西苑酒家 (太古城中心)

營業中

休息中

去過幾次，食物係正常的，但因為唔係熟客及沒有塞錢比阿姐，十次有九次都會有不愉快經歷。例如d阿姐會顧住同熟客吹水，完全唔想應你，由於佢冇反應再叫多佢幾次，佢就會惡言相向！（有一次甚至鬧我爸爸）另外，早茶的蒸飯好似有寶咁，留哂比啲熟客，好唔容易先叫到一個⋯其實商場有咁多酒樓，競爭咁大，而且又唔係收得平，點解仲可以做到咁差？一啲都唔尊重客人！堅決唔再貼錢買難受，已經永久blacklist了依間「西」苑。

中秋將到 ，很多酒家食肆都改了節日套餐， 沒有平時的菜式 ，幸好這裏還有。 我們點了兩個家常小菜 想著普普通通食一餐。 點了一個紫蘿牛肉， 另一個是銀杏八寶齋煲， 在沒有期待中給了我們意外的驚喜， 原來家常菜要煮得好也不容易 ，這一餐 吃得非常滿意。紫蘿牛肉，🐮 用最靚嘅酸子薑 加菠蘿， 牛肉炒得又嫩又香口， 再加啲青椒同埋香蔥， 真係好惹味 好耐冇食過咁好食嘅紫蘿牛肉。銀杏八寶齋煲， 熱辣辣一大煲上枱 ，入面有 枝竹，面筋， 茄子，四季豆 ，芋頭，雲耳， 當然仲有銀杏呀，即係白果， 煲得好好味 ，如果有啲綠葉菜就更加好。兩個餸都份量十足 ，我哋只係加一碗白飯就已經食得好飽 。老字號酒家，廚師的功力真係唔錯 ，以後要多啲幫襯 ，支持本地食肆 ，不要只幫襯大集團，這一餐是性價比超高。

當時6：45pm去西苑睇下有咩餸食, 出面的知客話可以7:45pm攞外賣熱辣辣, 廚師可以遲少少整，於是我去訂。一開始就叫收銀員話要7:45pm攞熱辣辣, 她沒有回應，她黑口黑面, 我繼續講我要咩餸。我7：05pm返去, 諗住check下她有沒有在電腦落7:45pm攞, 我見到我的外賣已整好了。我諗住畀咗成千蚊不能就咁算,我要他們再整過，因為屋企人未能及時返到屋企吃飯。部長同收銀員講, “你唔記得打7：45pm 攞喎！” 收銀員好寸咁話我冇同佢講。我同部長講話要遲啲整, 佢好冇禮貌話,梗係遲啲整啦！一級價錢，九流服務！不會再幫襯！

义燒質素極差，全瘦仲有根，二百幾蚊一個例牌有大半碟冇食！😵‍💫冇諗過叫招牌菜都有咁嘅嘢，唔知係咪生客先係咁，應該冇下次！侍應收碟時都好心問係咪有問題，希望D師傅會用心改善下。

📍西苑酒家 (太古城分店)西苑酒家已有近30年歷史，多年來獲獎無數，不少名人明星都是座上客。菜式豐儉由人，鮑參翅肚當然有素質，大眾化菜式亦不失水準。叉燒是鎮店之寶，日賣110碟。2009米芝蓮推介食肆！但今晚踢住對拖鞋去食晚飯，叫咗例牌龍躉骨腩、鹹魚蒸肉餅、雜菜煲！家常便飯。推介指數🌕🌕🌕🌕🌑

「西苑只是情意結？」💋💋💋💋Address: 太古城中心💋💋💋💋西苑係我諗唔到食咩，但又想食中菜嘅選擇。我呢一篇係懶文，所以我只交代一句，that’s my lazy Chinese dinner if I don’t want to think.不過不失的選擇，中菜的水準是中規中矩的，價幾依然是能接立的，但可能會有點偏貴。是日餐單：雜菜煲咸魚蒸肉餅例牌蒸龍躉❤️❤️❤️❤️❤️❤️❤️性感指數💋💋💋/5

西苑的公司飯少不了要點爵士湯, 連湯料及湯渣一起吃, 其實已經可以有一頓飽足的午飯, 作為這裏的名物, 除了夠鮮甜外, 就是喝得出也吃得到它的足料, 除了螺頭和煲得極綿的蜜瓜外, 花膠也夠重手, 雞腳入口即化, 沒有脂肪, 比起鮑汁鳳爪更為重要吸引. 同樣出色的還有清湯牛坑腩, 湯頭雖然沒有八寶獨特的當歸香味, 但也夠清甜而清澈, 坑腩肥美, 肉香豐富而且外膜夠爽彈, 牛筋和蘿蔔口感同樣軟溶而無渣, 比不少牛腩麵店更出色.可惜爵士湯和牛坑腩的高質, 沒有保持在其他菜式身上, 當中的燒鵝最為出事, 鵝背和鵝胸肉頗韌, 汁料入味但是皮軟糯得如隔夜一樣. 另外釀矮瓜的照燒汁和木魚碎令其和風起來, 但味道和口感就有點不倫不類, 水準真的有點參差.

未至於酒店價錢，但一定低過屋村質素$560, 一份叉燒加五款點心1.叉燒-難食，食材太差2.咸水角-番炸，壘球咁硬，公公婆婆或者棚牙差小小，唔好試3.腸粉-街邊十蚊三條好過佢4.山竹牛肉-淨係一陣陳皮味5.粉果-公仔點心一定好過佢6.春卷-番炸總括黎講,能夠做得差嘅地方全數走近標，連辣椒油都可以"益”咗亞姐上完菜就隨手抹落張枱布，非常注重自己的衛生十幾年未嚟過，再次光顧完來咁伏其實咁嘅食物同服務質素，㸃對得著一班街坊和食客？？？？

西苑酒家出曬名有水準,今次送別朋友,佢要移民,只剩幾日就要走時間無多,係佢屋企附近就有一間分店,決定2個人去飲個茶話別一下一早去拎位,坐位多,門口服務員好快安排入座,坐低就先上茶,再落單酥皮叉燒包 先上酥叉,比起平時再精緻少少,加了杏仁點綴,感覺靚了不少酥香脆口既外皮,包住滿滿既叉燒餡料,香甜蜜汁叉燒餡,又香又濃非常好食蝦仁腸粉 手工即拉腸粉包蝦仁,鮮蝦仁入餡,皮薄餡靚味道鮮甜 皮又滑鮮味荷葉飯 雜錦炒飯放入荷葉再蒸,入口好香既鮮荷葉味道! 口感又豐富,有叉燒,蛋,肉碎!冷盤滷豬手 冷盤類,抹上一層厚厚蒜蓉,滷得好香好入味,豬手皮仍有彈性魚湯鯪魚球 鮮魚湯配鯪魚球,以鯪魚煲湯再浸鯪魚球,雙重鮮香,飲一口魚湯,清甜順口再食一粒鯪魚球,口感彈牙鮮味,雙重魚香,出色鮮牛肉球 以鮮肉入餡,配蔥同馬蹄粒,彈牙中又有點脆粒感,肉味幾濃一口芋角 最後一款,即炸酥香芋角 亂如花冠野草既賣相,包住香濃既芋蓉入口酥脆可口,啖啖芋肉味香濃水準高,點心出色,值呢個價錢消費$400西苑酒家太古太古城道18號太古城中心2樓208號舖

曾經有段時間，家人好鍾意嚟飲茶，但唔知点解，食物質素一直下降，又貴又唔好食（太古城中心最貴嘅酒樓），所以好耐無去到今日，三姊妹有事商量，就約咗嚟呢度摸杯底十一点等位，班長者嘆緊早茶，終於十二点有位請侍應生攞走枱上兩碟酸菜睇点心紙，剔咗四樣点心，跟住小食叫咗個班腩煲同荷葉飯，最後，甜点蛋白杏仁茶家姐至愛.啖啖肉，超多斑腩，每人起碼三塊以上感覺昔日食物水準返番嚟，但價錢始終係高啲

4/5Old Chinese restaurant still popular now for a recent, their food is good. Fish paste stuff eggplant, I usually don’t like this type of fish, but this paste is good! Fish pot, crispy outside, tender juicy fish, flavour all cook into the Center, not greasy at all, even the ginger and scallion is good cos the wok fried . Pigeon little dry n not marinaded enough. Soup dumplings not bad. The pomelo skin is good as well.The soup is a must try here!

西苑酒家是香港老牌中式酒樓 行政總廚張志偉享負盛名 所以是名人明星的飯堂 裝修走古色古香路線 門前有兩大石獅子 簪花掛紅 充滿喜慶我今天去的是太古城店 第一次光顧 沒有訂位 門前見不是很多人在等位 以為很快輪到我們 怎知客人多數是已訂位 最後等了大約一小時15分才有位😳點了10款點心和小食 包括著名的雪影杏汁包 大哥叉燒 雪影杏汁包 外表像麥西哥包 內裡是微灰色 又甜又濃的杏汁醬 喜歡杏汁的一定要吃大哥叉燒 感覺一般 不見突出 可能是市面太多好吃的叉燒其餘的蒸點 蝦餃 燒賣 菜苗餃都不錯較差的是XO醬蘿蔔糕 顏色淡 蘿蔔和XO醬都少 乳鴿較乾身 汁少蝦子柚皮 有少許澀味比想像中差 有點失望 價錢和出品不成正比呢🙄

間中會來西苑喝盅老火湯，滋補養生，懷舊傳統粵菜，份量十足，味道正宗，幾乎沒有失望過。門口兩張中式座椅，貫徹懷舊風格。餐牌以粵菜為主加插少許其他風味菜餚，樣樣都惹味，期待上桌。例湯蘋果雪梨西施骨，甜滑潤口。南瓜帶子煎蛋，味道可口。主角就是荷葉雲耳蒸雞。一打開就見到各類材料。雞肉嫩滑，所見有雲耳，金珍花，姜絲，蔥段，紅棗，還有金華火腿。荷葉與金珍花的獨特香氣，加上入味雞肉，令人十指大動。一壺茶，一碗飯，一盅湯，一籠雞，坐在環境舒適的西苑，滿足感百分百。

上環嘅西苑執咗之後好耐冇食過，今日途經太古城，諗住去試吓只可以用中伏來形容爵士湯居然有魚腥味而唔係蜜瓜甜味我問過部長點解佢行咗去唔答我我叫咗個燒鵝髀下庄，咬落係完全冇味反而佢個將就幾好味總括來講唔會再有下次

以前常來晚飯或飲茶，疫情以後裝修完今日首次重來。訂位同老爸飲茶後才看到一些負評，特別是服務方面，看了有點耽心。事實證明無論食物和服務都保持水平，點心新鮮出爐，好味分量足。大哥叉燒名不虛傳，XO醬腸粉還可以，畧嫌鑊氣不夠，山竹牛肉和蝦餃均屬真材實料，上桌後再要黃芥辣也很快送上，柱侯牛孖筋根有驚喜！最後加了一客擂沙湯丸，新鮮熱辣出爐，賣相又精緻。見到有樓面職員同熟客有傾有講，但對我這些生面口也不會怠慢，沒有其他所講的問題，老爸坐下開茶之後我才到，已上了的炒花生以前都可換酸蕎頭或退回，今次我們選擇不要，二話不說即拿走，埋單時更再問一句是否沒要前菜花生，以確保出單無誤。服務專業貼心，不知是「好運」還是他們有吸取經驗和接受批評而認真檢討後加以改善，總之我親身的感受是無可口非，重拾多年對西苑的信心，值得推薦！