金子半之助 (東薈城名店倉)

營業中

休息中

🇯🇵自己一個去東涌又唔知食咩好想對自己好啲就嚟咗金子😬雖然佢哋做緊另外一個推介期間限定天婦羅車海老🦐但係我都係掛住佢哋嘅穴子所以都係叫返例牌天婦羅穴子飯🤤環境都唔算細 雖然平日5:00但係都有幾台客落單賣單收嘢清潔都只係得一個係門面餐廳係用掃QR code落單所以店員可以煩少樣嘢我快速落咗單之後 店員就俾咗杯黑豆茶 枱面已經有一大壺水 可以方便客人👍🏼過咗10分鐘左右 食物就黎到啦天婦羅係即叫即炸 所以等10分鐘係正常👌🏽麵豉湯味道一般 冇特別多材料前菜味道正常重頭戲嘅即炸天婦羅穴子飯😻兩隻車海老一隻天婦羅蛋仲要係流心架🫶🏽🫶🏽紫菜蔬菜同埋成隻手掌咁大嘅穴子🤚🏻調味啱啱好 新鮮炸出嚟超級脆🤤所有食材炸嘅時間都控制得啱啱好飯嘅份量偏多 女仔未必食得晒天婦羅汁去到飯底都有 呢個價錢 呢個份量材料 性價比合格💪🏽

🍽 餐廳：金子半之助 (東薈城) (東涌)📍 地址: 東涌達東路20號東薈城名店倉1樓101A號舖🎎重現江戶日本的天婦羅風味🇯🇵講起食天婦羅，在筆者朋友圈中較為出名既就係呢間！金子半之助！今次筆者巧合地有緣一試！😍😍😍🍤天丼$98包括：菇菌、海老、小柱魷魚天婦羅餅溫泉蛋、海苔、莢豌豆㊙️獨門秘傳制作，採用日本製天婦羅小麥粉，特選日本新鮮雞蛋，通過黃金比例調配而成。每款炸物都鬆脆無比😍✅食法都有次序，食用一半後，再把半熟溫泉蛋戳破，恰恰好的溫泉蛋蛋液🍳包裹着每一粒米飯🍚，多層次的濕潤口感，讓人齒頰留香😋，食材更有清新柚香🍊，解膩又開胃！☕️配上一杯熱黑豆茶，黑豆性溫平，補益止汗，具有去濕消水腫功效。

香港想食都好味嘅天婦羅都唔容易嗰日咁岩喺東涌outlet行街 記得東涌都開咗呢一間專食天婦羅既即刻入去試吓🎈迷你天丼&稻庭烏冬 $118天婦羅幾好味 炸得幾脆 不過覺得炸得有少少厚唔會話林晒 因為本身見到色水咁深以為翻炸咗好多次咁 😂 配咗個稻庭烏冬但係因為本身個胃舒服唔想食凍嘢 叫咗個熱烏冬 不過原來配烏冬會怪怪地😅我諗凍會好食啲 不過佢個餐有一個好似調味盤嘅嘢俾你 都幾特別 可以根據自己嘅喜好加番啲配料同埋隻溫泉蛋落去🎈江戶前天丼 $138嗰條穴子好長 雖然佢係鰻魚嘅一種但係比較有咬口再配埋海老溫泉蛋真係幾好味我平時食天婦羅都好少點天婦羅醬汁不過呢一間嘅醬汁竟然啱我口味搞到仲食咗好多飯🥹🥹呢間天婦羅都值得推薦價錢價錢合理👍🏻

今日又去了東薈城shopping…行完街又係時候要搵野食啦今日黎左食呢間日本過江龍，日本橋既天婦羅飯。睇見門面都已經充滿日系，好正。一入餐廳，以木為主，乾淨又光猛，座位舒適。呢間主要以天婦羅丼為賣點，有幾款唔同既天婦羅丼，配上唔同既天婦羅，總有岩自己口味的。除了飯丼外，仲可以配上稻庭烏冬，又或者食個迷你丼飯再配烏冬，大把唔同配搭。呢款江戶前天丼，超吸引，長長既穴子，外脆內軟，啖啖魚香，好好味。仲有海老、小柱魷魚、溫泉蛋、海苔，好多唔同配料，好正。另一款是上天丼，主要以白身魚、海老、小柱、溫泉蛋、海苔為主。食材跟另一款江戶前天丼差唔多，但呢款是白身魚。今次我呢碗上天丼upgrade了兩隻車海老。$38可upgrade兩隻。嘩，完全沒有後悔。因為upgrade了的車海老又長又大，肉質更爽口更彈牙，真係好好味，啖啖肉好正。呢一張相就可睇到海老跟車海老既分別。因朋友個碗沒有upgrade..所以我們一人一隻交換了，這樣又可試到海老又可試到車海老。呢張相左邊的就是海老蝦，其實海老都好好味，都好鮮好肉厚。只是右邊的車海老更長身更大更彈，好滋味。好正。呢間餐廳既天婦羅好正，仲有天婦羅蛋，都超好味。個

好耐無入過東涌，忽然醒起有間bookmark左嘅天婦羅丼餐廳啵，一於就食佢😋😋好好彩星期六晚都唔洗等位，店舖細細間，燈火通明，open kitchen 見到師傅即炸天婦羅，不過就唔會一陣油煙味。叫左一個天丼升級車海老，一個迷你天丼併稻庭冷烏冬。車海老果然唔同啲，比一般海老大一倍。呢度嘅天婦羅炸漿比較深色，但唔係因為用老油炸，而係炸漿應該係有調味過，所以唔洗點醬汁都好夠味。最好味係炸蛋，跟住餐牌上嘅敎學，將炸溫泉蛋戳破，與飯粒攪拌均勻，每粒飯都沾有蛋漿，非常美味😋😋冷烏冬煙煙韌韌，沾上冷麵汁都好好味

行過聞到好香麻油味，深深咁吸引左我同朋友黎到呢到餐廳食晚飯，餐廳主打炸物天婦羅丼飯。賣相十分吸引。行入去先知餐廳環境都好大，和風裝潢，坐位寬闊，用QR CODE 自行落單。黎到先知原來咁香既味道係來自日本特製高胡麻油，所製成的天婦羅芳香撲鼻及色澤會較深。真係色香味俱全。車海老軟殼蟹天丼呢個天丼真係用料好豐富，而且好大碗，有車海老、軟殼蟹、海苔、莢豌豆、小柱魷魚天婦羅餅、溫泉蛋。餐廳追求每件天婦羅都能適量沾有醬汁。所以並唔需要提供額外醬汁都好好味，炸物沾上古早秘傳醬汁後都好香脆，溫泉蛋伴上軟殼蟹，份外鮮甜。真係好滋味。成碗睇落就係奢華多食材。 迷你天丼, 稻庭烏冬稻庭烏冬麵質好幼身，入口順滑，湯底有好清新既鰹魚湯味，加上配料，令整個烏冬都好有層次感。係上菜前店員就將烏冬既配料盒送上，相當客製化可以配合自己既喜好去配搭，有蔥花、海帶、天婦羅碎、同埋半熟溫泉蛋，當日咁岩鰹魚花無哂，職員都有問我地要唔要轉冷烏冬。迷你天丼，都有好多炸物，菇菌、海老、南瓜、海苔、仲有溫泉蛋。海老肉質彈牙又肥美，食得出好新鮮鮮甜，肉身厚。海苔薄薄一件好香口‧成個套餐既份量剛好，食哂就留意到碗底部份，仲印有餐廳名，特

上星期到東涌outlet血拼，血拼完畢後已經是晚飯時段，看看附近有什麼餐廳適合晚飯，留意到這一間自成一角的日本天丼專門店，我和朋友都沒有嘗試過，於是便抱着一是無妨的心進去一試菜式種類不算多，主要都是天婦羅丼飯，另有烏冬的套餐江戶前天丼，點了這一款用超長穴子天婦羅作主打的招牌丼飯，另外還配有海老，溫泉蛋，蔬菜和小柱魷魚天婦羅，天婦羅即叫即炸，入口酥脆，溫泉蛋配合白飯吃果然一流，另外他們的特製天婦羅醬汁香甜濃郁，令到整碗飯味道提升不少朋友點了這個迷你天婦羅當飯配冷稻庭烏冬，朋友表示亦相當滿足，烏冬和偷吃了一兩口，入口彈牙爽滑，配合他們的烏冬麵汁非常消暑，適合現時香港

有別於其他日本餐廳，呢度仲提供黑豆茶，啱晒食天婦羅時怕熱氣可以下下火，功效仲有護肝、除濕熱、消水腫～｜江戶前天丼｜$138材料有穴子、海老、小柱魷魚天婦羅餅、溫泉蛋、海苔、莢豌豆，炸粉唔會好厚，材料厚身粉薄身，穴子無炸到過乾幾嫩配以秘製醬汁，純天然大豆、無添加原材料，別有一番風味～加啲七味粉少少辣仲好味～｜天丼｜$98材料就有菇菌、小柱魷魚天婦羅餅、溫泉蛋、海苔、莢豌豆，同樣日本米好軟滑有咬口，加啲古麻油，芳香撲鼻令人食指大動～～｜稻庭烏冬（冷）｜$78烏冬湯汁加入Wasabi同蔥花，再將烏冬放落湯汁，掛汁能力一流，烏冬質感都好煙韌～

上星期放假，去東涌行完outlet，竟然發現到之前朋友介紹呢間食天婦羅嘅餐廳，即刻衝左入去。黑豆茶人人有份，可以解油膩。我地叫左兩個餐：車海老軟殼蟹天丼 & 上天丼。車海老軟殼蟹天丼顧名思義除咗有蝦同軟殼蟹之外，仲有魷魚天婦羅餅、荷蘭豆、紫菜同溫泉蛋。車海老爽口彈牙鮮味十足，最大驚喜係魷魚天婦羅餅，酥脆同彈牙口感同時擁有，十分滋味。根據進食教學，食到一半先再溫泉蛋篤穿，蛋汁同白飯撈埋一齊嘅味道真係非常好味。上天丼有白身魚、海老、魷魚天婦羅餅、荷蘭豆、紫菜同溫泉蛋。朋友平時唔鍾意食魚，都覺得呢個好好味，好香好嫩。套餐包埋麵豉湯及前菜，前菜能解油膩嘅漬物。總括嚟講，食物新鮮，質素唔錯，有機會一定會再幫襯。

放假去東涌行街，晚上肚餓就同朋友係附近商場食晚餐，商場內有間日本料理店，睇完門口嘅餐牌就決定入去食餐版上有期間限定嘅 [ 車海老軟殼蟹天丼 $168 ] 嘩，勁大碗仲熱辣辣，勁大條嘅車海老，肉質爽口彈牙、酥脆軟殼蟹、小柱魷魚天婦羅餅、莢豌豆、海苔及溫泉蛋，食到約一半，要將溫泉蛋吉穿之後撈飯食，好味到成哂成碗飯另一份就係 [ (温) 迷你天丼 ＆ 稻庭烏冬 $118 ] 迷你天丼有菇菌、海老、南瓜、海苔、莢豌豆及溫泉蛋；而特色稻庭烏冬配有五款配料可以撈埋一齊食，溫泉蛋嘅蛋汁撈面一齊食，真係好正，再落埋天婦羅碎、鰹魚花、海藻及蔥花另外叫咗款小姐 [ 小柱魷魚天婦羅餅 $28 ] 炸得酥脆，香濃魷魚味，口感鮮甜彈牙食咗成餐天婦羅，可以飲埋枱上有嘅黑豆茶，可以清熱去油，我同朋友都飲咗好多杯金子半之助東涌達東路20號東薈城名店倉1樓101A號舖

自從開通左屯赤，要黎東涌行下outlet真係方便左勁多，亦都發掘左唔少東涌嘅餐廳，而呢一間金子半之助大有名氣，過江龍黎到香港開天丼店，見唔少youtuber都拍過😳車海老軟殼蟹天丼 $168食材有:車海老、軟殼蟹、小柱魷魚天婦羅餅、莢豌豆、海苔、溫泉蛋上天丼 $118食材少咗車海老同軟殼蟹，取而代之嘅係白身魚以及海老呢度嘅天丼比起平時見/食開嘅天婦羅深色，可以想像得到粉漿調味較重，但又唔會蓋過食材本身嘅味道，而且更為香脆。今次食晒海老同車海老2款蝦，拍埋一齊食先發覺係完完全全2個唔同層級😂😂車海老嘅鮮甜爽彈都係完勝海老，而軟殼蟹才都非常好食，強烈推薦貴d嘅呢款天丼👍🏻

聖誕節後有幾日假期，入咗去大嶼山心經簡林。回程行過一張超吸引嘅poster, 一碗脹卜卜的天婦羅丼，簡直睇到流晒口水🤤🤤🤤。所以我哋決定嗰晚唔煮飯，排隊入去食。排隊嘅時候, 透過玻璃窗睇到入邊嘅情況，見到工作人員「畢」飯，個碗公好大好深，「咁咪裝到好多飯」🤔我當時仲諗….等咗陣，店內座位細，枱窄都預咗。我哋叫咗兩個set。 江戶前天好丼和上天丼。食物到時，有些失落，首先個丼冇滿滿、脹卜卜嘅感覺。天婦羅不是炸到金黃色，係偏深色的，好似落咗豉油咁。吸引程度開始下降⋯⋯以為好大碗嘅飯，原來入邊係好淺😅。最後擺落口，炸醬比想像中厚，脆得嚟但唔好食，蝦過熟，完全食唔到蝦味…..諗住好好醜醜都食埋佢，唔好嘥嘢。飽就飽，但今餐只係填滿個肚，沒有享受過程。其實事隔半年，睇返啲相，只記得唔好食，分不出邊一個套餐係江戶前天丼、邊一個係上天丼了😑

把食材用粉漿包裹着，以高溫油炸，造成外脆內軟滑口感，日式食品稱為"天婦羅"。其實，"天婦羅"一詞是萄葡牙語的tempero的日式漢字寫法。萄葡牙人在大齋期禁吃動物的肉，只能食用海鮮。在16世紀時萄葡牙傳教士和商人將麵粉和雞蛋糊油炸的烹調方法傳到日本長崎，後來逐漸流行起來。用海鮮油炸後造出的一碗飯，世界各地多的是，但日本料理的「 天丼 」總叫人驚訝 ! 天丼的食材以魚類和蝦為主，其次是任何海產和蔬菜。《 金子半之助 》的多款天婦羅飯配合獨特醬油，就是好味道的泉源吧 !" 江戶前天丼 " : 價格親民，食材好味。小柱魷魚 : 外表像蛋白，食落有濃郁魷魚香甜味。海老 : 蝦味濃厚，現在用優惠價食多啲呀！穴子 : 海中體形細的鰻魚(星鰻)，其肉質相對結實。配搭橘子後，產生清香。環境整潔，加上兩幅櫻花樹畫作，和風立至。溫馨提示 : 細意閱讀餐牌，得益良多。

金子半之助次次行過都好想食，今晚終於有時間食到，叫了「江戶前天丼」！佢係招牌穴子天婦羅長達 30cm，超厚肉身，肥美軟滑，超吸引 長長的穴子天婦羅，不會太油膩。佢仲有海老，小柱天婦羅餅等等，好豐富！有日金子半之助採用日本特製高級胡麻油，胡麻油製成的天婦羅芳香撲鼻及色澤會較深。另叫了迷你天丼配溫的稻庭烏冬！呢個是包南瓜，海老，溫泉蛋等配上醬汁的珍珠米，天婦羅都是炸的好脆，好食！稻庭烏冬是溫溫的，會配上一個5色盒子，入面有溫泉蛋，蔥，海藻等，可任意加入湯底，有得現又口感豐富！黑豆茶好油膩感，香氣十足，可以無限添加，食完飯再慢慢嘆口好茶。

等了幾星期，終於開門了，之前一直想試，但因為疫情暫停營業，今日經過，見到佢有開門，第一時間lunch 轉食天丼。-我叫左江戶前天丼，因為我樣樣都想試，等左十零分鐘，個天丼就放左係我面前，好香呀!有炸穴子，分量比我想像中大，有兩隻炸蝦，一片海苔，小柱墨魚天婦夢同。。。。支豆，同流心蛋，店入面有教，話食到一半先吉穿隻蛋拌飯食。個set 有跟面鼓湯同兩仲小配菜，小配菜係蘿白同酸薑。試食個蝦，好脆，我連蝦尾都唔放過。，食埋！個脆漿係有味架，小小咸至放海苔，支豆，ok小柱墨魚天婦羅，我就麻麻地鍾意，無咩特色，返面我鍾意食蔬菜天婦羅多d至於穴子。。。好味嘅，不個脆漿有d 厚，所以有點太膩，又有可能我太飽，食到一半，我係有吉穿隻蛋，不過可能我食得慢，d 飯唔夠熱。。。所以呢個食對於食得慢嘅人可能不適用個份量係大嘅，因為炸野，好飽肚，我係食唔哂碗飯，仲有個飯係加左個汁，幾好味。下次會再食其他天丼，