金祥排骨麵

營業中

休息中

撘車經過呢間鋪幾年，終於可以去試一試。叫得金祥排骨麵，咁就一定要試吓去啲排骨啦。所以我就叫咗碗雲吞排骨麵啦。咁今次呢我就係外賣自取嘅。當我拎到朋友屋企去食嘅時候，覺得啲雲吞個皮有少少厚，個排骨就味道ok。可能因為個麵係我買咗半個鐘頭之後先食，所以個面嘅質地就淋到有啲糊。都真係幾難食，但唔知係咪因為我等得太而又冇分湯，所以先咁會咁淋咁糊！所以雖然今次總括嚟講我都覺得唔好食，不過會再去堂食多次俾多次機會佢。而價錢上黎講，佢都算真係幾抵食，又有雲吞有排骨，都只係＄40，你隔隔黎多士一份都＄35啦！

麵食的選擇不少，選了招牌的雲吞排骨麵。先上雲吞麵，份量不少，雲吞皮不厚，菜肉餡料豐富，味道不錯，另上上海排骨，即無骨炸豬扒，炸粉不厚，豬扒不帶肥肉，肉質鬆腍不乾身，頗香口。整體算是味道不差，價格優惠的麵食選擇。

第一次來黎肯定要點D招牌啦 排骨麵真係正～湯底味道清淡 好鍾意 夾起塊排骨肉在湯裡索兩吓～進口脆～老闆服務態度都唔錯 舖頭小但係人旺 下次仲想來試吓其他小食 上海麵真係好有嚼勁啊

走访驰名已久的金祥排骨麵。肉和麵分開上，讚！先来一口湯，湯底不錯。再来一口碎上豬排（吾算是排骨）炸皮薄而脆，肉質鬆軟吾乾又不油，味道略為咸了一点，但夾住麵吃又覺得刚好。再試一個鯪魚肉腐片卷，無甚驚喜，簡單小吃，不過不失，如果能配點醬汁，可能會好啲。總體還是有水準和用心食店，保得住金漆招牌！

心血來潮，不如就寫編食評吧環境：店鋪不算太大，乾淨企理，坐得舒服，而且圍邊都是港人至愛的卡位，d 枱椅係木製，坐得舒服，望落去多幾份中國特色。服務：我懷疑服務我果位是店主，他好nice, 感覺親和，仲會推薦食物，點菜都點得高興d。餐牌：簡潔清楚，大份抵食，雞翼餐竟然有5隻雞翼，出面市區得2-3隻乍。好難搵到甘抵食，味道又有質素地方主食：主角來了-馳名排骨雲吞麵湯底清淡，唔太多味精豬扒沒有平時炸起左舊舊的厚粉，表面又薄又脆的，都好香口啊，同埋不是用陳年油炸的食得健康，小妹最怕陳年油益味，唔知大家是否一樣呢？雖然個皮好薄但豬扒仍有水份不乾，豬扒部位偏瘦，沒有肥肉，視乎個人口味啦，我就都喜歡啦，整體都好食呀。至於雲吞一般，皮厚了dd, 餡太多生粉，咬下去變成了一pat pat 的感覺，我最終都冇食晒，份量多左d。而上海麵有口感，啃下好彈牙，加上湯底清淡，I like it 下次可再去試其他

話說打算到金祥一試佢既排骨麵講左一年有多，今日總算到來品嚐一下到底有冇朋友講既咁好食 坐位有d迫，快快叫野食!一碗排骨麵、一碗雲吞麵、一個腐皮紫菜卷、一杯酸梅湯呀唔該。排骨麵黎到，睇見個排骨炸得咁靚，口水都流埋!!忍唔住喇 真係好好食呀!仲有呀!!個上海麵同平時食開既都唔同架!!軟綿綿得黎有彈牙既感覺，正!另外，雲吞麵一樣好食，大大隻既雲吞，餡料十足，皮唔會太厚!腐皮紫菜卷，呢兩樣野加埋一齊煮我係第一次食，炸得好香好脆口，讚!酸梅湯，食咁多野，配返杯酸梅湯飲就岩晒喇，開胃呀嘛!總括黎講，金祥排骨麵令我重新愛上炸排骨!!而且價錢超抵食！朋友真係冇介紹錯

講起金祥，是我由小食到大的地方。有名的是招牌排骨麵，今次要點評排骨。排骨是肉排，每件也是即炸。絕無油益味，而且每一件都十分厚身，炸漿也恰到好處，吃落十分脆口。醃肉方面，也不會加入很多味精（話冇咪精都冇人信不過真心唔多的），加上上海麵真是十分夾。每張枱上都會有豆板醬，不過朋友教路，一定要問老闆拎「雞醬」（要問先比你），信我，酸酸甜甜會更加惹味！

中學時期好中意同fd去呢間食，當然依家小左去，但前幾日我個fd發炸排骨癮，就比佢拉左去食。雖然佢叫排骨面，但其實係炸豬排。一碟大概有8去，有一兩去會有骨，而其他全部都係肉。即叫即炸，每一次食都係熱辣辣，炸都勁脆，有肉汁，唔會炸得太乾。老闆好貼心，將炸排骨同面分開，排骨就咁食都已經好好食，但始終係炸野總會有小小厭，所以呢就可能張排骨浸一浸湯尼食，令排骨吸左小小湯之餘仲保留左脆既口感，非常正。排骨面排骨面，佢地會既係上海面，偏硬而且有小小黏，面呢我就一般啦唔算話好好食，但唔中意上海面既朋友可以轉番米線粗面等等。主要都係食排骨我覺得尼呢道既話我好中意飲佢地既菊花茶，好有媽媽煲既感覺，唔甜，菊花味幾重，飲落口好舒服，感覺上對身體好健康菊花茶$6，而排骨面一碗$30，又平又好食

以前中學lunch嘅時候都會成日去呢間金祥排骨麵到食，亦都有好多人去食！有時仲要等位！排骨麵就係呢間食店必食嘅，排骨即叫即整，熱辣辣！啲排骨唔會好硬而且一D都唔油膩，啲排骨又唔會用好多粉去炸。同埋啲麵好特別同其他鋪頭好唔同，好有口感，仲有湯底唔會好咸，可以中和番啲排骨既咸味。

港島係我平時唔會接觸既地區因為工作關係 有兩星期時間可以慢慢品嚐西環既美食今日自己一個人食既關係禁梗係要支持小店同埋keep住要搵平靚正美食既理念門面有鮮豔黃色既招牌非常吸引人既眼球聽聞呢度最出名係招牌排骨面就梗係要試下！排骨先上 熱辣辣排骨非常吸引 但當然要等埋主食先我既決定無錯湯底非常鮮味 清清地上海幼面就唔太岩我口味但面質唔錯排骨炸得剛剛好 唔油膩但可惜有點咸配返較清淡鮮味既湯底就可以中和返另外 老闆非常好態度同禮貌環境乾淨整潔價錢好合理全日套餐包埋飲品都係$36單點加飲品都有半價優惠

每次經過西環要揾野食，金祥排骨面一定係其中一個選擇。佢地既排骨，雲吞，魚卷都係我既最愛，當然仲有好好味既麵同湯底。排骨炸得香脆，但偏乾身，如果怕太乾可以將排骨沉一沉湯，或者點醋不但唔會變到淋batbat，排骨吸收咗湯既味道仲好食雲吞皮夠薄，肉同菜既比例岩岩好，每一淡都有菜同肉既口感，味道清淡但不會太淡雲吞係佢地自己包架，好多時去食都會見倒D員工摩打手噤包雲吞，好犀利魚卷係炸到脆卜卜既腐皮包住鯪魚肉，出面好脆，裡面既鯪魚肉好彈牙，點湯食又係配麵既好選擇佢地既麵好軟綿綿（唔係淋batbat),湯好鮮甜，好食又抵食

金牌排骨話說黎水街等食流沙西多。點知要等成五十張枱。個肚打緊鼓梗係搵啲野食住先。行落少少見呢到都爆場。就叫個外賣食住等。招牌有排骨梗係要叫排骨啦。方便食就叫左排骨粗炒。廚房效率高。KEEP住入單都KEEP住出貨。個零字到就交貨。行黎上去一打開。又幾香喎。先咬件排骨。個皮酥脆唔過厚。肉質鬆中帶勁。咬落肉汁唔少。粗炒係真係炒唔係醬油焯。上色平均。雖然鑊氣冇乜但係有唔少面條都有落過鑊。受過火既微焦香。重點係盒底冇油！計埋杯豆腐五十有找。食得過！

同成班frd一齊係西環一帶搵地方食個晚飯係水街見到呢間舖啲麵好似幾正咁就入左去試啦間舖叫得排骨麵 就梗係試佢個招牌排骨麵($32)啦碗麵一黎到已經聞到香噴噴 個湯有蔥蒜既香味好鐘意佢呢到係排骨同麵分開上 唔怕沉林啲排骨個粗麵粗到好似烏冬咁 但比起烏冬更有咬口排骨炸得超香超鬆脆 雖然啲肉有啲老但仲有肉汁順帶一提既係呢到叫麵食可以半價叫多杯野飲我無叫到 只係偷飲左朋友一啖豆漿試下味有豆香味既 但我飲慣甜豆漿所以嫌佢淡味左啲不過淨係碗麵已經抵返晒 好好味 值得一試～！！！

大概九點半去到 雖然要等位 但待應好有禮貌咁叫我地等等 六個人大概五分鐘就有位啦 叫左一個烤雞翼米線同酸梅湯 送埋野飲都係$34 比同區其他餐廳都算平 等左十分鐘就有得食 米線同雞翼放開左放 雞翼熱辣辣超級香 總共有五隻雞翼 炸得岩岩好 鐘意食雞翼既人 強力推薦你地試下 米線既湯有小小味精 但米線好彈力 比外面食既粗小小 口感好特別 總體評分好好 西區黎講算好抵食

夜晚突然想吃宵夜，落去西環，見到間排骨面，於是就入去叫左碗“馳名排骨面”試下剛叫左無幾耐，大概8-10分鐘就送到，好快就有得吃，唔系等咁耐，而且老闆都好熱情招呼d客人，先上左粗麵，隨之就系馳名排骨啦，果然馳名，排骨看落去好似好脆，但實際上無想像中咁脆，反而好d軟軟的，好易入口，而且分量都大，一個人絕對吃得飽，而且加杯嘢飲，total都系吃左38蚊，好抵，又吃得飽，宵夜既不二之選啦！！除左馳名排骨面，好似粗炒都唔錯，下次一定要再試下其他