邊澗鐵板燒日本料理 (已結業)

重係舊公司工作既時候,搵食當然係灣仔由會展行到去駱克道,搵到呢間食鐵板燒的店,當然LUNCH來講有大量唔同既選擇一上到去寫住會員內進,心諗唔係掛,之後服務員叫我入去,個心先定一定LUNCH SET最平$108有得食,最貴2百幾呢我就簡左屬中價位既手握壽司,生蠔定食$168,因為有生蠔心想未試過配埋壽司定食度再加上得呢款連埋烏冬,好似幾抵食手握壽司有8件加2件玉子,三文魚腩,海膽,帶子係比較濃味的,其中以海膽最為出色,濃郁CREAMY,新鮮甜美,壽司飯少少酸,份量剛剛好無太大舊,VERY GOOD,三文魚腩口感帶爽彈因為是腩位,油脂豐富,帶子鮮甜肉嫩,亦有番咁上下件頭其他既壽司味道無咩大亮點,吞拿魚味道不夠濃,但絕對不是擦子膠呢個就係生蠔,什麼,我以為係一隻隻有殼個隻.咁呢個就係用酸汁/醋類來做,清酸開胃,生蠔十分爽脆,蠔味就不算濃,當然如果唔太濃既蠔就係要適當既汁來調味,呢度既都唔錯烏冬就係木魚湯的,烏冬幾滑,但稔左少少,木魚味中等,咸甜適中,連埋蔥和紫菜食,都叫做幾滿足既,剛剛好填飽你仲有前菜,蒸蛋同埋沙律蒸蛋十分滑溜,帶一點菇和海鮮既風味,沙律就係普通蔬菜加柚子醋,蓮藕就係甜甜的,

那天公司同事出晒去做野，自己一人好想吃D好野，見到一間叫 "邊澗" 的日本料理，好吾去邊間，就去 "邊澗" 。其實間店不太平宜，一個人午餐都要$100~$2XX的，本來想縮沙，但既然入左去，算啦。叫在個日式炒飯套餐。有煎餃子、麵豉湯、雜錦刺身（2件三文魚、2件油魽魚）、日式炒飯，還有甜品（咖啡奶凍）。煎餃子：變在炸餃子，好硬！麵豉湯：好咸、好希、好水！雜錦刺身（2件三文魚，2件油魽魚）：都OK既，都新鮮既。日式炒飯：等在好耐，都明既，要等多D人一齊炒，不過都很好吃，很干身，加左些咸魚干，更覺香口。甜品（咖啡奶凍）：很香很滑，不太甜。都不錯。價錢唔係平，味道又OK，下次和多幾個同事食鐵板燒先。

又到中午食飯,約左個客食飯,近近地又唔錯嘅就有呢間日本料理,佢食係食日式鐵板燒~可能係上樓嘅關係所以唔會好多人排隊,內部裝修除左可以住bar台睇師父表演之外, 都有普通餐桌,都坐得幾舒服架~中午時段會有好多唔同嘅set lunch可以選擇~鵝肝和牛生蠔等等都會有套餐,選擇都好多架~我鐘意食魚所以今次嗌左個銀鱈魚定食, 前菜有沙律同日式蒸蛋, 蒸蛋好滑而且足料,入面有冬菇魚蛋白果仲有好大舊嘅雞肉~之後就係MAIN DISH, 銀鱈魚燒得剛剛好,有魚汁,唔會腥,都唔錯.唔算好貴而且又多菜式選擇,可以再encore!不過如果係有D水準我諗晚餐都唔會好平~

邊澗這間鐵板燒名字很特別，就在未出發去吃前鬧出了個小笑話...事源有同事生日所以去這裡吃餐好的，於差不多午飯時候，坐在我附近的同事開始問今日下午去哪兒吃。F同事問：今日食邊間呀？P同事: 邊澗（間）我： 之後有個同事send過出黎可以去睇（伸手去開電話望）P同事: 邊澗（間）...我：（望完）哦！邊澗！P同事:.................我咪講左囉！！就是這樣，我們於午飯時候一同出發去邊"間"了 這裡的餐不算便宜，一個午餐要百多﹑二百元，不過一個套餐包括沙律﹑前菜﹑蒸蛋﹑主菜跟甜點，是一個又圓滿又令人滿足的一餐吧。沙律跟前菜及麵豉湯就是醋沙律跟麵豉湯，沒什麼特別，旁邊是分不出是什麼炸魚前菜。日式蒸蛋我挺愛吃蒸蛋的，一個餐有了它會更加圓滿，而且這個蒸得挺滑。銀雪魚併鵝肝近來出外吃飯，銀雪魚比以前少見了，這次午餐有得選擇，當然不放過。一邊是表面煎得金黃香脆的銀雪魚，另一邊是同樣是表面煎了的鵝肝，兩個均是十分香口，不過略嫌鵝肝味道不太濃，沒有那種能細味的味道。甜品是奶凍，就是甜甜的，普通的。價錢有點點兒貴，整體來說還可以吧~

早前小麗約我中午來這餐廰試菜(她真是一位日本痴 每次都帶我吃日本菜。她一貫作風是先試lunch。若覺得OK才放心訂晚膳,其實炮台口早已對準了這兒的鐵板燒晚餐,因為晚餐才能試到餐廳及師父真正的水準及功力)我倆訂了12:40,上到來已全場九成爆滿!看看餐牌,價錢也不算平哦?但依然爆哂場,總有原因才會有麼多人捧場吧!小麗點了一個$388的商務二人餐。主菜有什錦二人刺身、鐵板燒鹅肝併美國薄燒牛肉、炸物、炒飯、蛽湯蒸疍等…今天雖然是坐了卡位未能靠近欣賞師父手勢,但放眼望去有一位戴眼鏡的師父不停地出餐,而另有一師父在旁幫忙排碟及炒飯。先來行貨三宝什菜沙律(算Ok脆啦),前菜炒牛蒡(甜甜地,開胃)蒸蛋(比例OK,都幾滑但香菇味蛋味不夠)主菜二人刺身三文魚油分足,夠厚身。甜蝦OK、吞拿魚赤身亦很好,天然的“啡紅色”從肉色方面已能分辯到級數,這片赤身~柔軟的口感濃厚油香…正!!若能以碎冰座底相信食味、效果便會更好,油香便完全充份散發。跟住來了炸物(似是炸腐皮包着明太子蝦膠,幾得意,但分量少。)鐡板燒主菜鹅肝併薄燒牛肉~伴着竹葉及插上一根紫色細花,賣相十足。鹅肝煎得幾好 外脆內軟佮到好處,油香濃滲入香

三日之內第二次到邊澗晚飯， 就是因為回味無窮！！ 坐在二樓VIP房中， 欣賞窗外駱克道沿街酒吧的春光，加上滿枱日夲美食， 良朋歡敍， 夫復何求！！臨街的VlP房， 亦只此一間，當然要預訂了。 坐上十人也覺寬敞， 有私房日本菜的感覺， 而事頭婆據悉以前以攪私房菜而聞名。先說酒： 炎炎夏夜，先來小杯冰鎮花彫如何？ 我第一次喝凍花彫， 凉凉的清甜直透全身， 驚為天酒，比Sake及白酒都清香， 甜味比暖花彫更收歛。老妻不喝酒， 也來小呷， 確是中日fusion的好開始。刺身拚盤包羅萬有。 記得的有肥厚toro及三文魚， 淡香幼滑的海膽 ，鮮美的象拔蚌， 清鮮的鯛魚等等。 配上冰鎮花彫， 實是最佳頭盤。最為難忘當是銀雪魚了！ 肥滑的銀雪魚很多餐館都有， 但肥滑而有鮮美魚味的銀雪魚就很少有了。 我吃魚多年， 未嘗過這般鮮美香滑的銀雪魚， 一絕也。再加上兩種煮法 : 香芒焗、 更為香甜惹味；什菌加蛋白舖面焗、 甚有特色與獨特口感。另一款特色菜是鵝肝蛋捲。 12層煎香的蛋，捲着一小塊鵝肝。 咬下去、香軟中包含着香滑， 口感豐富。蛋香與肝香又有不同， 真是滋味無窮。更來煎鵝肝，外脆內滑，香軟無比。放在脆

早兩天男友的舊工作伙伴來了香港旅遊,晚上帶了他們到洋人雲集酒吧林立的灣仔前,先到了邊澗一試香港的鐡板燒,原先叫了兩份和牛二人餐,有大虾,銀雪魚、炒蛽及A4和牛薄燒等相當豐富。但他們不太好魚類,便轉了一個較便宜但有齊和食及鐡板燒蠔、牛柳及和風帶子等的二人餐。見到師父年紀都不算太大但動作柔軟暢順,手勢熟練非常,而且臉上常掛着微笑,給人一個很熱心厨道的印像。他先煎好鐵板燒蠔給他們,佐料有煙肉虾干仔辡蒜,一看便知香口無比,而我們餐的大虾超大隻'是約十吋的虎虾(不過大虎虾肉質普遍較實要煮得好食其實並不容易,真的要考師父火喉功力。)師父先煎香虾頭再取虾膏留待做汁,上碟擺設精美見心思極具立體感,牛油虾膏汁超香濃虎虾肉質八成熟剛剛好,夠哂火喉外面焦香內爽脆。一流!!難怪男友讚口不絕!!Very yammi !!而師父亦很細心問我們能食得辡嗎?因為炒蜆會加辡蒜同炒所以先問及我們口味!(所以話:要分師父好與壞,在乎溝通與關懷。)這顿晚餐我們四人都十分滿意!尤其是男友~他整晚說我真的好介紹!明智選擇等,我跟他試過多間鐡板燒中名店如千登世、和三昩、海賀、松荾等都從未見他如此稱讚過一位師父,如此激動過!

再臨邊澗日本料理，吃了一客天婦羅刺身定食。前菜是一小塊魚塊，伴以洋葱及白醋調味，開胃特別。野菜沙律普通。溫泉蛋烹煮時間稍長一點，流心度不足，幸好蛋白外層仍挺滑。麵豉湯普通。主食有雜錦天婦羅、雜錦刺身及金菇牛肉卷。雜錦天婦羅炸得夠脆不油膩，漿粉外層夠薄，水準不俗。雜錦刺身只有三文魚及鯛魚兩款，厚切備上，夠新鮮。三文魚肉厚肥美，鯛魚口感結實爽口。金菇牛肉卷卷物本身有一定水準，奈何醬汁過鹹。甜品朱古力奶凍細滑質感仍在，OK。

週五午膳想試新菜，於Openrice選定網評不俗的邊澗鐵板燒日本料理。因沒有預先訂枱的關係，所以沒有得坐鐵板燒吧枱，實在有點可惜，要知道欣賞鐵板燒師傅的舉手投足亦是一樂事也！坐於普通用餐區，餐桌偏小，與比鄰相距甚近，環境評分難以優良。為了一次過可試店中不同菜式的手勢，順理成章選了什麼都有的「特選商務二人前」。在未選定菜單前，店員已放下三小碟前菜小食，分別是雜菜沙律、凍杏仁豆腐及蒸蛋。雜菜沙律簡單以生菜、車厘茄、粟米粒等作食材，味道無甚特別。凍杏仁豆腐面上有數棵三文魚子作點綴，並沾上少許日式芥末作調味。豆腐本身不算很滑，但杏仁味道頗香。蒸蛋吃的同樣是那份細滑質感，水準不俗。吃過「必食三寶」，接下來的開始是我們點選的美食。首先來的是蟹籽沙律，因剛剛才吃過雜菜沙律，感覺少不免有點重覆。蟹籽沙律食材同樣簡單，以蟹柳絲伴上青瓜絲，再加上點點蟹籽便成。相較之下，蟹柳味幾突出，蟹籽則顯得可有可無喇！精選什錦刺身是另一冷盤，刺身款式有三文魚、吞拿魚、甜蝦及赤貝各兩小件，份量不多。論整體賣相，確實有相當改進空間。論味道，各式刺身皆幾新鮮甜美。熱盤方面，有法國鵝肝作小食。鵝肝內裡幾滑，但外層稍稍不夠脆，倘

今日又係唔知食咩好係條街到行,之後經過邊澗就諗起好耐都冇食過日本嘢,所以就走左上去見到佢地多左個鐵板祭既餐牌好似好ok咁就叫左個鮑魚薄燒牛肉餐試下,初初諗住百幾蚊唔會好多點知黎到個份量都ok,而且仲有成2隻鮑魚真係好低食味道仲唔錯又唔會好韌good^^b個牛肉又煮得岩岩好真係好好味,食晒成個餐之後都好飽跟住個侍應仲問我要唔要試下個特製甜品咩鐵板香蕉,我見好似好得意咁就話好啦(因為未試過),初初諗住會好甜點知又唔係食落外脆內軟口感好特別,今日呢個午餐真係唔錯下次一定要試埋其他個2個鐵板祭既餐

因為友人生,所以我地就去左呢間度試下~唔會因為日本發生左事就唔食魚生,我深信一定有存貨~如果有福射的話都唔會俾入口~再係咁香港遲早會冇晒日本餐廳~魚生唔算新鮮,但都唔算太差,我見到鐵板師父轉左,對上一次黎鐵板燒都好好味,價錢亦都好公道一個set dinner整體上比出面同等價錢相比既好d~同埋之前黎呢間食..發現d服務唔係咁好..今次黎..唔知係因為可能生意差左定點...感覺好過上一次好多,更有禮貌同埋照顧到客人既需要~我推薦既係一定要食鐵板燒,因為新呼呼上菜~好正,可惜等既時間比較耐左d~不過好既野食,等耐小小都冇所為啦~好過上次去北角算係出名既大x戶

mar 21, 11,2人來lunch,叫咗 : 1) 北海道魷魚定食 (hk$98)-友人揀呢個喺因為相信呢個價$$$$唔會喺日本貨,所以可以安心的叫i) 前菜-是1小片南瓜,煮得腍,味道自然,ok的ii) 蔬菜沙律-少少的份量,正常iii) 溫泉蛋-望落都唔錯的,不過味道就唔知喇 iv) 北海道魷魚-試咗友人1件,魷魚肉質有彈性,而醬汁亦緊包住每件魷魚,味道主要來由個醬汁v) 炒飯-可惜這個炒飯姗姗來遲,咁濃味嘅魷魚緊喺要等埋個飯啦-最後共催了3次先嚟到(>15分鐘),不過嗰時個魷魚都已經凍晒了-試咗友人少少,飯都炒得幾香,但食晒成碗就會油了點,所以友人都無食晒vi) 味噌湯-普通 vii) coffee mousse-都ok的,很滑,膠性亦不算重2) 冷烏冬定食 (hk$60)-這是off menu的,我喺menu上揀唔到,因嗰日我唔想食魚生,唔想食牛,胃口又不大,我想簡單d,食泠烏冬,侍應幫我問咗可以整比我,收費亦合理i-ii) 如上 iii) 蒸蛋-蛋是滑的,味道okiv) 冷烏冬-個烏冬都有彈性,只喺個豉油鹹味不夠,鮮味更不夠 v) 味噌湯-意見如上 vi) cof

因冬至關係，周圍都爆滿，見這間還有位，而之前的食評又ｏｋ，便與朋友決定一試；食物雖無驚喜，亦可接受，但服務就真的不敢恭維o我們二人於十二時去到，當時一個人也沒有，我們book了鐵板燒枱，侍應領我們坐在中央，我問我們二人可否坐旁邊位置，他們堅稱已有客人預訂該排座位，本來也算吧，但到我們差不多走的時候，那幾個位才有人入座，而他們根本不想坐那幾個位，因為他們不是吃鐵板燒的，既然這樣，為何一早不給我們坐到我們吃完時，叫了埋單，侍應忘記了，我們不趕時間，亦不催，但部長因為有客人等候，不斷望著我們，最後走過來問我們食物到齊沒有，我便駡他：我們一早已經叫了埋單，只是你的伙計忘記了，你不要用這種眼神望著我，好像我霸著你的位似的說回食物，我們二人點了兩個餐，分別有大蝦拼薄燒和厚燒西冷，另加一件鵝肝和帶子；前菜：沙律和螺 - 沙律普通，螺反而幾好；鵝肝 - 大蝦 - 帶子 - 細隻到都唔知自己食咗薄燒 - 未食過咁孤寒的薄燒，中間啲葱少得可憐厚燒 - 另一孤寒之作，無蒜片的炒飯 - 全油之選温泉蛋 - 普通蒸蛋 - 更普通甜品 - 更更普通保證是最後一餐

午餐點了二人用的鐵板燒餐 $388蒸旦 (熱) or 溫泉旦 (凍) .... 個溫泉旦都好撹笑下. 一隻半生熟旦加 鼓油水. 味道一般剌身 - 鮮. 正鵝肝 - 外脆內軟. 生熟剛好. 好漏天婦羅 - 粉好厚牛 ( 薄燒 ) - 好味. 剛熟炒飯 - sorry 已經好飽. 但印象中好味價錢唔係平. 但好大份. 味道又好.. 為起都 抵

本來今次同大客去食鐵板燒真係吳會再黎依間會去和三味因為上次真係好差好退步好失望但和三味上次食過都是一般所以比多次機會依間,一上到去諗住好似上次甘大把位點知好似第一次黎甘差吳多full晒,今次黎d人好似換晒又睇睇佢點,,一坐低有個經理行埋黎好親切介紹今日剛到嘅金目鯛,日本海胆,重有個好特別嘅日本水茄子,,我地就叫個經理安排,嘢食未黎招呼比上次好好多,合格~~等左10分鍾到啦快過上次好多,一上枱擺設好好食落去好正由其係個日本水茄子好爽好似蘋果第一次食好特別,海膽好鮮其他鱼生都好ok,,跟住試下上次淋到化嘅天婦羅,哈,又ok喎,,跟住到試下我地今次嘅重頭戲鐵板燒,,其實好怕真係好似上次甘甘差因為我個大客最想食就係鐵板燒,,我地叫了3個set,,終於黎嗱,一上枱碟大虾有一d界左花嘅菜同一朵好靚嘅花襯住好靚望到已經好想食,食落去隻虾好爽味道剛好無蓋過虾本身嘅鮮味,正,,,,,和牛入口即溶,,,正,,,其他鐵板都好好,,我覺得好奇怪短短時間好番好多,,到見到一個戴黑色帽疑似大廚嘅人煮完我地嘅嘢出黎四圍望下人客嘅食物我都覺得佢好熟口面再諗諗第一次食好似都係佢煮比我地,到佢埋黎問我地d嘢啱吳啱食我地當