蚊蚊豬老火鍋 (已結業)

今日收工之後同女朋友行街拍拖，之後突然好想食打邊爐，可能因為最近天氣慢慢轉涼，就搵到蚊蚊豬火鍋店，見到佢有羊腩煲食，就一於去試吓啦。其實平時都好少食羊腩煲，因為好怕羊既羶味會太重，不過今次就覺得好好食，因為佢嘅羶味唔會太重而且佢嘅湯底汁真係好好味， 再者佢有刺身任叫，而且刺身亦都好新鮮同埋亦都夠肥美。而蚊蚊豬仲可以任你換湯底，所以我哋食完羊腩煲之後就轉左一個皮蛋芫荽湯底，因為想食返清淡小小嘅湯底。佢嘅牛肉亦都好出色，佢有唔同牛嘅部份俾你選擇，而且仲有講解每一個部份應該烚幾耐。佢亦都有好多唔同嘅丸類，菜類俾你選擇，基本上都應有盡有。而佢亦都有炸饅頭依類型嘅熟食，所以整體而言都真係好出色，好推薦鍾意打邊爐嘅人可以嚟試下。

1行5人午市再戰蚊蚊豬每位 $228 限時120分鐘，午市免加一，有三文魚刺身任食，飲品任飲同雪糕任食今次都係坐左接近3個鐘，店員都冇趕我地🤭==========叫左重慶麻辣雞煲，小辣冇失望，料頭好足，充滿濃濃既麻辣味同蒜香🤤雞唔係好大件，勝在夠滑而且肉質夠實淨👍🏻烤魚保持到質素，烤得好香脆肉身好滑，魚唔多骨😋😋牛肉都係推介安格斯，三文魚刺身新鮮比上次肥美🤩所有蔬菜都好新鮮好嫩，尤其推介番茄同冬瓜，非常高質😚==========不過午市既店員有好多甩漏位，黎左好多我地冇點既食物，有改善空間🥲再戰時會試紅酒牛尾鍋同雙冬羊腩煲，呢間回頭指數好高😜

睇youtuber 介紹加openrice 評價參考，今次一行3人決定黎深水埗食火鍋放題佢最大賣點係可以無限換湯底😵==========限時120分鐘，人唔多店員都冇趕我地，今次我地接近4點入座，坐左接近3小時5:30前交檯免加一，之後需加一==========每位$228, 晚市送海鮮拼盤，有青口，海蝦同鮑魚，按人頭俾海鮮質素唔可以講極高質，但至少係新鮮，海蝦彈牙，青口仲有鮮味，鮑魚仲係好黏殼😉==========任何時段都先有一小盤刺身送，三文魚刺身可以任食，其他就要加錢整體質素算ok, 特別係鮑片好甜🤤任食既三文魚合格，唔係鱒魚，唔算好肥美，但係新鮮😃==========主要係用QR Code 落單，如果有需要可以搵店員，佢地服務態度好好🥰==========醬料可以係自助區要幾多攞幾多，有一般既豉油，蒜，芫茜，蔥同辣椒豉油唔會太鹹👍🏻==========湯底選擇好多，如果冬天仲有雙冬羊腩煲四季都有紅酒牛尾，萬州烤魚（有兩種魚選擇，青江同鱸魚），重慶雞煲，唔同口味既雞鍋，香茜皮蛋鍋，仲可以轉鴛鴦湯😍==========我地揀左烤魚（青江魚，微辣）烤魚好香好大條，骨唔多而且肉質夠實

今天和朋友吃飯 ，朋友想食刺身，我又想打邊爐，所以就搵咗蚊蚊豬，佢係任食放題，可以打邊爐有不同鍋底，刺身又可以任食，滿足晒兩個人要求。先送一個刺身拼盤俾我哋，甜蝦，鮑魚，墨魚，八爪魚，北寄貝….夠新鮮，叫完可以再叫。湯底朋友就揀咗兩個，第一個藥膳魚頭煲，藥材用了十足。跟住就叫咗個麻辣雞煲打邊爐，啲雞好滑，味道濃郁。我就鍾意佢個炸饅頭，炸啱啱好再加啲煉奶好味。跟住餐廳仲會送個安格斯牛肉拼盤，牛舌，牛頸脊，牛肩，朋友話封門柳最好味。跟住仲叫咗唔同火鍋配料，樣樣都新鮮。鍾意啤酒嘅朋友，應該會喜歡呢度啤酒任飲，仲有好多唔同飲品選擇。仲有佢呢度服務員服務好好，個姐姐不斷介紹唔同菜式俾我哋有不斷招呼，俾個like佢。

得知深水埗有間食烤魚同邊爐份量十足既放題，去開深水埗就同朋友來食下。先食左萬州烤魚，呢度既烤魚是用原條清江魚煎香，再放入湯底再煮下，魚肉好嫩滑，而且無咩骨。之後再上左一盤牛肉拼盤，份量十足，可以放落烤魚湯底度打邊爐，或者再揀新口湯底打邊爐。而家牛肉味濃，一定貴野。打邊爐湯底就揀左鴛鴦鍋，但呢度既麻辣湯底比較辣，大家要慎選哦~呢間餐廳既打邊爐配料份量十足。除左邊爐，烤魚，仲有刺身同熟食吖，最估到仲多麻辣燙，而家全部都係任食架，真係超多元化。

依家烤魚邊爐放題真係愈開愈多，今次去咗呢間深水埗嘅蚊蚊豬老火鍋，除咗烤魚邊爐仲有刺身食，一次滿足3 個願望！坐下店員就會解釋可先食烤魚、雞煲等選擇，之後可以轉湯底打邊爐！先揀咗烤魚，店員仲介紹烤魚，就揀咀青江魚，因為平時比較少食到，同魚質較滑，湯底就揀咗微香辣，因為愈烤愈入味！食完烤魚就轉咗個鴛鴦鍋打邊爐，一邊係牛油紅湯，咋一邊就係芫茜皮蛋湯，牛油紅湯真香同夠辣，而芫茜對比較清，咁樣打邊爐就最滿足~呢到啲牛成盤咁上絕不吝嗇，每片都好新鮮而牛味重，都encore咗幾次 牛板腱 、牛舌等，放入辣鍋真係唔加醬料都得！除咁牛仲有好多配料，但講到必食一定係響鈴，即叫即炸，放入鍋幾秒，即食既香脆又掛湯，真係好正！除咁打邊爐，仲有刺身唔好錯過~三文魚係厚切，甜蝦鮮甜，可以無限咁加！最特別係仲有麻辣燙，入面嘅鴨血夠麻夠辣，好正宗😋以二百幾蚊，可以食刺身、火鍋、烤魚、雞煲等真係好抵食！蚊蚊豬老火鍋🌟深水埗荔枝角道240-244號寶興樓地下a-c號舖

平時食放題，一係就日式放題，一係就火鍋放題，今次再光臨蚊蚊豬，刺身火鍋，不同湯底選擇又多咗。今日就試新嘢，先來一個藥膳魚頭鍋，再跟一個刺身拼盤，鮑魚，北寄貝，甜蝦，墨魚，三文魚，夠新鮮。魚頭煲藥材用了十足。再嚟一個麻辣雞煲，中辣啱啱好，芫荽洋蔥配料十足，麻辣平均。每樣都分量十足，其實飽咗一半，跟住就再放湯，打邊爐，佢哋會先送一個安格斯牛肉拼盤， 有晒不同部位，正！ 粟米鵝腸，所有配料都新鮮，朋友仲跟住叫咗四隻炸饅頭，有驚喜，饅頭炸得啱啱好金黃色。飲品方面都是啤酒汽水任飲，唔鍾意食魚頭的朋友，其實仲有好多唔同鍋底選擇，睇吓個Menu就知道。

朋友話深水埗有間出色的火鍋，嗰個都話出色，咁作為為食鬼，一定要試吓啦。之前訂了桌子先有位，不然可能有排等，七時前已坐滿客人。環境都大，枱與格有一定距離，枱又夠大，點完菜都放得哂d嘢。店內飲品眾多，大家可以隨心選擇，有甜，唔甜，有涼爽類，汽水類，啤酒類，總選到心水我們選了滋補魚湯，有竹參，紅棗竹，杞子等中藥，加上魚頭慢火煮，湯清又甜，我們飲了半鍋原來仲有刺身，真心好新鮮（三文魚，甜蝦，赤貝，墨魚，魷魚等）樣樣都好正。之後就選了辣椒，蒜，蔥，作醬料。我們點了牛不同部份，包括有牛舌，上牛肩燉肉，牛板腱，封門柳……各位牛魔王，此乃魔王宮殿，一定要點選，又嫩，肉味濃，仲有店家甜心逐一提示涮涮的時間，一定合大家口味。熱食選了炸饅頭，熱辣辣超好味；仲有水煮牛柏葉，真心係中辣，怕辣朋友唔到亂挑戰。打邊鍋點可以少了午餐肉，仲萵筍，芋頭，秋葵，蘿蔔，粟米，雲耳及油麥菜。服務員細心問要唔要換一換湯底，我們就轉了芫荽皮蛋湯，才處理蔬菜類，就唔會吸收哂了酒，變成食油了，當然煮菜一定要一樣一樣處理，看清楚，唔到放了不正確的東西下鍋，攪亂了一鍋好湯。最後仲有美味意大利雪糕，我們點了抹茶，荔枝味，真心清新，可以食多兩

朋友話深水埗有間任食火鍋店，價錢平、牛肉靚，今日就特登嚟搵佢帶路，去睇下呢間火鍋店係咪真係佢口中講到咁得。坐低揀好湯底，一盤靚牛肉，同埋刺身併盤先上枱。刺身，真係估唔到火鍋店嘅刺身都可以咁出色，夠晒新鮮。三文魚雖然唔係好大件，但係厚切，入口覺得都算肥美，都幾香；最正仲有鮑魚仔，極之爽口彈牙；北寄貝、赤貝、甜蝦等等，總之樣樣都係非常好味，拍得住日式放題質素。牛拼盤上枱時，未食齋睇都已經覺得d牛好靚，顏色紅潤有光澤，而且雪花紋理非常靚｡ 併盤包括極上牛肩嫩肉、封門柳、牛舌心、仲有牛板腱。4款之中，我最中意食嘅一定係封門柳，肉質夠腍，而且牛味濃郁。牛板腱就大大片，就算淥得耐左，依然覺得嫩滑，完全唔會嚡。之後我哋Encore 咗牛板腱同封門柳，即使係第二輪再上嘅牛肉，數量同質素依然係咁正，每款牛有六至七片，排得整齊、望落顏色同第一盤相比真係完全一樣咁靚，食入口亦覺得同樣高質。話明係火鍋放題，當然仲有其他選擇啦。我地每樣都揀左小小，發覺其實呢度嘅食物質素，真係唔差，甚至可以話好好，尤其係俾呢個$300都唔洗嘅價錢，食到呢d種類同埋質素，真係非常之超值。其他嘢食我地叫左嘅炸饅頭，真係極之推薦，一定

📍蚊蚊豬而家嘅火鍋放題真係越嚟越多選擇，好多都包晒雞煲或者烤魚，呢度都唔例外～不過呢度最特別嘅就係連湯底都仲可以再換😧🤩👅晚市放題 $298我哋第一個鐘要咗胡椒豬肚雞鍋，之後就換咗粟米豬軟骨鍋拼招牌牛油紅湯鍋🍲首先講吓胡椒豬肚雞，湯底有大量豬肚，幾出色，唔會太辣又夠香，跟住我地換左既招牌牛油紅湯鍋，我地揀左最少辣，但唔食得辣既朋友都係唔好試呢個，越食越辣，要投降🫠好彩我地拼左個粟米豬軟骨鍋，仲有另一邊食🥹打邊爐梗係要食佢哋嘅手切牛，佢地既牛肩嫩肉好香牛味，厚薄亦都控制得好好～呢度仲有刺身之外，仲有麻辣燙等等，大家都可以試吓，過吓口癮😋另外提下大家一定要試吓佢哋嘅響鈴，全部都係即刻叫即刻炸，新鮮熱辣辣上枱，我地都叫左好多次，同枱人都讚好😍

之前已經聽朋友強力推薦深水埗有一間打邊爐好抵食，但因為本身唔係住附近同返工，見今日約咗朋友係深水埗採耳，所以book咗呢間名為蚊蚊豬嘅烤魚、雞煲火鍋。我地book咗晚市時段7點，嚟到舖頭晚都已經大約9成滿座，好彩朋友醒目一早book定位。😍一坐低服務員好快已經過嚟問我地之前有冇嚟食過，事關我同呢位朋友都未食過，咁唯有請店員介紹一次，原來呢到食法都幾特別，可以揀一款烤魚/雞煲食咗先，之後食晒就可以再轉，放題就食得多 但可以食完烤魚再食雞煲都係第一次見。😋我同朋友都好鍾意食魚，所以就點咗藥膳水庫大頭魚， 落單後第一時間嚟嘅唔係烤魚！而係大大份刺身，有三文魚、北寄貝、甜蝦、八爪魚、墨魚片 仲有仲有兩隻磯煮鮑魚😳， 睇見都忍唔住流晒口水。係流緊口水之際，第二個驚喜都嚟埋！就係一份打邊爐不可或缺嘅靚牛，呢碟牛望落已經知係靚嘢，店舖仲好細心 每一款牛嘅隔離會有牌仔標示名稱，有牛板腱、封門柳、極上牛肩嫩肉！最後主角終於到場，烤魚一放上枱陣陣藥材嘅香味撲鼻而嚟，湯底有杞子、紅棗、龍眼肉等等 全部都係我嘅最愛，店員話啲汁滾左就食得！但我真係等唔切喇 偷食咗兩粒龍眼肉😛 終於等到滾起食得魚了，可能因為係我

蚊蚊豬老火鍋🔈🔈🔈🔈🔈🔈🔈🔈🔈🔈🔈ADDRESS 📍深水埗荔枝角道240-244號寶興樓地下A-C號舖價錢💰：228-248/位好味程度😋⭐️⭐️⭐️⭐️ 環境⭐️⭐️⭐️⭐️服務⭐️⭐️⭐️ ⭐️ ⭐️回頭率⭐️⭐️⭐️⭐️ ⭐️今日同朋友行完深水埗,見到呢間餐廳店名幾別緻 同埋火鍋放題200幾蚊已經有好多種類嘅嘢食選擇 所以我同我朋友決定今晚喺度開餐😍蚊蚊豬火鍋都幾抵食.任何事段$268/人另加一.最抵食時段都係講緊$228/人另加一，餐廳除咗最出名食烤魚 仲有一樣幾驚喜嘅嘢就可以同一時段食兩款唔同嘅湯底☺️鍋底選擇(三選一) 古法羊腩煲/藥膳大魚頭/胡椒豬肚雞萬州烤魚☺️推介招牌紅油湯鍋 +$40重慶麻辣雞煲鮮茄薯仔湯鍋藥膳雞湯鍋野菌清湯鍋香荽皮蛋湯鍋豬軟骨湯鍋刺身方面,餐廳已經預先為我哋準備左五款既時令既刺身，包括有三文魚/甜蝦/象拔蚌/八爪魚/醉鮑魚☺️每款刺身都非常肥美鮮甜♥️唔夠喉可以再encore 可以無限任添架！肉類方面，餐廳都係預先準備咗牛肉拼盤俾我地 分別有極上牛肩胛/prime級安格斯牛肉/prime牛板腱/牛舌😍一次火鍋可以食到咁多唔同既部位 真係物超所值呀！仲有令我覺得最驚喜☺️就係有即炸響鈴，上枱仲熱

呢間位於深水埗嘅#蚊蚊豬老火鍋 ✨我已經第二次去喇！ 性價比係非一般高⚡️！ 之後推介比好友去，佢地都齊聲叫好‼️仲不斷同朋友食完再食🤭！相信都係因為$248起，120分鐘放題，就任食到高質素牛肉同超多火鍋配料🥳！先講湯底， 佢地竟然可以係限時之內提供免費更換湯底一次🙀‼️湯底選擇包括香辣烤魚、麻辣雞煲、秋冬藥膳等選擇😻！變相即係一個價錢就可以食到烤魚同雞煲🤩仲有靚牛肉🥩同其他火鍋配料任叫🎉！但今次我哋比較養生就試咗佢嘅秋冬限定嘅藥膳水庫大頭魚做湯底🍲！藥膳味好濃，個魚頭都冇揸流攤，大大個仲令個湯底有豐富嘅鮮味👍！我再另外加咗一啲粟米、菇類火鍋配料，令個湯底更加鮮甜🤤！另外，每枱入座仲即送Prime級牛肉拼盤同新鮮海鮮刺身拼盤😍仲有鮑魚添😋!基本上啲牛肉都唔需要額外再叫，因為已經好夠食！當然你都可以揀一啲特別鍾意嘅牛肉去加單啦！ 3款Prime 級嘅牛肉都係任叫架！🙀食到你喺邊度牛魔王都仲得！🍧另外我又要再講多一次佢嘅 #手工意大利雪糕 真係不得了！我記得上次食朱古力係超濃的🍫！今次我就試咗荔枝、綠茶同柚子；綠茶味係抹茶香而且幾重奶味🥛，荔枝同柚子都係好清新，如果食得太飽都建議可以試呢兩款味

出品唔得。無招呼。服務員服務態度唔好。有一個上咗年紀的女服務員成日係企係廁所門口出便張枱成日偷食同飲可樂。現家疫情嚴重，廚房員工行出黎都無戴口罩。唉真係失敗。食完今次真係唔會再幫趁。。

相隔排又黎食蚊蚊豬😋係一間任飲任食之120分鐘放題，不同時段的收費都有不同。一次性刺身，後加刺身只可加三文魚，其他刺身要另收費用。油脂分布平均十多款鍋底選擇，先點了一個紅酒牛尾鍋。四大舊牛尾，肉質很軟，又入味。有番茄、洋蔥和青椒作配料。再點了一條烤魚。大量芫荽在魚上，不喜歡吃芫荽的你一定要叫走芫荽。先把清江魚煎起來，再擺上蕃茄濃湯上。魚的外皮煎得很脆，肉多骨少。食完清江魚之後再放上番茄濃湯作火鍋湯底，然後打邊爐。靚靚牛😍😍極品牛皇拼盤，有安格斯、牛板腱、牛舌心😍😍牛雪花均勻，牛味濃。靚靚薄片鯇魚片炸墨魚丸，即叫即炸，外皮脆口，內裏熱熱的。一串鵪鶉蛋，有四粒。