蟠龍半島餐廳

營業中

休息中

場地夠靜，坐得舒服，服務相當好，會主動推介，有問必答，廁所乾淨食物好味， 面包俾好高分，辣手的，添左一次，有黑糖同芝士兩款黑松湯高分， 夠香，夠味，唔會係得個聞字， 食都好勁香味❤👍生蠔，法國的自己試海鮮拼盤，食材ok， 主要提汁， 紅酒醋甜甜地，水牛城汁辣辣地，正松露牛柳， 牛汁牛柳絕對可以encore, 入口就化既感覺呢度俾到你甜品係Bailey's oreo芝士餅， 因係週年日，特別請求餐廳寫幾粒字， 點知..... D 字有點多，餐廳用放芝士面包腸仔既木板黎寫😂相當滾動，另一半都做埋滾動豬總括身心都相當滿足😋

海鮮拼盤勁抵食！仲可以選生蠔/BBQ!SET DINNER 個海膽三文魚籽沙律真係好正燒蜜糖芥末豬手又香又脆！個肉眼又肉嫩肉味重！環境又靜又舒服！仲有免費車位！燭光晚餐一流

之前已食過一次，今次又再拉隊去食。但竟然無我想食嘅鵝肝紅菜頭忌廉飯，想叫法式鴨脾，都係無，所以的確是十分失望。至於今次有成9個人食，我地都試左上次無叫嘅大扒，我試左少少。其實還可以。始終佢大件，係難d令入面無血而外面都嫩，所以外面的確會有點un。至於我自己就食左個推介和牛牛扒，當中用胡椒太多，食第一啖已經咳左出黎。而且肉質上同自己買黎煎的好難說得出分別，那塊扒已是650元，實在有點貴。今次返食指數: 3.5 粒星 (5粒最高)。我覺得最主要是餐牌與期望的落差。上次一個set有齊沙律、湯。但今次就只有2選1。想要食鵝肝就只得點選前菜的薄薄一片(感覺是4分1的原有厚度)。如果說那真的可以用原份上，overall 感覺會開心好多吧。然而，那個黑毛豬是當天的亮點，雖厚但嫩。期望下次有我想吃的餐牌回歸吧。又其實，關於個甜品，如有變更亦應一早提醒，掉轉說，我選了鴨脾，落單後才說無，亦應有些補償吧...

記得有一次在Nova Cafe 食飯慶祝，食完後有個侍應say goodbye 後話他們有露天BBQ 海鮮派对，十至十五位起，每位$350蚊包埋soft drink,之后我問有咩食，原来都不錯，有魚，虾，帶子，蚌，海鲜等等，都oK啦！不過價錢就貴D，跟住侍應帶我上左天台睇睇，環境很大好舒服，可以座到八十人。地方一流，但限時間的晚上六點開始至到十點完，只得四個鐘頭食。希望下次有机会可以在Nova 搞吓BBQ party 啦！

又係慶祝既日子，我都去返自己喜愛的餐廳食，今次又有新野。經理有好介紹，係斧頭扒。他說是一個两人套餐，做法就係煎香兩邊跟住入爐燒大約四十分鐘，Slow~Cooked 做法，並以三个不同温度做，一開始200度，跟住150度，最後80度將牛扒整熟。他還說肉質嫩，肉味重同肉计豐富……我見他講得禁好食就叫了一份試吓。斧头扒出來啦！好壯觀，好有份量。跟住經理哥哥將牛扒起骨，好心急食接住就係食啦！果然好嫩和肉味重，收貨990蚊for two,,,都唔算太貴，又一次有驚喜，我會keep 住去Nova,睇吓下次重有咩新菜式

一個字差劣，等左45分鐘，仲要我第二次問個侍應，先知無幫我落order，仲要無果款菜式，都唔同我講，連湯，連麵包都無拎黎，我唔知可以講咩 客又唔係多，真係唔店呢間野，簡直貼錢買爛受 好地地一個開心情人節 搞到bad ending

星期六晚同女朋友去左Nova食西餐，一去到座低就叫左支紅酒，跟住有個好似經理的人過黎介绍，之後又講解個餐牌比我們及推介韓牛，個經理都講得好專業，他說現做推廣原價八百元，現在優惠價六百五十元。他說韓牛的牛肉味很重又tender,又話走肥同好食過日本和牛。結果我叫左一份試吓，出到黎既時候，第一口覺得無比人欺骗，真的很重肉味又tender好味道。六百五十元包埋頭盤，甜品及咖啡茶。在屯門區算是非常之貴但物有所值，下次我慶祝一定會再去過

大蚬白酒汁天使麵，非常新鲜及大隻，加上白酒忌廉汁很好食。我去過好多意菜都食唔到这样大隻的蚬又無沙，爽口。天使麵又軟硬適中，而忌廉汁味道也做得很出色，我相信可以比三百幾元食這個set dinner,餐牌簡單，只要在九款starter選一款，還包埋Daily dessert and coffee tea.我本人覺得價錢合理，整個晚餐先三百幾都算抵食。希望廚師可以keep 住水準，在屯門區都算有D驚喜。

千呼萬喚之同事聚餐終於成行啦~~而且今天老闆好大方哦，是一間高大上的意大利餐廳，口味我覺得蠻不錯的。 話說大家都離職了，只剩下我還留在公司，這次相聚真的很難得。人數係13人，12個大人加1個小朋友，有同事帶了小朋友。因為人數太多，當然不會吃平時電視上面看見的很漂亮擺盤的意大利菜啦！燒羊肶-意大利煮法，可是我不吃羊，所以不介紹了，不過同事說沒有膻味；生果拼盤，沙律，燾司，刺身，什果班戟甜品，炒雜菜--唯一讓我印象深刻的是食材很新鮮，刺身這種東西，鮮不鮮，吃一口就知道了；第一次寫食評，真的不知道要寫些什麼好，其實是為了紀念一下，因為這是我第一份工作的聚餐，哈哈另外還有好多菜式 ，蒸海班，肉眼卷，煙鴨胸，意大利飯，蘋果蝦沙律，意大利雜菜湯 ，焗松露薯茸，野菌意大利粉，燒雞扒。這裡的環境真的非常好，我們拍了好多合作，人醜就不放上來了。

最近天氣有D涼，打算唔去老地方轉場換間新嘢，搵到Nova Cafe。約左幾個好姊妹唸住飲下嘢傾下計hea下。其實下午茶已經去完一輪,有D飽飽地，所以我地凈系order左一份set dinner和一些小食，紅酒等。首先上來的系義大利芝士沙律，清新的saladsources喚醒味蕾，精神一振。周打魚湯，牛油味好濃鬱，就系份量太少喇，唔夠喉。人地話女人有幾個胃，其實系真噶，大家都比芝士菠菜焗生蠔吸引住，好香。因為唔係烤的所以沒有平常火炭烤的咁熱氣，加上芝士焗會好入味。 燒烤雪魚柳同一般烤魚柳係完全唔同！一眼望落去好有藝術感，味道幾好 :-D魚柳嫩滑兼厚肉，抵！炭燒豬鞍和肉眼扒配紅酒汁都值得一試！無論色澤定火候都火候恰到好處！豬鞍塗點青胡椒汁yummy ！yummy！肉眼扒鮮嫩多汁，撒上紅酒汁放進嘴裡那瞬間難以形容！我一個人就將成塊肉眼扒食曬喇！我比較鐘意大蝦扁意粉，可惜D蝦有啲幹，不過咬落去D蝦肉同都幾鮮甜。仲有幾款菜式忘記影低，反正出品都唔錯！套餐種類不算多，但都新鮮好味道。環境清幽，裝修別緻，就係唔多就腳。總體四粒星。

自從舅父新居入夥後都未見過面，剛好上個禮拜同媽咪去左黃金海岸附近，就順便約埋舅父食dinner。下晝六點零，我們來到nova cafe,因為有提前book位，所以好快就安排我地入座。第一次嚟，覺得間餐廳裝潢高貴，景觀很好！帶位的waiter十分耐心的按照我們的喜好推介菜式，最後我們選了兩個沙律和三個主菜。聽舅父講都系朋友介紹先知這間餐廳比較安靜舒適，食材又新鮮。大概講講食左D乜先！首先系鮮露筍伴鮮魷魚沙律，露筍柔軟可口，加上新鮮的魷魚，蔬菜與海鮮的美味搭配，混合酸酸甜甜的沙律醬，讓人食欲大開。我平日都鐘意食牛油果，因為健康又有益。所以點左吞拿魚鮮蝦牛油果咯嗲，雖牛油果熟左D，但依然很清新醒胃。蝦肉爽滑伴著吞拿魚，再加啲檸檬汁所以唔會覺得腥。至於主菜我就點左燒羊仔膝配香草燒肉汁 ，本來會有D擔心陣“騷”味，點知上菜時散發著烤羊膝的香味，食落一啲都唔“騷”，加上薯蓉，趁熱食好正。喜歡食羊扒的人士，不妨試試羊膝也是個不錯的選擇。媽咪話想食魚，舅父話不如試試香煎立魚柳配白酒檸檬，魚柳無骨啖啖肉， 配上自製醬汁帶出魚既鮮味，賣相吸引。最後點左炭燒牛柳配法國鵝肝，經炭火燒製後的牛柳，搭配鵝肝，淋上

上個月公司生意額幾好，老細請大家聚餐。人多意見就多，比較難揀餐廳。所以最好就係食自助餐。公司附近食肆比較少，又要搵到就腳既，加上大家都好難得夾到時間，溝通完一輪，最後決定去會計部同事推薦既nova cafe！於是老細就提前係果度包場兼預訂35人用既自助餐。話係晚上19:00開始，我同幾個同事早佐20分鐘到。見工作人員都差唔多準備好曬啲嘢。我係第一次嚟， 覺得景觀一流，裝潢高貴!自助餐很豐盛，擺放得很整齊，沙律和甜品都擺到好精緻。菜式選擇很多，中西式都有，迎合曬唔同人既口味。見女士們最鐘意食芝士焗西蘭花，想健康啲又唔會太肥掛！豬頸肉沒有過多調味料，味道非常好。我最鐘意食芝士肉醬意粉，好入味。焗青口都唔錯，啲汁味道很好，而且青口很新鮮，唔似有啲餐廳的青口咁硬身。甜品幾豐盛，我平時就比較少食甜嘢，但見同事都話幾好食而唔會太甜，我都拿佐兩個cake試下！蛋糕好鬆軟，忌廉唔多，一啲都唔漏！食完飽飽滯滯就和同事周圍行下，原來樓上仲有一層，好似天台咁，好大！聽講禮拜六仲有BBQ燒烤！因為包場都係自己人，所以氣氛好好！我哋仲慢慢傾計飲翻兩杯先走人！服務貼心，食物精緻，齒頰留香！就係離市區較遠,但真係好

係FB見到有friend讃好Nova cafe專頁，以為係一間咖啡店，入去睇佐下，原來係一間意大利餐廳,見而家暑假有做活動，露天海鮮燒烤BBQ，好似幾過癮！反正仔仔放假，就打算帶佢過去試下！禮拜六晚我哋一家大細齊齊過去（擔心無位所以有提前電話預約！）二樓係普通西餐廳咁，樓上天台係以露天燒烤為主題，現場很大,幾熱鬧,仲唔會好熱添！大廚正在爐上燒緊食物。waitress招呼我哋坐低，仔仔很興奮四圍望，好似想自己去燒埋一份。食材有好多種海鮮和扒類，海鮮幾新鮮，所以每一款都order佐，樣樣都試試睇邊啲好食~我最鐘意食蝦，嗌佐好多。見廚師簡單的調味已經香氣十足，蝦殼表面因為高溫和鹽的結合，呈現泛白的樣子，蝦子的鹹度配上蝦肉的自然鮮甜，再擠啲檸檬汁去提味，好正！而且蝦頭有蝦膏，但就不算很多。元貝同蟶子都好爽口，完全沒有霉。燒完點一點豉油提一下鮮味就夠。大蜆雜炊食物都新鮮，味鮮多汁。豬扒亦非常厚肉，咬的時候感覺到外焦裡嫩。有專人燒俾你，生熟程度又啱啱好， 因為企係你旁邊燒，所以到你放入口時都仲係熱辣辣。我太太和仔仔好快就食滯佐，我繼續再攻其他食物。呢度海鮮既新鮮又美味！下次要嗌多啲朋友黎先得，要人

經朋友推薦，昨晚和太太來到這間餐廳品嘗！好在早早訂位， 臨近七點時餐廳已經滿座。 落左單后以為會等好耐，點知出菜都幾快！意料之外…我太太點佐店員推介的set dinner，前菜係“美人魚吞拿魚杯”，名字好吸引，而且她也喜歡吃tuna。奇異果很新鮮夠開胃，D醬很creamy,這樣的配搭讓人很難忘！松子仁扒大蝦配茄醬天使麵用料很足！贊！鮮蝦味濃，應該幾新鮮。茄醬特別開胃，不會覺得膩。我們點佐火焰星鱸配柚子莎莎，師傅動作乾脆利落，火侯啱啱好，皮脆肉嫩，魚味很鮮甜，用柚子搭配而唔用檸檬，口感很清新，味道酸甜開胃！虽然坐滿客人，但也延续意大利餐厅的一贯作风，店員询问我们味道是否满意，好親切。奢華裝潢、食物精緻而又不失水準。價格也算公道我和太太會繼續光顧的！

我和我姐妹都鐘意試新野，周不時都會上網search啲特別而有趣的美食，偶然見到一款名為：懷舊七打牛柳 Choteaubriand Bernaise的菜式，覺得背後的典故幾有趣，一位法國作家為了工作而廢寢忘食，他的廚師為此絞盡腦汁，用一整塊兩人食用的牛柳為作家獨家炮製了僅供他一人吃的午餐。而作家吃過這一份特製牛柳後更加讚不絕口。因此成為美食界的一段佳話！（想知更多關於七打牛柳既詳細內容，就自己google下啦！）睇完介紹後我們已經忍唔住想即刻去試試，search香港邊啲餐廳會有這道菜式。原來很少餐廳有這道菜式，一般的西餐廳都不供應。見到位於屯門蟠龍半島的Nova Cafe有這道菜，我們便立即出發！Nova Cafe位置都算易搵，因為出發前有咨詢過店員，book佐位後我們也沒有等很久便可埋位。看到Menu有七打牛柳的special dinner，就馬上落order！等上菜期間就環顧附近環境，平時很少去蟠龍半島，地方雖然有啲隔涉，但都算易搵，附近環境和都非常好！前菜和湯中規中矩，可能我們心急等緊主菜！等了些少時間，萬眾期待的主打菜黎啦：懷舊七打牛柳其實大部分餐廳烹調牛柳的方式一般都係煎or燜