金記冰室 (新都城中心二期) (已結業)

又來金記食晚飯，Wfh嘅日子越黎越耐，今日外賣自取返屋企一家人一齊食😊海南雞半隻～我至愛，每次去到都必叫嘅，今次嘅雞件一如既往嘅嫩滑，好快就清晒，如果分量多啲就好了😆粟米魚柳～好欣賞呢度嘅細心，無特別叫，店家都主動將粟米汁同埋炸魚柳分開擺，唔會浸到淋晒，就算返到屋企，魚柳依然保持脆卜卜韭黃蝦球炒滑蛋～店家好大方，我就咁數一疊都有成十件八件蝦球，而且大大隻，又爽口，滑蛋有少少牛油味，明顯落足心機整👍喺屋企都咁好食😋希望快啲抗疫完畢，我哋可以多啲出去食飯了

金記冰室係全港有好多分店，今日係新都城行街，見到有熟悉既餐廳，當然要試下啦。menu有好多選擇，有少少唔知食咩好，最後諗住轉下口味，唔好食死幾款，揀左鐵板餐同雞煲，嚐下鮮😋。鐵板海陸空 $92顧名思義就係魚柳、豬扒同雞翼都有齊，認真份量十足。特別喜歡豬扒夠大塊有咬口，魚柳嫩滑，入口即融。麻辣啫啫雞煲 $68 轉套餐加$15好耐無食雞煲，咁啱見到menu有，決定要試下，雞煲上到黎熱啦啦，辣度係小辣，啱啱好，仲有好多配料，洋蔥、辣椒、菇類、青椒等，雞肉都好多，食得好滿足。白雪公主 跟餐$15雪山菠蘿冰 跟餐$15個名起的幾得意非常有創意，忍唔住要試下，雲呢拿雪糕同雪碧混合得剛好，味道相當不錯。

因為同男朋友入咗嚟將軍澳呢邊睇戲睇完戲去搵餐廳食晚飯 喺個商場附近行咗好耐都唔知食咩好 唯有是但走入依間金記茶餐廳我哋抱住一試嘅心態，我好想食鐵板餐所以男朋友陪我食，一人嗌咗個鐵板餐佢嘅係雜扒餐，我嘅係蘋果豬扒餐一上台，首先個賣相就已經win曬啦好靚！而且好大份好大塊，好香又足料因為我驚唔夠飽，所以唔要薯菜，直接叫咗白飯，諗住撈啲蒜蓉汁嚟食男朋友就嗌咗配意粉， 由於佢太肚餓嘅關係所以碟意粉已經食曬影唔切相我個蘋果豬扒鐵板餐實在係太有驚喜！因為樣子睇落平平無奇，但係食落超好味我哋兩個都一致讚好，個餐要畀好評佢啲豬扒外面煎得好香脆，入面啲肉好嫩滑成塊豬扒一啲渣位都冇，啲脂肪位都好香嫩佢完全做到鎖住啲肉汁，啲味道醃得好好淋上蒜蓉汁真係好正，撈飯食一流再切埋塊蘋果一齊食，甜甜地咁食落去所有嘢都夾得好好，好完美！！！唯獨是男朋友個雜扒餐，就有啲麻麻有豬，牛，雞扒，腸仔，煙肉 其他嘢都幾好味，煙肉唔會話太韌意粉都夠大碟份量好多唯獨是塊牛扒就好韌， 醃得好淡唔夠味同埋啲筋位脂肪位韌到完全咬唔到不過依然係得豬扒做得最正，最好味！餐湯就係紅湯，不過真係好令人失望落佢好多料夠曬足料，睇落好好飲的樣子點知一

同事搬屋，搬去將軍澳新都城，幾個要好的同事都來幫忙，完成後就去附近商場食飯，同事話我哋去開嘅金記冰室入咗嚟開分店，就去食飯吧！餐廳出名嘅銀牙肉絲炒麵，唔係成日有，好多時都賣晒，今日好彩有，當然即刻點嚟食。金記做得好特別，炸麵底成個山咁高，份量超大，口感重超香脆，拌以韭王、銀芽、 肉絲和芡汁，是我食過最好的肉絲炒麵，而且個汁分開上，食耐咗啲汁都唔會浸林啲麵。芝士鮮茄焗炸雞髀意粉，雞髀炸得香脆，鮮茄厚切放在意粉上，加上芝士和茄汁的醬汁焗出來，又香又美味！鮮茄濃汁焗豬扒意粉，豬扒厚切又大片，肉質軟嫩鬆化，肉汁更豐富，濃濃的茄醬沾滿每條意粉，美味可口！星洲炒米有鑊氣夠大碟，加入咖喱炒而呈現金黃色。搭配火腿、蝦仁、蛋絲等配料，味道濃郁而微辛。蝦仁炒蛋飯，蝦仁爽口，蛋香滑。

今日同男朋友食lunch，揀係屋企附近嘅「金記冰室」開餐，其實呢間餐廳都開咗一段時間，不過之前一直都未有機會食，今日終於有機會 😋男朋友叫咗「海南雞飯套餐」，有飯有老火湯，隻雞都滑：嚟冰室梗係要叫冰室餐，我就叫咗「仿鮑魚絲火腿粉絲」：配牛油多士加炒蛋：個多士唔係普通嘅麵包，係有啲酥酥嘅感覺，好香牛油味：我哋仲叫咗個十大signature dish之一嘅金粒西多配雪糕，一口一件：嘢飲我就揀咗平時唔係成日搵到嘅薑檸樂，我仲叫咗多薑 🤤男朋友就叫咗蛋白杏仁茶，都唔係度度有得飲㗎：

採用QR code落單，方便快捷！我地無留意到QR code直接搵左店員落單，店員都好爽快即刻幫我地服務。🔸鐵板西冷牛扒牛扒唔係平時薄身的，略有厚度，食起上來有大口食肉既感覺，份量夠大而且牛扒都夠油香。配菜可以揀飯、意粉、薯菜！薯仔略嫌唔夠熱，不過都夠脆。跟餐可以要中湯或西湯，西湯係羅宋湯，味道普普通通，無特別。🔸鐵板雜扒有豬扒、雞扒、牛扒、腸仔、煙肉！岩晒心大心細想每樣都食小小既人，牛扒當然無西冷厚同大，但都好夠份量嫁！呢個配左茄汁意粉，少少酸酸甜甜幾好食。🔸金記生炸雞脾配沙律雞脾份量足，生炸外皮脆卜卜，內裡肉質嫩滑。沙律係薯仔沙律，呢個好食，夠淋沙律醬都唔會有酸味！天氣轉涼，所以叫左杯好少見既薑檸樂，飲完成個人暖笠笠。

今日見外賣app做200蚊 半價就叫左兩個餸加1杯可樂 ，點知一送上黎可樂用熱飲杯仲要冇冰。 我即時心諗你做唔到優惠就唔好參加，嚴重影響餐廳聲譽。平時上網見人話呢間野焗豬扒飯好好食，本人試過完全唔覺。仲有經過今次經驗，以後都唔會光顧此店，如果有人仲想試我唔會阻止

今天是假期，一於罷工，出外吃晚飯啦，就近近地來了金記冰室開餐坐下後，便看看厚厚的menu，這裡的食物種類繁多，亦有素食餐牌，素食朋友來吃飯，也非常方便。我們叫了兩客海南雞飯，一款要油飯，一款要白飯。大家都想試試這裡的素食，於是叫了一個素晚餐，及一個咖哩雜菜蛋飯，還加了一個星州炒米。猜海南雞飯是這裡的招牌菜，看到很多枱都吃著，果然味道不錯！雞肉細嫩，點埋醬汁及薑蓉，送飯一流，油飯亦香，價錢經濟，真是不錯的選擇這個叫了白飯咖喱雜菜蛋飯上枱時，已聞到濃濃的咖喱味，雜菜份量十足，加埋煎蛋，確是送飯最佳配搭素晚餐是蕃茄炒蛋素鴨配白飯，食材清清地，素食者一定比like 啊跟餐還有餐湯跟餐有飲品一杯果然眼闊肚窄，星州炒米最後要打包廚師炒得夠鑊氣，配料亦十足，辣辣地好惹味啊

今天和屋企人來到這間餐廳試一試，餐廳是新式冰室，裝潢光猛企理有是日小菜晚餐，有湯有飯，十分抵食。點菜可以掃QR code自助點餐，十分方便是日例湯是粉葛湯，對於無飯主婦來說有啖湯飲表示十分滿意無骨海南雞套餐 - 冰室來說，海南雞套餐的賣相很驚喜，一個托盤，有例湯和醬汁，一點也不馬虎雞肉非常嫩滑，而且是無骨！海南雞的醬油汁你一般的甜，令人吃不停口黑椒牛仔骨粉絲煲 - 牛仔骨份量非常之多，熱騰騰的牛仔骨配黑椒非常惹味，送飯一流枝竹火腩炆黃立倉- 這個配搭是第一次試到，好像吃兩個餸一樣枝竹火腩最精華的就是醬汁，配上魚肉來吃出奇地夾晚餐還可加$16 有白灼菜心，有菜吃零舍健康這間餐廳環境衛生，晚餐性價比高，絕對會再來

食物質素一般，叫了一個B餐蒸肉餅，正常茶餐廳就算蒸野好快出，因為係午餐set，但依間野足足等左成22分鐘先有，問個女wait侍應，態度又差，亳冇禮貌，完全唔會有下次，另一樣公司冶都好一般

常常以為金記冰室是一間普通茶餐廳，事實不然。因為至小已經不是人手落，必須以QR Code 網上點餐。餐廳防疫措施算是不錯，除了門口有探熱，座位之間都有分隔板及膠簾防飛沬。我興朋友點了梅菜扣肉飯及焗芝士海鮮意粉，試試餐廳大廚虛實。梅菜扣肉飯上牒了! 賣相滿分，看見肥美的五花腩已經垂涎了，而且充滿香味。梅菜扣肉飯鹹鮮味美，五花腩非常軟，肥而不膩。梅菜味道濃郁芳香，吃起來鹹中略帶甜味。梅菜和五花肉的搭配正是恰到好處。白汁焗芝士海鮮飯原來都幾足料，一望就知。以燴飯作底、搭配大量海鮮如魚柳、蝦仁、蜆肉、魷魚和芝士，焗飯色彩艷麗，發出陣陣誘人的香味。芝士混合白汁味道洽到好處，濃濃芝士是的最喜歡的。菜心阿華田阿華田沒有甚麼特別，我欣賞隻杯，非常有香港風味!

妹仔大過主人婆， 次次走入去金記冰室都係因為掛住杯奶茶😂😂 茶與奶配搭香濃唔會苦澀, 而且有回甘after taste, 最重要係價錢平民， 我已經訓練到夜晚飲完奶茶都瞓得著😆🐽京都肉排: 粉漿薄， 醃料調味適中， 炸到非常juicy, 酸酸甜甜好開胃, 可以食到一大碗飯再添飯😋🧇金記西多配雪糕: 好耐冇食過西多， 金記個西多又出奇地好味😍， 微溫地上枱， 配上溫呢拿雪糕享用， 雪糕慢慢地融化。 如果中間夾埋花生醬更加好😁~~~~~~~~😋味道: 9/10📸賣相: 8/10🛋️環境：8/10💁‍♂️服務: 8/10💎性價比: 8/10💲人均：$100⏪回頭率：80%~~~~~📍金記冰室將軍澳欣景路8號新都城中心二期UG樓UG051J號舖~~~~~

之前去其他區份的金記，都時下午，主要食招牌豬潤米粉。早前金記在新都城開店，但撞正第三波疫情，未敢出街食飯，最近疫情緩和，見餐廳做足措施，而且實在煮了太多餐喇~~~~~~所以今晚放工就與老公去金記食晚餐。店內除了有隔板外，卡位還有透明膠膜，入店前都量體溫，因時間尚早，客人未算多。我們分別選了一中一西作為今日的晚餐。老公的選擇 - 枝竹豆腐火腩煲 ($82)，這個是否傳說中的「男人的浪漫」？這個是精選晚餐中的D餐，可以選跟中湯或西湯，配白飯及飲品，很不錯。西湯是紅湯，即羅宋湯，有很香的蕃茄味，帶點點羅宋湯的辛辣，但好易入口。火腩煲上枱時仍然熱，豆腐及火腩切到SIZE差不多大少，而且大少剛好，不會太大件。豆腐炸過，內裡十分滑。以前食過好多火腩煲，火腩都不是太乾，就是過硬，少點牙力都咬不下。但金記的火腩就不同了，軟硬適中，火喉剛好，入口可以輕易咬開，味道不會過鹹，豆腐及火腩都十分入味。另一個西式選擇 – 鮮茄濃汁焗豬扒飯 ($65)上台時已經見到豬扒十分大塊。豬扒上面有一塊蕃茄，一些熔了的芝士。先切開豬扒，真的好厚，見到肉汁流出來。入口果然十分Juicy，肉汁豐富外，而且又腍又軟，肉質嫩滑。豬

見附近開咗間金記，之前食過幾間口碑都唔錯，唸住入去試下豬澗通粉。嘩!個湯底好似工業鹽水咁，好味精好鹹，豬澗有啲乾，份量少，非常失望，咁嘅價錢唔值得，唔會想食第二次，希望可以改善。

咖喱雞扒飯$56凍檸樂 $13 （樽裝可樂只有192ml)完全唔夠飲 另單點一支 $20 元太貴了 人地一罐都335ml 食一食晏都沒左$89可一不可再 ，我寧願去食敏華都仲甘心