蛇王二 (已結業)

同男友一齊食私心覺得蛇羹係好麻甩既食物本來想扮淑女唔食改飲湯但敵不過未食過蛇既好奇心最終揀左個套餐老店舖的裝璜以前常常以為蛇店是動物園一般養好多蛇係到俾人睇男友話佢細個食真係咁睇住人即劏唔知而家仲有無呢種舖呢呢到就無喇顧客老齡平均偏高我同男友絕對拉低左個curve不過我享受呢種懷舊靜靜地慢慢地吃飯感覺又會暖一些蛇羹食落去好重薑味有加左白菊點綴第一時間想起白蛇傳暖既效果唔知來自蛇定來自薑其實味道無咩特別而家蛇肉的肉質都無驚喜但保血氣既效果係有的大病一輪久久未來的period立即通啦好癲臘味飯係好食的黏的程度適中不過男友話介紹我食一間更好食既臘味飯密切期待

今日是2018年12月10日星期一，沙田戶外氣溫攝氏12度，我喺今年11月17日喺呢度買咗外賣的蛇羹返屋企和爸爸各食一碗，我們的身體由頭暖到腳趾尾，不像去年或之前需要開電暖爐，實在令人嘖嘖稱奇，味道很好，但唔可以話係和味極，很有功效！包裝有埋白菊花瓣同檸檬葉𢇁，我記得大概每碗$96。不過，可能因為室內地方太淺窄，當時我在收銀處俾錢的時候手裏有太多東西，動作慢很多，收銀的姐姐叫我企埋一邊盡快俾錢，搞到我踢晒腳！沒有足夠的時間看餐牌還有什麼要試。

適逢Sogo thankful week血併過後已經係晚上11點，為左好好慰勞陪我購物的男朋友，今晚陪佢食佢一直想食既蛇王宴～～點了蛇羹餐和另點了一碗菊花會五蛇羹。非常想食糯米飯，但可惜沒有。一直想點燉湯，可是男朋友強烈推介食蛇羹，說來蛇店梗係食蛇羹啦！好啦～聽你話🤦🏻‍♀️如果一人食呢個套餐真係幾飽。蛇羹溫度夠，絕對加分。以多種蛇肉絲為主要材料的羹，配以雞肉/豬肉、蛇骨、冬菇絲、薑絲、杞子、花椒、八角等，伴以蛋散薄脆、檸檬葉、白菊花瓣、白胡椒粉食用。別小看幾片白菊花，是真的聞到淡淡的菊花味。雞絲份量特別多，老雞火喉夠，有口感。蛇王薄切配湯羹合適。潤腸非常脆口，很特別，令本身不太好潤腸的我也忍不住吃了一條。潤腸表層少少泛油，不會很乾。

天氣開始轉涼，除左打邊爐，就想到食蛇羹暖下個身，便去了波斯富街的蛇王二。我點了蛇羹餐，菊花會五蛇羹一碗、脆皮膶腸飯一碗及蠔油生菜一碟，每份$110。菊花會五蛇羹：湯底夠味，好多蛇肉同木耳，好足料，落埋卜卜脆，再灑上胡椒粉調味，簡直一流。脆皮膶腸飯：膶腸，口感好似司華力腸，好脆，一試難忘，味道適中，送飯一流。蠔油生菜：份量都唔少，配上蠔油，很味美，又可幫助消化。雖然要成$110個午餐，但秋冬期間，間唔中食下都嘗可接受。

唔食蛇既我一直都收藏左呢間餐廳，為既就係佢既燒味飯加臘味。是晚叫左燒味套餐（一盅湯+燒味飯），轉雙併。聽講呢到既叉燒好出名，亦因為咁而曾經攞過米芝蓮。所以二話不說簡左叉燒併臘腸但叉燒令我失望，雖然唔係全瘦，但口感乾柴，蜜味唔夠濃。本身食開佢既臘腸潤腸，夠脆皮又唔肥膩，結論都係潤腸好味啲。所以整體呢個飯都令我有少少失望，試左朋友既四寶飯，有燒肉、雞亦、咸蛋同紅腸，啲燒肉好普通，口感似燒排骨，都是一般。所以真的唔推介佢既燒味飯，唯一可取真係要試下佢既潤腸，包你一試難忘。小妹係由唔食潤腸到試左一口然後愛試左，可知佢個威力有幾咁大湯就簡左陳腎西洋菜湯，味道清甜還好，不過舊陳腎食到有啲苦味。個套餐賣單大概係每人75$，抵唔抵就見人見智啦，不過我就無下次。

天氣太熱，想要消暑清熱走到蛇王二看看有什麼時令靚湯。六點幾坐位已經差唔多坐爆。都幾旺場，有燉湯有燒味有小菜，碟頭飯唔算貴，小菜就中價。見牆上有十數燉湯之選而燉湯由七十至一百元個揀了個冬瓜瑤柱燉螺頭湯。材料非常簡單，只是冬瓜瑤柱螺頭，再加金華火腿原來螺頭跟冬瓜是這麼配的。蛇王二是用燉的，所以非常清。一樣清甜清潤。超級好喝連湯渣都咁好味。螺頭口感腍中帶爽味道鮮甜美嚟蛇王二點都叫個燒味飯叫咗叉燒切雞飯要脾！份量十足！叉燒同雞都好多下！白切雞唔錯，雞非常嫩滑叉燒有肥有瘦叉味道不太甜！肥肉爽口而瘦肉不算很韌，非常對辦。飯粒乾身，吃起來爽口。總結這裡燉湯全部都很愛！可以天天來喝就好了!! 不過一碗湯加一碟飯價位如果加多碟小菜的話已經打爆每日Quota

賣蛇的鋪頭多數都會連帶賣自家燉煮的藥材湯，但賣自家燒味，賣自家臘腸潤腸的，好像也只有這一間了。蛇汁浸白切雞飯拼臘腸，店家講得用蛇汁浸應該都唔會呃人嘅， 只不過我就真係唔知蛇係咩味啦，會唔會就係淋上面有啲甜甜地嘅豉油味汁就係蛇汁？雞件肉質嫩滑唔會鞋，雞皮都爽口， 不過雞皮下嘅油脂就感覺多咗啲。蔥油咸度啱啱好，一口雞一口蔥油一口飯，完美配搭。臘腸的肥瘦也剛好，札實的口感，配口飯就知什麼是幸福。偷吃了朋友一舊叉燒，肉質是我喜歡的實在感，厚切下醬汁不多也夠味。

是日係銅鑼灣搵食，但呢區野食多數都貴價野，又食唔飽，咁岩又想食飯同燒味，於是黎左呢間蛇王二食晚飯。店面佈置簡單整潔，感覺好舒服。叫左個燒味老火湯套餐，黎呢度係必食潤腸！真係永無失望，入口甘香，回味無窮，餸上白飯燒味簡直係絕配，直頭想添飯啊！另外叫左個響螺老火湯，啖啖螺肉，真材實料，盡是精華，每盅佢都落足火力心機去燉，誠意滿分！更值得留意既係，呢度伙記同氣氛都十分懷舊，聽住佢地寒暄邊嘆住老火湯潤腸，品嚐真正香港之味。

呢一間蛇王二都係一間老字號！佢燒味都ok不過都係物價高漲嘅原因，加價的覆度好快，但佢d燒味也很有保證的 ，不得不讃佢飯餐跟的例湯好夠味很濃 ！平常我出街好小飲例湯的因為出面整得好hea，所以大家可嘗試

經常都會去蛇王二食燒味飯, 可喜燒味一直都保持質素，而且價錢尚可接受，最重要嘅係每一次都想去品嚐佢地嘅燉湯，燉湯選擇好多，特別推介嘅係”天麻魚頭湯”, “鳳爪燉螺頭”, 同燒味飯十分配合因為舊式裝修設計，店面位置並不太寬闊，通常吃完就勿勿結帳。

食燒味嘅選擇有好多。基本上大部份嘅香港人都會鍾意食燒味。但係提供燒味嘅餐廳質素可以好參差。無論質素上啦價錢上啦，分別都可以好大。蛇王二。我間中都會嚟食佢個燒味飯。其實佢最出名應該係蛇羹， 尤其是響冬天，你食飯往往都要排隊等位。蛇羹足料又好味，大家要試。不過今日我想飲湯。佢嘅燉湯選擇亦都有好多。價錢亦都唔貴。今日我揀咗:1。燒鴨胸拼少肥叉燒飯2。陳腎西洋菜湯雖然佢係用燒鴨唔係用燒鵝。但係燒鴨燒得好香。燒鴨皮有脆又香。同師傅講叉燒要小肥。啱啱好。你嘅叉燒脂肪度正合我心意。叉燒亦都係燒得非常之香。我揀咗要燒鴨胸 因為鴨胸比較多肉正合我心意，你哋自己亦都可以選擇亦都可以加錢食鴨脾。西洋菜陳腎湯。 好香嘅腎味。分量亦都適中。$78 ， 有好味嘅燒味， 有一碗燉湯。價錢非常之合理。位置可能會有少許逼夾，但食物嘅質素非常之高。當大家想食燒味飯又想飲一碗靚湯，真係可以試一試蛇王二。

身為香港人，久唔久都會有鋪燒味飯癖。但係就咁食都不免太單調。如果有埋個湯滋潤下又唔同講法。星期三賽馬日，晚上7點左右，銅鑼灣唔使等位即刻入。 無得頂。黎過好多次，每次都會叫豬肺湯。 平時如果屋企要煲，洗都洗死人。呢度燉豬肺完全無內臟腥臭味， 只保留爽滑口感。白菜湯頭十分清甜，冬夏皆宜。再講燒味飯，其實最緊要係啲飯。啲飯千其唔可以淋pat pat 一定要夠乾身，咁樣加埋燒味豉油姜蓉，口感香味一流，昇華至另一層次。燒味味道中上。價錢都合理。伙計落單上菜都好快手。

每次來到蛇王二，都會有選擇困難証，究竟選擇邊款燉湯，燒味飯又想食叉燒，燒鵝，油雞🤔又想食潤腸，又想食糯米飯.......樣樣都好味，當然熟悉蛇王二的，去到坐低巳經要叫，否則伙記就會在旁比壓力🤓🤓，因為門口等位的人很多，這𥚃的伙記動作和上菜速度非常快，有點像澳牛，無所謂啦，快食快閃🤓我揀左喇🍚🍚叉油雞飯🍭🍭🍭🍭生菜🍭🍭🍭西洋菜陳賢豬肉湯🍭🍭🍭🍭🍭🍭叉燒要半肥瘦的，雞我喜歡吃雞胸😋😋來到當然冇令我失望💜🍭這個湯也是我至愛，湯很濃很清，湯料已吃清光😋😋🍭菜就正正常常啦

無意中行過見肚餓，天氣又忽然涼了不如食碗蛇啦！過咗食飯時間都好多人，有 $44 粉面下午茶餐，但係 5:30pm 過鐘了 😫 。叫咗碗菊花五蛇湯 $70，算係足料，薄脆菊花跟湯上。同其他蛇店比較，遜色在薄脆唔係任食😛 但係衛生比較好，坐得舒服啲。個蛇湯有少少獻，但係湯底夠味，好多蛇肉、木耳。呢度都有蛇湯餐，跟潤腸飯同蠔油生菜，$110 又幾抵食。雖然全部老伙計，服務態度都 ok，遇見遊客都仲好有耐性，算係咁。下次來要試下臘腸飯！

超贊超實惠的店，有朋友來一定帶他們去。110元的菊花五蛇羹、脆皮潤腸飯和蠔油生菜套菜真真是極好吃的。有評論提到裡面除了木耳、陳皮、香菇、雞絲和姜絲，還加了檸檬葉、果子和新鮮的白菊花，木耳和蘑菇口感脆生滑嫩，姜絲和白菊花很清爽，蛇肉軟軟的不老要點個贊；臘腸地道，皮脆肉質細膩，酒味很大，有一點豬血味道，能吃出肉粒，可以看到店裡掛了很多臘腸。蛇羹套餐110，燒味飯加椰子燉鴿或蟲草燉雞84，不設加一，在銅鑼灣可以說相當實惠了。旁邊很近還有義順牛奶公司。