金城餐廳 (已搬遷) 新店位置

看到食家們提及此店有道龍躉炒河食, 好奇的我今日到此一遊呢碟龍躉炒河, 有點比預期失望, "龍躉"肉不多, 仲好碎, 相中的一件係比較大件的一件了, 都係最好食的一件! 雖然魚肉係幾甜美, 但係七十幾蚊一碟唔算好抵食, 這是一間茶餐廳而已, 不是大酒樓, 收得呢個價錢期望會食到多些份量的龍躉呢..凍檸茶味道都普通, 茶味淡, 似乎有點期望過高了

己經第三次來這兒食下午茶了, 前兩次的經驗都頗好, 可惜今天點了的熱狗及熱奶茶實在很不滿意, 令人失望. 1. 熱狗 ($19配飲品) - 熱狗的麵包並不是選用熱狗包, 只用了鹹豬仔包, 打開豬仔包, 只有一條普通的腸仔切成兩半, 腸仔下有2片水汪汪的蕃茄, 蕃茄的出水情況頗嚴重, 包也有點兒浸濕了. 而且, 熱狗只是拌最普通不過的奇妙醬, 沒有下茄汁及芥辣醬. 這個熱狗用料求其, 完全不正宗, 有點被騙的感覺. 個人覺得, 這客名為 "熱狗" 應該要改稱為 "腸仔包", 而且, 應改用肉茄, 以減少蕃茄出水情況. 若一定要選用水茄, 就應先將蕃茄去籽及吸除多餘水份, 這樣濕淋淋的包實在很不討人喜歡. 2. 熱奶茶 - 熱奶茶水準很高, 又濃又香又滑又大杯, 祗飲. 但是杯口邊己經爛得好西利, 我一路飲一路驚比杯邊整損咀, 個杯爛成咁, 仲拎比客飲用, 實在差! 差!! 差!!!

男朋友的行程, 還包括了這間蘇絲黃介紹過的金城餐廳, 不過蘇小姐介紹的係焗豬扒飯, 男朋友介紹的, 卻是個龍躉片炒河, 一碟盛惠七十六蚊收得呢個價, 一定要食到龍躉, 否則... 嘿嘿.. 寫衰你的, 不過碟河粉到了之後, 憂慮消失了, 魚肉味道很鮮甜, 強勁的鑊氣把龍躉片炒得微燶, 但味道好香, 雖然龍躉片比較散同細塊, 但味道卻是很鮮甜, 可口!雖然七十幾蚊, 但係一試無妨

知道這兒的焗豬扒飯很有名, 一心諗住今日要叫番個來試試. 今日, 4點先到, 因為過了食 lunch 時間太久, 反而, 肚餓的感覺消失了, 吃不下全份焗豬扒飯, 唯有改吃豬扒包及凍奶茶 ($21).1. 豬扒包 ($19) - 豬扒肉質肥美, 一塊豬扒有齊瘦豬肉加有少量肥肉, 所以食起來特別滑, 特別有肉味. 雖然豬扒頗厚切, 但又稔又軟, 而且我倒沒有發現有落食用梳打粉或鬆肉粉, 這個豬扒真的很不錯. 美中不足的是, 豬扒包內有片厚切的蕃茄, 但蕃茄不是肉茄, 是水茄, 故出水情況頗嚴重, 甚至, 將蕃茄下面少部份的包也浸淋. 若果改用肉茄, 或先將蕃茄去籽及吸除多餘水份, 一定會更加好. 另外, 豬扒包的醬汁也不夠, 需要自行下茄汁調味.2. 凍奶茶 (+$2) - 己經是第二次飲這兒的凍奶茶, 奶茶水準很高, 又濃又香又滑又大杯, 祗飲.

六月二十日﹙土﹚不經不覺又一年了，對上一次到訪這裏，自己還是初開始有寫食評習慣，一直也記掛著這裏的焗豬，這晚下課後便心血來潮走到筲箕灣來，再次探望馳名的焗豬扒飯。雖然上次說起下次想試斑片炒河，但由於事隔太久了，還是記掛焗豬多一點，斑片河就留到下次吧，反正這一帶也算自己常出沒的地方，總會有機會。星期六晚上加上父親節前夕，店內氣氛相當熱鬧，三兩粒人仔的自然要跟其他人搭枱，與西餐廳不同，到茶餐廳始終還是熱鬧點擠迫點較有氣氛。我如舊點了焗豬扒飯和凍檸檬茶，焗飯需時，也等上了三個字左右。香噴噴的焗飯終於送上，豬扒份量絕不吝嗇，有大件連骨豬扒，吃起來比想像中還要鬆化，曾經何時大家樂的焗豬也做得出如此景界，但可惜好景不再，現在大家樂的已經退色不少了。加上炒飯底做得乾身，再加上焗過後有點焦焦脆脆的口感，汁的份量恰到好處不會沾得飯太浸太淋，豬扒還可以比，但飯底卻是這裏致勝的關鍵了。加上一杯茶餐廳風味的凍檸茶，相比起午間在壽司店喝的，凍檸茶始終還是茶餐廳的名物。除了焗豬及炒河外，看見其他食客的小菜也蠻對版，應該會是不錯的選擇，有機會三五個相約到訪時就可以試試。價錢和一年前相比仍是一樣，比起一般茶餐廳，其實

很久也未嘗波蘿包, 見到這兒的下午茶有$16的波蘿油及凍奶茶, 所以馬上點了一客, 很可惜波蘿包剛剛賣清光. 於是我改叫了一客$16的奶油多士及凍奶茶. 奶油多賣相吸引, 不過其實烤的時間不夠, 多士面還半軟不熱, 即使奶油香甜幼滑, 吃下去感覺實在不好. 下次若要再食奶油, 倒不如點奶油包好了.凍奶茶好好味, 又香又濃又滑, 飲完涼透心. 看見鋪店門口貼上雜誌介紹阿蘇勁讚這兒的焗豬扒飯, 下次一定要來試試.

熱愛蒲茶餐廳o既我, 今日又約左客見面, 地點當然又係茶餐廳不過今次都算大手筆, 食o左碟五十幾蚊班腩河, 加杯熱華田, 成六十幾, 點解咁捨得? 有時越貴就越想試吓, 反正都係幾十蚊, 班腩河炒得幾好食, 班腩似係鮮魚, 唔似普通雪藏o野, 肉係鮮美的, 成碟炒河大約八件左右, 炒河幾有鑊氣!碟河粉係不普通, 所以想介紹大家嚟試

只不過是一般茶餐廳水準啫, 焗豬排飯D汁又唔係好好食, 塊豬排又唔入味, 大家樂一哥豬排仲好食過佢多多聲

一方面見到大部份食評都話金城焗豬扒飯 no good... 主要指控包括1. 汁唔夠，有飯面沒有醬汁2. 醬汁不酸3. 炒飯底無蛋但另一方面我見d 相明明好對辦，所以親身試一次...- 豬扒唔算滑，但係夠林而且鬆化，good take。- 飯底亦都炒非常好，夠晒乾身同香口。我個人好鐘意，認為好過大渣落好多! 不過，我都明白點解有人唔鐘意金城既:1. 炒飯底好少見到蛋, 好似唔足料 (老人的話: 呢d 叫金鑲銀, 一樣落咁多蛋架)2. d 飯少汁唔夠濃味, 而且冇咁軟熟 (老人的話: 多汁既飯底唔乾身唔香口 + 飯太林又會冇咬口 + 汁太濃會掩蓋香味...)可惜, 大渣落既口味已經成為標準 p.s. 當日食既其他 "快餐" 亦好出色

對於此店既焗豬扒飯真係好一般...難得見到佢地有蒸魚食, 更係會試下啦有梅菜豉汁清蒸, 魚就普通既鯇魚,可惜好大舊既魚腩又無咩魚肉感覺好肥麻麻地好味, 不過用梅菜配飯食又係一個唔錯既選擇.

太座是夜約了朋友聚會，要一個人攪掂晚飯。心念一動，到了久未造訪的筲箕灣東大街，實行來個"東大街美食行"所謂的"美食行"，實際上只是吃了兩間店的東西只得一個人，胃納實在容不下太多第一站先來到就在港鐵站出口斜對面的金城。聽說這裡有全城最好的焗豬扒飯，經過當紅的煑嘢蘇再介紹一下，名聲又再火紅多一點了....為了預留些空間給肚子，於是只叫了份焗豬扒飯，連飲品也不欲叫了。但落單的阿叔說加飲品是不用加錢的，那就來一杯奶茶喝喝....先呷一口茶，奶味極重，只喝了一口便放下了....想不到等了不到五分鐘飯便送來，很可能是厨房已預先弄定，有客order時再放入焗爐翻熱便成。幸好翻焗得滾熱辣，碟端上來邊位還是很"泡"的。飯面呈少許些焦黑，而且用义咭一下時還感到有點脆，賣相是挺對路吃一口炒飯底，感覺不是很濕，真的是粒粒分明，很亁身，是合格的。若果蛋絲可以下多點，色水就可以更靚仔些，味道亦會再香多些....飯汁很香茄味，雖然仍是以人工茄汁調味作主，但味不算過鹹。甜甜的味道極好下飯....最弱的一環反而是在豬扒。用的是尋常的雪藏品，切得很大件也很厚身，肉質雖還算挺鬆軟的，但醃得卻好像不夠入味，失色....若問小

Eating out these days, with help from OR, it's easy to form expectations or further down, "having my mind made up" before we even enter the eateries. That, however, is a bad thing. Often times these predetermined expectations lead to an uncomprehensible sense of disappointment. Was the food really bad? Many times you'll realize it's not awful, but it just didn't fit into the famed aura described as "food of the gods". I reckon some of us may have felt the same way.This eatery has been introduced

成日聽鍾兄講呢度啲豬扒飯好正，連阿蘇都話good，所以上個禮拜同鍾兄去會一會。一入到去我哋都二口同聲叫咗焗豬扒飯，可能係即焗關係，都等咗成差唔多四個字先到，賣相都幾吸引，炒飯底同個汁都好似同大家樂個一哥豬扒飯冇咩分別，最大唔同就係個炒飯底有西芹囉，都可以一試!

叫左焗豬飯, 就等啦十分鐘後焗豬飯送到...對面枱對面枱客人投訴話好燶我見到又真係好燶侍應拿走了三分鐘後我的焗豬飯上枱有d唔對路...旁邊d汁焗到燶晒中間d汁像剛淋上冇焗過了開中間d汁,見到d燶汁係底跟阿姐講,佢話最衰我了過如果唔係換比我咁点係丫...咁客气(味道一般,汁太甜,豬排鞋)

八月十二‧炎熱知道這裡的焗豬扒飯，是某知名公仔箱飲食節目主持的推介，一直想試試，但苦無機會。是晚工作至十時多，忽然想吃此味，立時飛的來，可幸十一時才打烊，還可以做埋我這單生意。一邊看電視，一邊等吃，飯是即焗的，自然要等一等才有得吃。飯份量不少，是炒飯底，炒得粒粒分明的，香口乾身又美味。一個好的炒飯底，已經是成功的焗豬扒飯的一半。再吃炸豬扒，是鬆化的雪藏豬，茶餐廳的出品，也是如此。醬汁不過多，味道調得很不錯，令整碟飯生色不少。要了杯凍咖啡，粒粒冰非常之大粒，咖啡反而很少。見有很多「時令」碟頭飯，感覺上也是間不錯的茶餐廳。而伙記有禮貌，服務不錯的。埋單39蚊，食得過。