賦湯稻火

營業中

休息中

天氣凍，打邊爐最好不過！今晚去咗奧運嗰度，上網見到有間打邊爐都唔錯，就叫左我朋友入去食！精選海鮮套餐套餐經濟實惠，而且份量都幾多，兩個女仔食係剛剛好的份量。我最欣賞佢嘅就係用清湯底，既健康又冇罪惡感！五式海鮮拼盤拼盤好新鮮，入面有我最鍾意食鮑魚，鮑魚口感有嚼勁，又夠彈牙！另外大蝦味道鮮甜爽口。另外桶蠔、魷魚、鯇魚片味道都好正，性價比高！黑豚肉豚肉口軟腍，帶彈性，肉味香甜，含豐富肉汁，我好鍾意食。日本雞后肉雞肉斬件，肉質嫩滑，配搭清湯，突顯鮮味！自家製手打丸、餃子手打肉丸出色，極之彈牙。餃子內的韭菜香氣滿溢，鍾意食韭菜的一定好喜歡！炸響鈴響鈴即叫即炸，令人非常回味，如果有多幾條就非常好😆田園雜菜盤雜菜有幾款，例如娃娃菜、皇帝菜、油麥菜、和生菜，另外亦都有清甜無比嘅粟米！成晚餐廳都好多walk in 客，臨走時唔記得問吓餐廳可唔可以預先book定添。

而家食火鍋經常都放題，今次這間是食套餐而且仲要好豐富🤭海鮮火鍋套餐「安格斯肥牛掛架」好靚喔！ 油脂分佈平均而且外貌已吸引了🤭「賦湯稻火清湯底」這個清湯十分滿意，有菜紅羅白，清甜！ 令材料更食到鮮味😎「海鮮拼盤」大蝦爽口，鮑魚大隻軟硬度剛好，生蠔是廣島蠔，雖然冰鮮但仍然有咬口，仲有花枝片，豐富海鮮併盆👍🏻「雞件」這款雞醃製後，好滑嫩！味道野味🥰「手打丸 拼 韭菜餃」肉丸爽口，最欣賞是韭菜餃，自家製餡料充足😍「田園雜菜盤」有皇帝菜！好少地方提供😎「即炸響鈴」是即炸的，脆口！ 唔浸湯都好好食呀🥰備註：🔺套餐抵食！ 而且夠飽😋🔺地方寬躺坐得舒適👍🏻🔺自家製香辣粉，配上肥牛也不錯🤭

天氣轉涼又係時候同朋友四出打邊爐🤤今晚去左大角咀試吓呢間小店，雖然店舖唔算好大間但d座位非常闊落，就連卡位都位得舒舒服服。而且店舖裝修感覺和諧，令人輕鬆。今次揀左個海鮮套餐，有海鮮有安格斯肥牛，樣樣都有少少，啱晒我地兩個人又想打邊爐既慾望，平時散叫真係叫唔都太多野。店員分享海鮮一定要清湯，因為咁先可以食都海鮮既鮮甜，呢個我都十分認同，而且佢個清湯其實都有d菜、紅蘿蔔，少少甜。首要當然要試左安格斯牛先，肥瘦均勻，十分有牛味，好食～之後海鮮拼盤有鮑魚、海蝦、廣島蠔、花枝片…原本重有脆鯇，不過我同朋友都唔好魚，所以轉左。鮑魚厚肉好食，而且已經清好左內臟，可以一啖入口。海蝦鮮甜大隻，肉又爽口。廣島蠔同花枝片都正正常常，好食😋而且呢間小店有店主秘製辣椒粉，加埋十分惹味，大家可以先少試，因為堅辣🌶️另外，小店既雞隻係超級好食，話係日本雞肉，望落去好似平平無奇，但烚完都勁滑，而且有少少味道，好好食👍🏻👍🏻👍🏻小店自家即炸響鈴又係必推，香脆唔太油膩，空口食又得，浸一浸吸埋湯底既精華又得，正～除此，重有手打牛丸、豬肉丸同手工韭菜餃。牛丸彈牙，唔係溝左好多粉既丸。最後蔬菜拼盤咩都有少少，娃娃菜、唐生菜、皇帝

喺大角咀想打邊爐 貌似好多選擇 不過想搵好食嘅都唔係咁簡單🤔最近朋友介紹去咗呢間賦湯稻火 價錢抵食而且質素唔錯 性價比真係高舖面嘅裝修好舒服 最正係有梳化位 好好坐☺️牆身仲有特式字句/霓虹招牌 連放醬料醬油嘅架都好別緻 樣樣嘢都好有心思懶人如我嚟講 叫套餐就最好😛呢度有兩款套餐 一款主打手切牛 一款就主打海鮮 咁我呢個食肉獸梗係揀手切牛啦🐮▪️手切牛頸脊份量十足 二人份量都有好多件🐂賣相好靚仔 廚師用牛肉整咗朵花🌺啱晒打咭 手切牛油脂平均 有咬口 牛味夠晒濃郁▫️羊肉片如果同我一樣都鐘意食帶羶味嘅羊肉 就一定要叫🐏羶味係慢慢滲出嚟 唔會太誇張 而且質地好軟稔 唔食羊肉嘅都可以揀黑豚肉架🤗▪️日本雞頸肉餐牌寫明係必食之選 果然有驚喜🐓好新鮮 肉質超級嫩滑 同個湯底勁夾▫️自家製手打丸+餃子手打丸有墨魚丸同黑椒牛丸 兩款口感都幾彈牙 手打係唔同啲👍🏻特別欣賞牛丸 黑椒同牛味並重 仲有少少辣 好惹味▪️炸響鈴幸運嘅我哋 送上枱時係啱啱炸起😍淥兩淥就食得 最鐘意佢吸咗少少湯 但仍然保持脆身食完以上嘅餸其實都飽飽地 最後食埋🥬有生菜/娃娃菜/油麥菜/粟米等等 每一款都好新鮮 另外仲要讚下佢地嘅 清得嚟好鮮

近排天氣轉返涼少少就好想打邊爐，記得早排行過大角咀見到有間食火鍋舖頭叫賦湯稻火，就即刻約埋朋友仔嚟試試😝我同朋友都唔想諗食咩，所以就叫咗佢哋啲套餐嚟試，有精選套餐同精選海鮮套餐兩款揀，而我同朋友就揀咗精選套餐，一個價錢包哂list入面嘅食物，都只係二百幾蚊，相當抵食😋👍🏻店入面地方都非常寬敞乾淨，店員都好有禮貌，仲好主動加水同問你有咩需要。坐低咗就可以自己整吓啲醬汁先，除咗出面都有嘅蒜同蔥花，仲會有比較少見嘅XO醬都有得任加😝👍🏻手切牛頸脊牛肉嘅厚薄度做得啱啱好，油脂比例啱啱好，唔會食到成口油，而且牛味極濃，係火鍋嘅絕配😚👍🏻黑豚肉/羊肉片我哋揀咗羊肉片，羊肉片肉質非常嫩滑鮮甜，口感非常好 , 仲有淡淡的羊羶味，真係一流😝必食之選日本雞頸肉雞頸肉份量有好多，而且肉質超嫩滑，好襯佢哋嘅清湯底，清清哋更加食得出雞嘅鮮味，仲要煲耐咗都唔會變老🤤除咗肉類個套餐仲包埋墨魚丸、黑椒牛丸、韭菜豬肉餃子、炸響鈴。黑淑牛丸一咬落去即係爆汁，之後再滲入香濃嘅黑淑味，送啤酒一流。其中我認為最好味嘅係韭菜豬肉餃，餃子皮厚薄度做到啱啱好，唔會太薄漏哂啲餡出嚟，韭菜味極濃，餡料又爆多，如果大食嘅可以自己再追加😋炸

看過openrice 50:0的食評後決定揀依間食今年的生日午餐，真係有做功課就有好西食～新裝修乾淨企理，因為是平日午市唔多人，所以職員安排我二人坐六人卡位，很舒適，讚！揀了5式海鮮套餐（鮑魚，大蝦，花枝片，蠔，脆肉鯇），因我不食魚，職員很好的把脆肉鯇改換兩隻蠔給我們。選擇補差價要了個火焰花甲蟹鍋，打卡一流醬料有XO醬非常好，食海鮮點XO醬真係提升好多套餐中的水餃超好食，有驚喜！可能是平日午市的關係，職員全程服侍，正

今日同朋友約咗喺大角咀 好似有一段時間冇食打邊爐 行行吓 係嘉善街 有間叫做賦湯蹈火 見到價錢係$268一位 有鮑魚 海鮮 都可以 就入去試吓 我見到有個精選海鮮套餐 幾豐富 5會太貴 決定叫e個 入面有鮑魚 蝦 龍躉片 生蠔 鱔片 仲有美國黑豚肉片 湯底我哋叫咗個皮蛋芫荽湯底 感覺冇咁熱氣 個套餐仲有個日本雞頸肉 即炸響玲 手打蝦圓 自家製餃子 田園雜菜盤 仲有包一支野飲 我叫左紫背天葵 我朋友叫左個竹蔗茅根 先講一講個湯底 清清他 好多皮蛋芫荽 🥦🥦仲有個鮑魚 好煙銀 好有鮑魚味另外佢個龍躉片 好有魚味 冇腥味 不錯仲有美國黑豚肉片 同平時食嘅肉片不同 佢呢度果d好有豬肉味濃自家制蝦圓 胶子都好有水準🥟🥟正體來講 裝修幾特別 環境乾淨舒適 食物有水準 下次會再同朋友來食

老友鬼鬼，赴湯蹈火在所不辭。今晚你話事，要食火鍋我奉陪…哈哈。友人公司在奧運站附近，接她放工，順道晚飯。她發現了一間坐得舒服，食物材料又新鮮嘅火鍋店，於是乎帶我去了。精選套餐有兩款，一人二百多左右，化算。要了芫荽皮蛋湯底，清清地下火。五式海鮮拼盤有蝦，鮑魚，蠔，花枝片和脆。每款各有特色，鮮甜味美。安格斯肥牛肉質不錯。軟熟。雞頸肉必食之選，嫩滑啖啖肉。套餐還有餃子，手打丸， 響鈴和菜籃，質量高，值得推介

最近晚間天氣稍涼，食火鍋又係時候了。大角咀一帶近幾年變化多，豪宅林立，食肆自然應運而生。今晚去了嘉善街一間火鍋店，內裡裝潢雅緻，環境舒服。海鮮火鍋套餐芫荽皮蛋湯最適合，清淡味道不會蓋過材料的鮮。海鮮是主角。視乎當日時令。共有五款：鮑魚，蝦，蠔，花枝片和鯇魚片。花枝片好鮮。蠔膏飽滿。安格斯肥牛掛架式造型好吸睛。牛肉紋理勻稱，軟腍，正。日本雞頸肉隨了牛肉，雞肉也不錯。嫩滑。響鈴即叫即炸，脆口。手打丸非常彈牙，真材實料。

今天早上同朋友談起話，大家忽然好想吃下火鍋，想去下比較少去地區吃，上網找一找，見到大角咀這間裝修好有特色同食物也不錯，今晚選了這間，到達環境不錯，看了餐牌一會叫了海鮮火鍋套餐 (2位用)美國黑豚肉片特別香豬肉味同好霖賦湯稻火清湯底好清淡清甜香海鮮拼盤竹串生蝦好鮮海蝦味，蝦肉彈牙嫩滑鮑魚有厚度，入口霖，有口感花枝片爽口脆，入口唰唰聲鮮脘魚片，鮮脘鯇腩魚好滑身，好有鮮魚香味日本雞頸肉雞肉厚身嫩滑，好有雞香味手打丸拼餃入口特別彈牙，香鮮肉味田園雜菜盤粟米清新鮮爽脆口菜即炸響鈴好霖，入口即溶鴻福堂竹庶茅根清甜竹庶茅根香，滋潤紫背天葵酸酸甜甜，開胃紅薯粉軟硬適中，好爽滑

朋友介紹位於大角咀嘅火鍋店唔使左揀右揀一個套餐，一個價錢就已經包晒唔同種類嘅食物咁就唔使驚有選擇困難症啦~鍾意食肉嘅話可以揀精選套餐如果比較鍾意食海鮮就可以選擇精選海鮮套餐價錢二百幾，算係幾抵！店員服務都唔錯用心介紹食品亦會周不時加水、換碟，幾細心👍🏼 坐低咗，可以自行調配醬汁除咗XO醬，蔥，蒜蓉等等佢哋仲有提供香港本地手造辣椒粉「真．辣粉」，後勁凌厲，又辛香，火鍋用堅正！芫荽皮蛋湯底超足料，好多芫荽仲有好多馬蹄粒粒個湯越煲越清甜！精選套餐：手切牛頸脊 超靚既牛肉見到已經心心眼😍每片厚薄差唔多，肉色深紅肉味較濃重，唔肥，配xo醬超正！羊肉片羊肉唔會太肥但肉質又唔會死實非常滿意👍🏼自家製手打丸、餃子餃子好食，係家的味道！結實無甩皮，滿滿餡料好香韭菜味，仲好juicy😋😋手打丸做到爽彈口感，都唔錯田園雜菜盤包括左幾種火鍋熱門蔬菜娃娃菜喺芫荽皮蛋湯度煮耐啲，超級入味同粟米一樣，甜入心😊😊

最近多咗朋友約喺大角咀食嘢，原來都有幾多選擇，又近奧運地鐵站，非常方便。今次就揀咗打邊爐，依間餐廳有打邊爐嘅套餐，鍾意食肉，或者海鮮，都已經有固定嘅食物選擇，啱晒選擇困難症嘅人😎😎餐廳都算乾淨企理，座位仲好舒適添，有好多梳化位。叫咗一個精選套餐，跟住就坐定定調教自己想要嘅醬料， 蒜蓉+XO醬+蔥花超正😎😎工作咗成日，梗係要嗌支啤酒，啤啤佢！依支德國嘅黑啤，入口幾順滑，唔會苦澀，好飲👍🏼炸響鈴Size好大！而且好鬆脆！浸一兩秒即刻拎上嚟，保留住少少香脆口感，驚喜既係響鈴嘅豆味幾突出，好食！手切牛頸脊認真，呢個套餐性價比算係好高🤔🤔淨係依碟咁靚嘅牛頸脊，大大份，都已經值回票價！切得好靚，厚薄適中，焯到八九成熟就啱啱好，滑得黎，牛肉味都幾香濃👍🏼👍🏼除咗牛頸脊之外，仲要係黑豚肉同羊肉之間二選一。平時屋企都比較少食羊肉，所以出街食有機會嘅話，我都會揀羊肉😁羊肉冇乜肥膏，但食落肉質完全唔韌，抵讚👍🏼另外一款固定嘅食物：日本雞頸肉咁岩因為日本貨源同運輸延誤，暫時冇貨，由本地三黃雞補上。估唔到又幾好食喎！非常滑！啲雞肉口感好好，煮耐左都唔會死實，味道甜甜地，正！套餐另外仲有蔬菜盤，餃子，肉丸等等，食

留意咗屋企附近呢間賦湯蹈火好耐，火鍋店走型格玩味路線，感覺新潮年輕！入到去都發現有好多特色位，例如牆壁上寫上大字醒目嘅「過往的聯繫工具 今天用火鍋相聚」標語，水吧位又有餐廳名嘅霓虹燈牌，走廊位彷如時光隧道，掛滿老照片，甚至廁所位都有好多趣緻嘅地方，令人會心微笑！火鍋材料除咗可以單點之外，餐廳仲有提供火鍋套餐，每位收費，份量按人頭計。一個套餐已經有肉有菜有丸，款式豐富，價錢又唔貴，我哋兩個又唔駛揀食咩，就點咗試店員推薦嘅海鮮火鍋套餐（每位$268)。呢個套餐有：五式海鮮拼盤、安格斯肥牛掛架／黑豚肉／羊肉片(三選一)、 日本雞頸肉、自家製手打丸、餃子、炸響鈴、田園雜菜盤、清湯底。五式海鮮拼盤包括：海蝦、鮑魚、花枝、廣島蠔及脆肉鯇片，海鮮非常新鮮，毫不欺場，特別係海蝦，肉質彈牙，啖啖鮮味。鮑魚都好大隻，set好時間，肉質好腍唔會韌！廣島蠔都好肥美，脆肉鯇係我打邊爐嘅至愛，呢度都好足料，每片都好厚肉，食落好彈！安格斯肥牛掛架嘅presenation好打卡，安格斯肥牛質素好高，油花漂亮，肉味突出。第一次打邊爐食日本雞頸肉，估唔到好有驚喜！日本雞頸肉原來好滑，口感彈性多汁，好正！手打丸有兩款，細細

時不時就想去打邊爐，見呢排天氣無咁熱，就去咗呢間想試好耐嘅賦湯蹈火！餐廳設計型格摩登，但配襯電話、留聲機等舊式通訊工具又帶出懷舊嘅感覺。餐廳打卡位甚多，牆壁上掛咗賦湯蹈火嘅霓虹燈牌，甚至廁所門前都有特色，牆壁寫上「你知道我在等你嗎?」嘅hashtag，玩味十足！餐廳亦有幾間VIP房間，由於餐廳都幾旺場，所以我哋雖然得兩個人，今次都被安排坐喺入面包廂，私隱度好高！火鍋材料除咗可以單點之外，仲有按人頭計份量嘅火鍋套餐，價錢每位二百多元，唔太貴又容易控制budget，而且同朋友gathering時，唔駛諗食咩，好貼心！我哋點咗海鮮火鍋套餐（每位$268)，包五式海鮮拼盤、 日本雞頸肉、安格斯肥牛掛架／黑豚肉／羊肉片(三選一)、自家製手打丸、餃子、炸響鈴、田園雜菜盤、清湯底。五式海鮮拼盤包括：海蝦、鮑魚、花姿片、廣島蠔及脆肉鯇片。每款都份量十足，海蝦新鮮彈牙，鮑魚肉質軟腍，廣島蠔肥大隻美，最鐘意食脆肉鯇，每塊都好厚身，肉質爽彈紮實！安格斯肥牛掛架賣相吸睛，肥牛油脂分佈平均，肉質鮮嫩爽滑，肉味香濃。平時打邊爐好少會點雞頸肉，估唔到日本雞頸肉咁好食！雞頸肉肉質嫩滑，口感結實得嚟又唔韌，連住嘅皮仲好

 近年因為新型屋苑發展，越來越多美食餐廳進駐大角咀～今次我地就去左一間名為「賦湯稻火」嘅家庭式火鍋店打邊爐～除咗可以單點之外，仲有按人頭計份量嘅火鍋套餐，分別主要係有海鮮或者冇海鮮。我地倆口子就揀左精選套餐（$238/位），咁就可以一次過試多幾款火鍋配料啦！😏原本套餐係包清湯底，但係我哋就加咗$190升級為鮮椰青雞鍋，椰青雞鍋完全無添加任何調味和水，我哋親眼睇住店員倒咗三個椰青水落個鍋度，😳保證100%純淨，貨真價實！湯頭好清甜，店員仲會刮埋啲椰青肉出嚟俾你食，雞鍋本身包半隻雞，肉質厚而結實，肉味香濃，甜而不油。飲晒啲湯之後，就可以加雞湯打邊爐～🌟推薦❗手切牛頸脊好大碟！😎😎有適量油花，肉質鮮嫩爽滑，肉味濃郁，牛魔王必試！🌟推薦❗美國黑豚腩片雖然豚肉只係得4塊不過每塊都有手掌咁大塊，肉香味美。套餐本來跟日本雞頸肉，可惜當日冇晒貨，所以餐廳幫我哋換左做農家雞件，不過雞件都唔錯，都算新鮮。自家製手打丸、餃子、炸響鈴小編就好欣賞個手打墨魚丸，夠晒彈牙！☺️手打牛肉肉味都幾濃郁，自家製韭菜餃皮薄菜多，不錯吃！不過如果可以多一款式就好啦～🙊響鈴即叫即炸，就咁食都已經得啦！如果配埋酸甜醬就更好。😂田