豚燻 (已結業)

老公至愛吃日本拉麵，今天我就帶他到這家剛登陸幾個月的豚燻試試這裡的拉麵。 店的坐位採用長形吧枱，為拉麵店的常見設計。 拉麵選擇不多，只有三款，小妹是海鮮怪，就點松葉蟹及白貝拉麵啦～ 至於飲品，老公點了Highball($48)，為威士忌梳打，小妹一點也不喜，味苦，不易入口，不知道為何男人總是愛這個味道，可能真是先天生理構造不同吧。 蘋果梳打($36)，蘋果味道清新，加上有汽梳打，好好味架呢！可惜太細支了！ 松葉蟹拉麵 ($298)，賣相夠派頭，蟹的樣子很有氣勢，蟹已經拆殼，所以可以很輕易進食，不過肉質就略嫌不夠滑，蟹味不重，旁邊的鞋膏味道微酸，很凍，名顯是從冰箱取出，感覺和這隻蟹是無有關係的；而麵則口感煙靭，湯底夠濃，但始終蟹和麵有點格格不入。 以這個價錢，性價比不算高。

叫了味噌口味，整體感覺還好。味噌香氣未至撲鼻但尚算順口，至於那賣點煙燻味，還是賣點大於一切，無論是湯頭，叉燒還是那後加的玉子，雖想做到一致性的效果，但老實說出來的效果卻不盡可人，像是為做而做，缺少了精緻的計算。這一點，在日本名店吃過的人應該會較易了解。以京都豬一為例，湯頭清香無比，配上的白蔥絲和之後的柚子皮都是讓拉麵有一加一大於二的效果。而這一點，香港很多拉麵店依舊停留於拉麵要有這個，便加這個的地步，如何配置上產生化學作用才是日本拉麵的要點，這一點香港很多麵店根本無從和日本店進行比對。

選擇只有兩款：豚骨/味噌豚骨湯 還有三款小食✨#味噌豚骨湯拉麵 ($108)✨🍜湯底顏色深沈 不太油膩但味噌蓋過了豚骨 偏鹹煙燻豚肉肉汁少～ 豬肉部位比較瘦 沒入口即溶～麵條有粗又幼 粗麵類似蛋麵 硬麵亦比較軟身當日亦冇晒糖心蛋 餃子也不夠脆 有點失望

呢個集團既餐廳我都試過好幾間，全部都係日本菜，岩晒我口味，而且質素仲好唔錯添，知道佢地開左間橫濱拉麵，我當然要試試啦餐廳以全吧枱形式，大家可以一路欣賞住師父表演啦如果係鳥居同漁穫的會員，去LIKE佢地FACEBOOK，拉麵就可以買一送一，真係好抵，可惜我唔係會員啦，黑板上的推介以全日文寫上，令客人真係置身於日本餐廳一樣想簡簡單單的有豚骨拉麵或味噌豚骨拉麵，另外鐘意試創意作的就有海膽拉麵、松葉蟹拉麵、白貝蜆拉麵，今日白貝蜆拉麵停售，鐘意食試野o既我地當然要點海膽拉麵同松葉蟹拉麵啦湯底可以揀選豚骨或味噌，亦可跟據個人口味揀選幼或粗麵及軟硬度，唔鐘意蔥的我仲可以走蔥添跟一般拉麵店一樣，有無料調味料提供，仲有我最愛的辣芽菜同炸蒜片燒牛舌 ($68)我好鐘意食牛舌，特別係厚切的，呢度就正正岩晒我心水，連埋炸蒜片一齊食就最夾，香口非常，好多餐廳燒牛舌都會過鹹，特別欣賞調味做得剛好煎餃子 ($38)每次食拉麵，我都一定要點煎餃子，咁樣o既配搭先最perfect池，餃子只要煎得外皮夠脆，都唔會差得去邊，今次特別在個醬汁，我相信一般餐廳只會用樽裝餃子汁，但呢度就用碎蔥同醬汁一齊煮，有蔥的香，醬汁亦比平常

豚燻係日本食物嘅世界入邊，除咗鍾意食壽司刺身之外，拉麵係必不可缺嘅一部份，拉麵其實係日本來講都係非常普通嘅食物，但係嚟到香港之後，升價十倍，不過唔理點都好，我都係好鍾意好鍾意好鍾意食拉麵，最主要最鍾意就係食味噌同埋豚骨湯底，日本果然係一個非同凡響嘅國家。今次黎到位於銅鑼灣嘅豚燻食拉麵，聽講呢度嘅拉麵係加左蜆肉去煮湯底，仲有海膽食添，咁吸引，一於來品嚐品嚐。聽講呢度嘅海膽拉麵係用上咗成版海膽，感覺非常豪氣，海膽尚算新鮮，色澤金黃飽滿，揭開海膽同埋拉麵，發現原來有七至八隻蜆肉喺下面，而且湯底都充滿着濃濃蜆味，但湯底本身的味道唔算濃郁，啱晒啲冇咁重口味嘅人，拉麵掛湯力一般，感覺煮得腍左少少。另外，我哋都叫咗兩款小食，分別係炸雞及煎餃子，煎餃子嘅醬汁係餐廳自己調配嘅，非常有驚喜，酸酸鹹鹹的， 十分開胃，而且餃子皮薄餡靚，好多肉汁呢！而炸雞，我們選的味道是大阪風，即係類似燒汁嘅醬汁淋係炸雞上面，炸雞香脆可口，都係一個唔錯嘅選擇。

見到有人味豚燻既拉麵好特別，突登去食結果失望而回⋯先講個湯底真是好似飲水咁。冇錯佢係有少少煙燻味，但最重要既豬骨味完全冇。老實講食拉麵唔夠鹹都是第一次⋯有人話係橫濱拉麵既特色，但我想講登龍街咁多間橫濱拉麵冇一間係咁⋯講到塊叉燒, 我覺得似西方煙肉多過日本叉燒。而且塊肉既豬肉味直接比D煙燻味蓋過曬，完全冇個種日本拉麵應該有既油香 整體來說，這間似係香港人開既拉麵店。服務還算可以，但是個兩個女服務員真是好吵⋯D價錢都好貴，最後埋單仲要找碎銀望我比貼士⋯老實說我都唔知佢係賣拉麵，定係賣小食。最後最後，如果你真係想食拉麵，不如都係去返登龍街算！

去Sogo 血併前, 想去食碗拉麵先補充下體力先, 呢間拉麵店同其他拉麵店格局都差不多, 太約可容納12位客人, 由於係非繁忙時間黎食, 仲要係落雨天, 見不用等位, 我就決定揀呢間啦~~每間拉麵店同樣只有幾款拉麵同小食選擇, 對有選擇困難症既我未嘗不是一件好事黎既, 哈哈~~雲丹拉麵    HK$198坊間唔係好多拉麵店有海膽拉麵食, 甘肥美既海膽睇見到流晒口水呀, 份量都唔少, 都有成大半板吧!! 食落甘香軟滑, 而麵我選擇左幼麵, 因為之前無乜試過, 但試過後, 下次還是選擇返粗既拉麵, 因為幼身拉麵無粗拉麵甘彈牙, 有點似天使麵多D!! 而湯底方面, 由於呢間小店係走橫浜區路線, 所以豬骨湯底比較清淡, 食完都無勁口渴既感覺! 驚喜原來係最後, 大發現就係有大量既蜆係底部, 難怪湯底除豬骨味, 還帶鮮甜味, 正呀~~豚骨湯麵    HK$98其實我跟朋友交換了對方既餸, 所以我都可以試到佢個碗既日本义燒, 都算幾鬆化, 我就是話喜歡佢個碗既麵質啦, 非常非常之彈牙~~             兩碗配料同樣都有紫菜, 木耳同菠菜, 若然可以多配半隻溏心蛋就更好了~~炸雞 (Was

今日做完脫毛療程之後，因為未有食晏嘅關係，自己一個就出咗去搵嘢食，咁就去咗搵拉麵食。行到去銅鑼灣一蘭附近見到一間新開嘅拉麵店，竟敢在名店附近開設同樣食品嘅鋪頭，即管入去一試。呢間拉麵店出邊已經有好清楚嘅餐單俾你諗清楚睇下有咩食，有特別嘅海膽拉麵同埋有蜆肉拉麵，最最最特別係有原匹松蟹拉麵。雖然定價有點進取，但係見到有熱食海膽，冇理由唔試架嘛。牆上貼有各種菜式資料。Boiled spinach with sesame sauce首先好快就嚟左個前菜，前菜係芝麻醬菠菜。菠菜係切到一小節一小節嘅，食得出菠菜好新鮮。配上芝麻醬味道好夾，而且仲有大量木魚絲，要食哂唔難。雖然唔係點豚骨或味噌拉麵，但係佢都會比一張點菜紙俾你揀返麵既硬度、粗幼麵等等要求。雲單滿開海拉麵$198好快個拉麵就到啦，一上枱咁就見到成底海膽鋪滿拉麵面，左右都有六大塊紫菜。海膽整齊排佈、粒粒企身，食落口完全唔腥亦都冇怪味。我再用匙羹向湯底攪兩攪，發現有五六隻蜆係湯底入面，完全意想不到。而且呢幾隻蜆味道甜美，係意外收穫。面底雖然唔太多，但都足夠我一個女仔食。湯底唔想話太濃，有少少海膽味，亦都好似店員所講充滿橫濱口味，唔會話太重豬骨

今日友人突然心血來潮,想吃日式拉麵,便同友人來到這間店鋪。 這裏店子雖少,但感覺舒服,而且都很乾淨衞生.原來這裏只有4款拉麵,雖然款式不多,但每款都好特別,因款式不多,相信廚司更加可以專心烹調每碗拉麵。點菜就就用這張點菜單牆上則寫有日文的餐牌雲丹滿開之幸拉麵~~聽個名都夠勁,仲有灘岸白貝蜆湯拉麵。仲叫咗兩個小食。一送上果然有驚喜,蜆肉滿瀉,蓋滿晒碗的表面,蜆之多令到湯底都好鮮甜,蜆沒有沙,蜆肉好大隻,又鮮甜,吃完可裝滿一個碗,哈哈。 麺選擇了粗身的,雖然是粗身,口感好彈牙。海膽,旁邊也鋪滿了大大塊的紫菜,全片的海膽就鋪在碗中,感覺好邪惡,但唸起海膽的美味,就唔理咁多啦,一口一口吃下,好濃的海膽鮮美,一啲都唔覺腥,相信是新鮮的原固。我 選擇了幼麵,感覺林滑,湯底都是精華,不太咸。餐廳還有每枱放了些調味,有紫姜,蒜和我想是辣的大豆芽。放入湯麵更加野味。小食我們就叫咗牛舌和炸雞. 牛舌每件都好厚切,每件都很大件,好爽口,好有口感。配上炸蒜和葱,令到更加香口和嘢味。炸雞紫蘇梅味。夠特別,好少地方有這種味。味道酸酸的,好開胃。好林,咬下有肉汁,不覺得乾身,有4件,配埋一碗拉麺,份量啱啱好。這裏的

銅鑼灣愈嚟愈多拉麵店, 呢間開左唔太耐, 咁勇於加入戰團, 當然要試試質素。味噌拉麵湯底帶少少平時飲既味噌湯味道, 加埋豚骨既味, 都幾濃郁, 麵系幼麵, 煮得唔夠散, 有少少黏埋一齊既情況, 主打既煙燻叉燒比較瘦, 入口唔夠軟滑, 但鍾意瘦叉既人會啱口味。豚骨拉麵湯底豚骨味就更重, 感覺比較香口, 蛋既溏心效果一般, 可以改善。總括嚟講, 呢度既味噌湯底同叉燒都有特別之處, 相信系同其他拉麵店一爭高下既主要戰士。

日本拉麵店愈開愈多，多得總是吃不完，想不到今次又讓我找到了一間很不錯的餐廳。原以為只有豚肉拉麵，但後面告示牌卻寫著雲丹拉麵，意思竟是我地所講的海膽了。一版的海膽浮浮在湯上，十分吸引，海膽鮮甜不腥，沒有半點的不配合。豚肉略燻，帶有點點的煙香味，雖然沒有太多的肥肉，但依然是軟淋多汁的肉片。餃子，煎香而皮嫩，入面是滿滿的肉，帶點點青蔥，配上酸甜的醬汁，更是惹味

原來謝斐道又多左間拉麵!店入面其實都唔算好大但可以完全睇住師傅煮個麵!衛唔衛生一目了然~今次試左味增湯拉麵 $108有2款湯底簡 味增湯/豚骨湯而麵可以選擇粗麵/幼麵硬度可以簡軟/中/硬我就選擇左粗麵同適中既硬度湯頭唔錯 味道岩岩好唔會太咸 麵質都好彈牙而叉燒有2片晌驚喜係有炭香味!肥瘦適中 入口即化而我另外想推介係個小食蒜片牛舌 $68牛舌真係冇得頂 好厚切而且食落一啲都唔韌!可以一試~

豚燻 @ trythebests銅鑼灣 難得朋友生日點都要請食飯，佢最喜愛吃拉麵，本身想帶佢食一蘭無意中發現這間豚燻，決定試下。豚燻主打味噌拉麵，見到幾有趣就點了這個。味噌拉麵($108) 先講講外表整碗湯底看似濃郁，三大塊紫菜，二塊叉燒。味噌湯底與喝味噌湯相似，這樣的味道老實說是第一次試。反而有點不習慣。但更顯得他們的賣點，我覺得整個湯底實在太濃，要習慣個種味道。需要時間。叉燒驟眼已經十分吸引，呢個燻香，令豚肉口感更昇華入口帶點煙燻香味，咬落肉質偏軟，非常滿意。 拉麵有幼麵跟粗麵選擇，而我點了粗麵，麵條充分吸收這麼濃郁的湯頭，口感Q嫩而有嚼勁。整體來講，環境裝飾不錯，但價錢就真係特別日子先會去一次，不過試到有自己特色的小店都要感恩的。

拉麵依家開到成行成市，但係多數都係豬骨、豚肉、味增等等既拉麵，所以今次想搵一間特色啲嘅拉麵食！😸大滿足全板海膽拉麵：未食見到個樣已經覺得好豐富，呢個拉麵唔單止有全板嘅海膽， 拉麵下邊仲有成五隻左右嘅蜆！所以湯底配合埋所有海鮮嘅味道特別濃郁😙至於拉麵方便我揀粗麵，麵質較為煙韌，啱晒鍾意有咬口既朋友！一啖新鮮海膽再配一啖拉麵，真係大滿足！爆多蜆肉拉麵：呢碗係我朋友叫嘅，一嚟就見到蜆肉嘅份量就覺得好抵下，因為廚師用足料，我諗全碗夾埋左有成十幾二十隻蜆！而蜆肉唔會有沙同埋全部開口嘅，海鮮夠曬新鮮👅我朋友揀咗幼麵，呢隻麵質口感較淋，但係因為麵質較幼所以冇一條都可以掛住到湯底嘅味道鹽燒燒牛扒： 牛扒肉質鬆軟，廚師控制火候剛好，配埋椒鹽同蒜蓉片，正，值得推薦👍🏻👍🏻鹽燒牛舌：牛舌厚身夠晒口感，鐵板燒完特別香口

之前搵路去食飯，唔識路，盲鍾鍾下，發現近期好多人食既豚燻原來就係呢度，今日收工一心過黎一看究竟，又已經有好大段時間無去食拉面了。先黎個小食先，蒜片牛舌68好多蔥花齊炒到香噴噴，牛舌整得幾入味，厚切得黎又唔un，幾有嚼勁，最愛牛舌，加上黑椒牛味幾濃。記住趁熱食，某人涼了食就覺咬不開囉。牛小排98煎得剛剛好，1D都唔un，而且份量都唔少，同爆炒完既蔥加賣格外惹味。加賣干蒜十分香口，而沙律舖底亦無咁油。牛肉煎得半粉紅，仲有肉汁tim!真係好嫩滑，無叫錯。灘岸白貝蜆湯拉面158加半熟旦14蜆今日幾新鮮，件頭相當飽滿，又有一些細既，真材實料，食到海鮮甜，面選了幼面兼軟身，玉子好柔滑好正斗。個湯唔太濃，但就好足味道，成碗加賣幾丰富，好飽呀。味噌拉面108當然，日本叉燒不及中式的誘惑，實為豬肉切片罷，但也不全是，雖成碗面只有僅兩塊叉燒，不過就好鬆化，入口近乎半化，而且帶煙燻香，還有煮功花的功夫和時間呀。木耳同菠菜配料同個濃郁湯底都幾夾，個面亦幾彈牙。食到少少清酒味tim!食後感：店子稱橫濱系拉麵味不濃，食慣重口味既我都覺ok，唔會太清淡，而且小食都做得出色，唔怪得近黎咁hit啦！地方亦比想像大，唔洗