辻利茶舗 (已結業)

今日晚上相約左朋友食放題食放題之前係APM行左陣街經過尼間朋友推介過既茶鋪所以即管試試店內環境設計好有日本風但坐位真係好少可能因為大多俾我地外賣帶走既雪糕🍦店因為我吾係好趕時間既關係落左單再搵個位試試佢既抹茶🍵雪糕加抹茶🍵蕨餅《雪糕🍦抹茶🍵沙冰》$42《抹茶🍵蕨餅》日本直送 $33甜品既外貌已經好吸引抹茶味夠濃不過沙冰食到底就開始淡而雪糕也很滑還是比較喜歡蕨餅蕨餅口感軟軟又濃濃抹茶味🍵但係得6件就略少吾夠喉最後食完要自行收走放去擺放既位置

抹茶卷蛋蛋糕🍵🍰 $38/PC好濃好濃嘅抹茶味🍵食落帶點甘甘地嘅味道 好清新😌尤其係個忌廉嘅抹茶味都好濃郁 好似飯緊抹茶甘😂但唔流 而且蛋卷都好鬆軟🤗焙茶海綿小蛋糕☕️ $38/PC試完抹茶蛋糕再食呢個 就無咩味啦 因為抹茶味太重🙈😂不過都食到輕輕嘅焙茶味 但個蛋糕有少許似豆沙包 無甘鬆軟嘅😙😙都係中意抹茶蛋卷多啲😍

吃飽飽又是思甜品時間，我提議吃朱古力雪糕，不過朋友說她不喜歡吃朱古力雪糕，她反而對餐廳指南上的辻利茶舖有興趣，反正我倆都未曾吃過它的抹茶雪糕，就吃它。我一早打算吃大枝裝的抹茶+焙茶朱古力雪糕，所以沒有下單的煩惱。不過朋友思前想後吃濃度2.0抹茶+北海道3.5牛奶扭紋雪糕好，還是淨抹茶雪糕好，最後她決定吃淨抹茶雪糕。在下單時，店員問她要普通的抹茶雪糕，抑或要濃度2.0抹茶雪糕，並解說濃度2.0抹茶雪糕較濃及甘苦，怕苦的朋友當然挑普通版吃。朋友跟我都覺得辻利茶舖的抹茶雪糕味道方面都不及銅鑼灣的via tokyo好，但雪糕質感方面不俗，滑溜挺身，不會很快融化。朋友略嫌她的抹茶軟雪糕綠茶味重苦，如果濃度2.0抹茶雪糕的話她想應該會更苦，絕對受不了。我的抹茶+焙茶朱古力雪糕只能吃出焙茶的味道，朱古力和抹茶口味完全吃不出來，都被焙茶蓋過，非常失色，而且焙茶味道其實未至於香濃的程度，超級普通，甚至能說有少許失望。

真是無法想像，這間雪糕店，當日大排長龍😯。現在，星期四的晚上，竟然沒有什麼客人。星期四閒日的雪糕店，不太多人，但是想坐卡位，卻要使用眼光👀，令坐在原位，吃完東西都沒有走的客人離開👋🏿。點了一個蛋卷，以及一杯焙菜與綠茶兩溝的雪糕。蛋卷不滑，外層也乾燥，何以索價三十幾？第一次吃，好像試一試綠茶以及焙茶味比較好。綠茶味其實不算太濃香，可能由於它有一種叫做綠茶2.0這個選項，因此，店方需要將普通的綠茶味的濃度調低，來突顯2.0的利害😒。焙茶味都不見得特別出色，比起其他店舖，例如Via Tokyo的焙茶味，這兒沒有澀味，不覺得特別香濃。甚至乎，如果我們談及雪糕的幼滑程度，這兒也不覺得特別幼滑😩，因為兩種雪糕，如果大大口放進口中，繼而咬下去，都好像有點兒冰粒😨，不夠其他著名雪糕（好像尖沙咀Via Tokyo）那麼細緻、幼滑。如以綠茶濃度而言，又遙遙不及Log-on的Sweet ChaCha😒。如果連吃綠茶，或是焙茶味雪糕，都沒有想到茶味，究竟這間雪糕店的茶拿來幹什麼🤔，是芭菲杯才能吃到，定或是那些茶類飲料，或是茶漬飯才會吃到呢？情況就像永遠留力，那力量留來幹什麼。辻利，可一不可再。

I still remember that when Cul Lee Tea House settled in IFC in Central, I was attracted a lot of coaxing with Kanemura Nakamura from Kyoto to become a hot talk of Kama tea industry. As a Matcha control, I also took the time to go to IFC to try my favorite matcha ice cream. Unfortunately, under the malady, only to eat green tea milk shake with milk ice cream, and Matcha ice cream is a fate side. Always remember hanging this unbearable regret, so in the face of APM Lee Cha Cha shop, they chose it

放工時間食吓雪糕, 仲可以紐紋, 一次試晒兩款茶味.雪糕本身係好味既, 紐紋黎講, 抺茶味突出啲, 培茶味冇乜焙火香, 實在麻麻. 凡事要比較一下, 我覺得天仁茗茶既茶味突出過佢又平過佢, 當然可以話綠茶同鐵觀音, 同抺茶培茶係應該比較既, 咁同中村滕吉比囉, 日本貨都幾一分錢一分貨, 中村係貴好多, 但又真係好味好多, 係我係為茶味去食呢個雪糕, 雖然中村貴啲, 但佢個茶味值番. 我見其他食評係講其他食物, 或者佢主力唔係做雪糕啦~~~ 

第一次試呢間抹茶店就揀比較平既軟雪糕試下佢個抹茶質素先$30蚊的濃度2.0抹茶軟雪糕係small size拎上手，望落色澤自然，口感亦都非常軟滑，但味道係難形容既味，抹茶味同平時0係其他抹茶專門店食到既有啲唔同，我覺得係多咗一份雜味，同埋冇咩茶香，而且亦都冇特別濃既感覺~no take two 了~

和朋友吃完晚飯後，在APM行行吓街發現原來這兒都開咗這一間在中環出了名的綠茶老店。這裏的空間很小，位置不多。四人座位只有兩個。而且店員只有兩人，所以搵位同埋點餐都需要自行處理。不過這兒不會收＋1服務費。點餐之後他們會給予一個傳呼機等候。另外座位亦設有叉電位，連USB插頭也有！服務非常先進和貼心。我們點了綠茶芭菲和黑糖蕨餅。綠茶雪糕夾埋紅豆蓉和脆脆一齊食剛剛好。鮮奶油加綠茶漿都好夾，食落好似濃濃牛奶味的抹茶牛奶。綠茶蕨餅是成個芭菲裡綠茶味最濃郁的。個底有堆麵包碎和類似寒天的啫喱。和其他店比起來，這家的芭菲唔算膩。至於個日本直送的黑糖蕨餅就一般般啦。太軟身而且太甜。而且黃豆粉一舊舊唔均勻，亦未算最好食。明明我和朋友都很喜歡吃蕨餅的，但結果竟然會我們食剩！ 🙈

今日行過APM，見到這間新開的食店，覺得很特別。以茶做食物，裝修也很簡約。坐進去，好像去了日本茶舍。店是自助形式，先在收銀處下單，再把飛碟到坐位等。機響時，自己再到取餐處取食物，吃完也是自助把餐盤送回回收處，日本慣常做法。未分享食物之前，這店吸引死的另一原因是手機充電插，一邊吃一邊charge 電，掂！食物，今天叫了一個雞肉飯、朋友就叫了鰻魚飯。雞肉飯味道不錯，但係茶湯嘅味道就比較淡，如果可以放兩個茶包可能會好啲。另外鰻魚飯亦好好味，值得一試！不過食物嘅份量我覺得比較少，如果男士未必夠食。女士亦只係剛剛好。我也叫咗杯玄米茶，玄米味濃、茶亦香，不錯，跟餐只需要加＄6。

在觀塘食完晚飯，就想食甜品，找到位於APM內的這間辻利茶舖，是一間來自日本京都的抺茶專門店門口外面的食物模型極度吸引，每樣都想叫餐牌有各種選擇，甜品、飲品、還有主餐，今次就試試軟雪糕抺茶沙冰店內有不少座位，可以邊坐邊等，不用企住等軟雪糕抺茶沙冰軟雪糕無得自行揀味道，是北海道3.5牛奶軟雪糕，但其實奶味尚未夠香濃，而底下的抺茶沙冰，輕輕吸一口，透徹沁涼，冰粒打得夠細，沒有碎冰粒影響幼滑口感，另一方面沙冰用料實在，濃郁抺茶味衝擊味蕾，有我今年在京都本舖飲的水準

今日去開APM食LUNCH, 知道到呢間舖開咗一排, 今日順便去潮拜下, 買咗三款食品, 不過買野時個服務女侍應就串串地, 我覺得佢冇乜禮貌囉, 首先基本既笑容都冇, 黑口黑面咁, 問我要啲咩? 我買咗$462野, 你比啲咁既服務態度我, 買完都覺得好唔抵, 唔該返去再培訓先出嚟見人啦!!!!焙茶卷蛋蛋糕 - 一開盒已經聞到, 好濃郁既茶味, 軟熟既蛋糕包住焙茶味道既忌廉, 真係好夾好好味抹茶蛋卷蛋糕 - 一開盒聞唔到抹茶味, 蛋糕夠軟熟, 抹茶茶味都好濃, 但此終冇焙茶個味咁出, 但都幾好食抹茶蕨餅同黑蜜蕨餅 - 要即食, 如果耐咗面頭啲醬會溶晒落蕨餅到, 抹茶同黑蜜既味道都唔算太特出, 都係一般好食*** 如果路途遠買蛋卷會有個小冰袋放盒內

今次食評我首先要講的東西，反而不是先說食店，而是要先講講可以提供，在觀塘創紀之城五期「apm」，可以為手提電話充電的地方。因為「apm」的公用手機充電的服務是有時間限制，而且充電過程要把手機鎖在櫃內，充電期間甚麼都做不到。另一方面，向來有為堂食火鍋而設電源插座的「吉X家」，觀塘「apm」分店沒有插座提供之餘，堂食樓面還出現了，平日「吉X家」樓面不會有的電視機，而且有十分礙眼的電視新聞台，等待你「大駕光臨」。在這樣的情況下，對於急於需要為手提電話充電的我來說，其實都要面對一個很難堪，很難過的抉擇。一是不充電，由得手機「壽終正寢」，一是被迫提早打道回府，先為自己的手機充電完畢再講。我被電視新聞台坐鎮守門口的觀塘「吉X家」所「嚇退」後，茫然地一個人向前行，忽然遇見在「吉X家」同一樓層的位置，有間我之前已經關注了，但一直忘記幫襯的日本抹茶甜品店「辻利茶舖」。「辻利茶舖」跟「中村X吉」、「弘」和「Via Toxxo」一樣，都是主打賣日式抹茶芭菲雪糕的甜品店。可能是「辻利茶舖」在香港發展沒其他三店那麽快吧，所以「辻利茶舖」相對缺少「最佳食店」這些光環伴在身邊。但是「辻利茶舖」在觀塘最大型的商場，仍

好難得見到有食肆開喺APM呢個位置，通常呢啲位置都係Boutique多，見到有人喺個度食雪糕無疑吸引咗我過去望下係咩一回事，確實舖面設計簡潔，甚有古典感覺。據說呢間抹茶製品店係京都百年老舖，我期望食物質素有返咁上下，但係今次呢間抹茶製品店就令我失望了。小試牛刀叫咗個抹茶X焙茶朱古力雪糕，雪糕唔滑，口感有點兒粗糙，味道方面奶味比抹茶更要突出，食唔出有抹茶嘅甘苦，只有非常單一嘅甜味；焙茶朱古力稍為好少少，朱古力味好淺唔會搶咗焙茶嘅烘烤味，但同抹茶一樣，茶香少得可憐。雖然今次只係淺嚐一個雪糕就已經千瘡百孔，好難吸引我再去試其他抹茶製品，又或者其他嘢質素較好只係我揀錯食物了。廿八蚊喺APM買個雪糕八成我當social value買咗個位坐下食下甜品唔洗過對面Food Court同人迫食滿記，但香港已經有大量以「日本老店」名義招徠嘅舖頭，多到成行成市，今時今日咁嘅質素好快會比下去。

之前係中環食過，一試愛上。知道apm開左，平日經過順便入黎試試，但發現甜品冇中環果間選擇咁多，熟食選擇如是。本人十分愛吃鰻魚，便嘗嘗這個茶漬飯。味道不錯，可惜分量太少還試了這個抹茶餐肉三文治，脆脆地都幾好味，加上熱烘烘，有驚喜原來抱著一絲希望會有中環咁多款甜品揀，好可惜可能觀塘店有熟食賣，變相甜品種量減少，只有普通的甜品類型揀。一場黎到，就點了細size既抹茶雪糕。總括黎講，中環店比較好，始終抹茶係賣點，而不是熟食

..鰻魚茶漬湯飯 （hkd$78).是晚公眾假期，趕住睇8點場，你知啦，apm永遠都係好多人堆係啲餐廳出面既。行過呢間新開（都一排既）辻利茶鋪，見佢有位（竟然），仲有咸食，立即入去坐低左。.店內以快餐店形式運行，埋去收銀處落單，等電子鐘響，拎野食，食完比返個托盤啲職員。.鋪面細細，大家就將就下要搭枱啦。講返個飯，係輕食既size，(係啦係啦我知作為一個女人我真係好擦得🤦🏻‍♀️）鰻魚切成一條條放係飯面，另外仲有啲番紅花同蔥花，擺盤唔錯👍.意外地發現茶湯底混合鰻魚既味道係幾好食👍👍茶湯亦都夠晒熱.定價偏中高，如果有日係apm想食得light啲，呢度都可以考慮。下次有機會試試佢啲綠茶甜品再落結論。..P.S. 佢呢個飯等左我差唔多廿分鐘，其實係算慢。等到我面都黑埋。再P.S. 所以，希望啲綠茶甜品下次我試既時候可以係高質素既。..