越發地道河內料理

營業中

休息中

據報這裹的「河內蕃茄蟹檬」只做埋呢幾日，所以趁仲有時間，便過嚟回味一下；湯底帶有濃濃嘅蕃茄味；對唔食得辣嘅我嚟講，就覺得頗為有勁，但對老婆嚟講，就仲要加指天椒才夠喉，認真利害！😬我都係叫返「燒肉丸撈檬」，檬粉口感細緻爽口，燒肉丸更是讓人食不停口，檬粉爽口，真係超級好味！🤤越南脆春卷外脆內軟，餡料清爽，配上青瓜片、生菜、金不換及薄荷葉一起食用，不但有效減低油膩感覺，味道更覺出色。😋另外叫了「薄荷青檸梳打」及「越南柑桔冰茶」，清甜解渴又好味，尤其是柑桔那獨有嘅香味，更是吸引。👍🏻想食#河內蕃茄蟹檬 ，就記得要快手啦！#越發地道河內料理 地址: 旺角砵蘭街99號地舖電話: 68848898

成日經過都勁多人排隊，呢日趁少啲人即刻排嚟試。叫咗個招牌牛柳牛丸河，果然名不虛傳，啲牛丸好有牛味，湯底都夠濃，河粉好煙韌，仲要好多蔥，My favorite ，不過略嫌啲牛肉碎咗啲，整體嚟講都值得一試。之後係蕃茄蟹湯檬粉，食之前好大期望，但食落之後感覺湯底唔夠濃，不過就好足料，好多舊蟹肉球，試一次就夠。如果唔洗排隊，都會再嚟！

越發地道河內料理價錢💲: $85/ $100/ $80好味程度😋: 4.3/5服務🍴: 3.7/5環境🗾: 3/5性價比🥢: 3/5 (細份)回頭率😚: 3.4/5-呢間越南野經過幾次都要排隊，無論咩時間門口都一定有人。因爲入面位置好細，就算係門口見到只有幾個人排，我平日夜晚都等左多過半個鐘。-✅✅河內牛柳粉。湯底清澈得來鮮甜，有突出的牛骨味道。加上大量的蔥、香菜同九層塔，味道好有層次🥰不斷飲曬成碗都唔口渴，又唔肥膩。生牛柳淋上滾的熱湯，熟度剛好啱啱嫩。牛味濃鬱！唯一係d牛比較碎…河粉好整齊，無斷曬同埋好滑🥳另外配上油炸鬼沾湯食，好味。不過粉唔多，唔係好飽🙈-✅碳燒豬肉配越南檬粉。呢個係其他地方無見過！好似越南的沾面咁，放d檬粉落個酸汁到，再自己撕d九層塔🌿落去。檬粉捲成一舊舊，一口一紮，方便入口。酸湯好開胃，7酸3甜的比例，可以中和煎豬肉的膩😝碳燒豬肉確實做到有炭燒味道，有豬肉丸同豬肉片，丸會有小小軟骨。加埋魚露同九層塔的味非常香。-✅越發牛油雞翼。越發牛油鷄翼做法同平時的唔同，佢地的炸完之後會裹上一層蜜糖再痴d炸蒜上去，非常香口同偏甜😛鷄翼size有d瘦，所以貴過$15一隻係有d貴

個人感覺去完一次試過就算...一碗河100蚊唔俾河粉加底但又俾牛肉加底（要加50...）有d唔明咩手法。。。服務係好同埋湯係好飲...但價錢上連我呢d捨得駛錢食野既人都覺得有少少搵笨感覺...多左一注仔牛肉...咁就要加50蚊半碗面既價錢未免價錢上太進取...！ 2大1細去食 埋單250蚊 2碗招牌牛肉丸河...仲要食唔飽...真係唔上唔落...見出面又多人排隊就費時阻人地生意急急腳走人去第2度買野食算...

成日見到越發排長隆，究竟係咪真係咁好食🤔咁岩有老闆請食飯就試試😎唔係講笑，未到12:00已經有一大班人等緊位😂每人點左一碗招牌牛河，另外叫左一個小食拼盆、雞翼、米紙卷同春卷個人口味問題🤔個湯河個味幾好，但牛肉太碎，一塊塊會比較有口感🥲不過牛丸係幾多汁彈牙既👍🏻小食就一般偏普通座位其實得好小，不竟係小店嘛，得3個人做野，上菜時間需時，價錢都略為進取$100碗招牌🥹到時值唔值排隊等咁耐食就見仁見智啦

計埋之前排隊中途放棄嗰兩次，今日已經係第三次嚟排越發😅 趁去完廟街夜繽紛，就由佐敦行過旺角排吓隊，本身由夜晚7:45排到pho上枱足足約一個鐘🫡 而係我哋坐咗落去冇幾耐餐廳就已經截咗龍今次我哋兩個人就一共嗌咗河內牛柳粉 $85招牌牛柳牛丸粉 $100招牌越南脆春卷 $70越發牛油雞翼 $80兩碗牛肉粉，除咗牛柳牛丸粉多咗兩粒開邊牛丸之外，其實沒有太大分別😅 我就建議如果黎試都係嗌牛柳粉，再淨嗌一個牛丸湯會比較划算🤔 首先碗粉嘅湯頭十分清澈，是一碗很高分的牛骨清湯，不過我個人就比較鍾意濃湯和有更多香料，這碗湯比較符合我男朋友口味😋 河粉煮得不會過熟，不會太碎👍🏻 牛柳用料上盛， 非常新鮮，而且好有牛味👍🏻 整體牛柳粉能打入我心目中 Top 3，大推👍🏻 脆春卷一共有三條，入面用料都是一些正常的粉絲和雜菜絲，調味適中👍🏻 今日的春卷是炸好就上枱熱辣辣，非常惹味😋 建議點越發自家製的酸汁和生菜包起來一齊食味道更佳👍🏻 牛油雞翼一共有五隻，都係即制上枱👍🏻佢哋嘅牛油雞翼相對於坊間的味道比較特別，係甜口的🤔應該係炸過之後再沾糖漿和炸蒜再上枱🤔 我自己就不太喜歡，因為食雞翼嘅時候炸蒜和糖會比較

旺角最出名的越南牛肉粉【越發正宗河內料理】！每日都大排長龍！- 招牌牛柳牛丸粉 HK$100🐂絕對係人氣NO.1, 牛柳切厚片, 未熟狀態放入豌, 再撞上熱湯, 上菜時半生熟嘅狀態岩岩好, 肉質嫩滑無根, 牛味濃郁, 厚度有口感. 手打牛丸內非常爆汁, 肉味同胡椒味突出, 好有越南風味. 湯底用牛骨熬24小時, 牛肉香濃得黎湯底清澈, 加入青檸汁同辣椒更惹味. 河粉入口順滑有米香, 配料九層塔同蔥香氣十足，份量都好大方.呢間店真係好正，值得一試！😋

呢間餐廳已經bookmark咗起碼幾年🥹 終於搵到機會去食，但真係排晒長龍，第2次早啲去先唔洗排咁耐！【河內牛柳粉】$95【招牌牛柳牛丸粉】$100初嚐越發，就想試佢嘅招牌牛柳粉！頭啖湯真係好好飲，唔會太油亦都唔會太淡～牛柳嘅份量都好多，上菜時係半生熟，浸一浸就可以食，肉質嫩滑！😆 牛丸係最有驚喜，本身以為係平平無奇嘅牛丸，食落口超級有牛味👍🏻另外再配上油炸鬼，幾特別～【鮮蝦米紙卷】$65呢個鮮蝦米紙卷係我食過最好食嘅！鮮蝦鮮甜多汁，米紙爽口煙韌，而包裹著鮮蝦、蔬菜，再加埋特製甜酸魚露汁，真係超級加分💯令到米紙卷鮮味更加突出！

無論那個時間, 每每經過都是大排長龍, 餐廳突然浮在腦海中, 這晚終於有機會嚐試了 😊 由於大排長龍這個現象, 總會多了一點期待。排隊期間, 老闆會先替大家下單, 可以爭取每一分時間! 💪🏻 餐廳提供的水帶著椰子味, 因為餐廳加了越南斑蘭葉, 非常特別! 招牌牛柳牛丸粉 $100排隊時聽到有其他客人稱再來此店主要為了這個粉, 所以我也跟著點了 🤭 果然牛丸有驚喜, 新鮮彈牙, 而且牛肉味甚濃, 相信牛肉比例應該不少, 牛柳半熟狀態, 有一定韌度。至於湯是以牛骨熬了二十四小時製成, 再加入沙蟲乾調味, 做法很地道, 可以說它的味道已經跟越南差不多 😌 另外配有油條, 亳不脆口, 浸了湯就更淋, 成了整個粉的敗筆。越南燒肉丸撈檬 $70本來想點碳燒豬肉伴奧巴馬粉, 可惜已經售罄了 🫣 唯有退而求其次, 點了燒肉丸撈檬。燒肉丸並非圓形的, 口感有點像豬大腸, 雖然未有豬大腸的脆皮, 但味道也不錯。整個撈檬有大量配料, 莞茜, 紅蘿蔔, 白蘿蔔, 椰菜, 花生, 青蔥, 再加入酸甜醬撈起來口感很豐富 😁河內芽車快 $70是雞絲沙律, 雞絲量不算多, 但其他配料非常足夠, 跟撈檬的配料類同, 再

之前夜晚想去食，可惜太多人放棄左，今次lunch time黎排左15分鐘左右，終於可以試下呢間區內人氣店😆—🍽️招牌牛柳牛丸河（$100）碗麵上枱跟左5-6舊油炸鬼、檸檬同辣椒，店員有提醒油炸鬼浸下湯會好食啲👍🏻牛肉同坊間唔同，唔係用一片片牛，而係牛柳，厚身有咬口啲，一入口牛味好濃🤤而牛丸係爆汁❗️油脂加埋牛味，好食😋另外好特別既係加左好多香葉配料係碗河粉入面，連埋一齊食好清爽！但可惜既係湯底相對比較清，食唔到太重牛香味🥲（之後做返research發現越北流派湯底係清啲？）同埋越南Pho要做到非常突出其實唔易，我覺得佢既定價係進取左少少🙈但絕對可以食得出老闆係選材方面落左好多心機👏🏻所以如果大家想試下越北風味有咩唔同，都可以去支持下！好味值：7.5/10CP值：6/10📍越發地道河內料理 (旺角)旺角砵蘭街99號地舖

今日嚟到旺角「越發地道河內料理」，坐位好細而且坐位不多，見到佢哋長期都需要排隊，我比佢吸引咗埋去，特別推介越發招牌冰咖啡，我自己真係好鍾意。越南燒肉丸捞檬 $80燒肉丸脆脆地入面彈牙，搭配檬汁和生菜，口感非常清爽。招牌牛柳牛丸粉 $100湯底鮮美，牛肉和牛丸都很嫩，不過份量真係好少。河内地道椰子咖啡$45椰子配上香濃嘅咖啡豆，加埋好香滑有陣陣椰子香味越發招牌冰咖啡$42雖然只係一杯普通嘅冰咖啡，但係味道係我最鍾意㗎，冇加其他野，已經咁好味，呢間餐廳我最滿意嘅就係呢杯冰咖啡。越發地道河內料理 (旺角)旺角砵蘭街99號地舖

星期五晚排一個小時是常識，落單哥哥仔好似好風趣幽默！想食三文治冇、想食蟹餅冇、雞絲撈檬可唔可以轉湯冇？唯有就食呢啲啦，都幾好食嘅，但係唔會再排隊等食囉😅凍招牌咖啡：過甜，可唔可以加啲咖啡，可以的！奧巴馬粉：都幾好味嘅，但係要等比較耐！扎肉雞絲撈檬：可唔可以轉湯啊？唔可以囉。小店地方細，冇位擺多個鍋，唔．．都明白，理解的💪🏻。炸春卷：全晚最好食👏🏻👏🏻👏🏻但係總括要排成個鐘就唔好預我啦，因為未去到呢個咁好食嘅地步。

香，未進店已經聞到香味香，牛肉河粉放滿香葉香蔥香，柑桔冰茶是一杯凍飲，為啥還這麼香香，為什麼連免費的水都是香的？原來加了班蘭葉，真有誠意❤️招牌牛柳牛丸河，用上牛柳做越南河粉只此一家，味道當然比其他部位好，牛味濃但成本貴！而且牛柳比其他牛肉難處理，一點點過熟就柴，解決方法就是厚切，再加上廚師故意將牛肉剁碎幾下，牛肉吃起來容易咬又不失厚切的口感。牛丸也是亮點，一咬爆肉汁🤯，新鮮做的牛丸沒有撈粉去打，一粒純牛肉吃下去，牛味濃不在話下。如果一整粒不切一半效果會震撼。😆最佩服這種專注的小店，做好自己岀品做岀了口碑，專注做好食物水準已經開業了差不多六年還是那麼好吃。回頭率極高的小店，客人無論排隊多久也不介意一直有回頭。聽店內幾枱客人跟老闆有傾有講的內容已經知道他們不是第一次來。而無論外面排幾長的隊，老闆還是很熱情地跟客人傾談，不點都不急著接下一枱客人的樣子😅對比起大部分的香港小店趕著做生意，想你快快吃完趕你走能多賺一枱客的餐廳很大對比😎誠意滿滿的個性小店，堅持做岀好味道，很難不給滿分。

【正宗北越。河內料理】這家人氣越南料理小店位於旺角，不論是午餐還是晚餐時段，都能看到長長的人龍在排隊。當天是平日太約1:45pm到達讓廳門口，等待了約45分鐘就被安排入座。店裡大約有14個座位，簡約佈置且充滿了正宗味道。❈招牌牛柳牛丸粉HK$100湯頭鮮甜層次豐富，味道回魂，香料以碎粒呈現，香氣完全散發在湯粉裡。粉條滑順，牛柳鮮嫩滑口，牛丸肉汁滿滿又彈牙，再將油炸鬼浸泡了滿滿的湯汁～正。❈ 香露牛柳撈檬 HK$90原本是想點奧巴馬粉，但這個只有晚餐供應。所以改點了牛柳撈檬， 碎碎的牛柳配上有點酸酸的魚露，好清爽。❈越南柑桔梳打 HK$30清新爽口的味道，帶有淡淡的柑橘香氣和微酸的口感。註：不收加一/只收現金

首次光顧, 雖然人流不斷, 但流轉速度快, 不用等很久便可入座。雖然店外的顯示屏餐牌有河內蕃茄蟹檬, 但堂內的餐牌卻遮蓋著這項, 聽有客人問, 老闆回應蟹游咗出海未返嚟, 所以無蟹檬。聽老闆與客人互動, 幽默風趣, 令進食的氣氛添輕鬆感。根據餐牌所述, 小店採用之河粉及檬粉均由越南河內運港, 確保客人可品嚐最地道的口味。另外, 咖啡乃採用上乘越南咖啡豆配以傳統滴漏製作而成, 感覺認真及誠意。1) 招牌牛柳牛丸粉 $1002) 招牌越南脆春卷 $703) 河內地道椰子咖啡 $45招牌牛柳牛丸粉伴有油炸鬼, 青檸和辣椒, 老闆上菜時提示油炸鬼要浸湯吃, 感覺貼心。呷一口湯, 感覺清爽, 加入辣椒和青檸汁, 把湯提升至另一層次, 不過不太能吃辣的朋友, 加辣椒時不要一次過全落, 要考慮自身能力。牛柳半生熟的, 不柴。牛丸彈牙, 牛味濃, 肉質與坊間的不同, 真的很好吃, 心心眼出動, 與牛柳相比, 感覺牛丸更勝牛柳。油炸鬼浸湯後, 索滿湯汁, 入口軟綿, 令人感覺滿足。河粉份量不少, 質感順滑, 掛上湯汁, 十分美味。招牌越南脆春卷有3件, 春卷外脆, 內裡充滿餡料, 即使放久了依然熱辣辣,