金撈老鴨湯刺身火鍋專門店 (已結業)

金撈老鴨之前試過一次，好特別，先湯後火鍋，今日諗住encore, 點知去到先知有個friend唔食得鴨，心諗玩野咩大佬，唔食得早講去第二間呀，去鴨店唔食鴨！咁無計，唯有試下雞煲，估唔到佢個雞煲又好有水凖好夠味，唔會輸蝕比其他出名嘅雞煲店👍🏻之後火鍋當然大量海鮮同牛肉，佢哋自己有魚缸所以海鮮十分新鮮，牛頸脊亦係必食推介，唔嫌多可試埋至尊牛三寶，三種牛味三種口感，正！另外各種手打丸亦好有水凖，不妨一試!

鴨湯打邊爐真係第一次！地方有少少偏，係渡船街西北角，離遠就見到個 LED 鴨牌係度閃閃下 😆 地方有啲窄，但係都有幾間細房。叫左個鴛鴦鍋，半隻鴨+清湯，好 flexible 😊。個鴨湯好味道，唔算肥膩，幾清甜。本地手切肥牛好靚，彈牙。推介手打丸！蝦丸、墨魚丸、鴨肝丸全部好甜，好新鮮！韭菜餃、水餃🥟豐料，應該係自己包嘅? 鱔片好肥美，好大塊。另外，都推介鵝腸，出邊的通常都漂到白色無晒味，但係呢度個啲係新鮮嘅，粉紅色，食落好香好爽！雖然唔係太好坐，不過都想再來試箘類同七月先有嘅蝦條！😛

上次食過一次鴨湯邊邊之後，念念不忘，所以再約朋友黎食。雖然地點係偏僻左少少，但都值得黎食既。一黎就緊係飲左個湯底先啦，過左成年仲keep到水準呀，夠清甜，冇味精，夠火喉。因為今次得2個人黎食，所以叫得唔多野。淨係食左個肥牛，響玲，牛丸。因為最主要係為左個湯底黎，飲到咁上下，店員都主動加湯俾我地。值得一讚！！！肥牛都新鮮，好有牛味，夠淋！！響玲係即炸的，好脆口，就咁食都得，建議放落湯底1-2秒即食，咁就吸收到湯既精華啦。PS 因爲換左電話，冇哂d相，抱歉！

【#飲食】C+搵食團 || 滋補養生另類火鍋 - 金撈老鴨湯刺身火鍋專門店 ms. C喜歡打邊爐的程度，就是一年四季也可以吃火鍋。香港的火鍋類別層出不窮，今次和吃貨朋友就進攻佐敦渡船街 - 金撈老鴨湯刺身火鍋專門店，一嚐獨特滋補養生的老鴨湯火鍋。 ╴╴╴╴╴╴╴╴╴╴╴╴╴╴ 佐敦渡船街其實也有很多特色食肆，但是公共交通很不方便，適合一眾開車的朋友， 難得朋友開車，當然要去一嚐美食。今次去的金撈老鴨湯刺身火鍋專門店，以滋補養生的招牌老鴨湯作主打，補而不燥，適合一年四季進補。湯底未上之前，已經有一大盤調味架，有成12款不同的醬料，有辣有不辣，睡衣給我們混醬。 今次我們點了金撈富貴老鴨湯半隻，內裏有蟲草花、素翅、杞子等食材。第一次吃老鴨湯底，以為湯會很肥膩，但出乎意料，湯底清甜，沒有油膩的感覺。 服務的姐姐很細心，先訓了湯和鴨肉給我們吃，溫馨提示我們吃飽湯才加配料，真的想不到這一鍋湯我們吃了大半窩。 打邊爐除了湯底不可少之外，配料也是一個重要的環。金撈老鴨湯刺身火鍋，也有很多火鍋配料是外間較小有的。我們當日叫了很多東西吃，不逐一介紹。先和大家介紹幾款精挑的...

佐敦有好多好野食，由其是渡船街一帶，不過距離地鐵站有點遠，難得朋友開車，附近又方便停車，當然去搵下好野食喇。難得同朋友去搵食，當然一齊去滾滾下，食大家最愛既打邊爐喇，平時食港式火鍋食得多，今次食特別火鍋，除了配料獨特之外，湯底也都好特別。店名叫做金撈老鴨湯刺身火鍋專門店，湯底當然是叫金撈富貴老鴨湯(半隻)$198。我哋四人叫咗半隻鴨的金撈老鴨湯，內裡有蟲草花、素翅、杞子等等。第一次食鴨湯底火鍋，開頭以為鴨湯會好油，但完全相反。係落任何配料之前，先飲湯頭。呢度啲服務姐姐好好人幫我地分湯同分鴨肉，仲溫馨提示我哋要先飲湯，飲完湯後先放其他配料。飲湯頭味道清甜唔會太油，4個人飲完一碗又一碗， 不知不覺飲咗大半煲先開始放配料打邊爐。打邊爐少不了的牛肉，這裡的牛肉選擇有好多款，份量都好多，我哋叫咗「至尊牛三星」$398，三層塔上枱的牛肉，有手切牛頸脊、什錦牛粒、牛胸爽、牛舌芯等，上枱已經好吸引。每款牛肉都可以食到，啱晒我哋啲貪心人士。我最鍾意食牛胸爽，爽口得來又充滿牛味，出面唔係間間打邊爐都有得食，呢到就可以食到。其他牛肉都脂肪分明，入口即融，充滿牛味。另外一個必食推介就是竹笙，這裡的竹笙大大塊，

醬料十分齊全除一般豉油 蒜蓉蔥呢啲一般野外仲有香醋同麻油同麻醬啱哂嘴雕嘅人石斛竹蔗茅根水(渣) $48呢度嘅竹蔗茅根係自家製甜度較低 適合所有朋友仔花雕雞(半隻) $88用花雕醃製左好久 好入味但唔會搶左雞味 放入鍋後幾分鐘 就食到嫩滑鮮雞味 正挪威三文魚腩(6片) $78火鍋店都有刺身食 而且仲要好新鮮三文魚腩夠肥 一定要叫牛皇大拼盤 $588拼盤份量足 部位仲好特別有本地手切牛頸脊 牛柳粒 牛骨髓 牛柏葉牛骨髓口感好腍 牛柳粒夠肥 牛頸脊嫩滑非常之抵食皇帝菜 $38少有嘅蔬菜 好香 喜歡重口味必選避風塘茄子 $48呢個係餐廳嘅特色小食茄子用上避風塘方式炸炒令到茄子外脆內軟 食到停唔到口

黎到佐敦呢一間港式火鍋小店見到佢有得打邊爐之餘又有刺身食價錢亦都唔貴 所以就同屋企人試吓調味醬架非常整理衛生而且非常齊全石斛竹蔗茅根水 $48自家製竹蔗茅根水清甜清潤打邊爐飲就一流三文魚刺身 $78/6片刺身係三文魚腩肥美甘甜 打邊爐都有刺身食真係好驚喜牛皇大拼盤 $588一次過滿足晒幾個願望絕對係牛魔王嘅福音特別欣賞肥牛頸脊 肉質鮮嫩彈牙油花勁靚 牛味超級香濃令人回味無窮 實在太感動另外牛肉粒亦都出奇地腍老人家都食到 花雕雞 $88酒味非常突出 相當香淳雞件亦都鮮嫩無比 滑到不得了真係物有所值另外亦都點左個特色小食避風塘茄子 $48絕對係令人一試愛上嘅菜式茄子炸到外脆內軟 好似薯條一樣加上避風塘炒法好惹味絕對令你辣上癮

爸爸喜歡打邊爐，在油尖旺區在平日找家較易有位，又有質素的火鍋，實在不易。這家有很多好評，於油麻地與佐敦中間，旺中帶靜，位置不是很易找，要睇住google去找，因為近Austin station的八文樓附近。先選鍋底，店員介紹店內招牌老鴨湯鍋，這鍋有素翅，雞脾菇片，蟲草花，杞子，蘿蔔，當然不少得老鴨。飲上口清甜，帶有藥材香，感覺滋補。店員很貼心不時過來隔走鴨皮釋出的油份。我連續飲了3碗，真係好好味。因為一下了火鍋的湯去打邊爐，原本的湯就會混在一起。所以建議盡情先喝幾碗。店內有多款醬料及火鍋配料，以供選擇。澳洲M9和牛粒，份量足，雪花紋理清晰，入口牛油味濃，不能滾太久，入口才會又油又滑。鹿兒島黑豚，略嫌有少少雪味，肉香不夠，不過勝在份量足，正在做特價，都算抵食。北海道干貝滑，其實用了墨魚滑撈上干貝碎，食落好鮮甜，增加了口感及鮮味，亦吃得出有一粒一粒的墨魚，既彈牙有咬口又鮮味。脆鯇片，師傅刀工令魚片厚簿適中，我不太好魚，但爸爸喜歡，説魚片新鮮，基本上魚片，新鮮就好了。不新鮮才會有腥味。新鮮金錢展，值得一讚，平時較少食到，牛味十足，這部位肉質富彈性，爽口，點上少許調味已經好正。3人行，每人3百

朋友身體唔好，呢幾日天氣又凍返，於是我帶咗佢去呢間出名老鴨湯底嘅火鍋店打一個又補又價錢合理嘅邊爐。其實之前已經嚟過一次，覺得幾好，所以就再嚟~ 一嚟到，梗係叫咗個招牌湯底金撈富貴老鴨湯 - 半隻 $198 ，真係睇到個賣相都覺得賞心悅目啊! 個湯好清，一眼就望到個底，而且入口清甜，我同朋友未打邊爐，已經飲咗個湯一半了，同之前嚟食，啲水準都無乜點跌到，而且呢個湯仲要係原著版嘅升華篇~ 另一樣估唔到嘅係，佢竟然仲不斷有新野出 ! 呢碟充滿住今年PANTONE 最HIT 嘅顏色- 紫色嘅新鮮紫淮山 $48，真係可以話係超吸引 !  我好鍾意佢散滑嘅質感，口感爽脆，加上呢度係餐牌加咗少少description，話有潤肺美容豐胸之效，大佬~ 講到咁真係好難唔點呢個嚟試。呢碟脆炸午餐肉 $48 金黃色嘅外型真係好惹人犯罪，午餐肉啲肉一啲都唔散，口感好豐實，淥完之後都不減佢嘅口感，我朋友完全停唔到口。食完以上咁煎炸野，朋友彷彿好似精神分裂咁，話要碟店家自家製嘅冰黑豆腐嚟中和下，我本來想拒絕嘅，但係又見到佢個「限量發售」呢幾個字，還是點了。佢其實同冰豆腐無乜分別，不過佢滲滿所有湯之後，又真係好入味。

陪朋友去寵物店，聽聞附近的金撈火鍋好有特色，就試一試佢啦～啱啱我個口生飛滋，湯底嗌左香茜皮蛋湯。超多香茜令到個湯底好甜，啱晒我地呢d香茜控。招牌本地手切牛頸脊（細）肉類方面，先點了招牌的本地手切牛頸脊。雖然說是（細），但1d都唔細碟。質素仲好高，雪花均勻，肉質鮮紅，口感好嫩滑！娃娃菜OK啦～大碟d更好哈哈XD～花鵰雞（半隻）讀都推薦。花鵰味好夠濃，唔會「淡貿貿」。雞亦都屬於嫩雞，肉質好滑溜唔嚡口。脆骨腩嘅質素都好高。唔似得出面好多，嗌碟骨腩，查實俾全骨的背脊XD～查實俾全骨的背脊XD～有圖有真相～1彎彎長型靚腩～～

爸爸一路都好想食呢間佢話有個朋友食過話好食適逢佢嘅生日就帶佢嚟食啦孝敬下佢入到去發現佢竟然有北海道粟米仲有唔同嘅小食例如麻辣鴨掌鴨腎當然不少得有唔同嘅鴨湯見到富貴鴨湯原本有少少想叫不過未試過佢普通果隻試咗先個湯真係好足料料絕無欺場有杞子桂圓等等嘅湯料個湯底好入味真係如我爸爸朋友所講話真係好好味而且分量夠晒大份都夠我哋四個人食仲有佢啲鮑魚菇真係太美味完全給晒啲湯飲完晒先開始打邊爐必定要點呢個牛肉啲雪花分布好均勻牛肉味勁香佢有好多唔同嘅醬汁比你自己配搭如果你鍾意食海鮮不妨點桂花蚌分量多又夠晒新鮮坳落去非常爽口好想一食再食雲吞就中規中矩唔係太大驚喜個鵝腸就同出邊食嘅唔同呢度洗得好乾淨滾完之後唔會縮到好細條口感又係爽爽地唔係咁多地方食到咁好味嘅

朋友係附近返工又開OT，就話嚟呢度打邊爐聚下舊地點其實都真係有啲唔就腳，不過個名改得好就入去睇下有幾金!見到張order紙，個招牌湯底係金撈富貴老鴨湯，我自己幾鍾意藥材，所以就叫咗一個。個鴨湯嚟到，個樣真係幾清，而且都有幾多鴨油，可見都真係煲咗好耐咁真係要讚一讚個湯底，好甜好清，咁啱今晚又凍，飲完成個人暖哂啊! 店員話啲鴨肉係要點呢個佢地自家製嘅醬先好食，雖然好似薑蓉，但絕對唔係薑蓉味道，點咗啲鴨肉，真係好味咗好多。朋友見到有紫淮山，仲要係新鮮，好奇心驅使下就叫咗，我估佢都係貪佢抗氧化有美顏功效囉。出嚟真同相差唔多，同埋完全唔係乾哂，真係好新鮮。入口爽甜，我朋友自己食咗大半碟。我自己見到呢度都幾多特別嘅野食，就叫咗個牛胸爽，以為都係牛肉咁上下，點知嚟到真係一片片嘅白肉，完全聯想唔到我真係食緊牛呀! 淥咗一分鐘後就係咁嘅樣，入口真係好爽口，而且仲有淡淡牛油味道，係無乜肉味架啦，但真係好特別! 而且百幾蚊，有咁大碟，真係好抵食。雖然呢道啲店員服務普通，但係啲料又多又新鮮，個湯底咁特別，真係唔怪得吸引到我個fd過嚟食，下次我自己都要再同屋企人過嚟。

Happy Friday當然係最好藉口出街晚飯！大情人想食牛，小情人想打邊爐，所以去了朋友之前介紹的佐敦金撈，加上附近方便泊車，是自駕人士方便之選！原來此間食肆，之前得到新假期2016年最回味食府金獎！未點菜之前，店員有禮貌地送上火喎調味料，喜歡這𥚃有很多選擇，最愛是干蔥碎，不是太多地方有此配料哦。火鍋配料選擇十分之多，除了大受歡迎的肉類很多選擇，另十分喜歡是蔬菜的選擇也很多！火鍋湯底我們選了鴛鴦湯底，因為大情人想要濃味湯底，而小情人吃不到辣，這個湯底一次過滿足兩個人的願望！貢丸不錯，而不是太多食店有的牛柏葉及魚肚，這裏也有，是我和大情人是飛佛，夠新鮮，吸收了湯底的味道，十分美味！魚肚可以補補骨膠原！我和大情人也是牛魔王，點了手切牛脊肉，味濃肉厚新鮮，是牛魔王必選！還點了美國筒蠔，size 很大，而且還有6隻，夠新鮮美味，沒有沙！十分滿足！另一驚喜是有自家浸的原隻花膠筒，只是＄108，美顏又美味！養生之選！是女士們必點！小見的蒿筍是我的最愛，這裡也有，生吃熟吃同樣美味！吃下蔬菜中和脂肪，健康養生！哈哈！而愛芋者必我莫屬，這𥚃有炸芋頭，當然第一時間點了啦，但等了一段時間都未到，原來這裏是

約了友人一個星期的飯局， 終於實行了。 這間火鍋店是朋友推介的，因為老鴨湯超級好飲又滋補，最後我們一行四人叫了一隻老鴨湯火鍋(有半隻可以揀，相差60元)，真的超級好味。 我們每個人淨係飲湯都飲咗三碗，之後先再食火鍋料。 火鍋料亦有特別嘅地方，尤其是紫淮山，因為出面好多地方都沒有，好重淮山味。見到和牛刺身做特價，即管叫嚟試試，起初有啲驚喺香港試生牛肉，但試過後，真係鮮味無窮，牛味充足，幾正喎。我地食咗3個幾鐘，唔會有人趕你走，坐得幾舒服，侍應哥哥又成日走過嚟同我們講笑，唔錯。下次可以再幫襯。

趁天氣仲係有啲寒意當然要趁機會再打返次邊爐之前食過呢間餐廳返番轉頭再食嘅原因係因為佢嘅湯底真係冇其他餐廳可以取替用料充足不過現場嘅人都幾多啲侍應都比較忙要落單就要有多少少耐性啦！不過服務態度都仲係好好湯底方面好多選擇但嚟得呢度當然揀翻鴨湯啦真係真材實料架！有好大隻鴨係入面仲有其他材料好似杞子鮑魚菇等等啲鮑魚菇索哂啲湯底好入味！唔好以為煲湯嘅肉就會好乾啲肉食落去好嫩滑～淨係飲碗湯都值回票價！另外叫咗炸魚皮塊塊都好大！亦都好香脆～哩個響鈴有別出面嘅單食都已經好好味因為新鮮炸好香脆！又可以用嚟打邊爐一定要試！媽咪鍾意食墨魚滑就叫咗個手打嘅墨魚滑可以自己控制大小碟牛肉擺盤擺得好靚而且顏色紅潤睇得出好新鮮脂肪分佈好均勻～