金鶴拉麵 (荷李活道) (已結業)

極濃雞白湯與極濃蟹湯都好吸引，最後同友人一人一碗，不過蟹湯我試左一啖咋...極濃雞白湯拉麵 $138 被喻為史上極濃雞白湯，唔知同金鶴雞白湯 $98相差多遠，但第一次試就豪多$40試下史上最濃！結果我成碗飲晒，好飲又唔覺膩，平時食拉麵我會落芝麻同七味粉，呢度無提供亦唔需要加。配料有塊叉燒，兩塊雞肉，半隻溏心蛋，木耳蔥絲以及第一次見的炸牛蒡。叉燒及雞肉有點淡但肉質嫩口；店員上餐時有溫馨提示炸牛蒡要襯熱食，幾脆口，味道幾特別，浸湯的部分比較有嚼勁，嗒落味道更濃。朋友點的期間限定 - 北海道極濃蟹湯拉麵 $138 我試左啖湯，好香濃，仲有好多蟹肉。平時食拉麵得幾款小食配搭，呢間有串燒就叫幾款食下～免治雞肉串 $28 口感豐富的免治雞肉串成了我每次食日式串燒必叫之選，如果有生雞蛋拌吃一定更正！明太子雞翼 $28 少少辣味幾惹味，雞翼尖有錫紙包住，揸住食唔怕整污糟手，幾細心日本多春魚 $12 日本長蔥 $12 無咩特別但我鍾意食黑豚肉串 $25 有啲似港式叉燒，肉嫩又Juicy，唔錯。.記得做會員，新入會就送100分，可以換汽水或溏心蛋，或者儲多啲分換拉麵或者鰻魚飯（太貴唔捨得叫，我等儲夠分先換

之前食過佐敦店，今次是中環店，點知中午超級多人，想同朋友有傾吓計都有啲難度，好彩有book位，如果唔係就要排隊。雞白湯拉麵（普通果隻，唔係極濃）雖然唔係點極濃，但係都好濃郁嘅雞湯味，唔會太油，所以可以飲晒成個湯。最值得讚嘅係，雞肉好大塊，而且非常之滑！⚠️提提大家，可以用$78買應該和白雞湯拉麵兌換券，咁就可以平$20！

在香港，常見用豚骨和豚肉熬製而成的拉麵湯底，金鶴拉麵的雞白湯湯底用雞熬製而成，入口濃得黎，又幾滑，配埋兩塊雞肉，兩塊叉燒，半顆流心蛋和炸牛蒡，估唔到幾樣食材又幾夾，味道唔錯，令人回味無窮～

行入去隨便食少少嘢，未到dinner time又唔想食拉麵咁heavy就隨便叫d串燒食吓秋葵正常多春魚一個order $25 只有一條一客帶子$68, 以為原隻燒出嚟，原來係我諗多咗，只有幾片細細薄肉等上菜要d時間，咁我明係即叫即做service合理，環境比較黑，有種陰暗感，唔太自在。。。味道方面，全部嘢調味都幾好食，但偏鹹，可能預人送酒成餐得幾啖嘢仲有加一過百我明soho租貴但可否個份量合理少少呢。。。。。

行完街想食d熱野就嚟到中環食金鶴拉麵🍜 .嚟到金鶴必食當然就係雞白湯拉麵啦😛湯底濃厚雞味亦十足！配上新鮮炸牛蒡食口感相當豐富💕 特別喜歡呢度嘅慢煮雞胸，非常腍身好正😜 面底份量好多，亦幾掛湯！上面嘅溏心蛋整得好好，剛熟半流心👏🏻👏🏻.另一碗叫左黑蒜醬油湯🥂 非常之香黑蒜味，但唔會好重口，醬油湯亦帶鮮甜🤩 另外叉燒肥瘦適中，一碗麵有2大塊加2片雞胸其實好夠😛.小食點左炸雞，脆卜卜入面又好juicy~ .另外煎餃子都好有日式style~ 點下湯食都唔錯👏🏻👏🏻

本身對拉麵麻麻地，不過前早朋友不停推介金鶴拉麵呢間，話個雞白湯拉真係好好食。今日收工去中環行街，上openrice見到中環都有間分虦，竟然明知我對拉麵麻麻地既朋友都推介我，就過黎試下啦。店入面都幾闊落，燈光較得比較暗，坐得都幾舒服~ 今日好似多左條蟲係肚，勁肚餓，叫左一個雞白湯拉麵(走蔥)，仲叫左6款串燒~雞白湯拉麵上面既金鶴真係好eye-catching。 牛蒡絲炸得好香脆，雖然有甘甜既味，不過食落有啲苦味，個人就唔係麻麻地喇。拉麵質地正常有彈性，都掛到湯既。不過我最鐘意既係佢個雞肉白色既色澤好靚，而且真係好嫰滑，而且份量都唔算少。好少見到有地方會有雞肝串食，所以叫左一串。幾鐘意呢個雞肝串，燒得唔會太乾，個口感幾軟，食落有啲似粉狀，幾香口。雞腿肉串，免治雞肉串正常發揮，燒得啱啱好，肉質唔會過老。五花腩串都係其中一個好出色既串燒，咸味好足，唔知得個咸味，反而仲帶起五花腩既味~ 五花腩要重口味先夠好食，正~蒲燒鰻魚串係我食過最好食既鰻魚串燒，表面夠脆，肉筫彈牙，有炭燒既味道，鰻魚既份量同味道對得住個價錢。如果唔係飽，都會encore多串食~

店鋪既裝修走日本風格以金鶴做主題😄睇落好華麗，座位坐得舒服，環境唔侷促，不得不提店員會不時主動行埋黎加茶😁最後埋單裝App儲積分時都會等埋顧客下載完加完分先走開，服務態度整體唔錯。1️⃣極濃雞白湯 $138依款極濃雞白湯真係超濃厚，奶白色既雞湯，飲落超濃郁感覺好多骨膠原同唔膩，我最後飲左好多都無口渴👍🏻牛蒡刨成絲，炸到金黃色好靚堆到好高，好吸晴，食落超香脆。而慢煮雞胸肉食落唔乾，肉質十分嫩滑👍🏻但叉燒同溏心蛋既味道就比較普通，麵條方面軟硬度適中🍜2️⃣金鶴雞白湯 $98依款雞白湯湯底同極濃雞白湯比較，係兩🥄雞湯同一🥄雞湯既分別，但當我試左極濃個湯底之後，就番唔到轉頭🙈其實配料大致上同極濃雞白湯一樣。個人就比較喜歡極濃雞白湯🍜3️⃣燒黑豚肉串 $48期望過高嘅黑豚肉串，見到豚肉既油脂分佈都唔錯，可惜食落比較乾身，有種食煙肉既感覺🙈4️⃣燒雞泡魚乾 $68雞泡魚乾用醬汁去燒，食落唔會太乾，同沙律醬都幾夾🥰5️⃣抹茶蕨餅食完拉麵同小食之後，店員仲免費送個抹茶蕨餅比我地🤣蕨餅食落口感彈牙，好滿足😌(5個🌕為滿分）味道：🌕🌕🌕🌗🌑服務：🌕🌕🌕🌕🌘環境：🌕🌕🌕🌕🌘抵食度：🌕🌕🌕🌗🌑

同事告知, 要將份文件交去中環, 五點前必須送到!重點, 送完就收工!於是乎 Lunch 都唔食, 攪掂手頭上工作, 之後安心出街, 攪掂完先再慢慢諗食咩.去到中環先發現原來中環嘅金鶴拉麵就係目的地對面, 於是送完文件就入去幫襯.可能中午 lunch 時段已過，入到去好易搵到位，我一個人包場添！今次點咗客鹽味拉麵, 原因係食少D, 食完再係中環四圍行吓食吓, 唔好食太包.鹽味拉麵相比起我平時食開嘅雞濃湯底, 當然清淡得多, 話就話鹽味, 但湯底唔係得鹽果一股咸味, 湯底係加上鰹魚, 所以飲落鮮甜味不少.拉麵麵身彈牙, 而且份量其中.一直都極唔中意滾水烚雞蛋哩個煮蛋方法, 令到D蛋老哂, 唔係我中意嘅口感, 其實..... 連溫泉蛋都有D抗拒, 但金鶴煮嘅溫泉蛋, 又著實煮得好鬼滑, 即使唔太欣賞但都可以食哂成隻蛋.即使我一個人包場,冷氣仍然強勁! 一邊飲熱湯一邊吹住冷氣唔會出哂汗, 爽YY.p

本身對雞湯唔大興趣，朋友介紹就入去試試​點知...........極濃！極濃！極濃！ 重要嘢講3次！​有機會記得要試試​🌟雞白湯拉麵​原來一條條嘅係炸牛蒡，咁鬼多條，感覺好有氣勢。第一啖食落脆トト且甘甜，但影完相（可能凍左）就忽然變得苦了。​​先試啖雞白湯，😱完全想像唔到雞湯又濃郁又滑又creamy😱 跟手拉起啖麵條黎食，d麵黏住好多湯入口🤤 正爆！已列入必定回頭之選！​​🌟期間限定蟹味拉麵​原來係蟹肉加雞白湯。。。試左個蟹肉完全感受到鮮味十足，有啲搶左雞湯風頭，究竟係蟹定係雞湯呢？ 有興趣可以一試（但我覺得原味雞白更好味🙊）​​​

❤️骨膠原滿滿的雞白湯拉麵😍中環一到食lunch 時間，邊度都好多人，禁岩行過呢度，竟然唔使排隊！！就入呢間啦！😍叫咗佢兩款人氣拉麵1. 雞白湯拉麵（9/10）一嚟到嘅時候，俾佢個炸牛蒡吸引咗眼球👀以為係啲gimmick 野啦，點知又唔係啵，炸牛蒡脆脆的，好香口，有牛蒡嘅嗰種清香，而且又唔會炸到好油膩，就算係有啲部份浸左起湯度變淋咗，但係都係好好食！飲一啖湯，feel到滿滿嘅骨膠原😍，清得黎又夠味，佢有2塊雞肉，好小雞肉可以做到彈牙嘅口感，一啲都唔柴，而且feel到煮呢個雞肉好用心，相比之下，佢搞到個豚肉冇咩特別😂2. 黑蒜油拉麵🍜，唔係我食嘅，但試左小小，黑蒜油味好香！可一試！但我個雞白湯太正喇！所以下次我都係會stick to 雞白湯拉麵😍

特別而家去唔到旅行，更加想喺香港食到高質素嘅拉麵，呢間「金鶴拉麵」其實都食過幾次，每一次都keep到個質素，最近仲發現佢出咗新款式嘅限定拉麵，一定要試吓啦！首先分享吓新口味，新口味方面其實出咗兩隻，包括北海道極濃蟹湯拉麵同埋軟殼蟹香辣湯拉麵，因為見到嗰個軟殼蟹真係好吸引，所以就揀咗呢款啦！嗰個軟殼蟹係另上，質感好香脆，仲有少少香辣味，隔離仲有啲腩肉，燒得好香，但係識落唔太油膩，令到成個套餐豐富好多。當然個湯底都係重點，有少少香辣，第一口會有少少甜，後勁就有啲辣。 另外一款就食返之前出咗嘅特濃雞白湯拉麵，佢呢個濃度好濃郁，雞味好香，淨係呢度先食到。

我真係成日食拉麵，不過通常都係食豬骨湯，難得今次試雞湯，反而有啲失望。個拉麵有配啲炸牛蒡，要快食，否則會變淋。可能期望愈大失望愈大，個拉麵食完覺得好口渴，應該無下次。

金鶴拉麵地址: 中環荷李活道39號地舖電話: 26979780好男多生都愛食日本拉麵，會自己一個人出去專程食一碗做宵夜，每當有新拉麵店在開港開幕，又會朝聖排隊去食。做一個小鳥依人順人意架女友，主動說要食拉麵，同男友來等佢唔洗次次就我，讓他開心食碗麵。由日本過江的拉麵，或是香港自家開設的，都會是我想體驗的目標，湯麵多以豬骨湯，以雞白湯做賣點的實屬少見拉麵一定要試招牌，有分進階雞白濃湯 同沾麵, 男朋友都讚個湯好似忌廉湯咁滑，呈奶白色好濃架雞肉味，只係加鹽就好好飲啦。幾塊雞胸肉出奇地濕潤同嫩，但就比較淡味要沾湯食，叉燒亦都好嫩而肥瘦分明，溏心蛋蛋黃好濃，全都合當好處。因同男朋友來，麵是兩份分再點小食，炸雞香口且大大件，全是肉，話裡的雞肉料理全都好好食。$38 加份餃子，日本人都是咁樣搭自已家被試過弄溫泉蛋 ，但是永遠剝殼都整到蛋白爛悶田，一係煮到變硬心或唔夠味，乖乖比$15食人家的手藝好了，蛋黃香滑滲了醬油味淋香，且蛋黃轉化成傑身質地！燒串燒豬脂肪多位置才夠香，豬腩肉串 $48

好耐之前食過金鶴覺得雞白湯幾正！最近又有啲掛住所以黎挑戰極濃雞白湯😆醒起第一次食做左會員 就用之前儲落會員app既分換左四隻餃子同一隻溏心蛋 超扺😝值得一提係職員態度好好👍🏻👍🏻極濃雞白湯拉麵 $138果然好濃好creamy☺️熱辣辣飲落好正又唔會太鹹！叉燒同慢煮雞胸肉都好嫩😆拉麵係偏硬個隻但都幾有咬口~不過太濃食到尾會勁飽🤣記得襯熱食！北海道極濃蟹湯拉麵 $138蟹肉比想像中多 叉燒又係好大片🙈蟹湯好濃但冇白湯咁creamy 所以食到最尾都唔覺得太膩👍🏻仲要熱辣辣左勁耐😋半熟溏心蛋都好出色😝另外嗌既餃子炸到金黃色🙊依然好juicy~最後仲加多左串雞胸軟骨串 細細串但好香口幾得意😎

這間拉麵店係主打雞白湯的拉麵店餐廳環境感覺幾高級Menu有拉麵, 沾麵, 鰻魚飯, 串燒, 小吃點了史上極濃雞白湯拉麵($138)有半粒糖心蛋, 炸牛蒡絲, 雞肉, 叉燒, 賣相好靚好吸引湯看到起泡, 好濃郁好Creamy, 有少少黏口,  不會覺得很咸很油膩, 好高分雞肉很嫩不會嚡, 相反叉燒就比較普通糖心蛋好食, 炸牛蒡絲有點油膩, 沾湯吃比較好吃, 還有筍, 蔥, 木耳絲麵身軟硬度正常, 唔算煙韌, 一咬就斷開, 掛湯能力唔錯, 每一啖都吃倒湯味麵條和炸牛蒡絲一起吃, 口感層次會更加豐富總結, 對這款拉麵很滿意, 特別是湯頭做得很好服務方面也很好, 店員放下拉麵時會講解拉麵吃法例如, 牛蒡絲可以沾湯吃, 肉不要放進湯裏, 會變嚡等...至於性價比就比較低, $138加一服務費$151.8吃一碗拉麵真的不值