金撈老鴨湯刺身火鍋專門店 (已結業)

依家香港真係有大大小小嘅火鍋店林立喺每個角落，要搵好食嘅嘢好多時而家都要靠朋友的介紹！早排經朋友介紹呢間火鍋湯底10分出色，難得今日一家人放假，當然要約下食飯啦！除了一家人吃飯之外，還要慶祝八月份媽媽慶生❤️🔅招牌🔅 金撈富貴老鴨湯 $298唔好以為呢個價錢一個湯底會好貴，其實原隻老鴨放係邊爐鍋入面，慢慢等待其他嘢食嘅時候，職員仲好用心咁幫我地將鴨肉分拆。肉質鮮美，湯頭好清潤👍🏻 因爲原隻上枱關係，所以沒有鴨肉頗多的！完全唔會偷工減料湯底配埋草蟲花等等既材料真係有夠滋補養生❤️ 特別一提鴨肉仲有廚師準備嘅特別醬汁，外貌有啲似姜蓉，識落鹹鹹香香配埋鴨肉的確幾夾湯頭清甜，個人覺得朋友的確介紹錯。最梗要係媽媽佢地都大讚好味！🤤🤤🤤 所以以呢個價錢來講，湯底真係做得10分出色！醬油配料好多，不過因為湯頭同食材都好新鮮&夠味所以其實唔使沾醬油都可以👍🏻 除非係重口味既人😆 如果唔係就好晒料啦打邊爐又點少得食牛肉呢？招牌本地手切牛頸脊 $238 脂肪分布10分平均，而且因為係牛頸脊部份，食落去當然冇肥牛咁油膩，牛香味濃而且肉質帶嫩。鴨肉湯底清而不失味道，個人覺得呢一款火鍋湯底唔會蓋過食材本身嘅味道，同

見到 openrice 有85折優惠(平日)，就拿拿聲打電話 book 檯試下。好彩多口問下，店員話電話 book 檯無85折，要用openrice 訂才有。當天我book 咗6:15pm，果時店內得2-3檯客，店員服務好，尤其有位哥哥仔十分殷勤。檯與檯就幾貼近下。我地再 confirm 係咪有85折，哥哥仔話有，但要俾現金。若5要85折，可以送池魚刺身及用信用卡找數。但 fd 5想食刺身，所以我地揀85折+現金付。我地先點湯底，當然叫老鴨湯，但係無蟲草花果隻，因為有個 fd 怕藥材味。湯底上檯，滾熱後先喝湯及食鴨肉，又幾好味，加埋佢地秘製蘸鴨醬，真係幾正。然後我地4條女點咗12樣食材，可惜花生苗、黑豆腐都無入貨，所以得返10樣野。牛肉叫咗大份，隻碟幾大，平鋪，用菜絲墊高。豬肉叫咗平嗰隻，都幾好，5鞋又5韌。響鈴係熱呼呼上檯，哥哥仔叫我地快食。但。。。5夠鬆脆及有點散。野生竹笙真係好味，記住揀野生嗰隻。墨魚滑同蝦滑真係有蝦隻同墨魚粒，好有咬感。竹蔗水都ok，話係自家煲。後來食食下，越來越多人，差不多滿場。食完10樣。。。係得5成飽，因為份量幾精緻。又諗5到想再加咩材料，所以埋單走人。哈

這間位於文昌街的＂金撈老鴨湯刺身火鍋專門店＂鋪頭細細幾旺場，不但有街坊捧場還有日本食客，晚飯黃金時段一定要訂位喔😊金撈老鴨湯(一隻）$268火鍋材料要新鮮湯底亦非常重要，這個用老鴨做湯底的火鍋不但滋陰，味道清甜無比，滾起先飲了兩碗清湯😋鴨肉還配他們秘製的醬料一起吃，鹹鮮惹味，真的無法抗拒👏🏻👏🏻至尊牛三星$398這個牛三星有四種唔同牛的部份，骰仔牛㧕粒牛味最後濃郁，時間滾長咗也不會韌美國桶蠔$148美國桶蠔size加大碼，蠔味肥美濃厚，放在口中滿足非常😝脆骨腩$68脆骨腩大大碟色澤光潤新鮮，肉質彈牙鮮味，放在湯滾幾耐都一樣咁脆口家姐辣餃子$68餡料是用泡菜和肉，微微辣很惹味自家炸響鈴$58即叫即炸自家響鈴，腐皮較薄身，不用2秒已吸盡湯的精華檸檬薏米水$58自家出品在炎的夏日飲，感覺清新又健康

朋友想火鍋但又不想每次都先雞煲後才食火鍋對女仔來講有啲飽，上 Openrice 找一找，找到這間位於佐敦文昌街的「金撈老鴨湯剌身火鍋專門店」以老鴨煲湯來做火鍋湯底，看過食評後決定一試。金撈老鴨湯一隻 $268金撈老鴨湯用了一隻老鴨、蘿白、杞子來燉煮，上枱後店員會先把湯煲滾，之後把鴨皮和在湯面上的肥油除去，之後再為我們每人奉上一碗，滋潤養生的鴨湯，味道香醇濃厚，足足飲了三碗才開始火鍋，這個時候店員會再加鴨湯，而不是一般店鋪所用的味精湯。至尊牛三星 $398至尊牛三星買相豪華，三層的牛肉有四款，包括 (本地手切牛頸脊、什錦牛柳粒、牛胸爽和牛舌芯) 牛肉味香濃，尤其是牛胸爽比一般的店子切得較為厚身，食落更加爽脆油潤感十足。家姐辣餃子 $68家姐辣餃子全手工製作，入口微辣有口感。脆骨腩 $68脆骨腩 $68 真的很底食，脆鯇新鮮份量足，每一件都閃閃發亮，未放湯以口水流。美國桶蠔 $148美國桶蠔隻隻珍寶 Size, 入口溶化不韌也沒渣，令人食得十分滿足。

同事介紹這老鴨火鍋店，話養生又好味。同食開嘅雞煲唔同，半隻老鴨已經滿咗一煲，先飲啖湯，真係好鮮，再食鴨肉，雖然係老鴨，但因為燉煮時間足，肉已經離骨，亦好有鴨味！店員俾咗依個酸辣汁俾我地點鴨肉，很開胃，提鮮！在鴨窩店一定要食少見嘅鴨血，厚切香濃嘅鴨血，份量足，夠新鮮！脆豬肚切得幼幼，一分鐘就食得，好爽口，冇異味，清洗處理得很好👍🏻鹿兒島黑豚，薄切，肉嫩有鮮味，滾一滾就食得店員介紹要試下黑冰豆腐，好香黑豆味，比一般冰豆腐更養生，更好食

估唔到平日booking都咁full, 聽聞金撈的鴨湯好出名，專程過來一試。未叫野食先有各種醬汁配料，不連豉油都有12種之多。湯底選擇了富貴老鴨湯，之所謂富貴因爲湯中除了鴨，仲有蟲草花，素翅等藥材。老鴨本身藥用價值都好高，比起其他肉來得有營養。直接用來煮火鍋太浪費了，店員在打邊爐開始前會舀一碗湯給客人先行享用。肥大的老鴨肉質鮮甜，湯清而不膩，鴨油會漸漸滲出，越滾越香濃。雙拼手打墨魚滑蝦滑爽甜，一次滿足兩個願望。蝦滑仲食到原隻脆卜卜鮮蝦，墨魚滑好彈牙，配上蟹子口感更豐富。雙拼牛肉同南非鮑都係懶人之選，因為唔使諗叫邊款肉😂 牛肉好濃牛味幾甜，係鮮牛唔似冰鮮，因為切粒，需要啲時間熟。南非鮑好新鮮，切片好快熟，爽口仲好鮮甜，一d都唔腥。自家製響鈴份量都幾多，浸1秒之後食咬落去都仲有啲脆，好香口又充滿腐竹的豆味，好容易食上癮。皇帝菜份量都唔差，切好左菜同莖，夠嫩，連莖都好嫩。最後食埋烏冬，好快熟，面質煙韌但又好滑，唔易斷，食個陣係sir入個口度😂😂野飲叫了一札檸檬薏米水，清甜解渴，薏米香中帶有一絲絲檸檬味，飲到最尾仲有少少薏米蓉。埋完單之後，店員會送上珍寶珠，個人覺得幾sweet, 拎左一粒當飯

渡船街一帶不乏火鍋店，無意中來到這間嚐嚐，發現別具特色，難怪即使位置較偏，仍吸引眾多食客專程拜訪。餐廳裝潢比一般港式火鍋店來得有格調，環境整潔企理，氣氛很好，還掛有電視，桌面更是無比寬闊，多放火鍋料都綽綽有餘。不得不試這店的招牌金撈老鴨湯，店員周到地為我們盛湯，讓我們先喝湯才吃火鍋，鴨湯味道濃郁，還有不少湯料如蟲草花、杞子、菇、蘿白等十分足料，滋補美味。本以為鴨肉煮湯後會好嚡，誰知肉質挺嫩口，沾一沾這個自家製的綠色辣醬相當惹味。餐廳供應超多款刺身，池魚王刺身盤賣相精美，池魚片好新鮮，肉質嫩滑，魚味十足，我們紛紛搶著吃。手打豬肉丸及墨魚丸頗有水準，兩者均是相當彈牙，而且肉質新鮮，毫無雪藏味。一級珊瑚蚌份量好足，每件都非常大抽，其新鮮爽口的程度更是令人讚嘆。頂級安格斯牛頸脊色澤鮮紅，油花密佈，肉質嫩滑，亦好有牛味。脆骨腩賣相甚佳，外觀好像刺身魚生般，新鮮又大片，涮熟後肉質爽脆，充滿魚油味。最後還奉送珍寶珠，插滿一桶讓我們任選口味，挺有心思，感到驚喜的那刻覺得自己像個小孩，哈哈。

無湯不歡的我在網上見到鎮店老鴨湯的火鍋店，立即相約朋友前來飲一碗湯.....後火鍋老鴨湯鍋可選半隻或一隻鴨，金撈富貴老鴨湯內裡就是蟲草花，素翅及杞子等完整的半隻鴨上真係有好多金撈富貴材料先試試老鴨湯，本身已燉煮兩小時才上檯，湯頭好清，喝一口很滋潤，鴨味是越煲越出，平時常飲雞湯，老鴨湯好特別招牌本地手切牛頸脊，小碟份量是足夠2-3人食用，輕輕一灼，牛味濃郁，不會太多肥油有機花生苗芽，像粗壯的芽菜，苗芽菜頭是花生，很獨特，口感是爽身的，灼兩分鐘就食得，作用更是抗衰老 降血脂等等特製鴨紅，補血！放在鍋中慢慢煲煮10分鐘，用筷子夾也不會散開，入味，比豬紅好味檸檬薏米水，有一瓶或一杯、很有家的感覺到，檸檬及薏米味道都同樣特出而家只要讚好Facebook及分享，會送小食一客，當晚是麻辣鴨腳，一碟5-6隻，又幾惹味自家製韭菜餃，一碟六件，反而韭菜餃皮帶點煙靱幾有口感，餡料都好多韭菜，最怕太多肥豬肉埋單時，店員會同時送上迷你珍寶珠供取用，飯後甜品，甜住走

朋友介紹，說金撈鴨湯很好，故特意選它作飯聚。位置雖有點偏，但不算難找。坐位數量不多，整齊企理。有獨立房間可供飯局。先來一盆醬料，每位 $20醬料種類繁多，有我最喜歡的金蒜及乾蔥，打邊爐要是缺一盤好醬料，必定大大失色。池魚刺身 $228刺身是老公大愛，池魚是他必食之選，又怎樣放過呢！單看賣相，已經知道它是呃 like 高手。花生芽 $58單看餐牌，沒法得知它是什麼東東?? 但一看樣子，便知道是以發芽花生，有淡淡的花生味加芽菜味，可耐煮，有新意。金撈富貴老鴨湯 （全隻）$298近年潮流都興起用老火靚湯作火鍋底，都是先飲湯再火鍋。這鍋老鴨湯極鮮味，分量亦超大鍋👍，除掉面層油，湯底清澈見底，跟燉湯沒兩樣。要是自已燉了湯，又怎捨得帶來打邊爐呢～😉用作點鴨肉的特制蔥油，比普通蔥油多了一層青辣椒香味，少了幾分咸味，只帶微微辣味，配鴨肉一起食，新嚐試之一。至尊牛三星 $398牛三星有頂級安格斯牛頸脊，極品牛舌芯，牛柳粒，牛胸爽。牛柳粒肥美嫩滑，油脂分怖平均，牛味香濃唔韌。牛胸爽，首次品嚐，牛味濃郁得有點像牛油味，十分爽口。牛舌芯亦是帶點爽口，味道尚可。頂級安格斯牛頸脊牛肉味重，有點嚼勁。有機黑豆冰豆腐

今次特登黎左柯士甸呢度試呢個好出名既鴨湯火鍋，早已聽聞鴨湯又補又好飲揀左雙拼湯底，半隻鴨拼大辣麻辣湯底鴨湯果真鮮甜，唔會油膩，滾起已經飲得！最鐘意入面有好多蘿蔔粒吸收哂啲湯汁，食起黎倍加清甜！半隻鴨肉食起黎唔會油，肉亦都唔嚡，幾好食喎又麻辣鍋方面，我覺得即使係大辣，一開始食起黎都唔會辣得好誇張，愈煲得耐個辣味先會愈出，中期開始終於似番個大辣，但個辣幾香我同媽媽都超鐘意！打邊爐點少得菜？最鐘意皇帝菜！呢度皇帝菜菜質幾好～日本鹿兒島黑豚肉呢度豚肉有分兩種，另一款係再貴啲既白豚，第一碟叫左呢款平啲既試下個質素先再決定之後叫邊款，但呢款已經好好食有肉香又唔嚡口，好滿意！所以都無試到另一款😂雙拼滑：墨魚滑 蝦滑掂喎！食到唔少蝦肉同墨魚粒，感覺好真材實料，少少貴但都值得炸魚皮份量都幾多，夠脆，調味適中，抵食之選。手工四寶丸價錢都偏貴，值唔值就見仁見智。我試左墨魚丸同豬肉丸，兩款都唔錯最後每次打邊爐我會必食嘅係冰豆腐，呢到嘅冰豆腐係用黑豆整嘅，第一次試，吸收完啲湯之後其實味道同普通冰豆腐都冇乜分別，但係黑豆會更加有營養以火鍋專門店來講，呢度嘅價錢合理，食材質素相當好，主打嘅鴨湯亦都非常推薦，值得大家

今日同班好朋友出左佐敦搵食，大家都無咩頭緒食咩好。決定走去文昌街個頭，知道個度周圍都有好多食舖，睇下搵唔搵到間合心水既先！經過見到呢間 門前貼左好多藝人既合照，又有好多報章采訪過。好似又唔錯咁。係一間食海鮮刺身既火鍋店。佢呢度就主打食“鴨”既湯底，係佢地既招牌菜！當然要叫呢個啦！金撈老鴨湯（半隻）$188以老鴨和秘製醬料燉煮2小時。 所以完全逼哂d鴨既精華出黎，令到個湯飲落清甜。鴨肉沾上餐廳秘製辣醬，由5種辣椒製食，令到鴨肉更惹味！味道更出。刺身：池魚 （$228）賣相精美，冰鎮住池魚刺身。白肉既刺身通常味道都係好淡味。餐廳配有 酸酸地既醬我地，調出池魚的味道！頂级安格斯牛頸脊（小）$298雪花紋分佈平均。不用滾太耐，就食得！食落牛就不會好老，肉質都算嫩。有機花生苗芽$58第一次見。食落同芽菜差唔多。但size就係大型版既芽菜！食落比普通芽菜多水份。家姐餃子（$68）六粒見個名幾特別，餐廳自家製。食落裡面加有泡菜，所以會有d辣味！包得個外形幾靚。另外醬油每位$20.

朋友話好想試呢個老鴨湯邊爐, 聽人講好正, 睇下係咪真囉~! 老鴨湯係佢哋嘅鎮店之寶, 經秘製藥材燉煮約兩小時, 湯嘅味道具有獨特風味, 感覺滋補養顏, 個湯唔太肥, 清清地, 鮮味突出, 而且營養價值都不俗, 原來鴨肉係一種易於消化嘅食物, 所含嘅維他命b同埋他命e較其他肉多. 另外鴨肉可大補虛勞，滋五臟之陰，清虛勞心熱，補血行水，養身生津，清熱健脾以及虛弱浮腫, 而且春夏秋冬，一年四季都啱食。另外點左啲火鍋配料: 自家炸響鈴卷 $58很薄脆, 唔會好oily. 脆鯇片 $58切得很薄, 但有很多片, 都算抵食, 食嗰時要小心啲細骨. 出前一丁 $20一個金撈老鴨湯公仔麵, 蟲草花, 素翅,杞子做”餸, 感覺高級. 雖然對某啲人嚟講用鴨湯打邊爐係好平常嘅一件事, 我就真係第一次啦, 個味道係同雞湯係唔一樣嘅, 請人哋話用鴨湯係冇咁燥, 食飽飽之後我哋一齊搭的士返出旺角, 之後先轉車返屋企.

爸爸唔知響邊度睇到廣告, 生日試下佐敦呢間邊爐, 佢話未試過用老鴨湯打邊爐, 原來佢話好有意頭: 金撈. 我放工嘅時候, 因為睇地圖唔近地鐵站嘅關係, 約咗daddy媽咪去太子地鐵站附近坐的士過去. (openrice寫柯士甸站會比較近, 但係灣仔放工唔通轉幾程地鐵先去到柯士甸站再揾路行過去咩.)我地目標為本，點左金撈.富貴老鴨湯底, 裏面含老鴨之外, 仲有蟲草花, 素翅,杞子等藥材. 點鴨醬汁 老鴨煲出來的湯原來都幾清的, 煲到咁上下, 有個侍應行過嚟問我哋隻鴨去唔去皮, 我哋當然要求去皮啦! 佢去完皮之後每人一碗湯, 有少少甜, 藥材味唔係好出, 但連埋啲蟲草花, 杞子一起吃感覺很滋補. 各種醬料有成12款咁多, 自己調教你最喜愛嘅味道, 每位醬料 $20. 另外爸爸喜歡食三文魚腩所以點咗挪威三文魚腩同埋油甘魚刺身. 挪威三文魚腩, 睇落真係肥美但係我唔識欣賞, 唯有食返油甘魚, 好夠新鮮, 爽口. 食物尚算新鮮, 上菜速度ok ,服務都ok, 只係地點遠咗少少, 所以食完之後我哋都係搭的士返屋企.

作爲一名飲湯控的我，無論各式的老火湯、家常滾湯，粟米魚肚羹、上海酸辣湯等，都無一不愛。回憶中，從前曾在香港黃埔，出現過的杭州張生記，她的筍乾老鴨煲最令人懷念。友人告之有一火鍋店以老鴨湯爲招徠，特意安排此飯聚，去了位於佐敦的金撈刺身火鍋專門店，待我可以品嘗一下老鴨湯的滋味😁店內的單張介紹，這裡售賣的鴨湯，是採用味道功效較佳的江蘇老鴨，用秘制醬料及醃制超過一年以上的蘿蔔，經兩小時以上燉煮而成，所以急不及待，立即下單。等待鴨煲前，先來一客原條池魚刺身，配上特別調制的調味料。賣相別緻，分量頗足。這次選的，是這兒的招牌菜，金撈富貴老鴨湯一隻，配料還有蟲草花、素翅、杞子等藥材，浮在湯面的是切片的鷄脾菇。急不及待就來一碗期待已久的鴨湯，由於是燉的，所以湯水很清澈，但鴨味香鮮濃。大家你一碗我一碗，把整煲湯幾乎喝完，工作人員再添加鴨湯，才開始打邊爐。這煲鴨湯令人大滿足👍🏻👍🏻👍🏻。此特製調味醬異常惹味，原來是用來與老鴨同食的👍🏻。新鮮野生竹笙 - 亁貨經常接觸到，但新鮮野生的就首次品嘗。品質上乘，粗大，堅挺，肉厚。鴨湯的鮮甜摻進竹苼內，爲味蕾帶來驚喜😋。自家制的冰'黑'豆腐 - 冰豆腐不是新事物，但採用