部落美食 (已結業)

三餸車仔麵三個餸揀左方磚鴨血、麻辣豬耳絲同蘿蔔件 - 三個餸都好好味，鴨血好入味，麻辣豬耳絲既辣度啱啱好，豬耳絲好爽口，蘿蔔件都夠腍麵揀左紅薯闊粉 - 睇都睇到比出面既紅薯粉闊勁多，完全吸收曬湯既精華，口感咬落仲勁煙韌串燒串燒就揀左厚切牛舌、海中蝦同茄子 - 串燒上面既秘製調味粉辣得嚟勁惹味，茄子燒到好腍，可以用筷子一條條撕落嚟食，再加埋啲蔥同埋蒜無得輸，重口味之選！牛舌都唔會過韌，老闆仲話啲蝦啱啱返到叫我地一定要試，果然冇介紹錯，真係超級新鮮

前晚經過深水埗見到尼間串燒檔，佢地嘅韓式炸雞好足味，好好食，好少食到咁好味嘅。而佢地個招牌茄子好足料，食唔夠喉。仲有雞軟骨同豬串，真係燒到啱啱好，好夠味。總之佢地嘅野食真係足料，火候夠，夠味。真心推介！

聽朋友介紹本身諗住去試車仔面，但係晏咗收工好嘢已經賣晒，的確有啲失望，但驚喜在原來佢啲串燒都好正今次試到一口牛，豬肉串，茄子，牛舌，大蝦都係冇得輸嘅選擇，而重點推介個炸雞，不得了！普通韓式都可以整到外脆內juice，下次試埋個流心拉絲睇下可唔可以去到另一個層次

年三十晚 去咗深水埗一間新開嘅轉角小店 睇佢個樣平平無奇 但內有驚喜 今次我就食左佢嚟剛剛開始既晚間先有既串燒 首先嘅係茄子🍆呢條茄子好鬼死嘢味 足料又燒得香口 而家冇得返內地有一陣大陸嘅東門味道 😂 之後仲有兩隻扇貝 味道都好新鮮肉質都好彈牙 除此之外佢哋都有炸物㗎 佢哋有個炸雞同埋芝士豬扒都一樣好味到流晒口水呀 。 呢一區嘅小店來講 真係有返頭嘅機會 🤪 大家唔好成日都食連鎖店啦得閒都支持下一啲本土有心小店啦 想講個老闆都好好傾㗎如果唔係疫情嘅話應該會開到凌晨有時間就買兩罐啤酒同老闆傾吓計啦😂

MAIN DISH3-ITEM CART NOODLE  ("lo mein" style)~ Not as special to appeal on the first impression~ But the condensed sauce can increase the sensory level~ The rich sauce is freshly fried by chef everyday w/ sesame sauce, soy sauce, spice, etc. in at least 2-4hrs~ The broad red yam noodle is so chewy and matches w/ the strong sauce so well~ Wonton is also freshly made by chef w/ recipe he learnt in big resto gp>> Simple and classic>> Appropriate mouthful size to munch>> Dif

嗰日啱啱經過深水埗，少少毛毛雨，有啲肚餓，所以就揀咗一間街邊車仔麵檔頂住肚先。又真係有啲驚喜。有一味類似日式tamagoyaki。加咗少少沙律醬，有少少芥辣，幾醒胃。車仔麵有好多餸揀，10分喜歡竹筍同埋綠色嗰個龍鬚菜。從未食嗰啲菜咁爽口。麻辣略為淡。tamagoyaki 能轉用日式Mayo kewpie 必會更佳。必試推介：皮蛋鵪鶉蛋，店員話起碼準備半年。龍鬚菜，佢哋將呢啲菜切到四四方方，好似一條麵咁。呢度好線同埋好爽脆。必試

是日係人日，同時亦係久違終於可以開放番晚市嘅日子，梗係要出去慶祝吓啦。今日係深水埗做完野，順便睇下呢頭有咩新野食啦，巧遇呢個深水埗轉角嘅路邊小店，門外有木枱膠椅子坐住食串燒，係久違嘅感覺，好啦，今日就試你啦，果然無令我失望。原來平時佢中午主要係做車仔面，晚市才主打串燒。事不宜遲，介紹咗我成晚最欣賞嘅串燒先...就係1）蒜蓉燒帶子。$38 有成2 件！重點係好大粒帶子，蒜蓉味仲勁香濃，仲有少少辣，我最後連汁都食埋！我嘅第二位係2）流心拉芝韓炸雞喇$38/細份！話說老闆見我好失望無得試車仔撈面，特登推介我食呢個，老闆仲話呢個平時成日好快賣哂嫁。原來佢除咗外面有呢層芝士，入面都有拉芝嫁，雞肉仲要唔「鞋」又完全唔乾！ 我朋友都讚好食～最後有兩個並列第3名。分別係3）燒魷魚$30同蒜蓉牛油烤雜菜$13。魷魚好彈牙，味道都調教得好好。而菜菜就好特別，非常有驚喜，基本上接近無一隻菜我係有食開嘅。分別有龍鬚菜、白玉木耳、青竹荀、千菜豆腐絲等等。整體上都係比較爽口嘅菜，好奇嘅朋友可以去試下。整體都好唔錯，感覺上都好乾淨。可能新開，同事都好積極，同朋友暢聊食串燒真係好暢快。下次等我試埋佢個車仔撈面先！

早前試業期間經過以為係普通小食亭。點知第二日試過之後，認真有驚喜。老闆力推自家製麻辣韭菜鴨血，我以前旅行食過幾次麻辣鴨血，經驗上好難整得好食，一係油得滯一係辣過籠無咩味，但呢間真係掂，有辣香得嚟唔油唔算辣，有麻辣得嚟唔會遮蓋過鴨血味。重點係，我一D都唔覺得蘇，反而食到甘香的少少好似淮山咁的甘甜味。老闆話唔係中藥，係因為新鮮自家製，堅好味，兩個人嚟爭住食差唔多畀我一個人食晒。至於雞翼，就係大眾口味D，不過內有芝士，外又有芝士，成口芝士粉，我就OK啦，朋友就話超正咁就畀佢食晒。試的話一定要食佢個鴨血

經過深水埗見到呢間小店，夜晚又有串燒，就同友人叫左啲小食同串燒。估唔到，有驚喜咼！叫左兩款細炸雞，即叫即炸，熱辣辣，原味雞好食但唔特出，但係醬油好好食呀！汁沾滿每一舊雞，好惹味！炸野方面仲點左芝士豬扒，個人認為芝士味唔夠燶，所以都係炸雞好食啲串燒方面，點左扇貝，茄子，金菇肥牛卷，焗雜菜，全部都係即叫即燒，雖然可能會等耐小小，但係好食都唔緊要啦~扇貝同茄子應該係同一醬汁，酸酸甜甜仲有小小辣，有大陸串燒既味道其他兩款燒烤都好食，但就無頭先講的咁惹味。見到佢餐牌好似好推介車仔麵，今次無試到，下次經過一定會試埋！

新年期間好多餐廳都無開，又唔想食啲連鎖餐廳，行下行下發現左呢間新開嘅小店，見到門口都好多人排隊，價錢又幾抵，一於就決定試下。帆立貝串燒叫左兩隻味，芝士味幾香，就算我唔太鍾意食芝士我都覺得幾好食，不過我覺得蒜蓉味好食啲，襯到個鮮味出嚟。茄子我就唔食，但男朋友就話茄子好好食，好入味，個汁好香好惹味，連啲皮都可以食埋，佢話下次要encore茄子冬菇咬落去有啲汁爆出嚟，都幾清甜幾好食，粒粒都好大粒，食左一粒都覺得滯滯地司華力腸就正常不過不失啦，不過欣賞嘅係切左好多花刀所以都好入味，但我覺得落得太過多調味粉，咸左少少，不過呢啲個個口味唔同最後係個撈寬粉，我地兩個一致認為超級好食！！！個汁好香，有你地自己特色香味之餘又無比個辣味搶左風頭，成個味道好平衡，不過第一次食驚好辣就叫左小辣，覺得下次叫中辣會更加香，配埋寬粉食啲精華比個寬粉吸晒，係一個好完美嘅搭配，同埋雖然望落去啲粉好少，食落就知原來都好滯，所以下次可能會試下叫米線。配菜方面雞腸好食，爽口彈牙，又係吸到個汁嘅香味，同埋寬粉夾埋一齊食兩種口感又出奇地好襯，牛腱都唔錯，夠淋，不過覺得細舊左少少，夾起嚟食覺得散修修咁，但麻辣味都幾香。個黃金小皮蛋

新年要搵嘢食確實好難，仲要喺深水埗搵一間好食嘅舖頭就更加難。所以今日特意來到深水埗去發掘美食。今日叫咗一個抗疫套餐，兩個人份量剛剛好， 而且新鮮炸出來的食物香味十足。而且老闆用心，擺上來的食物醬汁非常配搭，因為中午去嘅原因冇辦法食到佢嘅串燒，希望下一次去嘅時候可以試吓佢嘅串燒。講返今次嘅食物，炸雞及雞鎚外脆內軟醬汁配搭非常好，餃子新鮮熱辣，入邊肉汁豐富。薯角新鮮滾熱辣，非常好食。蛋捲配合芝士味道非常夾。如果有蛋黃醬更加好。抗疫套餐配上飲品。

門店都算容易搵，認住燈色部落美食招牌同個QR code 喇。撈麵醬汁算係微辣，好有風味，唔會覺得好油，反而有種爽口既感覺。流心芝士蛋捲絕對要試，芝士味好香濃。建議兩人或以上先叫黎食，因為食完都幾飽ga.流心芝士豬扒，外脆內軟。豬扒肉真係好嫩滑，好似魚柳甘軟身。

意外發現一間位於深水埗的這間小食店原本只是希望吃碗車仔麵沒有想過一碗車仔麵也可以有這麼多的心血我個人比較喜歡清淡，本來對車仔麵沒有什麼特別的期望，以為都是咖喱魚蛋、豬皮、牛腩，當我看見餐牌的時候，便發現一款很特別名為白玉木耳配料，非常好奇，再加上其他配菜千葉豆腐絲、腩肉、淮山粉絲，湯底選了小銀魚清湯底，便下單了，價錢非常經濟實惠，只需港幣38。另外加了一個小食，芝士雞蛋捲，只需港幣25。其實這樣的價錢，正正常常我已很滿足，入口就發現很不同。白玉木耳是比普通木耳更嫩滑可口，千葉豆腐絲非常有口感，淮山粉絲非常軟及滑，適合剛剛看了牙醫的我，腩肉就正常的。芝士雞蛋捲除了蛋有蛋味，芝士有芝士味外😂芝士是流出來的，蛋有芥末及類似沙律的味道，蛋上的醬汁並不是章魚燒的醬汁而是一款酸酸果味的醬，我也不太清楚。朋友叫了流心芝士炸雞，無論外表及味道都非常吸引。邊食邊疑惑，剛遇上老闆在廚房行出來，他很熱情的向我介紹他採用的食材，原來這碗清湯亦不簡單，是韓國海延魚製造而成，用的是高湯而不是市面上的上湯，沒有味精。至於蛋的醬汁原來是用上小紅莓利賓納來做的，蛋夾了的芝士亦用上了沙律醬及雜果，非常有創意。原來老闆是非

小店用心研製湯料、煮法。尊重做好，聆聽改進。芝士蛋卷有驚喜，醬汁令人意想不到。淮山麵湯底配鵪鶉蛋、荀，還有大塊牛肉！所有配料也好吸引。和朋友們細心品嚐，真的好欣賞。

踏入春節，天氣卻如深冬，今日本來去深水埗整車，點知如本間車行，已經變左做今次食評的主角「部落美食」。。。橫點黎到，就食埋個晏價錢而言：$30起已經有三餸面以及台式飯。飲料：目前只有汽水小食：炸野為主，都係芝士流心配搭好！入正題！天氣凍加上開完車，想食暖野，就試左店主力推的撈面醬，三餸選左麻辣豬大腸、腩肉以及。。。黃金小皮蛋　（小弟見識少唔知咩黎）小食叫左芝心豬扒以及芝心炸雞翼（有大—４隻有小—２隻）。即叫即炸，預10分鐘左右。面的賣相唔太特別，但真心好鬼香！老闆話撈醬係每日自己炒，人手炒2-4粒鐘先起到貨，材料有麻醬、生抽以及辣醬，普通野但係用心做；加上我係點左寬薯粉，超索味！！！！配菜全部都好入味，車仔面嘅野，就唔特別講。黃金小皮蛋，細細粒，一啪即爆漿，同傳統皮蛋口感差唔多，但係就無咁腥。（好奇寶寶可以一試）芝心豬扒以及芝心雞翼，唔係話好特別，但係即叫即整即炸，切開仲係流心，呢下堅係有誠意。搞埋晒先$106，絕對抵玩，下次經過一定再黎。