道頓堀御好燒專門店 (荃灣廣場) (已結業)

次次經過都好多人，今日8點半經過只見幾個人等，所以就試下，最後等左半個鐘左右。年糕芝士從來都係我嘅最愛，同埋都係正常野，唔會中伏，所以就點左，份量偏小。跟着指示做，唔太難，不過第一次做， 個效果一點也不美，食落係好味嘅，不過完全無芝士年糕的感覺。醬汁亦比較鹹。泡菜魷魚無乜特別，就係泡菜加上魷魚，不過味道唔錯。肉類炒麵，肉的份量非常少，只得幾小塊，有點失望，配上跟麵的汁，味道很夾。最後叫上甜品，職員會幫忙將鐵板清潔，很細心。Pancake性價比比較高，因為平常的pancake價錢都差不多，今次可以自己燒，所以感覺幾唔錯。呢個pancake係值得推介，味道很好，質地軟身，又簡單易做，不過跟足指示6分鐘，都有點不夠熟。有個溫馨提示，醬汁不要落太多，因為都偏鹹。

晚市要每人消費$100 , 一個燒約$70-$98, 我就叫左廣島燒$98, 一個蕃茄芝士燒$70 , 再加煙肉凱薩沙律$58，廣島燒難道高，好容易整爛，相反芝士燒就好容易。* 一定要加多d醬汁先好食* 蕃茄芝士燒無乜芝士味* 廣島燒d麵太粗* 沙律好小，十級唔底食(唔記得影相)，煙肉要自己鐵板整，見到d油都唔想食

[ 御好燒 廣島燒 文字燒 | 自己燒🔥]••初初第一間新開既時候已經同fd去玩過🤪上次係佢負責整，我負責食👩🏻‍🍳今次同男朋友去，到我負責整，佢負責幫我拍片🎥佢話我個晚好可愛，我相信係因為我太雞手鴨腳🙈-等位都等左一段時間😩⋆ ⋆ ⋆ ⋆ ⋆🔹武士御好燒($108)⭐️7.5/10武士入面既料有年糕、飯、蒜、肉碎、豚肉片🐷呢個係簡易版，好容易反3次就搞掂，覺得呢個我整得都幾靚😆同埋男朋友不斷係側邊讚我話我整得好，好有滿足感💕講返味道都幾好，有飯有年糕，成個口感煙煙韌韌，又飽肚，我幾鍾意👍🏻-🔹雜錦廣島燒($118)⭐️7.5/10對我黎講係超高難度😣又要反椰菜又要反麵咁...成件事好忙，最後個成品係散亂無眼睇🤦🏻‍♀️不過對面條友都仲話幾好喎唔差呀你好叻架啦🙆🏻‍♂️雖然賣相好唔掂，但味道都ok，因為我都幾鍾意食日式炒麵同海鮮😙-▫️叫左杯西柚味梳打定唔知咩🤢好難飲-門口有電視播住教學📺唔記得唔緊要，每枱都有一張教學，可以睇住黎整🤗-🔺可能你會覺得比錢仲要自己整野食，但係情侶一齊既話都係一個幾好既體驗👩🏻‍🍳👨🏻‍🍳🔺枱邊有USB叉電位，太好了🔌-🔺每枱都有抽油煙機，不過吸力一般😂

同疏友聚舊，佢話上次同朋友去尖沙咀等左成年一個號碼都無叫過，結果敗走，佢冀望荃灣呢間無咁多人，6.45pm去到，5號籌，等到7.20pm開始叫號碼，可以睇到餐廳入面，大部分係四人枱，每枱有一個爐，即係無論你一個人定四個人都係獨佔一枱，限時90分鐘，難怪佢上次等成年都無叫過枱號，15分鐘之後可以入座，叫左流心芝士燒，雜錦炒麵同班戟。食物好快就到，唔知點開始好，香港人好怕樣衰，怕做錯step畀員工行過嘲笑，最後睇完教學圖卡要開始啦，整個燒餅需時15分鐘，首先每面5分鐘，最後再反多次等5分鐘，心急嘅重口味疏友未夠鐘就話要先放燒汁，由於我唔好燒汁，燒餅分兩邊唧燒汁，佢幾乎填滿半個圓形，最後佢仲話燒汁唔夠，要唧啲入碗度，我笑佢食燒汁浸燒餅，醬汁唔似出面咁濃味及咸，不過我唔好嗰啲醬汁，半個餅唧幾行我都覺得夠。燒餅同炒麵上枱個陣仲有小茶壺，入面有少過1/3壺嘅透明液體，我地研究過唔係油，因為枱面調味架已經有一樽油係度，最後都係問職員，原來啲水係炒麵用，麵係碗入面定左型，所以炒個陣要加啲水整散個麵，麵嘅材料無調味，所以都要加啲醬汁一齊炒，麵身彈牙，只要你炒得好就好食架啦。最後黎個飽肚班戟，旁邊嘅朱古力

聽朋友講尖沙咀有間大阪燒開店以黎都好多人，起碼排個幾鐘。咁岩今日去荃灣既時候見到當然要試下啦！我地既籌號係72，但叫號只係叫緊12，果下呆左，哈哈。之後兜左個圈，行左大概20分鐘後返黎，已經叫緊70號喇。我諗應該大家見到個號碼都嚇親唔想係度等，所以都出左去行，結果無人係度，d號碼一直咁過。 用餐時間90分鐘，所以我地一坐埋位就即刻叫野食喇，要爭分奪秒嘛。 我地叫左個雜錦廣島燒，因爲第一次玩，所以完全無頭緒。上網查左一輪之後發覺原來個menu有教學，仲有QR codelink去youtube比你睇視頻教學添。d人話廣島燒已經係複雜d，但係個教學都好清晰，所以跟住做其實唔難。我覺得第一次整算係咁啦，都成形既。旁邊仲有d紫菜、鏗魚碎、醬汁同沙律醬比你調味。自己整既點都會覺得好食啦，哈哈。豬五花 - 本身豬五花已經附有一個醬汁，可能因爲係薄切，所以個醬入晒味。因爲仲附送左2舊牛油，加埋d牛油香 - 正！鐵板泡菜魷魚 - 成碟放落去炒，晒磁聲好有獲氣，感覺自己真係好似好專業咁(笑)。炒完之後記住落佢比你果個醬，酸酸地，又意外地同個泡菜魷魚幾夾。 成件事其實好有趣好好玩，不過服務態度就未如理想。因

今日心血來潮想試下大阪燒，就去咗專食大阪燒嘅道頓堀。由於Menu上面太多選擇，選擇困難症嘅我揀食咩都揀咗好耐，最後都係比流心芝士吸引左。雖然佢係幾好食不過肉得兩三片有d失望。第一次嚟唔知要點樣燒，餐廳都好好有個教學提供話俾你聽要點樣撈材料，要燒幾耐等等。依度好在可以比客人自己燒嚟食，而且枱面上有油、燒汁、沙律醬、紫菜粒等比你自由配搭。撈好之後就放上去煎，煎到咁上下就可以反轉。最後兩面煎到金黃色，再自己裝飾下就大功告成，第一次整算係咁啦都整得幾靚。

叫左2人餐，有沙律，御好燒同廣島燒，店裡有教唔同種類既燒法好貼心，不過唔好問店員，佢地同張紙既講法係唔同，仲有碟肉啦，甜品啦，汽水啦因為我地係4人既關係另外叫左好多肉，問下店員d牛既分別，佢竟然答百幾蚊同7x 蚊既肉分別只係平肉既多左醃料，其實我想講貴果碟同味重又多油分，差天同地呀，最後叫左個甜品竟然都係自己燒，軟芝士pancake,但做唔到軟心效果呢餐飯覺得呢度d店員好唔專業，叫唔該好多次都聽唔到，明知叫左甜品又唔會另外再比餐具，同埋d爐全場一早開定哂，無人既位都係開左，食完又唔會話關下，係咁焗你好耐，同埋90分鐘真係唔夠，玩玩下都夠鐘🤷🏼‍♀️

一直都好想去d自己親手煮野食既餐廳，今次終於有機會同朋友一齊去玩下！呢間餐廳可以自己親手炒大阪燒，真係認真正！雖然過程有d狼狽，但好采有店員誰動過黎幫下手！餐廳好貼心，驚客人俾油整污糟件衫，可以問店員拎圍裙，重點係圍裙好QQ😂😂🤣3個人點左3道菜，份量岩岩好夠😋肉類雜錦炒面（$88）雜錦廣島燒（$118）牛肋肉（$139）如果有機會都想去多次，吸收左一次既經驗，相信下一次我會整得更加令😂😂

同朋友去左荃灣廣場食生日飯，途中見到道頓堀御好燒專門店係荃灣原來開左分店我之前有係K11分店試過 上次有店員幫我整今次決心要自己整番一次，所以就同左朋友一齊去食由於我地6點多少少就去到所以未算好多人，即時可以入座我地先後點左兩個燒大阪燒(芝士四重)廣島燒前者係一般最易整既大阪燒，入面有好多芝士係LADY既至愛而且味道好正，由於我整得太核突~ 唔方便放出黎啦~ 哈哈廣島燒有個炒麵係度，整既過程會難好多好多。個人都係鐘意食大阪燒多少少.....荃灣店通風比較好，冇尖沙咀分店咁大陣味。但係店員好似比較少，座邊邊位的朋友可能會好易被忽略。要人幫手既時候就要望住佢地行過及時叫人幫手啦總體我覺得係好食亦會推介俾朋友試

其實大阪燒、御好燒、廣島燒同埋文字燒我都唔識分！上兩次去大阪旅行都無食過，反而係香港試！價錢仲要唔貴，如果唔想食呢啲大阪燒仲可以點燒肉，除咗燒肉之外，仲可以揀蒸蔬菜！朋友就係見到路過附近都好多人點蒸蔬菜，就學人點左呢一樣菜式！好彩叫左，真係必食！餐廳好貼心，為咗我哋呢啲完全對消夜零知識嘅人士提供左好詳盡嘅講解，仲有製作愈好燒嘅方法以供參考！燒肉方面，我們點了燒牛肉、豚肉、牛舌！朋友根據提供嘅資料,逐步逐步咁跟住佢哋嘅Step,慢慢製作大阪燒！成品都唔錯，幾好味，個樣都似模似樣！唯一有問題嘅就係佢冇講解啲醬汁，所以嗰啲醬汁真係唔知邊支打邊支！最後，蒸蔬菜係最尾先至品嚐，喺食完一輪油膩同熱氣嘅嘢之後，蒸蔬菜就悄悄地完成，作為最後一道菜，簡直覺得自己健康左好多！

一直想來試DIY御喜燒,機會終於來,有人屈服,改口話來道頓掘,當然又可大顯身手選了又選,就先選肉類炒麵雜錦,炒麵比較簡單,達人煮法只要加油,秘制湯料同肉炒埋一起就完成,完全菜肉混合"一流再來是本店招牌御喜燒,呢個比較複雜,要先打混放入鐵板,做成圈形,每5分鍾鐵反一次,合共3次3次後就可加入醬料成品就完成食完咸當然要做甜,達人點了軟芝士厚燒班戟,做法不難,打好醬,放入鐵板,焗同反3次就完成,餅與軟芝士合成,簡直完美"再來梅子酒流打,達人動手美味餐就完成總結表演娛樂性高於食品味道"性價比高,不算貴,可來試多幾款

話說尖沙咀有一間專門食大阪燒、廣島燒同文字燒嘅專門店一直人潮湧湧，小妹次次去親都要等到天荒地老流連在摩天輪，所以好多時都放棄，依家終於開咗幾間分店疏導吓啲人，唔使等咁耐，小妹終於食到啦！小妹對於黏笠笠嘅飯冇乜興趣，所以放棄咗文字燒，大阪燒又冇乜特別，反而覺得廣島燒比較討好，多菜，有啲豚肉同炒麵，所以就叫咗一個廣島燒（＄９８），小妹同朋友兩個人分享一個廣島燒，感覺都幾飽，所以＄９８一個真係好抵！由於呢度係自己整，所以你可以跟餐廳嘅專業指引整，亦可以憑感覺自己ＤＩＹ。小妹識食唔識整，就惟有叫店員示範，而店員亦好Ｎｉｃｅ，非常樂意效勞，呢點值得讚呀！以下菬嚟有店員親身示範完整嘅製作廣島燒過程，大家快啲參考吓學整喇！首先就係用粉漿整個底，要剩番粉漿備用，千祈唔好落晒。然後放上乾海鮮餅、蔥等材料喺個粉漿上面。再放上椰菜同豚肉，疊高。之後淋上一層粉漿。然後就係考大家臂力同智力嘅時間… …將成舊嘢反轉嚟燒，底變面。反轉之後就塑好個形。塑好個形之後就炒麵，記得要淋上店內秘製甜醬油。炒完麵之後就將啲麵放上個燒上面。之後就煎蛋餅。煎好之後就放喺啲麵上面，一層一層咁，愈疊愈高。再淋上醬汁同加啲沙律醬就大功告

其實我來到這間接近港鐵「荃灣西站」，「大壩街」「荃灣廣場」三樓的日本鐵板燒餐廳「道頓堀御好燒專門店」的過程，加上我曾經在電視機裡面看過某個廣告，我就立刻豁然明白。我很討厭有些人，喜歡拿別人的不幸和傷痛身上借題發揮，在別人的傷口上灑鹽。例如某個手機電話用品專門店，曾經在電視臺上賣廣告，拿美國某個惟恐天下不亂的人做主角賣廣告。自從我在電視廣告時間，不幸看過一眼之後，我發誓以後不會再給自己機會，看到不應該看到的東西，我現在已經完全沒有看電視臺的新聞報道了，所以我從「荃灣西站」出來找食店，過程比想像中麻煩。我把那間餐廳徹底忘記了之後，我把想光顧的食店目標，轉往「荃灣廣場」另一間日本菜餐廳「道頓堀御好燒」身上。「道頓堀御好燒」顧名思義，即是以日本不同地道風格為主的燒薄餅，「御好燒」給我的感覺就好像是日本各大地方，不同風格的手製薄餅的統稱。御好燒就好像「廣島燒」一樣，都是一個圓形平底的薄餅美食。「道頓堀御好燒」另一款薄餅美食，就是令我看中的「文字燒」。我第一次發現「文字燒」，是在坊間的一些旅遊天書裡面，給我無意中發現到的。我最初看過旅遊天書的圖片後還以為，「文字燒」真的好像食品如其名的奇怪食品，造

同屋企人行完年宵到咗附近嘅荃灣廣場覓食，點知就比門口呢隻大大隻嘅狸貓同道頓堀三個字吸引住～鬼叫我係崇日L咩。喺玻璃窗見到個個喺度炒下炒下咁，原來係一間以鐵板DIY作賣點既餐廳。喺月島食過同類型既餐廳，當然要比較下一入座店員都好貼心咁問我地要唔要圍裙，同提醒小心鐵板高溫可達190度。價錢方面以okonomiyaki黎講，因為要飄洋過海既關係，比日本大約貴三到五成。食物種類都算多，除咗御好燒仲有炒飯炒麵甚至班戟，全部都係要DIY，但如果真係唔識整餐牌上亦有寫可以請職員幫手最後我哋四個人點左三個：- 富士山御好燒 $118- 奄列蛋包炒麵 $78- 道頓堀蒜香炒飯 $68枱側有教學可以參考唔同款式既煮法，唔怕唔識整。另外仲有油同調味料（鰹魚粉、海苔粉、蛋黃醬、日本醬油、御好燒醬汁），俾客人自行調配心水既味道。富士山御好燒因為大家都肚餓既關係，唔記得影低碗富士山。煮法其實都好簡單，炒熟擺面既材料，再落椰菜炒，最後再落蛋漿兜勻，每邊煎幾分鐘。肉片得幾片，肉片肥肉比例偏多，反而蝦、八爪魚幾多幾大粒，八爪魚切粒大小剛好，有咬口，好彈牙。順序落埋調味：御好燒醬汁>>>蛋黃醬&#

最近要同男朋友練下d廚藝🙉或者係佢要訓練下我d廚藝🙈🙈所以就揀咗呢間可以自己玩大阪燒嘅餐廳😚😚好多時我都幾中意食日本既大板燒😛又可以食到d椰菜 個大阪燒既sauce同先係精華！！好好味架🤤🤤 所以今日叫咗一個黑椒豚肉大阪燒同埋一個至尊御好燒🤗🤗一人負責燒一個🙆yeahhhh餐廳限時90分鐘 逐個逐個黎燒都夠時間嘅😛我負責燒大阪燒 男朋友就御好燒🤗原來大阪燒簡單好多㗎🙊🙊係咁等三個5mins就得🙉😂😂 御好燒就多steps d😛 但我地兩個都整得好靚 味道相當好😙😝個大阪燒配嗰個大阪sauce 再落咗好多沙律醬海苔粉 少少鰹魚粉 超好食喔😚😚御好燒就第一次食😯我覺得每一下都似d mini size既椰菜餅🤔🤔都幾得意既😂 不過都係中意大阪燒多d☺️☺️分量就冇日本嗰啲咁大份 本來想叫多個泡菜魷魚自己燒 不過食御好燒嗰陣啲配料魷魚 都幾老下🙉🙉所以我哋就無叫啦🙈 下次黎一於試炒麵既御好燒🤓 好好玩喔😙😙但價錢佢都幾賺架🤓 玩一兩次過左癮就算lu😙