逸東軒 (已結業)

今日director請我地食team lunch~ 我地一行12人去左e度~食左好多野, highlight以下幾樣:地方: very tidy and clean茶: 茶葉比好多酒樓都好, 而且仲有個小火盤'興'住茶壺, 十分精緻!!環境: 比較高級所以其他人都比較靜~食物:'差'燒飽: 真係皮薄'涵'靚!! d蜜汁好多好好味帶子蝦餃 > 十分足料帶子腸, 腐皮鮮蝦腸: 腸粉好滑好好食馬拉糕: 好鬆軟鮮竹卷: 好多蝦, 如果多d其他料可能更好食呢~菜心: 好令無渣不過一碟仔要$55真係好貴呢~仲有個蛋白xxx炒飯, 米係一粒一粒好清楚唔會lim埋一起!! 犀利!!唯一要彈ge一定係薑皮蛋, 一碟應該用左兩隻皮蛋但係都$55.....都唔係問題, 隻皮蛋苦澀的.....free甜品係合桃露, 又係好好食, 好滑而且重點係甜而不膩, 讚!!12人食到個個個身都曖lou lou, 盛為$1,770~ 多謝boss!! p.s. 我都好想再黎, 不過對於小職員ge我真係唔係咁afford得起.....

遺憾只得一小時興KN食,全場環境很靜,侍應又醒目,因為全是本地人,所以唔使激氣.1.蟹肉鍋麵~ 好正呀,而且整鍋伊麵也不覺有味精,鍋內看見蟹肉及蟹膏2.素菜蒸餃~ 皮薄多饀3.野菌浸津白~ 淡淡奶白的上湯,菇菜沒有煑過火4.原個蒸馬拉糕~ 並沒有平時那些甜,可能吉士or糖落少了,整籠吃掉也不會太膩

Not brilliant foodwise. Char Siu Bau was soggy - maybe re-steamed... Harm-Sui Kok was okay.The table at which we sat was quite weird... There were 5 of us, and for some reason 3 of us had to sit with knees knocking on table legs... not good...

今晚同爸爸, 媽媽, 亞姨和姨丈一行5人去左呢度食飯, 諗住食餐好野, 點知就......唉......叫左4樣野: 1. 蟹粉小籠包- 毫無特別, 蟹粉一d味都無, 唔食都唔可惜.2. 南北杏陳腎煲西洋菜例湯一煲- 唔算好好味, 不過唔覺好多味精.3. 三味弄豆腐- 不知所謂, 又貴又無特別, 份量又少, 得幾粒仔豆腐, 1款凍食(汁勁咸, 唔知想點), 2款炸(一個用甜酸汁, 一個用鹵水汁, 大排檔好味過佢).4. 紫砂鍋濃湯魚腐西生菜- 濃湯得個咸字, 魚腐有d怪味, 西生菜就幾爽脆甜. 死啦, 得一樣野得, 都唔知佢點做, 而餐牌上的餸的款式亦都唔多比你簡, 仲有呀, 我去的時候唔算人多, 但居然可以有漏單的情況出現, 連隔離枱都係咁, 不過好在服務都好好, 呢樣值得一讚.

我見個個都寫逸東軒茶市,點解冇人提佢D晚宴?逸東軒晚飯絕對高水準而吾貴!如晚宴更為一絕!大胆D講句!佢比利苑更好!(個人觀感)同級數既晚宴,逸東軒4-5千12位既晚宴!如係利苑分分鐘要成萬幾!重有海境房比你!以後吾洗再比利苑劏你!

今次同上次有d唔同,因為呢次叫左好多點心,係farewell同事呀,款款都試。蝦餃,菜苗餃,燒賣,全部都清清地,唔油,而且夠大件,蝦餃同菜曲餃都有好多蝦肉呀!有隻桂花蚌腸粉,都幾好味喎,但係俾左好多豉油,所以好鹹...小籠包最最好味,個包多湯汁都漏呀!舊肉又滑口,個皮又唔硬,而且賣相仲好靚添!一籠有四件。另一好味之選係叉燒酥,又係一碟四件,每件圓形,唔算細個喎,最難得係叉燒唔油唔肥,個酥皮脆而不膩,唔錯!不過,始終都係芒果糯米糍最好味!

老細又貪方便係度請客食飯,點左一圍十人既菜,但係齊人之後成十五分鐘都未有野上桌,要我地催左幾次,先至好慢咁上左個湯。食物方面,全部都唔錯,拼盤中既鵝同叉燒都唔肥,實屬難得;另一碟雞又係唔會太肥太多膏,真係好;最好味係露筍炒蝦球,蝦球好大粒又好好味,連露筍都好粗身,仲連埋什菌一齊炒添,係好味既一道菜;其他則中規中矩。食完送同飯,又要等左頗耐先上生果同點品,呢點真係唔係幾好,如果佢地既節奏可以快一點,會令人覺得服務質素更佳。

之前sweetie帶過我到此飲茶,我頗為喜歡.今次有數位台灣朋友來港,剛好入住附近酒店,星期日我便帶他們到此一嚐地道廣東點心.一行三男三女,點了:1.蝦餃x2-我至愛.皮薄,蝦鮮夾爽.超好味.2.叉燒酥x2-一般.不夠鬆化.3.咸水角x2-皮脆而薄,餡靚,另一個人推介.4.時菜牛肉球-點心紙上寫明手啄,本以為巧立名目,誰知真的比一般牛肉球鬆化,又有碎馬蹄粒,口感既輕且爽.有禾桿珍珠感覺4.豉油皇炒腸粉-乾身又入味,不錯.5.白灼菜芯-嫩且適中.6.煎蘿蔔糕x2-一般.7.蘿蔔絲酥x2-可以.8.薑蔥牛柏葉-爽嫩入味.9.燒賣-一般.10.炸兩-ok.9.乳豬并燒鵝(例牌)x2-當中有朋友勁愛,極速一掃光.10.例湯:白菜豬肺湯-好足料,好好味.11.肉絲炒麵-肉絲芡與炒麵分開上,令吃時麵身還是脆脆的.配以少少紅醋,雖然肚皮已經發脹,但依然口不停.加2可樂1雪碧.環境算高尚,但服務有人手不足狀況,亦出現漏單.作為香港代表,是次本人埋單.總數為$1,460.

今次唔係去逸東軒飲茶,而係去佢樓下既逸東小廚買外賣,佢日日什市有兩款唔同既飯盒,20蚊幾抵食,又方便,試左個洋葱蕃茄龍脷球飯,唔錯喎!龍脷球啖啖肉,無骨,個汁酸酸地,好開胃,洋葱蕃茄唔太多,但係同龍脷球十分配合,其實龍脷球魚肉唔腥又易入口,係個飯盒最好果part!

同同事黎呢度飲茶,原來好多點心都唔錯喎!蝦餃隻蝦好大粒,要分幾口先食得晒;燒賣比其他茶樓好味,因為有頗多瑤柱係面,而且唔油;馬拉糕好得,又軟熟又好味,仲有奶皇層,勁鍾意呀我。不過蘿蔔糕炒得燶左些少,可以做得更好...要左個海鮮荷葉飯,賣相佳,多鮮魷,但略嫌少汁,味道稍淡。最值得推介係芒果糯米糍,一碟四粒,人人爭住食,好大粒芒果肉,總之好味到唔知點講!

逸東軒有早午市外賣部設於鷹君中心地下, 只收八達通, 早市有中式早餐如糯米雞, 魚湯米線等.. 午市主要賣燒味飯, 招牌魚湯米線同定期換的蒸飯同家常飯.燒味- 唔使講係好好味, 最出色是燒肉同叉燒, 不過好的燒味灣仔區都有數間燒味店買到, 呢度價錢偏貴, 但品質同衛生有保證.招牌魚湯米線- 招牌大蝦水餃米線食極都唔會厭, 味道十年如一日無變過.梅菜扣肉飯- 好醒胃惹味的梅菜扣肉, 送飯一流, 係我至愛之一. 不過個人覺得個汁略嫌太甜, 同埋再炆"林" D更好.足料荷葉飯- 都OK足料, 裏面的雞肉好鮮味, 仲有少量海味, 個飯好香. 拎番屋企夜晚蒸番熱食仲香, 同埋D飯會"林" D.蒸肉餅飯- 好大塊肉餅, 送飯都OK.雖然係平價飯盒, 但水準唔差, 就其是白飯, 軟硬適中口感超好, 又夠香, 第度好難食到咁高質的白飯. 只係荷葉飯如果軟D會好味D.店內設有少量堂食位, 不過唔會坐得舒服果D, 所以無試過堂食.

响灣仔返工, 食過好多間有平有貴的酒樓, 逸東軒水準永遠都keep到咁好.首先講茶, 酒樓開位第一件事問你飲咩茶, 逸東軒好好, 有貴茶供應但不另收費, 例如龍井, 鐵觀音, 菊花等, 質素唔差, 茶同餐前小食都令人好滿意, 唔似有d酒樓(貴至金x樓, x都, x海, x園.. 果d), 價錢高級, 但茶係俾最低級.招牌燒肉- 永遠都咁好味, 皮好脆, 肥瘦適中.點心- 好好味, 大大粒, 食落無咩特別但總知好好味.其他菜色及炒飯炒粉麵都好OK. 好味的菜色太多寫唔晒.食過好多次水準都無試過失手, 同埋座位距離比一般酒樓闊落好多, 坐得好舒服, 值得推介.

29 September 2006 (Fri) - 朋友婚宴其實酒席既嘢，都不外符係嗰幾樣嘢食，但係我今次想講返呢間嘢既service係幾好！啲waiter & waitress 年紀係比較大啲，可能做得較耐，但係勝在又風趣又有禮貌！我去到坐低，個waiter叔叔即刻話快啲針茶比靚女先，又由於我平常著唔慣高跟鞋，嗰日著到個後踭損晒，我問個waitress攞膠布，佢話幫我睇下有冇，我諗住實冇架啦，人哋酒樓又點會有吖，有都唔比我啦，點知佢又真係班到兩塊膠布比我，好開心！仲要全程serve我哋既waitress都係四萬咁口，冇黑口黑面過，呢啲員工真係要讚！！食物質素都OK，由於掛住同朋友傾偈，跟本冇留意自己所食既嘢好唔好，不過相信唔係太差，否則傾緊偈都一定會發現！

又到灣仔見工, 蒙牛提議係呢度食,12:45pm入座, 絕無一般酒樓的嘈吵, 西裝客居多午市的2人餐$178, 自選4款點心(每位一件), 小食或油菜一客, 炒粉麵一客, 呢區來講都算抵食可能呢頭上班族多, 上菜都好快,义燒飽同平日的差不多, 但係料同汁唔夠, 食落就乾身少少. 蝦餃不錯, 雖然蝦不太隻, 但數量多補番條數, 都算係皮薄的~~燒賣肥膏不多, 但肉香不夠, 只係一般油菜係菜心, 意想不到佢會碟頭大喎, 菜心甜又嫩口, 不錯不錯~~另選一個鵝肝雞粒炒飯, 雖然完全見唔到又食唔到鵝肝, 只可以當佢係雞粒炒飯, 但係炒得完全唔油, 而且個飯粒夠散, 好味道, 重係好大碟, 有成五六碗呢~~service都唔錯, 人唔多環境好舒適, 椅子好坐冷氣勁, 推~~~

The seats there are like spongy bed,very comfortable!馬拉糕鬆軟, 必試! 其他一般,點心較樓上酒樓少油是一可取.I tried it at lunch, discount offered if you finish before 1pm.