金滬庭京川滬菜館 (已結業)

曾經為阿鴻既醉鴿而迷倒, 但自從離開左北角後已再搵唔算令人回味既感覺, 試過好多其他食店都令人失望, 但得知呢度有得賣時, 心裡又亮起一絲期望...醉鴿($72) - 未打開盒已聞到陣陣酒香, 鴿身算大隻, 咬一口, 鴿肉好嫩滑, 肉身仲散發著酒香, 酒味剛好, 算係阿鴻後令人最驚喜的咸肉津白($52) - 咸肉鹹香, 津白鮮甜, 對辨咸肉菜飯($16) - 菜飯加左咸肉一齊煮, 令到個飯好有味道東港城有另一食店有醉鴿菜式, 下次又要試試先...

3個人叫左4碟送,再加碗擔擔麵,好飽!!首先叫左個唔spicy既擔擔麵，雖然d芝麻汁無上次黎咁濃郁, 都okay丫。好過詠藜園個d!!糟溜魚片,食落去, 好似糖醋魚片咁,味道少少酸但甜甜地,幾正嫁!魚片很好食~ 真係要試下! 仲有個海"折"頭配芥末醬。海折好滑好爽都幾開胃, 味道不錯! 仲叫左個粗炒,,本人無食,所以廢事講~ 第4碟係銀絲包,點奶醬,唔係話好特別, okay喇~服務方面,星期日可能因為多人喇,所以會慢少少, 不過都算係有禮貌既~ 仲有, 今日排左好耐先入去丫! 平時d擔擔麵$20碗抵食, 今日加番做$30。不過見佢好食就唔緊要喇。環境方面, 係少少嘈嫁喇,仲要星期日咁多人, 不過坐得都舒服既, 唔會話好迫咁。仲有個大LCD電視添~未試過既, 可以試下丫。入面好多菜式都煮得唔錯=)

之前平均一個星期都會同屋企人去食一次。前幾日就帶個朋友去食,連佢都話好好味!兩個人叫左花雕豬手,海「捷」頭,小籠包,雞絲煨麵,高力雪糕...全部都係我最中意食既!花雕豬手又爽又入味,食落口唔會苦!(有d餐廳會落得太多酒攪到好苦!)海「捷」頭大大舊又勁爽!小籠包唔係特別出色,但係佢個醋調味調得好出色。(有時食野我覺得醬汁都好緊要!)雞絲煨麵真係勁好味!佢個湯唔會杰到飲唔到,個麵林林地,加埋有d雞絲,菜,同埋mushroom,配合得好好!高力雪糕,岩岩有我中意食既芋頭味,好開心!講真,著黑色衫d女待應服務態度真係幾差!!!!!!!!!!不過坐落左之後,d黑色衫高級女待應一知道我識得佢地個呀頭(即係間鋪最大個經理),d面色都即刻唔同晒~所以如果諗住去食,要預左d人d態度唔方好得去邊!

我們一行五人在星期日晚七點食, 唔好的地方就是要八人以上先可以訂位,唯有等位!以下是我點的菜1)砂鍋雲吞雞(必食) - 每人平均有兩粒雲吞以上, 雞湯好鮮味,有好多昭菜,還有半隻雞,每人有多個一碗湯,份量十足2)小籠包(5粒) - 肉汁不足夠但還可以3)三絲抄拉面- 味調教得唔錯, 唔算多油4)雞肉碎+ 叉子燒餅- 肉汁很濃, 但唔夠叉子燒餅(兩個燒餅即四個小袋子), 肉多袋少,要多叫一客燒餅5)抄昭菜- 與砂鍋雲吞雞的昭菜一樣, 下次要醒目唔好叫相同的蔬菜總括來說,食還可以, 但我們五人前往被安排擠在四人桌,非常擠逼,飯菜也放不下

We have been long customers of this restaurant, the food is normally below ok, not even standard.Tonight we went there for "Do East" (Jo Dong) and we ordered the 6 - 8 person meal (costing HKD1688)We have the 6 cold dish, Spicy Prawn, Shark Fin Soup, Sweet and Sour Fish and "Lin Go" Shanghai Style, Oil Cooked Chicken and Red Bean Pastry desert.The 6 cold dish is normal, northing special, the "Hoi Chik Tau" is cut into very large pieces and hard to eat. The Shark Fin soup is normal, but much thic

間中都會幫襯呢間店,因為1-2個人等位較快,假期的話很多八人十人都要等幾耐。平日、週末都去過,當然週末人較多,有時顯得人手不足,但都算盡力茶種類選擇多,不過酒錢頗貴,好似要成HK$20一個人點了醬豬手, 這裏算是弄得好吃, 豬手大大件, 還有十件八件菜伴著, 點了此菜不用點其他蔬菜類小籠包- 皮薄不俗,雖然有人話正宇北京小籠包是厚皮的, 但還是港式改良薄皮版較好吃擔擔麵: 選了少辣, 不錯酸辣湯: 朋友不嗜辣, 自己點了一碗, 味道可以, 如果渣多D更好

下午茶4個人食豆漿冇豆味,食物一般啦,..燻魚ok la..小籠包太厚似鍋貼,生煎包太淋,冇口感,高力豆沙簡直唔得,砂糖放面已經不太好,仲要一塊塊噤,而且個高力好油,好難食..太差,門面靚而d出品就差到噤..價錢又唔平,我唔會再去喇!!不過d服務尚可啦~~~

我最後都無食過呢度的菜，唔知好唔好食，因為一肚氣，無坐低就拂袖而去。服務態度太差，門口帶位的那位中年女士(部長??)，選擇性照顧客人，對某人當透明，想查詢，卻換來一副寸寸臉色，語氣又晦氣又惡。真係好少去食野搞到咁勞氣。

7.17 (tue) lunch原本諗住去"廿四度"食lunch，點知執左…Y_Y之後同事suggest去隔離o既金滬庭。最初唔係太願因為唔鍾意食中／上海菜，但食完就好慶幸入左黎食！其實樣樣都好好食！只係記得食過以下東西：- 上海粗炒：好入味，連ｄ菜都炒得好香！未食過咁好味o既上海粗炒，不過好油！- 雪菜炒年糕：唔太咸，點醋好味！- 唔知咩雞窩：ｄ湯超好飲！- 豆沙鍋餅（八件）：煎得好香，夠豆沙又唔會勁甜，薄薄地唔會勁滯- 高力雪糕（四件）：最普通，入面都唔似雪糕，似cream多ｄ，雪糕唔夠硬，溶得七七八八！- 仲有個好似手撕雞都好味好有口感。加人工，同事要我請e_e5位$380

今次同媽咪2個人, 就簡左去“金滬庭京川滬菜館”!! 咁我地食左咩:-1) 醉豬手=> 好入味既醉豬手！又炆得夠淋，酒味又夠香！　值得推介啦! 2) 小龍包=> 略為細粒,唔夠湯係入面！不過個皮夠薄！味道都ok 既!3) 蒸素餃=> 皮好夠薄，餡都夠香!! 不過，我覺得可以咸多少少啦!4) 酸辣湯=> 碗上！夠酸．．不過唔夠辣！唔知我是否食得辣既關係呢!5) 素麵=> 第一次攞出來，個麵好硬，好似未煮熟咁! 之後叫佢攞番去煮過，係淋左的．．不過都係硬硬地!! 好差既都呀!! 食左５樣野．．要$175埋單！　我覺得好幾貴下架!! 野食算係一般唔算太差，但普通的囉。值不值得見仁見智啦!!

我同一個朋友星期六(七月七號晚)去將軍澳個間金滬庭度食飯,叫三樣,有兩樣黎o岩,但有一款黎錯了,我地要芝麻大餅,點知黎黑醋排骨(好鬼肥),我地話無叫到,佢地就話無錯到,有錯都係我地寫錯o者,仲叫我地將就,無謂浪費呀,何況芝麻大餅要整成八個字,ok算,我地都無再爭啦!坐了大半個鐘左右,見我地差不多食完,佢地就走黎執啦,呢頭執完就比張單叫埋單,我地話我地無叫埋單o窩,個位亞姐就話梗係攪錯,但係就唔肯走,意即叫我地埋單啦,無所謂啦,心想埋完都可以繼續坐o者,點知呢頭收錢,個頭叫我地搬,因為要徵用我地坐緊張,即係叫我地走啦.呢d係乜服務態度呀,我地前後坐都未夠一粒鐘,埋單就要二百幾,早知去大家樂,又唔駛咁貴又好態度.以後打死都唔會再幫襯呢d咁o既餐廳,奉勸各位去之前三思,費事谷氣.

雖然家離這裡十萬九千里，但因為實在太適合我們一家的口味，所以這裡已被例入至愛飯堂之一。來太多次了, 食評都寫過..今天就來個小update吧!平常的favorite dishes不多說, saturday family night多叫了幾道新菜式:黑醋排骨：記緊要待會兒才入口，否則不被燙傷，也必定起“痱滋“! 油夠熱，排骨炸得香脆而不油膩，再跟秘製的黑糖醋醬油“兜“埋, 每件骨頭也沾滿酸甜開胃的醬汁, 很快就清碟了=D咸肉番茄煮莧菜：莧菜很攣綠，份量也蠻多。咸肉應該是bacon塊，加進酸甜的番茄, 好fresh呀! 不油不膩...一道健康的vegetable dish.蒸花素餃：內餡有西洋菜，筍絲, 蘿蔔絲, 香菇絲etc...很清，味道很好。若不是皮略厚，整體會更好呢！雷沙湯丸：很多花生芝麻粉在面，吃起來好香。湯丸本身很多花生芝麻粉在面，吃起來好香。湯丸本身幾好都幾好，皮夠滑，也很煙韌...黑芝麻餡有流沙效果，不太甜，但芝麻可以再濃一點=)每次飯後一家人心情都會大好^^

2個同事, 1個指定中菜, 1個指定去TKO, 所以最後一行7件人仔就去呢度食飯。早一日reserve左, 7:30去度其實冇乜人, 可能算早掛, 不過慢慢都多人, 8點幾個場都full得7788。U型卡位好寬敞, 環境都OK, 叫左壺普洱同碧螺春, 不過內地同事話碧螺春唔係碧螺春... 之後就睇menu, 都有唔少choice, 幾個侍都推介bb片皮鴨, 不過我地冇乜興趣~ 最後我地叫左...1. 雞絲粉皮- OK, 正常咁囉2. 口水雞- 辣, 唔食得辣既應該會覺得好辣, 係麻辣果隻辣, 不過隻雞肥膏多過肉, 麻辣得ok, 不過肥雞個人就mama3. 小籠包- 細粒, 皮冇爛, 都有d肉汁, 一般啦4. XO醬炒年糕- 大家都話唔錯5. 糖醋魚片- 魚片幾滑, 好食, 我鍾意~ 6. 上湯莧菜- 都OK, 唔會太咸7. 砂鍋什煲- 有肉有菜有粉絲, OK8. 黑醋排骨- 冇食, 不過冇人complain, OK掛9. 麻婆豆腐- 好普通, 唔辣, 為左撈白飯先叫...10. 蕃茄蝦鍋巴- 鍋巴同蕃茄蝦(茨汁)分開上, 幾得意都幾好食, 我地將d汁同鍋巴一次過撈埋, 鍋巴加埋個蕃茄蝦

星期六晚同一家人(8 位) 去呢間野食飯,之前訂位時都有講明話8 點要交枱, 所以都無問題. 但係訂位時要落$100 deposit 就覺得有少少怪. 都算, 不過佢地係張單又無mark 低你俾o左deposit, so 張單無減反paid o左o既deposit (好似博你地o的人唔記得, 咁佢又收多$100). 我又真係到星期日先記得我俾o左訂, 好好彩地佢地都肯俾返.到食野啦, 水準真係一般, 而最衰就係個片皮鴨! 淨係燒o左隻鴨個皮, 片o左上枱就算, o的肉完全係血淋淋!! 屋企人攞o左隻無皮鴨返去, 發覺入面個鴨肺未拎出黎, 入面一陣生鴨o既血腥味. o的肉未熟就拎上枱跟本就唔合衛生! 一隻未熟O既鴨有幾多細菌呀! 食環處都叫我地煮熟先食啦!埋單時, 叫佢俾返個單O既COPY 我, 又係咁問你點解要攞單走, 麻鬼煩!

食物水準一般*不要揀繁忙時間去,,因招呼勁差*特別係穿著黑色西裝的女部長*口黑面黑!!未食完竟然想拎走我地d野食*三番四次問我地食完未*又冇禮貌,,非常討厭*下次請我地都唔會再去*俾錢買難受*七個人食左六百幾蚊,,換來一肚氣加女部長既面色*再送d低能低b玩具*如果過左新年都仲未執既話,,簡直係奇蹟!!!