越南米紙 (已結業)

上次食過太好食嘅關係，我又嚟咗米紙食晚飯。米紙服務態度真係好好，我同友人嚟，因為友人孭住背囊，職員即刻擔張櫈嚟俾我地擺袋，真係好好禮貌，又好笑容，其他餐廳都未必會咁。今日星期五，比起上次嚟多人咗。我照舊都係叫咗越式無骨雞河粉，越式鳳爪，但今次就叫多咗個芒果軟殼蟹米紙。因為我睇到之前有人食過，今次就想試下。但搵嚟搵去menu都無，就走去問職員啦。職員話原來係隱藏餐單嚟！姐係點呢，原來米紙已經喺menu度cut咗了，但係就仲有材料，可以俾我地叫。好可惜呀，個米紙大大舊，啲越式醬汁酸酸甜甜，好開胃。個軟殼蟹就要趁熱食啦，擺一陣就好快會凍晒無咁香。希望嚟緊佢地會開放返米紙俾大家食啦！

呢間鋪喺牛頭角其實都開咗一段日子，但礙於唔多就腳，同門面唔多起眼關係一路都未曾試食過。今日突然醒起，就特登去安基苑試下。一入到嚟，鋪頭嘅妹妹仔職員好有禮貌咁同我講，窗口位冷氣較大，提我駛唔駛坐裡面。不過今日太熱啦，我就堅持坐咗窗口位。之後我order咗個「越式無骨雞河粉」＄63，加多個小食「越式酸辣鳳爪」＄22，同埋一杯青檸梳打＄14（六折）。個酸辣鳳爪首先嚟到，排得好靚好精緻，又惹味！之後到個河粉啦，真係世界級！！！啲雞嘅粉量好多 ，同埋隻雞都好新鮮好黃下，成碗粉都係黃油好正。原諒我冇咩影到入面有幾多雞，因為影完相已經好快就去咗食。隻雞都好新鮮，有食開家禽嘅朋友應該明咩叫「食雞有雞味」！至於河粉方面，好煙韌好林，都食得出尚算新鮮（因為雪過嘅河粉會好脆同好易斷）不過呢間鋪人流較少，對於我地呢啲做客嘅當然方便，不過亦擔心佢因為咁而經營困難唔做。所以我好日都唔上嚟打食評，今次真係唔介紹唔得！

星期六日要搵地方食早餐有啲難度，誤打誤撞嚟到越南米紙，之前未食過，見唔洗等位就入嚟試下啦開頭都驚中伏架，但入嚟發現呢度早餐選擇都選多，我地食左火腿通粉餐都幾好味，重點係價錢非常親民！！所以唔明點解反而冇乜人排隊，我地以後就會多啲嚟食早餐啦！

工作後，餓著肚子來搵食，心諗，肚餓乜都好食，原來⋯海南雞飯，有大骨，味道還可以，飯不香，非雞油加黃，不正宗。$70左右未計加一。味道70分。賣相還算不錯，麵包不香，包肉脆得來質感發泡膠，內盛蕃加配汁切條豬扒，砂糖甜味汁越食越不想食，上面白色芝士無味，如咬香口膠般磨了很久。$85左右未計加一，不值。味道不合格。服務幾好，食物一般，有加一服務費。

「越南菜」對我來說，本來只是一碗「火車頭牛肉河粉」，又或者是一碟「炸春卷」想當年我跟阿媽、細佬在尖沙咀登上郵輪，去到越南旅行時，就曾經在越南「下龍灣」試食當地的越南菜。但是我後來又發現，原來越南菜一樣可以有甜食，而且「春卷」也不再是單純的食法，「春卷」單是在包裹食材的「春卷皮」材料上，原來也有新鮮的嘗試，這塊新「春卷皮」叫做「米紙」。偏偏牛頭角「淘大花園」旁邊的屋苑「安基苑」，「安基苑」樓下的「安基苑商場」樓下舖位位置，就剛剛新開張了一間賣越南菜的餐廳，餐廳的名稱叫做「越南米紙」。其實「越南米紙」這個店名設定已經開宗明義，開門見山地跟各位讀者們表明了，「越南米紙」賣的招牌食品當然就是越南風格的「米紙卷」，其他食品忽然變成了陪襯品。不過對於一些住在附近的居民而言，「越南米紙」可能跟一般賣越南菜的越南菜餐廳幾乎一模一樣，一般食客在「越南米紙」，可能只食一般午市套餐，大不了也是只食「生熟牛肉河粉」，怎會無端端忽然嘗試「米紙卷」？但是我今次偏偏就在飯後的宵夜時段，來上門幫襯「越南米紙」，種種因素促使我的選擇，可能跟大部分上門光顧「越南米紙」顧客不相同的食品。例如我今次選擇，可能是「越南米紙」的

(^▽^)大大話話都住咗係九龍灣二十年 留意咗呢一間餐廳都有一段時間 但都冇入去食過終於有一次機緣巧合下就決定去食了餐廳都比較細，我地大約8點到達，但我同男朋友都等咗差唔多20分鐘先入到去跟dinner set加左魚餅($25)同一般魚餅分別不大，但勝在夠熱，同埋都炸得幾脆主菜就叫左蕃茄豬柳焗飯芝士分量好足 啱曬我呢啲芝士控另外仲有芝士蕃茄牛肉黃金磚頭初初都唔知黃金磚頭係指咩 原來就係蒜蓉包XD 都係熱辣辣的，幾好而且唔洗擔心唔夠飽，因為另外仲會有碗飯最後原本都冇諗住講~就係跟餐叫咗杯熱華田 真 係好濃味呀同出面餐廳飲嘅華田好唔同，濃味好多好飲好多E間真心唔錯~有機會都會想黎試埋其他嘢食!

平常過九龍灣，總是在德福、淘大覓食，這次有地膽，就由她帶路，去了這間越南米紙。座位不算太迫，裝潢設計看起來亦感覺舒服。晚餐餐牌價錢算是合理，而且選擇不少。晚餐餐飲轉特飲有六折，感覺吸引。Pina Colada $18 (原價$30）菠蘿加椰子的組合好像永遠不會太差，清甜帶微酸的菠蘿味，夾淡淡香甜的椰奶，好味道。紅莓果園 $23 (原價$38）入口啖啖莓香，味道酸酸甜甜的很醒神。焗芝士咖喱牛腩麵包盅伴牛油金磚及白飯 $82這份晚餐也太大份了吧，麵包盅超大個，還有兩件多士和一大碗白飯，是2人份的吧？牛油金磚(多士)焗到很香脆，麵包盅也是，點咖喱吃是絕配。重點是咖喱牛腩超足料，有軟綿的牽絲芝士，大大粒口感軟稔又入味的牛腩，還有吸盡精華的薯仔粒等。而咖喱的味道亦很不錯，味道香濃微辛，刺激但不會太辣，濃稠度剛好，可以讓麵包都沾到吸收到醬汁而卻不會讓麵包變得太濕大軟。順化香茅豬扒撈檬配安南炸春卷2件 $73真的要瘋了，又是大大碗的，兩位食量不大的女生怎樣吃得完？安南炸春卷炸到香口鬆脆，就是略嫌炸粉厚了一點和有點油，味道還算不錯。香茅豬扒撈檬的豬扒，香茅味突出但未至讓人難以接受，內質算鬆軟。檬粉不會

第一次寫食評。經常會光顧米紙，然而近來兩次食下午茶，店員連續兩次落錯單。明明是豬扒轉湯檬，結果最後都係湯河。明明第二次已經我已經吸取教訓，強調左幾次係湯檬，都可以落錯，到底個店員係咪玩嘢。想睇下佢的員工牌，結果所有人都有戴，偏偏佢無戴牌。第一次忍左，第二次忍唔住開口要求轉，結果塊豬扒係梅的，又薄身又發黃，同平時的好唔同。我次次都係食豬扒湯檬，所以好清楚分別。今次食物質素同服務都咁惡劣，之後唔會再光顧。

有時係係九龍灣做野 成日都去淘大/德福/megabox食野, 真係食到悶唔知揀咩餐廳係淘大望到巴士總站後面有個安基商場就試下去搵野食啦無意中就黎左呢間食越南野既餐廳啦 好彩早左黎有位, 因為間餐廳都比較細 〰️芒果軟殼蟹米紙卷〰️軟殼蟹熱辣辣仲好脆, 配埋紅蘿白絲,米粉一齊食, 大大舊好有口感呀 〰️焗芝士蕃茄牛腩麵包盅配牛油金磚〰️原來個麵包盅咁大個架, 個麵包蓋仲脆卜卜添呀, 配埋個濃濃既蕃茄汁, 個麵包吸哂d汁, 嘩 食落口真係好滿足呀牛腩又煮得淋, 唔會好難咬, 配埋飯食真係夠晒飽啦個蒜茸包超好味, 大大舊又好鬆軟, 唔使加蕃茄汁已經好好味 〰️雜錦牛肉海鮮拼盤〰️開頭以為係上檯時已經放哂d配料係鍋一齊煮, 但原來係分開哂, 咁就可以跟自己喜好煮, 又唔會煮到淋哂先食呢個拼盤都有好多料, 有唔同既丸/雞/菜/豆腐, 我就揀左牛骨湯底同配檬粉個湯好濃郁, 檬粉吸哂d湯好入味, 牛肉都好好味, 唔同出面食平平火鍋既質素, 估唔到呢個價錢都有驚喜 〰️西遊記〰️係西柚加奇異果既特飲, 平時都好少見咁既組合 不過我就冇試飲, 但朋友話飲完好fresh幾特別

🍲越式火車頭河粉$68湯底偏咸 重口味既人應該幾鍾意河粉質地幾特別 有少少彈牙咁🤓--🐥泰妃雞飯$68雞係ok既 飯我就麻麻 因為好重椰漿味但男友就話ok 所以就各人喜好啦😛--🍘越式墨魚餅$68勁脆好彈牙 同佢既芝士蝦餅一樣幾好食😜--🍋芒果乳酪沙冰$33

友人家附近的這家越南餐廳，推介説價錢十分抵食，一於來試一試。佈置的燈籠配上燈光效果不錯。套餐組合有不少飲品的選擇:牛油果沙冰加入牛油果打得細滑，一整杯充滿營養，而且牛油果也有解辣的作用。青檸梳打食越南菜飲杯透心涼的飲品，青檸梳打就最好不過，酸酸甜甜夠開胃。越式生牛肉湯河粉配安南炸春卷湯底夠清香，而且不會太油膩，以牛骨煮成的湯頭。面頭加上了葱段、九層塔，芽菜和洋蔥，令湯頭更清新。河粉算細滑，水準正常。春卷炸得十分香脆，入口鬆化的感覺。以蔬菜包裹著配著吃，更加清新。泰妃雞飯泰妃雞其實是海南雞飯，雞味濃而滑。不過油飯的香味普通，可以更有油香。

今日去咗牛頭角，食平民價越南餐。平日夜晚去都full晒，要攞飛等一等，其實旁邊都有幾多餐廳都仲有位，唯獨佢就滿晒人，似乎真係好嘢來。等左10分鐘左右就有位了，入座後feel到好熱鬧，明顯係附近街坊嘅飯堂。睇返餐牌選擇都多，去食越南野一般我都會試佢個火車頭，個人覺得呢個應該係每一間越南餐廳的招牌。呢度嘅火車頭特別多配料，有牛肉、牛展、魚蛋、豬肉丸、蘿蔔、雞絲同扎肉，湯底都鮮味。好大碗吓，份量好多，唔容易食得曬。小食係越式無骨鳳爪+$22，酸酸甜甜，但唔辣的。飲品我叫左黃綠醫生+$18 ，即係芒果+奇異果沙冰，啖啖鮮果味，正呀！朋友叫左法式紅酒炆牛尾煲配蒜蓉法包 $78，佢話汁香味濃，牛尾仲好淋好入味，紅蘿蔔亦都入曬味。好味但個汁略為太多油，食落好有罪疚感。小食佢揀左安南炸春卷+ $15， 好得喎！春卷皮好酥脆，入面一絲絲嘅材料都熱辣好味。必食推介！ 飲品佢就叫香草拿鐵沙冰$18，佢話好香濃，鍾意雲呢那味嘅人就唔好放過啦！其實＄100左右，就可以有一個越式粉或者飯，特飲同埋越式小食，都幾實惠。好過食嗰啲連鎖快餐啦！

今日相約左好久不見的好同學，她大約五月將會嫁人啦！分享一下生活趣事。越南米紙位放牛頭角下邨附近，如果搭地鐵最好在九龍灣落車是最近。大約走十分鐘就到，見到安基商場，轉角就看到越南米紙啦。由於朋友未到，我就研究一下餐牌，諗下食咩先。待應有禮地安排左我入座酥炸軟殼蟹伴生菜軟殼蟹香味撲鼻，包埋生菜一齊食好夾，沒有很油膩感。順化香茅豬扒河香茅豬扒入口酥化，一點不會好'鞋'感覺，加埋牛肉湯底，食埋河粉，實在大滿足。鮮蝦豬肉米紙卷越南米紙，當然要食米紙啦，配上紅羅卜絲，米粉，配新鮮蝦肉和豬肉包埋一齊食，清新可口。牛油果沙冰這是朋友叫的，朋友話好足料左上:越式火車頭河粉右上:順化香茅豬扒河粉下:鮮蝦肉米紙卷黃綠醫生(芒果+奇異果)呢個名改得好特別，叫黃(芒果)綠(奇異果)醫生。不經不覺已好夜，同同學傾計食下飯吹下水，完美又美味的一餐結束了。期待下次再約朋友來越南米紙。

旅行後久久未有時間見好友，是晚終能相見！❤️九龍灣除了德福及淘大外，朋友說鄰近巴士站的商場都有好西食！晚飯時份，人流都頗多，幸好輪候不久便可入座！晚餐及飲品選擇五花八門，飯粉檬意粉鍋物、特飲沙冰花茶茶包均有，對於素來心大心細的我今次尤其更難選擇。🙈😂焗芝士蕃茄豬扒麵包盅伴牛油金磚 - 麵包盅大大個，摸上手熱辣辣，容易切開，味道鬆軟脆卜卜。豬扒肉質軟稔不韌，吸收哂濃濃的茄汁，更見惹味！蕃茄煮得軟熟不爛，酸酸味味入口挺醒胃。安格盛金牛盛宴(沙嗲湯底) - 安格斯牛肉約有十片，色澤雖則略帶深，不過輕輕碌熟後入口頗不錯，挺有肉味，而且不嚡身。豆腐質地適中，不易碎散，入口順滑帶有一絲豆味，栗米件香甜易咬，慶幸不太黏牙！烏冬吸收哂不同配料的精華，入口彈牙！芒果黑白糯米 - 糯米的骰精巧，驟眼看與平時食的泰國黑糯米分別不大。糯米熱度剛好，入口軟熟不難消化，個人認為黑糯米比白糯米更有米香更味美！芒果香甜多汁，解到食糯米的微滯感！

今晚來到牛頭角吃越南菜，是因為友人推薦，所以臨過年前最後一試就揀了這裡。這裡裝修得很舒服，有卡位和方枱，空間都算闊落。安南炸春卷伴生菜，春卷外皮用米紙包著，炸得好脆，入口溶化，內𥚃的蔬菜和外皮配合很好，用生菜包著，感覺又不同了。芝士流心炸蝦餅，外皮香脆，不過蝦餅肉質比較實，如果彈性好一點會更好，餡料的芝士味道濃郁。越式火車頭河粉，有牛肉、牛𦟌、肉丸、札肉、蘿蔔，大大碗，湯又熱又好味，一個人未必吃得晒，非常低食。芒果乳酪沙冰，芒果和乳酪的味道都濃郁，酸酸甜甜，非常好味，推廣價6折享用。