貴州遵義黔營羊肉粉 (利群大廈)

營業中

休息中

清香羊骨湯8/10一向喜歡吃羊，凌時十分，回家途中看見這浮誇的店名和24小時的燈箱便停了下來看看。小店的餐牌滿滿的都是羊肉菜式，正合我意。店方主打貴州羊肉粉，但不想吃太飽，所以點了碗在香港很小見的羊雜湯，盛惠50大元。不一會蠻大碗湯便來到，配料都不小，有羊雜和大量生菜。先嚐一口羊骨湯，味道清香有鮮味。沒有甚麼羊肉騷味, 雖然都有下藥材，但比「雲南老表」的清淡。喝完後完全沒有口乾的感覺，應該是真材實料熬出來的。羊腸小徑聽得多，但還是第一次吃。羊腸很爽口彈牙，口感比豬粉腸滑溜，很不錯，相信一向不吃內臟的朋友到可以接受到。薄切的羊肺亦比豬肺的味道清淡，遇湯配搭得宜。深色的應該是羊肝(?) ,羊肝的味道就頗為濃烈，比豬肝更濃。不一會便吃完整碗湯，一滴不剩，渾身溫暖，繼續上路。

特地過來吃家鄉食物，牛肉粉味道真的好一般，肉切的薄，比較入味，可是湯的味道和銅鑼灣碗碗香差一截，不夠濃郁。 粉裡面沒有正宗牛肉粉裡面的酸菜（連花白）。其次就是服務態度超級差，進門沒有招待，點單點錯之後給客戶大黑臉，希望你們可以改進。

之前生日行街見到，本身又超中意食羊肉，並且無辣不歡，所以就入左去叫左碗紅油羊肉拌麵(之后又去食左羊腩拌粉都吾错，但個人中意拌麵多啲），仲有最中意既羊肉串，個羊肉串野味十足，可以話少有甘平又甘好味既羊肉串喇，比起上次去深水埗某餃子館食既羊肉串，雖然一樣好食但足足平左17蚊，至於羊肉麵，個麵好食，而且啲辣椒香料都係獨有，吾系通用嗰個辣椒油，當然抬面既亦吾系，就非常有心，最后，仲有一点最重要既，夠辣！麻辣愛好者强烈推荐！

已經去過幾次呢間專門食羊既餐廳，雖然去襯都係下午時間，不過佢係開24小時架啵原來！如果你想食到羊既各個部分，咁呢間就真係由頭到尾成隻羊既唔同部分都有提供，不過我都係食番最正路既羊肉粉。羊肉片一d都唔羶只有羊肉味，肉薄薄既一片好入味羊粉唔係一般既米線，佢無米線咁彈牙但都有少許彈性，送埋羊湯底一齊食呢個粉係幾有新鮮感一般黎講唔同地方都食到米線既口感，但呢個粉既口感我都係第一次食，而且都係得呢到先有黎個紅油羊腩撈粉！羊腩好淋而且吸哂d汁，酸酸辣辣非常開胃中意重口味既人可以直接食呢個撈粉。不過食左三分二之後就好咸...要不停飲水。呢間餐廳既野飲有部分係其他品牌既支裝飲品，所以有少少失望

貴州口味羊肉粉經過呢間餐廳兩次，朋友忍不住開口想食，由於我唔係big fans of lamb我就叫朋友如果羊味覺得太騷，就麻煩由朋友一手包底菜單有好多嘢食，真係包羅萬有all about 羊羊肉以外，衹要你想食gei喺菜單度都可能搵到我哋點咗羊肉夾膜豆腐丸子小吃雙拼 ( 麻辣 魚腥草，佢有個名我唔記得咗，麻辣蓮藕)羊肉餛飩同羊雜粉仲有個羊肉粒 個招牌幾雄偉我羊角隔膜就比較乾身豆腐丸子個做法有少少似臭豆腐食落會有d味，個皮煙煙韌韌自己鍾意食羊肉餃子味道都可以，不過始終有啲羊騷味

今日一條友去食午餐，去左食羊粉，好正，味道好濃，好有羊味，我叫左少辣，唔係太辣剛剛好，因為我唔太肚餓，所以份量剛剛好。不過羊肉就少左啲，唔係好夠食，多番啲會更好。

凌晨時分，睇波之前諗住食少少野。入到去，諗住落單，做樓面加收銀既阿姨，剩係掛住講電話，做廚房既哥仔又唔肯幫手。等成15分鐘，呀姨都唔捨得收線，想點先？係呢15分鐘入面，入左3枱客，個個都等個呀姨講完個電話先可以落單，離譜！

最近真係好鍾意喺旺角度搵平價小食街邊舖嘅餐廳比起商場入面嘅餐廳價錢真係平好多繼續本着慳到底嘅精神去搵啲平價高質嘅嘢食今次又比啲嘢食嘅香味吸引左入嚟呢喺門口行過已經聞到好香既羊肉串燒味睇餐單左揀右揀揀咗個羊肉麵個面好抵食入面仲有羊肉餃子我覺得佢嘅羊肉麵真係好香跟住仲叫咗一串金針菇同埋一串羊肉同埋呢度嘅串燒都係幾蚊串幾時都話啲街邊舖頭好抵食

本是遵義人，想來試試家鄉羊肉粉，但失望至極，份量少，湯不夠濃，服務失望，最差的是老闆娘的態度，當時是下午4-5點，店裡只有兩枱客人，我們吃完，野飲未飲晒，我媽媽去廁所，個老闆娘明明見到我哋係度食野居然同我媽講唔係度食野廁所唔借，我媽即刻話係度食完喇，佢個侍應即刻行過來話可以用可以用，個老闆娘即便冇聲出，真係好扮晒野，嚟得食羊肉粉既多數係老鄉喇，使唔使咁串，咁巴閉，所以以後唔會幫襯第二次，好好檢討一下自己既態度吧

係通菜街開左已有一段時間嘅貴州羊肉粉，聲稱開24小時，一入到門口有陣羶味，環境舒適，用木枱木櫈唔會好迫，湯底可以選清湯和辣味， 梗係試下清湯啦，叫左羊肉粉，羊雜粉，和羊肉棒， 食物質素： 羊肉粉，湯底冇咩羶， 羊肉片好薄， 羊雜粉， 有羊栢葉， 羊心，羊肝， 沒有驚喜， 羊肉棒有兩條骨， 一半都係脂肪，好重香料味， 但都係唔羶， 其實有好多羊內臟食，例如：羊胚胎，睪丸， 好滋補，總括來說：我鐘意食羊有羶味， 呢間唔附合口味， 但可以再光顧！！

濃濃的羊味，味道好地道。價錢唔太貴，午餐時段都唔難搵位，唔係唔好食，或者舖頭地點唔太理想吧。喜歡食羊嘅朋友，呢度係唔錯嘅選擇，喜歡辣嘅朋友，呢度都好啱你哋，值得一試。

點解咁不乾淨的餐廳仲未比食環封鋪呀 食左一碗羊肉粉同串燒 即晚已又嘔又瀉 搞到我成晚冇訓 又肚痛。結果早上頂唔住去睇醫生 仲要打埋針 懷疑係食物中毒。食左一次 今天真係大大獲 如果想食呢間的 自己睇路

呢幾日腸胃唔好，想食得清D，係旺角行左陣都諗唔到食咩，突然經過望到有間貴州羊肉，好想食手拉拉麵丫！（表示我同蘭州拉麵搞混左，哈哈）店入面有個嬸嬸包緊餃子，更吸引！可以一試～因為都就9pm，人唔係好多，入到去冇人理，請自行搵空位坐（唔知係咪因爲嬸嬸入神包餃子所以睇我地唔到？！）店鋪裝修都係用木，連門口大Menu都係用木，成間店裝修有D似茶店。望下Menu，竟然冇餃子面？周圍望下，原來有D選擇只貼左係牆，分別叫一碗面一碗粉，再加柑橘檸蜜，其他食物..我唔敢食 ，但對中意食羊內臟既人係福音羊肉餃子面：面似手擀，帶點刀削面的彈牙煙韌口感，餃子好普通，芹菜味蓋左羊肉味，連皮都似自己搓出泥，好似我屋企自己整個D，果然手工餃子羊肉粉：叫左小辣，粉好食過面，更彈牙爽口，加D辣同台上附有的調味料，好好食！而且食到羊特有既羊羶味但又唔會太重～至於柑橘檸蜜..嬸嬸突然一下將一枝”鴻x堂”的柑橘檸蜜放係我地台上，我地都呆左呆，以為好似平時茶餐廳甘，係沖的一杯杯，哈哈可以人少，唔會趕你走，我見有幾台都食完係到傾左好奈都未走～埋單先HK$100到，以晚餐泥講，抵！

女人街兩旁其實有好多食店，但係因為被兩邊嘅小販排檔遮住咗，所以好少人留意，今日咁岩行過見到以羊肉作招徠嘅一間食店，好奇之下就入去試一試，因為香港不多店舖主打羊肉呢碗羊肉粉，佢嘅粉其實即係米線，米線都幾爽口，依個羊肉湯底亦都幾有肉味但我略嫌佢唔夠「羊蘇味」，而佢嘅羊肉片亦都係同一個問題因為羊肉無「羊蘇味」係同食牛肉冇分別（但可能好多店舖為咗遷就香港人嘅口味，而特登洗走左個怎樣用呢）我剝咗小小生蒜放落啲湯底度，成碗湯係野味左好多同味道提升咗一個層次呢兩款香料真係好地道，唔係好多香港嘅店舖有依兩張香料被客人添加總括而言，價錢合理，味道亦都唔差，可以一試

對, 又是羊, 而且今次吃的, 是從外(羊肉)再到內(內臟), 甚至連生殖器官也有. 老闆娘是正宗貴州人, 她想將正宗貴州羊肉粉風味帶到香港, 在品評味道之餘, 我再一次感受到中國人對食的開放性, 只要吃下去死不了的, 就會想到方法去製作它們.就算喜歡內臟, 而又不怕死的我, 也沒勇氣品嚐其羊睪丸吧! 點了羊雜來試, 粉腸夠滑, 羊肝也夠嫩, 白灼中帶羶味, 點豉油也夠味, 只是切得如此碎, 就沒有大塊內臟大塊油的豪氣!羊湯粉我是失望的, 首先是粉已經浸得有點漲身, 不夠清脆; 最重要的羊湯號稱以羊骨餚制而成, 但我喝一口, 沒有澎湃的羶味, 輕得如絲一樣; 加上辣但也沒有貴州那種可以驅走濕氣的辣, 一切也很Mild, Mild得我懷疑這是否如老闆娘般說的正宗.