找到這間餐廳，決定一試，6 Dec 在這裡吃晚餐，留了卡位，但要九點前還檯，ok la，就試一試。果然沒有令人失望，海鮮類的食物都很新鮮，餐牌上的食物有八折，不算太貴。* 油甘魚壽司($20.8/2件) –好鮮，但魚切得太薄了，$20元兩件，無辦法啦。* 三文魚壽司($14.4/2件) –ok la，一般貨色，沒什麼印象。* 蕃茄沙律($24) –非常好味，味道清甜，樣子甜美。* 鵝肝壽司($40/1件) –鵝肝的味不夠濃, 唔得.* 特上吞拿魚腩壽司($42/1件) –沒有筋，而且幾甜，好吃，但魚肉的大少比正常壽司還要少。* 北海道海膽刺身($150) –這個十分好味，海膽味很濃，又沒有腥味，但份量不是太多。* 燒雞翼($24/4隻) –這個非常好吃，雞肉燒得夠乾，真是燒出來的，非常香脆，調味剛剛好，小小咸多多脆，又抵食，一定要吃。* 串燒雞軟骨($14.4/2串) –都好味，但看上去也是很香脆。* 紅酒牛舌($46.4) –牛舌很”淋”，但牛舌沒有紅酒味，配菜的紅酒味就很好，都幾好味啦（但老公話好好味）。* 特上吞拿魚腩碎($70.4) –魚味幾鮮，汁的味道很特別