金田家

營業中

休息中

同朋友嗌左豬骨湯同埋黑蒜油湯拉麵，再加份男爵薯餅個人嚟講兩個湯都唔錯，但相較就始終覺得豬骨湯好食啲-黑蒜油湯係好濃味，真係好重好香黑蒜油既味，但食得多會有少少覺得太油有啲膩既感覺。豬骨湯食起嚟就原汁原味好多，好香好重既豬骨味，食到落底都唔會太油，食完仲會覺得可以飲埋啲湯。而個薯餅有兩款，一款係咩牛肉薯餅(白色饀既)，一款係紫薯餅(紫色饀既)，紫薯塊好香好重紫薯味湧岀嚟，反而牛肉薯餅冇乜薯味亦都冇乜牛味，紫薯食落香口好多。整體嚟講係唔錯幾好食！

銅鑼灣登龍街在我印象中是滿佈拉麵店的食街，光是拉麵店也有5間以上，而現在亦有愈來愈多餐館進駐，當天想找間坐得舒適的拉麵店，和老朋友聚聚舊，便選擇了金田家。金田家在九洲很有名氣，以濃郁豬骨湯底聞名，多次獲得日本拉麵大獎，亦曾被日本最具公信力的飲食網站評定為「最佳福岡拉麵店」！下午茶時段人流不多，可以隨意揀選座位，為方便聊天，我們沒有到吧檯坐，而是挑選了四人座。侍應會先放下冰水，再給予時間我們點餐，不會催促。【濃豚骨拉麵 $83】(豚骨湯、豚肉叉燒、木耳、紫菜、青蔥)當侍應將拉麵送上來，就知道這裡應有它在登龍街立足的原因。個人對拉麵的要求先是湯底，其次才是叉燒及麵底。先講湯底，乳白色的湯頭令人看得著迷，而且從質地可以看出濃郁度非常高，味道不嗆候卻有豬骨甜味，吃得出金田家的策略便是穩中求勝，亦是它能站穩陣腳的最大優點；而據知麵底是依照本店的秘方在香港找麵廠製造，以保持新鮮，幼身麵(普通硬度)剛剛好，麵質爽滑之餘亦不失嚼勁；叉燒是走薄身路線，秘製醬油醃製後不會過濃，肥瘦分明，稍嫌覺得叉燒不夠熱，若能維持與豚骨湯相似的溫度會更好。旁邊兩桌也分別點了薯餅加餃子，看來是人氣食品，下次再來，我也要吃！

放工後要同朋友去上瑜伽堂🧘，上堂前我哋要食個晚餐所以朋友就介紹去登龍街一間日式拉麵店🍜，第一次聽個名就令我聯想起日劇金田一，當然這間金田家主打一定係拉麵呢間拉麵店🍜係🇯🇵日本福岡縣過江龍，有秘製湯底🐖叉燒係採用沖繩同鹿兒島🐖豬肉，淨係聽呢兩個賣點就有足夠理由去捧場😋，更加上朋友之前食過勁推介佢哋🐖叉燒係入口即溶~🤤因朋友大大力推介所以我地同樣點左2碗雞白湯豚骨拉麵🐔🐖🍜💋雞白湯豚骨拉麵湯底呈奶白色🥛感覺讓人有一種creamy濃郁，有一陣陣雞甘香味，🐖叉燒脂肪同肉好分明食落去齒頰留香，配料亦十足有塊紫菜同勁多蔥，🍜拉麵亦很彈牙吸收曬湯底精華

【濃豚骨拉麵】HKD 78-麵底：硬度有超硬、硬、普通、及軟，四種選擇，我點了【普通】，麵係幼麵，食落有點硬，入口咬落都彈口，有點硬，食到尾段麵開始腍身，唔知超硬會係點。湯底：揀左濃豚骨，第一口品嚐的確濃郁豚骨味，又似牛奶味，但湯面係起左一層泡沫。食到中段開始膩口，要飲水，所以個湯底只屬一般。叉燒：切得整整齊齊的 4 片叉燒，入口有點「鞋」口，唔腍亦唔硬，口感一般。＝＝＝＝＝＝＝整體上，已經揀左拉麵店推介。紫菜到枱，開始有點腍，食落只屬一般，無話有特別驚喜，亦唔會令我食過要返轉頭左食過。倘若再黎，都只係因為想試下【柚子辛口拉麵】而矣。

呢間過江龍拉麵開得越來越多分店門面感覺似日本嘅街坊拉麵今次就試吓佢到底正唔正宗拉麵嘅擺盤都幾靚仔肉又有好多塊感覺幾抵食味道就不過不失啦炸雞似係即叫即炸外皮唔會好厚肉都幾嫩滑

中午公司大清潔,所以跟同事一齊去登龍街搵間拉麵試下,同事話想試下依間金田家,因LUNCH時間所以坐滿人等了十分鐘左右就可以入去啦,之後盲叫左兩碗拉麵跟一個小食唐揚炸雞塊,先講一講豚骨拉麵,湯底濃郁拉麵算爽口叉燒份量都算OK,但味道算係一般,另一款黑蒜拉麵就比較好,蒜味重配上豚骨湯底更豐富左個湯既層次,又令到拉麵更有蒜味,唯一可惜係青蔥唔夠多,味道既變化小左一種青澀既味道......個小食就只係普通既水準

專程到拉麵街之稱嘅銅鑼灣登龍街試一試拉麵黑豚拉麵 💲98豚骨MIX拉麵 💲78（另加溏心蛋 💲14）大將餃子 💲30✅ 豬骨湯既叉燒肥瘦適中🐽 鋪滿個碗視覺效果好好 湯既濃度個人覺得可以 如果可以比人選擇就更好🍜❔ 溏心蛋既溏心做得唔錯👍🏻 可惜太貴🥚❔ 餃子煎得唔錯 唔太炸 但同樣價錢偏貴🥟👅Taste：3.25/5💰CP值：3/5🙋🏻‍♀️Service：3/5👁‍🗨Stylishness：3/5

今日去左銅鑼灣，心血來潮想食拉麵，於是去左金田家試下。下午2點半因已過食飯時間，唔洗等位可即時入座，入座時已有menu同落單紙，而另外可自由選擇麵條粗幼度以及蔥花要多或要少，但如要多的話需加5蚊。而另想加配茶亦可係落單紙選擇。最後點左濃豚骨拉麵($78)+溏心蛋($14)。 豚肉入口即溶而麵條有彈性，湯味道還可以，但比想像中有少許出入。而擺設方面因點了溏心蛋一個，最後只能見到半個溏心蛋。原來俾豚肉遮住左。

尋晚同姐姐行街之後黎咗呢度食拉麵🍜拉麵叫咗雞白湯豚骨拉麵同辛子黑蒜拉麵（+溏心蛋）兩個都選咗硬身麪同正常蒽黑蒜拉麵配料好豐富勁多蔥湯底蒜味非常香濃而配料方面d叉燒好出色半肥瘦油脂香十足、口感亦好淋滑呀個溏心蛋都好入味好好食麪底係幼麪嚟嘅叫咗硬身、麪質口感好好！d麪掛曬湯好好食呀！雞白湯拉麵味道相對比較淡雅湯底入口好順滑creamy有雞油香小食叫咗炸雞同薯餅炸雞就咁睇賣相以為會比較乾、但食落好嫩好多汁粉漿調味夠惹味雞皮香脆另外個薯餅係牛肉薯餅同紫薯餅好大塊厚身外層炸到金黃酥脆裡面係口感綿密嘅紫薯同薯蓉紫薯餅入面仲加咗d好香甜嘅栗子增加口感兩姐妹食飽又繼續行街了

黎到登龍街，好多拉麵店下午六點，人唔算多，未見有人龍出現，見呢間寫住九州第一拉麵，入去試下。店鋪似新裝修，座位都算舒服。坐低叫左兩碗拉麵，一個係濃湯豚肉拉麵，一個係黑豚肉拉麵，先講湯底，兩個湯都沒有什麽分別。唔太油同太咸，湯底有著濃厚豬骨味呢個係黑豚肉拉麵，溏心蛋係另加，好多木耳，黑豚肉份量都好豐富，喜歡這個開花的擺法，見到都心花放。但豚肉一般呢個係濃湯豚肉拉麵，豚肉都係一般，都係勁多木耳。下次黎會試埋柚子拉麵，幾特別

金田家-日本九州過江龍拉麵門面縱橫掛列的發光紅白燈籠，遠遠就可看到，加上仿瓦片的簷蓬，配以金田家的頭象；內裡掛著一個個球形的燈籠、牆上掛碟的裝飾，環境光亮舒適。濃湯豚骨拉麵濃郁的豚骨湯，拉麵是幼身的麵條，充分沾上湯汁，叉燒片半肥瘦，肥肉部分相信是經過火炙，香焦又帶油脂感，加上爽口的木耳，開胃的蔥花，九洲的拉麵。黑豚拉麵湯底一致，不同的是海量多的黑豚肉片，大大片的肉，脂肪比例較小，札實的豚肉感，這次麵條選了硬身，有口感有咬勁。大將餃子煎焗的大將餃子，軟熟煙韌的餃子皮，餡料肉和菜向半，爽口又有實在感。男爵薯餅熱騰騰的炸薯餅，外脆內軟的牛肉薯餅和紫薯甘栗薯餅。可爾必思、波子汽水冰凍的飲料，拉麵必備。

銅鑼灣登龍街實在有太多的拉麵！很想一間一間試吓！間間都是來自日本。。間間都是正宗拉麵！究竟邊一間先係最好食呢！等為食妹又再逐一去試吓！今次選擇了金田家！次次都見到好多人排隊！等我又試吓先！我點了黑蒜豚骨拉麵！男朋友見到雞白湯豚骨拉麵就覺得好特別所以點左呢款!平時通常都係豬骨湯竟然會有雞白湯！所以專登一試！大概等左15分鐘拉麵就到啦！一上枱嘅時候就聞到好香嘅味道！糖心蛋嘅蛋黃依然流動！想即刻就食咗佢！食落去嘅味道又香又滑！正！首先試埋個湯底先！湯底味道非常之香濃！黑蒜味都好重！麵質好爽口！又唔會太硬！果然名不虛傳確實好食！男朋友點的雞白湯豚骨拉麵湯底就冇咁好味。。男朋友形容好似普通雞湯咁！

今日約左個同我一樣好鐘意食拉麵既朋友行街，咁當然午餐都係揀左去食拉麵啦！今次就食呢間金田家，聽聞呢間店係來自日本既，好期待！入面佈置風格簡單，坐落都舒服。坐底左就開始揀野食，要食咩就自己係張紙填返，我鐘意辣辣地既，揀左柚子辛口拉麵，朋友就揀左黑豚拉麵，我地另外又點多一份餃子同一份唐揚雞share, 飲品就一齊揀左可爾必思。可爾必思 ($20)落單冇耐店員就斟左俾我地，呢杯真係好甜，我哋飲完一啖忍唔住自己加水，加完就岩岩好大將餃子 ($30)呢個餃子還不錯，不過都係普通餃子，本身都冇話好期待。唐揚雞塊 ($35)非常之大份量，每舊都超大，雞炸得脆，裡面又多汁，點埋啲醬好好食。柚子辛口拉麵 ($98)重點來了！湯頭好濃郁，微微辣，仲有清新既柚子味，好好味！我揀左偏硬既麵，好岩我口味！仲有幾塊豚肉，好入味黑豚拉麵 ($98)朋友點既，佢話個湯都好濃，我見有超多塊豚肉圍住個碗，好誇張，不過見佢最後都食得晒，就知係好味

登龍街有好多食店林立，今次去咗呢間金田家，專食九州拉麵！晚飯時間去到，等了大概5分鐘就有位了！點菜紙簡單明瞭叫咗兩碗拉麵、兩個小食同兩杯飲品黑豚拉麵$98豚肉有五大塊，夠淋夠入味湯底係濃濃既豚骨味，不過唔怕太杰身！木耳，香蔥份量足追加溏心蛋一隻$14溏心蛋做得出色，入味之餘，蛋黃係溏心，煮得剛剛好柚子辛口拉麵$98中間紅色係辣醬，澇落湯底之前先試了啖湯底，食得出柚子既香味，相對其他湯底清新。澇了辣醬後，柚子味明顯減弱，食到出清新既微辣！唐揚雞塊$35雞塊大大舊，即叫即炸，所以熱辣辣，夠香脆！大將餃子$30餃子煎到脆邊，味道正常，不過不失！呢度有得飲波子汽水$25同可爾必思$20(即係乳酸飲品)出菜夠快，服務唔錯！

店舖乾淨簡潔得來都好有日本風👍👍餐牌選擇同一般嘅拉麵店差唔多，唔係特別多，但都有八款拉麵，面嘅硬度都有得選擇😊柚子辛口拉麵，這味道在平時的拉麵店比較少見到，拉面唔算太辣，柚子味道重，酸酸甜甜，感覺清新，幾特別😁黑豚拉麵，湯底比較清甜，入口順滑，黑豚叉燒嘅肉味道比較重，個人就鍾意黑豚叉燒多過一般叉燒😂男爵薯餅，原來兩個薯餅唔同味，一個鹹一個甜，好好食，熱辣辣，炸粉唔會太厚，外脆內軟😍😍餃子🥟，佢煎到個底脆脆地，咬入去入面仲有啲湯汁😋仲叫咗支波子汽水😎