蛇王二 (已結業)

見到呢邊餔好多次，只以為食蛇羹及糯米飯。。。原來仲有燉湯及燒味選擇！決定一試！切雞飯：碗上，飯不太多，餸好多！幸運地，比左雞髀我！肉質佳，不肥，讚！叉燒飯：半肥瘦叉，厚切！唔錯！順帶一題，搭個幾條菜芯幾好味！天麻魚頭燉湯：天麻味重！夠熱！蟲草花雞燉湯：偏油，湯較淡，都算甜，中規中矩！（對於冇湯水的人，不會有太多要求！）總結：傳統中式燒臘連燉湯組合，上菜速度快，合香港人速度！加上有湯水組合，完全迎合市場需要！

以前細個冬天好凍，爸爸媽媽都會帶我去食蛇羹，不過大個咗之後就好少再去。今日一個人行過呢一間鋪頭，突然間好想重拾兒時嗰種味道，於是就走咗入去叫咗一碗蛇羹做晚餐。不愧為老店，蛇羹好多料，唔會好杰好似好多豆分咁，而且都幾夠薑絲，肉亦都夠實夠爽，最緊要夠熱，我最鍾意就加到成碗都係脆脆，再加埋胡椒粉就超正，超勁胡椒味。整體嚟講味道唔錯，值得一試。

聽到蛇字大家以為一定是以蛇羮聞名，其實除了蛇羹之外，蛇王二的燒味，燉湯，臘味都是必食推介！他們家的臘腸是我最愛的，味道適中又不太膩，每年秋冬都會買一斤回家。燉湯選擇又多又足料，比較愛點西洋菜陳腎湯，湯料又淋又入味。如果冬天到訪，可以試他們的臘味糯米飯，做得也不錯。由於本人比較貪心又愛啖啖肉，每次都會加$10轉脾，最常叫臘腸肥叉油雞脾飯，會叫少飯。如果可以吃鹹，可以請店員分開多給一碗汁，撈飯很回味。

- 蛇羹套餐 -黎緊呢個星期又凍返 ❄除左打邊爐之外 🍲其實食碗蛇羹都可以暖下個身 今次去左 CP值勁勁勁高既蛇皇二食啦🐍叫左一個蛇羹套餐 🍽分別有一碗蛇羹 🐍糯米飯 🍨同 菜🌽蛇羹入口有陣陣既菊花同檸檬既清香 🍋完辟走哂陣腥味 反而更提升左個鮮味 👍🏻而且師父既刀工都好好 🍴所有材料都切得好幼細 再配埋南乳薄脆 🧀真係好有口感糯米飯 🍚都係重點推介 👍🏻因為個臘腸同潤腸都係呢到池名既 咬入口 👄啲油咇哂出黎 👅配埋糯米飯 🍚完全食到臘味既香味👃🏻

這間在銅鑼灣波斯富街屹立數十年的食蛇老店，可算是銅鑼灣區美食的異數，當各間傳統食肆紛紛因為挨不往貴租或被逼遷離本區甚至結業的時候，它始終十年如一日地屹立不倒，捧場客眾多，特別是在冬天的日子裡，更是生意滔滔。今年冬天是近幾年最寒冷的，食蛇羹就最好不過了。也所以，吸引了我在一個寒冷的夜晚裡與太太來到這間久違了不知多少年的老蛇店幫襯。 一別經年，這兒的「蛇羹餐」價錢早已飆升至 $110，不過在百物騰貴下，仍算是合理價。 這兒的「蛇羹餐」包括蛇羹一碗、生菜一碟和「臘味糯米飯」或「脆皮膶腸飯」一碗。太太一向細食，所以只是叫一份「蛇羹餐」，再另叫一碗「菊花五蛇羹」已經足夠。 「菊花五蛇羹」的蛇羹三寶----白菊花、檸檬葉和薄脆早已被放進蛇羹裡面，不可以隨客人的喜好下多些或少些，這一點不是太好，而且蛇羮太清，不夠濃稠，蛇肉也不太多，雖然其它配料，好像冬菇片、木耳絲等不少，如終它們不是主角，就讓我覺得有點不夠真材實料。幸好蛇羮味道尚佳，濃淡得宜，還算可取。 「脆皮膶腸飯」無疑是吸引的，不過全部都是膶腸，對我和太太來說，就實在過於沉重，所以我們一致同意以「臘味糯米飯」佐蛇羹。這「臘味糯米飯」是及格的，臘

天氣咁凍，特登買蛇羮同糯米飯俾阿爸阿媽食，知佢哋話夠補身蛇王二喺銅鑼灣都好出名，做咗好多年絕對係老字號。門口大大個牌掛住臘味糯米飯，相信店家對佢哋嘅糯米飯非常有信心。一早已經打算買埋蛇羹所以當然就叫套餐啦！外賣拎到俾阿爸阿媽食仲熱辣辣，蛇羹入面有好多蛇肉，而且唔算韌。鹹度和稀杰度亦都適中，媽咪話好足料，食到舐舐脷。臘味糯米飯真係毫不吝嗇有一條臘腸同一條膶腸，糯米飯嘅軟硬度亦剛剛好，加上蔥花同埋花生粒超正，阿爸食得好開心。$110一個餐，蛇羹同糯米飯都唔算大碗，但質素高，屋企人家食得開心，個身同個身夠暖就乜都抵返曬。

如果你問我銅鑼灣有咩好食，我會直接推介蛇王二而唔係區內各國美食，因為個蛇羮真係非常足料！基本上每一羮拔上嚟都會見到切得幼細嘅新鮮蛇肉，同埋木耳、冬菇等配料。食落唔太稀又唔太杰啱啱好。食完個人暖笠笠～跟餐有臘味或燒味飯，算係配角但都係相當唔錯。仲有碟蠔油生菜，有菜有肉有靚蛇羹仲想點？

半夜看過電影後想吃宵夜，走去一蘭看到頗長人龍，這般寒冷天氣當然不願意在門外等待，輾轉到了蛇王二。蛇王二是銅鑼灣有名的蛇店，除了蛇羹外，聽聞燉湯及燒味飯也做得出色，地點又方便，多年來深受饕客歡迎。店內裝修簡陋，只有7-8張檯。招牌美食當然是五蛇羹，索價 $70! 可能是位於黃金地段及主要做遊客生意，價錢偏高。反而燒味飯及燉湯較抵吃，差不多一碗蛇羹的價錢便可以吃到一盅燉湯加一碗燒味飯。正宗的太史五蛇羹是用五種蛇——金腳帶、過樹榕、飯鏟頭、三索線及白花蛇，再配合冬筍、花膠、木耳及冬菇等熬成的湯羹，可本人不是專業食評家，未能分辨出這裡是否用上了傳統的五蛇，只能分享個人味覺感受蛇羹湯頭色澤清澈，味道濃郁，富有鮮味，所有材料切得幼細，師傅刀功無容疑置配料有南乳薄脆、菊花及檸檬草，薄脆能增添口感，檸檬葉則能辟腥提鮮，而白菊則可中和蛇羹的溫，整體配合得宜，屬高水準之作下次必試燉湯，滋潤一下

We decided to come here when the days were cold in Hong Kong. We waited a little bit because this place is in the Michelin guide.  We had the snake stew, sticky rice and bbq pork with chicken on rice. the snake stew was FABULOUS! loved it. The snake stew  had lot of taste and have a lot of ingredients in it. It would be nice to get more of the crispy things and lemongrass with my stew. The sticky rice was good, nothing to special about it. It comes with preserved chinese sausages. That was a bit

多謝朋友突然提議去食蛇羹... 但朋友係唔食蛇羹既... 哈～～ 真係好耐無食過... 蛇羹餐有蛇羹一碗 + 潤腸飯 + 蠔油西生菜～蛇羹好多料呀～ 但如果可以任加脆脆就更開心啦～ 加左胡椒粉正好多～ 超勁既胡椒味~ 潤腸飯唔岩心水都可以加錢轉其他飯唔算好多但成個餐清曬既話都好飽～ 之前聽朋友講呢度既臘腸好有名好好食... 果然係喎～ 飯唔硬雖然汁唔多但都夠撈～ 唔食蛇羹既另一選擇... 好多燉湯款揀～ 燒肉叉燒飯燒肉外皮脆... 叉燒就一般但唔咸

今次真係中伏! 從來未食過咁難食蛇羹， 冇乜料，又不能自己加薄脆，或檸檬葉。唯一好處是有幾片菊花， 勝於無。 叉燒硬到無倫， 啲飯差，又爛。 但係仍然客滿要等位。 莫非 銅鑼灣真的冇蛇羹燒味飯食？ 真係覺得六十年的老店為何會搞到此田地! 坊間很多好食的食店, 可能還是因為地利的位置令到佢咁受歡迎。 侍應的員工都是老員工有些服務態度還不錯，但係有些也是黑口黑面。 最差的應該是收銀員，那位小姐真的面口非常黑， 令食客對整體店鋪都不甚滿意。但香港人好奇怪，也不去追求這種沒有完美的服務。 其實價錢都非常貴，有蛇羹的套餐基本都要110蚊。。。 我下次一定不會幫襯!

每一次都係食蛇羹套餐($110)，包括一碗菊花會五蛇羹，一碗鮮鴨潤腸飯(或臘味飯)，一碟蠔油西生菜。蠔油西生菜：無特別。菊花會五蛇羹：好味，但蛇肉唔算多。我自己就唔鍾意食脆脆，可惜無分開上枱，要自己挑走啲脆脆。鮮鴨潤腸飯：飯都幾大碗，有汁，潤腸好好好好味，而且潤腸皮好脆，肉有潤嘅質感又唔會太坺，裡面嘅肥膏亦唔會太多。懂事以來都唔鍾意食潤腸，蛇王二嘅潤腸真係改變咗我對潤腸嘅睇法。蛇王二最麻煩係地方逼，同埋要人齊入座。

行過見排晒長龍，天氣又凍凍地，見佢條龍好似都郁得幾快，於是就決心試一試佢。蛇羹上枱已落咗檸檬葉，薄脆，枱面無另外放，所以係無得比你加，咁就扣咗啲分啦，因為有人喜歡多檸檬葉，有人喜歡多薄脆，有人喜歡咩都唔落。要讚係蛇羹唔會好杰好漿，而且薑絲幾夠，蛇肉都夠實夠爽，又夠熱，味道唔錯，不過，比係啲好出息嘅佢又唔算好出息，但都值得一試。

一年起碼去兩三次，喜歡蛇羹及叉燒臘腸潤腸飯。不嬲我都知道他們態度差，今日實在頂唔順。我見門口一大堆人，望望啲人，知道他們已各自報上了幾多位，他們在等待中。我好聲好氣問門口帶位嗰個人，有冇一位，佢態度超差望一望你，不置可否，又即刻鬧門口等位的人點解唔排埋一邊。所有人乖乖地排埋一邊，忽然喺另一邊見一個人行入去，同一個帶位麻甩佬又俾佢坐低。上前問佢哋點解咁唔公度，佢仲惡過你。大大聲帶你話「好吖，依家入嚟吖」嘩，比成舊水，咁迫夾食個蛇羹餐啫，做乜好似係監倉被人呼喝！即刻掉頭走，話明冇下次。其實裏面的座位又窄又污糟，多謝佢今次咁嘅態度，喚醒了我！除了即刻掉頭走人，以後都唔幫襯。港島區仲有唔少高質素的食蛇地方，何必係咁屈質的地方受氣。

天寒地凍最好食蛇羹暖暖身，今次叫咗個套餐有碗脆皮臘腸飯，臘腸真係咬落去脆皮，好似食緊脆皮腸咁😆，味道哈錯，肥瘦適中，唔會太肥或者太鞋，蛇羹又足料，唔會加多D豬肉搭夠，有幾片菊花配襯吓，之後仲有碟油菜咁樣一個餐食完真係又飽又暖笠笠👍🏻