金田家

營業中

休息中

去捐血前 緊係要食啲野先 因為男朋友想去食拉麵 就近近地係登龍街睇下 估唔到登龍街真係幾多間拉麵店 見到依間唔算多人 就幫襯下見到menu既豚肉mix拉麵幾吸引 同埋唐揚雞塊幾吸引 就叫左 而男朋友就叫左濃つてり拉麵 同唔記得咩名既餃子🤣🤣等左唔係好耐 拉麵就到左喇 豚肉mix拉麵 聽個名會以為係多豚肉或者多麵 其實都唔係 真正答案係 啲湯底係特濃 不過真心啲豚肉係好薄 仲薄過我男朋友嗰碗😅 特濃既湯底真心超～級～好飲😳 值得一試。男朋友碗濃つてり拉麵價錢一樣 不過湯底就比較淡一點 唐揚雞塊麵幾大舊 不過第一次黎應該係未熟哂 食落去入面仲有血水😅 同店員講左 都好快換左份新既 味道唔錯

〔 辛子黑蒜拉麵 〕 $93.日本叉燒肥瘦均勻, 味道方面不會太咸不會太過油膩, 可以吃到有一小點辣的香味但不會太突出, 所以不太吃辣的也可以吃.麵可以再熱小小〔 黑豚拉麵 〕 $98.濃郁嘅湯底豚骨湯味, 肉相比之下會比較大件, 不會油膩.〔 吉列炸蠔 〕 $35.炸起立即上碟, 熱熱的, 炸粉也不會太多，不會太油.(好味指數：9/10)

喺登龍街入面有起碼三至四間日本拉麵店，個晚唯一一間唔洗排隊嘅就係金田家，於是我哋就揀左佢，都唔知算唔算係一個明智嘅選擇呢，哈哈。我一見到佢個黑蒜湯底嘅拉麵我就決定左要佢，因為外表夠特別，加上我本身都中意食蒜。佢麵有得選擇硬度，葱同蒜都可以選擇多少，不過多葱就要加錢。個麵質係唔錯嘅，幾彈牙又唔會過冧。不過個湯底就有啲出事，睇佢成碗黑色以為會好重蒜味啦，點知蒜味就唔係好食得出，仲有少少苦澀味。而且本身個湯底都唔夠濃，搞到冇左日本拉麵嘅精髓。麵入面有幾片日式叉燒，薄得黎又冇咩油香，可以唔洗考慮加錢再加碼。小食方面我哋叫左個海老餃子，之後見到佢有另一個期間限定嘅小食menu先再叫多個炸雞軟骨。個餃子偏細，但都食到粒粒蝦肉喺入面嘅，略嫌煎得唔夠脆。個雞軟骨每粒都好細，令到個口感好似就咁食緊炸粉咁，冇咩軟骨嘅咬勁，但明明就係為左食關節位嘅口感先叫嘅，早知叫炸雞好過。同埋佢炸出黎嘅顏色唔係金黃色，而係深啡色，懷疑佢係咪炸得過火左

一個人的晚餐，想食麵尊，燈籠鹵味間間都排長龍😫，想食拉麵，見到金田家就衝入去，點左濃豚骨拉麵，豚骨味真心唔夠濃，豚肉比較特別，有燒過，油香👍🏻👍🏻但食多幾塊會有油膩感總括來說只可以話不過不失，唔算好食，見佢咁好評，有啲失望😞

睇戲前去食拉麵，店舖來自九州福岡，以濃郁豬骨湯底聞名，仲多次奪得日本拉麵大獎! 一入到店，店員非常貼心，主動提供紙袋讓我們放囗罩!👍👍1. 黑豚拉麵 🐷+ 流心蛋 🍳有五大塊豚肉圍在碗邊，非常豐盛，濃厚豚骨湯底，黑豚肉薄切軟腍🐷，麵條直身有咬口，粗幼度不錯，流心蛋非常吸引😍，好入味，食慾大開!😋2. 魚介豚骨拉麵 ($88)湯底用了不同的魚和豚骨熬製而成，非常濃郁，不過旁邊放了些魚乾配料，比較鹹，太重味。但豚肉肥瘦均勻😜，薄切入口即溶，入口滿滿都是油香，溫泉蛋都滑溜! 😌3. 唐揚炸雞🐣 ($38)新鮮即炸，少少油，炸粉不算厚，外脆內嫩，好多肉汁，再點埋蛋黃醬，非常滋味!😍

這晚九點先放工，急急腳行到就近的登龍街，得返金田家拉麵仲有位，last order去到9:25pm，便毫不猶疑同友人入店試下拉麵手勢。辛子黑蒜拉麵（$98）+溏心蛋（$14）優點：黑蒜味香濃暖胃，雖然叫辛子但其實不辣。各色配料很足，最欣賞叉燒肉，大概有五六片不止，肥肉多而甘美，瘦肉柔嫩不鞋口，入口即化，切成薄片也與細麵食感相近，不至於搶了拉麵主角的風頭。追加的溏心蛋也流心成功，有淡淡的蛋香。麵我選了硬麵，食起來較有筋道。另外麵的份量不大，身為細食女生食完啱啱好九分飽，仲有餘力食小菜，不至於太滯，這算見仁見智的優點吧（笑）缺點：豚骨湯底濃厚但不夠濃郁，雖見油花但欠缺豚骨脂肪乳化後的旨味，再加上香蔥不香，無法解膩提鮮，整碗湯味道不夠有層次和餘韻。麵身也很難掛住湯汁，食落口更覺麵湯分離，口淡無癮。朋友追加了一碟粟米粒（$10），又老又唔甜，以罐頭粟米來講也很不ok😅脆炸雞軟骨（$38）相比拉麵，脆炸雞軟骨給我多一點驚喜。這家的雞軟骨切得大粒，肉骨比例平衡，外皮香脆有咬口， 內裡兼具肉汁的滋潤和軟骨的爽脆。七味粉+黑白芝麻粒+蛋黃醬又為雞軟骨多添一層香氣，配啤酒應該很夾。埋單要計加一，拉麵+小

第一次食這間，店面外面的裝潢比較吸引目光，我們點了個經典拉麵和黑蒜拉麵，另加了糖心蛋、芽菜、辣醬（10蚊，而且還忘了上，問下店員才用個碟子裝了一坨端過來，不過味道還是不錯得），糖心蛋是直接放在拉麵上，芽菜分開裝碗端上（挺多的），剛開始喝湯底味道很好，但係食下食下就感覺有點膩了，黑蒜拉麵比較好食d

一個人食晏，好多時都會去試碗拉麵，作為一個食過咁多間拉麵既，對拉麵都真係幾有要求。金田家我係日本係無食過，但知道係非常出名既拉麵店，但係香港開左幾年，又唔覺得好有熱潮要去食。先飲一啖湯，感覺好有趣，湯的質感濃稠，不過味道卻偏淡，可能適合不常吃拉麵愛清淡的人，但對追求日本味道的在下來說，未能滿足。麵的硬度是普通，幼麵不應該太稔，嚼勁不錯，掛湯也不錯，屬於中上水準，但份量有點少，男仔會唔太夠飽。叉燒好薄，無咩口感，好似唔係太抵食，雖然入口味道唔錯，肥瘦均勻!整體黎講，唔算好有驚喜，可能因為好似連鎖店咁，店員都唔太有工作熱誠去煮好碗麵，但間唔中都可以黎食下既!

並唔係第一次食金田家，但間唔中都會再食。次次去金田家最鍾意就係食佢嘅柚子拉麵，清新嘅柚子再加上濃郁嘅湯頭，配搭恰到好處嘅辣味，實在令人每次食都有一番驚喜。特別鍾意拉麵入面配搭嘅紫洋蔥碎，味道特別鮮甜，配埋湯底食感覺特別。而且比起其他拉麵，金田家嘅價錢實在唔算係貴，所以對於鍾意食拉麵嘅我來講金田家都都算係我最鍾意嘅其中一間。另外，疫情期間餐廳並沒有全滿，雖然登龍街舖頭比較細，但都算坐得梭羅，唯一嘅係吧枱嘅燈沒有靠背，坐得比較辛苦。

路過銅鑼灣，登龍街絕大部分嘅餐廳都要排隊，見到金田家，之前喺將軍澳食過覺得唔錯，諗住隨便食碗麵醫肚，點知比想象中更好食。本人唔太喜歡日本叉燒，但佢嘅叉燒又薄肥瘦又適中，味道亦係我中意嘅醬油？味， 非常好！係麵質方面唔太啱我口味。至於湯底，選左mix係因為唔想咁膩，結果豬骨同雞混合得非常好，重點係唔會死鹹，啲湯飲完唔使飲水，亦都唔味精。店員服務超級好，非常有禮貌，而且亦有耐心解釋菜單。總之食物同服務體驗非常好，會再幫襯！

食過好多間拉麵店，但要搵一間好味既其實唔易，不過食過咁多次金田家，質素都冇差過，依然keep到水準！食過咁多次都未試過黑蒜湯底，決定今次試下！濃郁既黑蒜豬骨湯底，味道夠又唔會太油膩，岩岩好！配上燒烤過既日本叉燒，肥瘦均勻，用蔥花、紫菜、雲耳作點綴，辛子黑蒜拉麵正呀女朋友就叫左黑豚拉麵，非常濃郁既濃底，飲完一啖會想飲多啖，直到飲哂佢價錢貴少少，可能係黑豚既關係。但明顯地肉質係相對地瘦，冇咁膩，不過肉既份量大份啲，打番個和最後加份唐揚炸雞作完美總結，新鮮即炸出黎，脆口入味有肉汁，同拉麵簡直係邪惡既配搭！P.S. 價格適中，具質素 ，份量夠，絕對值得你翻食N次！

🌸 湯底濃郁，且有咬口的拉麵🌸✂️疫情期間外賣自取半價✂️✂️+$6追加小吃✂️▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁ ▁🔸豚骨mix拉麵（$83）🌟豚骨湯底香濃，沒有強烈味精味🌟配試4塊豚肉，肥瘦層次分明🌟木耳和芽菜做配菜，健康搭配.🔸柚子辛口拉麵（$98）🌟柚子味飄香，湯底柚子味濃🌟表面有秘製辣醬，如果不食辣可以移開😂變不辣🌟拉麵屬直麵，麵底也頗多🌟還有4-5塊叉燒.🔸男爵薯餅（$42/2件）🌟紫薯薯餅和牛肉忌廉薯餅各一塊🌟紫薯甜甜的，一大塊炸得香脆🌟牛肉碎不算多但忌廉味重，.🔸吉列炸蠔（$58/4件）🌟蠔沒有腥味🌟剛炸好的蠔熱辣辣，上碟即食好正

金田家 / 雞白湯豚骨拉麵 ($88)📍: Causeway Bay, 34 Tang Lung Street🍴: 8/10🕺: Gonna come again抱住想試多d香港既雞白湯既心態 本身係無期望入黎zz但呢個比想像中好好好好多!!!湯無座銀咁creamy 但豚骨同雞湯味都balance得岩岩好🥰蛋麵麵質唔會太爽口/太淋燒過既叉燒肥瘦適中又香讚讚🥰..💌Follow me on instagram for daily updates💛📺@_ramenegg

呢間拉麵嘅麵條佢話係每日自己製作,所以麵條同平時食嗰d係有d唔同,幾特別,湯底好濃郁,豬肉好Juice,我加咗糖心蛋,正!另外加咗d辣肉碎因為我鍾意食辣,買返屋企其實都仲熱緊但因為我係鍾意食勁熱所以我有翻熱,叮一叮熱就食得啦,好方便.包裝盒上佢有教埋叮幾耐就食得,好細心❤️另外仲叫咗炸蠔同唐揚雞柳同埋餃子,餃子有兩隻味,我比較喜歡辣味,配埋紫菜同沙律醬,開胃呀.估唔到翻熱左都仲係好好味.以後外賣有多個選擇啦

之前碌Instagram, 見到有朋友食左金田家嘅黑豚拉麵, 望落好似幾好食, 就bookmark左最近大食妹嘅分店今日約咗朋友仔去銅鑼灣做嘢, 一於就去食碗拉麵醫肚<黑豚拉麵>嚟到金田家, 作為食肉獸嘅大食妹又點可以唔食佢嘅黑豚拉麵呢黑豚拉麵裏面有五塊日式叉燒, 肉質半肥半瘦, 厚度正常幼身拉麵配上膠質湯頭, 幾有質感但重口味嘅朋友仔就覺得湯底太淡<大將餃子>大將餃子熱度一般, 中等脆度可能因為大食妹成4點先黎食晏, 人流唔多吧金田家宜家做緊加6蚊加配是日小食大食妹去果日嘅是日小食係似辣非辣少少溏心蛋2隻, 味道咸咸地, 味道都唔錯嫁