金凱鮮庭 (已結業)

我真見到賣到48/碟,莫非我眼花?

1.六點鐘已到所以有位2.叫左一隻加菲蟹一隻麵包蟹自己覺得加菲好味d 肉好鮮甜好正3.翡翠螺好爽好鮮我地上星期吃仲係38蚊喎點解 有一位朋友話48 ? 唔通加左價?4.龍蝦麻麻d肉鞋而實不及酒樓煮的好吃5.螺湯好鮮甜好好味無乜味精總括來講95分平靚正

真喺人怕出名,豬怕肥。6月22日晚2人來,訂位時已感到幾爆吓,果然。叫咗:1) 加拿大蟹($188)-有好幾款蟹,eg麵包蟹,加菲蟹,潮式紅花蟹,長腳蟹,水晶蟹...-本已想好咗叫麵包蟹,只是等友人到才落單,點知這個時候,旁邊枱的女食客問老闆娘麵包蟹是否唔當\"灶\"。嘩,緊喺望1望啦。從對答中知道要食到紅色的蟹羔,就要到9月中後最佳-之後選咗未食過的加拿大蟹-蟹肉好實,又多,蟹腳位都粗,仲有肉,鮮甜-羔唔多,就算有,都是啡色嗰種,帶自然海水鹹香味-唔錯,友人滿意,仲話下次再食過2) 翡翠螺($48)-6隻,好似比網友說的$38加咗價-但每隻幾大,螺肉肥大,爽,普通鮮啦-都食得過3) 鮑魚花膠燉雞湯-可供3小碗-第1碗端出來,湯面就多咗d雞油,是清湯類型-好清甜,鮑魚煲到好腍-good4) 蒜蓉蒸蟶子皇+伊麵-有2隻大的蟶子,幾長身,帶d蒜蓉同蔥花-唯一唔好喺唔夠熱同伊麵質素好1般-地方好細,以現在的客量,真是枱貼枱-海鮮質素有番咁上下,貨真價實,算抵食-服務好有耐性(問咗不同蟹之特色),又快

有朋自西貢來，突發奇想不如在家開餐食海鮮，兩個人叫了外賣，十一時多有人接電話，十二時十五分就應我們要求送來了，效率不錯。蒜蓉蒸龍躉球(跟餐的):由於沒有天使麵，只好跟白飯。但魚塊肉厚，加上蒜蓉汁，白飯都快速被消滅。這個餐還附送椰子煲雞湯，很惹味。芝士牛油煙肉焗龍蝦：這個每人有半隻，但覺得芝士牛油煙肉都欠奉，原本想象這個該有頗濃的味道，變成清清爽爽的感覺。法國麵包蟹：原本想叫＄108的，但店方說已賣完，就要了＄168的，送來的又不是很大SIZE，直覺認為不值。但蟹都算合格，朋友只試了一小塊。晚上才研究一下那個蟹蓋，發現差不多全個蟹蓋都佈滿蟹膏，味道還是非常鮮香濃郁，用T 的說法，那種鹹味是發自原味，不是調味料的鹹。(在家吃除了叫店方斬件外，還需自備蟹鉗)想試燉花膠湯，但店方說要下午四時許才會有。這個午餐雖然未盡人意，但相信朋友也不會介意。美食當前，摯友相伴，但願留住這一刻！

朋友上次請食晚飯，個個食到讚不絶口，無他o既，食物質素高，價錢抵。翡翠螺，我估門巿全城最平，$38/8隻加拿大蟹、麵包蟹等，$128~168，視乎size大中小不等乾手淨腳，去邊到搵呀!略嫌餐酒少選擇及貴了一點，若有平價酒買會更好。慳少少酒錢，食多一隻蟹好過。

十二人黎食lunch....爭D逼爆間舖....叫左8個set...加兩隻麵包蟹& 一份翡翠螺.....set大約$36-$48....可揀angel hair...飯...意粉或伊麵....本人覺得配意粉類好D....有龍蝦仔...扇貝...蟶子...蒜蓉蝦...石班塊....龍疐塊等等...個人比較喜歡龍蝦仔...口感好D...而且加芝士焗...比起其他蒸類可口....麵包蟹一隻特價$108....涷食超正.....每人分得一舊仔極度唔夠喉...已相約另一同事下次兩個人黎拆一隻....驚喜既係翡翠螺....好味....一份8隻$38....埋單$6XX....都算抵食....不過個set 係唔跟野飲架.....P.S. 下次都會試食加菲蟹....

除夕夜他帶我黎呢度食晚飯,呢度地方比較細,全店只得四張枱,食食下又有人黎,老闆放左兩張枱係門口比人食野,地方較迫,不過食物唔錯呀~要左:加拿大肉crab : 凍食的,第一次咁食,肉好鮮甜~ 一客芝士牛油焗生蠔: ok,不過隻蠔有少少苦味呢芝士牛油焗蝦伴雜菜: 蝦好味,d雜菜就麻麻,好似無乜味~ 蟶子伊面:蟶子好味~~ 會再黎食佢既crab,真係唔錯~!

25/11(六) 2:30pm做妥手頭上工作後,與同事一行3人特意到此店試試.甫入店子,被安排坐唯一的4人臺,小店內只能容納數張小桌子,幸好此時段食客不多,環境尚算企理乾淨.3位女子點了蒜蓉蒸蟶子配伊麵$38,蒜蓉蒸龍躉球配什菜$48,芝士牛油煙肉焗龍蝦配伊麵$42,加拿大翡翠螺$38八隻.蒜蓉蒸蟶子配伊麵--2隻體型嬌小的蟶子蒸至稍為過火,質地偏韌,幸好尚算鮮甜,伊麵麵身談不上彈牙,配上蠔油芡汁沒大驚喜!蒜蓉蒸龍躉球配什菜--龍躉球實情是龍躉腩,分別在於球是無骨,清蒸後灑上蔥蒜,做法簡單卻能帶出魚的鮮香,肉質嫩滑得很,作配菜的西蘭花及椰菜花份量毫不吝嗇,亦屬爽脆,因醬汁沒甚花巧,味道一般.芝士牛油煙肉焗龍蝦配伊麵--龍蝦同樣是2小隻,龍蝦肉無疑是新鮮爽口,遺憾是芝士牛油味不太濃郁,令其打了折扣.加拿大翡翠螺--8大隻翡翠螺極之新鮮,肉質彈牙鮮甜,比酒店質素更高!小店服務總是比較親切,此店的老闆娘亦不例外.3人除開每人$56,屬中價位,但勝在海鮮夠鮮,可以為海鮮捲土重來!

上個禮拜有晚放工同媽仔食飯, 佢突然話想去試吓喎(之前同佢提過)本打算坐低食，但可惜地方太細兼冇晒位，所以就索性買外賣返屋企慢慢嘆. 多數海鮮已整熟放係雪櫃凍食，而我地只係買咗３樣嘢咋,如下：~ 法冷西麵包蟹＜－－－主打重點呢類蟹有３種size(每隻價錢168/148/108). 我地揀咗最大果種, 嘻~真係冇吹水，成隻蟹ｄ膏同肉係多到呢．．．．．一個人係食唔晒架～～！！！佢地會幫我地斬件方便食，好好service．講返隻蟹先，咪講笑，d 蟹膏真係超多頂晒角，有實膏同爛膏. 果種蟹膏味我唔識形容，但同平時食開ｄ膏蟹／大閘蟹既膏係唔同架，確係甜ｄ架喎！！！！仲有呀，個蟹蓋底部有勁多蛋白質既物體好香滑（有ｄ似食蛋白咁）但係係好有海鮮味嘅蛋白囉，超甜呀．不過估唔到原來食蟹鉗先係最麻煩（個殼太硬，一定咬唔爛）由於我屋冇架生夾爆佢，只能慢慢用大閘蟹筷子撩ｄ肉出黎食，難處係仲要隔住果個三角位去撩，少ｄ耐性都唔得．嗱～如果覺得$168/隻太貴，可以試下細隻ｄ先($108/隻) 兩個人食一隻都得架喇~ 南非龍蝦仔（$88／隻）＜－－－諗住試吓由於冇晒特大瀨尿蝦，　見佢平平地就買咗一隻試吓，　諗住一人一

10月14日一行8人到達，一眼睇到間舖咁細，都幾驚座o吾落，(因為我地已經坐左佢大半間舖，多個都坐o吾到)一坐底叫了水晶蟹，龍蝦，翡翠螺，聖子，龍躉麵同龍蝦麵，全部都十分好味，下次一定要去再食過。正!

4/10/06 第二次去吃, 好彩有訂位. 不然等20分鐘左右吧.今次吃了面飽蟹, 三隻瀨尿蝦, 二份螺,1份聖子,2CUP 白酒, 很好吃.

三典幾行過買咗隻蟹返Office夜Ｄ食。蚊型舖，12個位。有班OL喺度食蟹食螺忍Sake，有兩個考似貓咗。。。 賣咗法國麵包蟹- 大$168，抵！抵！抵！Ｄ肉考實考田，電！Ｄ膏多到室滿咗個蓋！考甘香考實，兩個人分一隻食到滯咗！下次食加拿大肉蟹！

1/10/06 國慶, 約了朋友去吃海鮮, 之前在剪髮看到這食市, 很細的, 只可坐10多人, 不過有很多海鮮在雪櫃中, 而且圖片中的蟹很多羔. 便約朋友去.叫了: 睡覺蟹1隻, 一個晚餐(一隻2吋鮑魚,半隻龍蝦),瀨尿蝦1隻, 1份扇背(三隻), 1份聖子皇(4隻),1份龍等面,1碟什菜.1支白酒.不多說, 很好味的海鮮.($670) 服務不太夠, 因只有二人在外.收碟,出餸.但很有心.有誠意.除了菜不太好, 其他都有水準.睡覺蟹是超水準.而且我聽到店主說, 開了龍蝦不正, 給他們其他食物,哪隻龍蝦原本標售$400.00 不收錢.....我會再去, 而且今次吃不了螺. 下次要再吃睡覺蟹同螺....

放心,唔係爆粗...我地呢D斯文人嘛...有正o野同大家分享.一間小店,賣的是海鮮和洋酒. 舖面不大,只得四張桌子-兩張兩人,四人及六人則各一. 有心捧場堂食的,要有心理準備等位.凍櫃裏展覽著各式海鮮,主打的有蟹,龍蝦及翡翠螺. 蟹的款式最多,有加拿大蟹,法國麵包蟹,以及外型奇特的加菲蟹等等.點了三菜一湯,魚蝦蟹叫齊:先上來的是麵包蟹凍食,總覺得這是最棒的吃蟹方法,因為最能突出蟹本身的鮮味. $108一隻小號的,但兩人吃份量已經挺夠. 蟹膏多,近蟹爪部位的更加香滑,而蟹肉是一梳梳的,又夠飽滿,吃得我滿足非常.龍躉是夜缺貨,改點了碧綠東星班球,六件大大塊的班肉,以蔥花豉汁清蒸,肉身厚而爽,有魚味,才$78.再下來一道西式煮法的,就來點較重口味的吧. 原隻小龍蝦及元貝以芝士牛油煙肉焗製,芳香撲鼻,龍蝦肉與元貝肉身爽口彈牙,非一般木木獨獨的大路貨可比. 價錢之便宜更是教人難以置信:$48. 燉湯是北菇燉花膠,料足味濃,夠火喉也,$38絕對物有所值.一頓飯下來,兩個字:"鮮"和"抵". 而且飯後不會口渴,無味精. 用膳期間,不斷見有人來拿外賣,應該多是住在附近的街坊,實在是有口福之至.