蚊蚊豬老火鍋 (已結業)

說好冬天要黎蚊蚊豬試羊腩煲，終於都等到啦🤭1️⃣2️⃣0️⃣分鐘任轉鍋底，有冬季限定羊腩煲，烤魚，雞煲，魚頭鍋等 (羊腩煲只限一鍋)幾款靚牛，脆鯇，大量上盛火鍋料 (如：牛黃喉，金錢肚，鮮雞什，鵝腸，自家韭菜餃及雲吞等)；仲有刺身，小食，麻辣燙，炸物，酒水 (青島，Ice及其他紙包及罐裝飲料) 同意大利手工雪糕都係任飲任食==========早鳥 (7️⃣：3️⃣0️⃣前結帳離座) 及宵夜時段 (9️⃣：0️⃣0️⃣後入座) $2️⃣4️⃣8️⃣；其餘時間$2️⃣9️⃣8️⃣；另設小童價免茶芥，需加一服務費，逢星期五至日及公眾假期及前夕每位加$2️⃣0️⃣湯底以外食物一律 QR Code📱落單==========一開始先上羊腩煲，4️⃣款牛肉及7️⃣款刺身，牛肉及刺身之後可以再點==========🔹古法羊腩煲材料有羊腩，枝竹，冬菇，馬蹄及韭菜羊腩按人頭決定份量羊腩皮爽滑感覺食緊啫喱一樣；羊肉入味，羊味豐富而不帶騷，肉厚而保持嫩滑，部分帶有筋膜，蘸上腐乳食能提鮮枝竹吸汁後也不過鹹；馬蹄微甜爽口：冬菇軟滑爽彈食完羊腩煲，點咗健康的芫茜皮蛋鍋繼續作戰==========🔹刺身拼盤所有刺身皆新鮮▶️三文魚：魚味及口感正常水平▶️北寄貝：有嚼頭帶點煙韌▶️甜蝦：淡淡蝦味▶️馬

天氣凍最好就係去食火鍋，如果可以食埋羊腩煲暖暖身就更好，想一次過滿足兩個願望，蚊蚊豬絕對幫到大家。佢地出左個秋冬限定能夠免費升級，我地揀左古法羊腩煲。上羊腩煲前，頭盤會先上刺身，有甜蝦、三文魚、赤貝等食材，件件鮮甜。羊腩煲份量十足，入口無乜羶味，肉質夠嫰，枝竹、冬菇吸盡精汁，味道濃郁，夠晒暖胃。食完羊腩煲，我地轉左藥膳雞鍋，湯頭勁香濃。除左刺身，重有幾款牛肉、有封門柳、牛舌心、牛肩肉等，任食黎講，真係無得輸。點左幾款火鍋配料，除左蔬菜類，重有黑栢葉、鴨血、雲耳、鮮淮山已經飽到不得了。

天氣凍凍地，突然間想去打邊爐，睇到OPENRICE啲食評都唔錯，就WALK IN去試下，去到唔使等即刻有位，坐低就點完個湯底，就上左個刺身拼盤同牛拼盤，我再掃CODE點其他野食，成程飯我只能夠講得個刺身拼盤同個炸饅頭係正常啲，其他食材真心完全唔好吃，尤其係啲牛，幾款都好韌，碟手切肥牛上枱個時雪到夾唔開，淥完佢擺入口食係好難咬。。。。另外食緊既過程入面，有2-3隻蚊滋係咁飛嚟飛去，仲要飛左埋盤菜到停留左一陣，即刻唔想再食了，衛生真是一般，性價比相對地低。

今日嚟到呢度食放題，發現咗呢一間真係好高質。入面嘅座位都好闊落坐得好舒服，而且佢嘅價錢唔貴， 298+1可以食勻雞煲/烤魚再打邊爐！另外仲有羊腩煲或者魚頭煲同埋豬肚雞煲揀!我哋一齊先試咗個羊腩煲先，羊腩煲嘅湯底好夠濃，啲羊腩都食得出好新鮮，佢啲支竹好入味，記得點返份生菜或者油麥菜落去煮埋一齊食！真係好惹味！食完羊腩煲之後我哋繼續食呢個烤魚，佢烤魚都有好多種口味俾你揀，而我哋就揀咗呢一個麻辣烤魚，與都有兩個種類俾你揀，佢係成條上，有先炸過，個湯底都好夠辣，越食真係越開胃，條魚份量夠大條，食得出好新鮮！最後都一定要試埋雞煲，夠香夠麻，食完之後再打埋邊爐真係一次過滿足曬4個願望！火鍋料嘅種類都唔少而且仲有啲小食提供，每枱都仲有刺身拼盤送上，真係好抵食！

天氣一凍就即刻同朋友黎食火鍋一次過可以享受烤魚，雞煲，羊腩煲任叫湯底、刺身、小食、火鍋料、啤酒難怪高朋滿座天氣凍把握機會叫個羊腩煲試下正常發揮，份量足夠羊腩新鮮，食完羊腩煲之後我哋就叫左藥膳雞湯首先送上刺身拼盤有三文魚，甜蝦，赤貝，墨魚，魷魚等味道鮮甜無雪藏味牛肉拼盤亦高質極上牛肩肉，牛舌心，封門柳，牛板腱，安格斯肥牛等等係無限任食，片片都厚度十足最鐘意安格斯牛，肉質嫩滑牛味濃郁仲有好多其他火鍋配料任叫，最估唔到有新鮮雞雜同鵝腸整體食物令人滿意質素唔會太求其，性價比超高下次要約多幾個朋友再去食過

一次過享受烤魚+雞煲+羊腩煲嘅火鍋店🍲 性價比超高任飲任食兩小時烤魚火鍋放題 萬州烤魚、 羊腩煲、雞煲、胡椒豬肚雞、藥膳水庫大魚頭、刺身、麻辣燙、馬拉松式進食超多款式😛牛肉亦高質，極上牛肩肉、牛舌心、封門柳、牛板腱，安格斯肥牛等等都係無限任食🐮片片都厚度十足，絕對唔係薄到透光💯仲有好多其他火鍋配料任叫，手打丸、墨魚滑、鮮蝦雲吞等等必定食到飽飽😋120分鐘 $298 7:30前埋單或9:30後入座都係$248 的確抵食🥳

今次食左呢間鋪頭，只需要用一個價錢就可以食盡海陸空美食。呢間食肆位於深水埗，大家有時行完高登黃金商場買完電子產品，腳仔攰都可考慮下同三五知己圍爐取暖。店舖都幾寬敞，座位闊落，坐得幾舒服，就算一大班人都唔會覺得逼。最重要食物既一環先係今次推介既重點，用一個價錢可以任食刺生，仲有雞煲，羊腩煲同烤魚可以選擇，食完一煲又一煲，確實超值，一次滿足所有人既口味，唔洗煩。抵食就緊架啦，仲要食物質素高，每款煲都好有水準，配料又足，好夠惹味，食完包你會再回頭幫襯。今次我就咪都咩都試左d，整體都好味，特別推介呢烤魚，鮮味十足，又夠香口，淨食烤魚都回本啦。

為食貓之前已經聽朋友強烈推介《蚊蚊豬老火鍋》😋前幾日我終於去咗食，真係覺得性價比超高‼️鍾意食烤魚、雞煲等嘅朋友千其唔好錯過，一定要bookmark定環境首先，餐廳嘅座位好闊落，而且私隱度極高，每台人都可以有卡位坐，唔駛同人逼💯食物任叫湯底、刺身、小食、火鍋料、啤酒價錢出去打邊爐🍲，想食好少少同多少少嘢，每人起碼都要$300😩但《蚊蚊豬老火鍋》5:30- 7:30時段只係$248加1，其他時段就$298加1，即係平均$300左右🤩湯底點解話佢性價比超高呢？因為$300可以任轉湯底‼️佢嘅湯底重一d都唔普通，有羊腩煲、大魚頭湯、胡椒豬肚雞湯、烤魚、麻辣雞煲等等❤️每個鍋都勁足料，我同朋友叫咗胡椒豬肚雞湯同埋香辣烤魚，如圖所示，個胡豬肚湯入面好多雞件同豬肚，個香辣清江魚亦超大條，好多肉，同埋係即叫即炸😂😂而味道方面都係無得輸，d湯好濃味，但又唔覺得味精超重，只係覺得佢d材料煲咗勁耐，勁入味👍🏾任食食物餐廳首先會每台上盤任食刺身，同埋唔同部位嘅牛😬跟著再可以任叫其他配料，佢嘅食物種類有好多，大致上都同一般嘅火鍋店無分別，有肉類、丸類、蔬菜類，重有小食🤗而我哋印象最深刻嘅係佢嘅響鈴❤️❤️因為佢嘅響鈴同

昨日經過深水埗見到一間餐廳的招牌好吸引，所以入來幫襯品嚐一下， 這時是下午四時左右，但都有些人，最後訂枱比較好，尤其我們食到5點都已經又一班客人入內。我們覺得最吸引是秋冬限定❄️火鍋🍲， 可以3選1鍋，有我選的古法羊腩煲，更有胡椒豬肚雞鍋或可選藥膳水庫大魚頭鍋，豐富到不得了！再加上放題安格斯的牛肉、各種不同的蔬菜🥬等， 任食兩個鐘都好足夠，飽足又美味！最後我都想點埋雪糕但因真的好飽唯有放棄！下次再來幫襯！十分滋味！蚊蚊豬老火鍋深水埗荔枝角道240號地下

朋友話想打邊爐又唔想單點咁貴，火鍋放題就最好不過啦，今次揀左呢間深水埗既蚊蚊豬老火鍋既任飲任食火鍋放題，嚴選高級食材，包括手切安格斯肥牛、封門柳及牛板腱等靚牛，淨係湯底都多達十幾款可供選擇，仲可以免費轉另一款湯底，除此之外，仲有烤魚同雞煲可以食，咁豐富大家一定唔可以錯過啦烤魚平時好少會食烤魚，今次放題包埋梗係要試下啦，原條清江魚送上，烤到皮脆肉嫩，配埋酸酸甜甜既番茄湯夠哂開胃雞煲雞煲份量都幾多，上到枱仲熱辣辣，雞肉辣辣地好入味，惹味非凡火鍋湯底我就揀左個平時比較少見既五指毛桃鮮雞鍋，打邊爐前飲碗頭啖湯先，飲落淡淡椰子清香，亦有補肺益氣健脾，增強免疫力的功效，配上高級手切封門柳，食多幾碟靚牛就無錯啦

早排同事介紹呢間任食火鍋，於是同幾位朋友一齊黎試下伏唔伏先！！頭round送羊腩煲，味道真係唔錯！羊肉好夠味又腍，又足料比好多舊你，抵讚！仲有刺身食添嫁！不過得基本幾樣例如三文魚甜蝦螺片墨魚呢啲，甜蝦睇落無咁新鮮，其他刺身只係一般水準。你都預咗嚟食火鍋咋嘛，呢啲當bonus喇呢間鋪重頭戲係烤魚火鍋，條魚真係唔錯架，皮脆肉嫩，湯底有番茄同麻辣揀，我揀咗個麻辣大辣，其實唔算辣啦譚仔大辣都不如配料都算ok，牛肉唔錯起碼唔係比垃圾肥牛你，有唔同位置嘅牛肉揀，其他都係普通野。雪糕好似係香港品牌，幾好味。總括嚟講3百幾蚊有咁多野食物質數又唔錯，幾抵！

打邊爐控今日去到深水埗搵食，搵到依間可以任食烤魚、雞煲，之後再打邊爐既蚊蚊豬一坐低揀好食咩之後，侍應就送上一盤刺身，比我地先享受😎講真心，完全冇諗過一間任食火鍋店既刺身可以咁好食，食完個刺身時間岩岩好，可以開始食叫左既烤魚，今次食左清江魚，肉質鮮嫩，魚骨大唔難食👍🏼愛魚既你一定要試下食完魚覺得唔夠，就叫左個雞煲，雞煲既份量唔算好多，因為之後仲會叫火鍋料打邊爐，所以就覺得淺嘗下雞煲就ok，如果鐘意雞煲既可能就要叫兩次先夠🙈唔記得講，食完刺身之後，侍應仲送上左一盤牛肉拼盆，啲牛都幾好食，食完之後仲可以手機落單再叫，食到夠先😂火鍋料就叫左個鵝腸，碟腸份量勁多，淥完好似食麵咁👍🏼👍🏼😍😍😍最愛食左咁多，點少得黎返杯雪糕消滯😌😉叫左杯香芋味，真係冇得輸，勁好食超推介，因為太正，所以叫左2杯😝

今日去到深水埗，雖然有好多好嘢食，但係令我最想去嘅都係呢一間蚊蚊豬老火鍋。其實今次係我第二次食，之前俾佢嗰個萬州烤魚吸引咗，今日要再試多！一開始已經放低一倍好好食嘅刺身，令我垂涎欲滴，好期待咁拎咗啲嘢飲，一邊食一邊同朋友傾偈，已經係超級開心。之後叫咗我好鍾意食嘅烤魚，質素同上次一樣咁好，真係心花怒放！之後一邊傾偈一邊食雞煲，雖然雞煲有啲濃味，但係同啱啱嘅烤魚比起上嚟，兩個都係一樣咁好食！最後梗係要打邊爐啦，大家一定要食佢嘅封門牛柳，佢嘅牛肉質素非常之好，食落口真係覺得好幸福！最後想講佢嘅嘢飲雖然種類五特別多，但係有我最鍾意嘅烏龍茶解茶，我已經10分滿足！最後一般來講雪糕係叫一兩杯就停㗎啦，但係呢度比我無限叫，刺身有冇限叫，咁你價錢真係當放題咁食，又食埋中式嘅打邊爐，一雞兩味，一個價錢滿足晒兩樣願望！

諗住打個邊爐竟然有埋羊腩煲食🤩入冬時節食羊腩煲真係啱晒，食完暖笠笠☺️。個煲嘅湯汁超級濃郁，店員仲好溫馨咁提我地要多啲撈下佢🙈羊肉食落去完全冇膻味，每件都有皮有肉一啲都唔鞋超易咬，冬菇都好淋，枝竹亦都有好多片，成個煲份量夠喉之餘又唔會飽到食唔到跟住落嚟嘅嘢🤤一坐低唔使自己落單店員都會先上一盤刺身，質素以主打火鍋店黎講算好唔錯，肉質都夠鮮刺身無骨夠肥美，而且款式都唔少，螺肉同八爪魚比成一大兜🙈好難得放題嘅牛肉唔係普通嘅肥牛，呢度嘅牛肉分好晒唔同部位，仲好貼心咁教每一個部位要烚幾耐，牛望落已經好靚，覺得最好食係牛舌心同埋牛板腱🤤其他基本嘅火鍋配料都有好多選擇，比較特別係佢有手工嘅雲吞同埋水餃，細細粒唔會話食到好滯👍湯底仲可以任換，因為食完羊腩煲都濃味所以就清清哋揀左個芫荽皮蛋湯底，有爆炸多芫荽😂打邊爐另一個精粹--醬料🤣必有嘅辣椒仔芫荽蔥同蒜自己任舀🙈最最最加分係竟然有炸饅頭😍😍外脆內軟配埋煉奶一百分🤩忍唔住食左6個😂

又係蚊蚊豬啦😆今次一行4人3:30黎到，原來佢地價錢同玩法都變左🤪120分鐘任轉鍋底+牛+炸物+自助區+酒水+雪糕 $198/位食埋刺身同麻辣燙 $248/位5:30前離座免加一==========先點左紅酒牛尾鍋，牛尾大約5-6件，好入味，番茄同紅蘿蔔味好重，非常高質😍==========之後轉左麻辣雞煲，料頭勁足絕不馬虎👍🏻大量蒜頭，洋蔥，三色椒，雞髀菇，芫荽，好惹味😋雞大約20件左右，肉質有嚼勁唔會霉非常有誠意🥰==========刺身叫左三文魚，甜蝦，馬刀貝，八爪魚，全部都好鮮甜，肉質口感理想，感覺比上兩次更高質🤩仲叫左螺肉同八爪魚小食，正常質素==========麻辣燙試左陳皮魚蛋，鵪鶉蛋，牛柳粒麻辣味道做得出色，魚蛋彈牙，鵪鶉蛋夠香，牛柳粒牛味唔算好豐富不過可接受個麻辣食完好爽🤭==========蔬菜新鮮嫩口，有油麥菜，小棠菜，生菜等等🥬🥬火鍋料點左脆肉鯇，牛胸爽，牛黃喉，鵝腸，牛筋，牛舌，韮菜餃，鴨血等等除左牛胸爽比較韌之外，其他全部都非常新鮮美味🥳==========主角牛三款都係優質，尤其係安格斯牛板腱同封門柳有牛味，肉質嫩滑安格斯油花分佈平均，牛味十足，肉質爽滑彈