銀杏館 (已結業)

今日一班人難得去銀杏館, 我當然要join~不看不知此店只非牟利機構營運, 聘請長者作侍應和收銀.我們坐在二樓的四人位, 原本有三位要羊膝, 一分鐘之後話得返兩個, 再一分鐘之後話得返一個, 失望之餘, 其實都幾有印象.不過唔緊要, 蟹子帶子天使麵, 天使麵口感算唔錯, $48 可以叫吃得過, 份量唔算少, 剛剛好, 帶子薄切, 有好幾塊, 蟹子每碟份量有點出入, 但平均幾多, 口感增加了不少.之前的餐湯是什菜湯, 稀身, 不過蔬菜又幾多的.甜品是利賓納味的jelly, 用布丁杯盛著.埋單的時候計少了錢, 我們著他們改了單後, 走的時候他們再三說對不起, 這刻的服務也值得一讚.服務好, 食物ok, 價錢合理, 其門如市其實一點也不為奇.

朋友自遠方來，帶他來呢度試下。我要了個澳洲牛扒，服務員問我要幾成熟。我話5成。但件扒來到時，實際系全熟。超難食。因為件扒唔厚，所以口感有點像牛肉乾。($78)朋友要了個lamb shank。好好味,好林，好入味。服務員話午飯抵食，晚飯就唔系收呢個價錢。($68)甜品系黑芝麻布丁，唔錯，好特別。熱咖啡，唔掂。雖然0的奶系熱上（好細心呢），但咖啡就完全唔得。

昨天男友提議到這間餐廳吃, 出發前他告訴我這間餐廳特別的地方在於侍應都是公公婆婆...入到餐廳, 感覺良好因為怕太多食物, 我們點了兩個set(正確是一個pasta+一個dinner set).我點了三文魚闊麵, 男友點了一個燒鷄, 連湯加沙津, 加茶.三文魚闊麵: 味道很好, 三文魚釀在闊麵內, 茄汁味濃郁, cheese 不會蓋過三文魚的味道, 雖然吃到最後有點飽飽膩膩的感覺.男友的salad一般, 不過不失的, 湯即很creamy 有濃郁的龍蝦味, 拼飽很好味!大家要試試.燒鷄, 試了少許, 只感到很熱騰騰的, 沒有試得太深入, 所以不作詳論, 反而, 好像聽到附近的顧客說ribs 好味.最後試了銀杏叔叔甜品, 蛋白+熱布丁的東東, 個人不大喜歡, 可能有點飽.另想說說, 每碟的份量都很多!有誠意的餐廳, 很開心的一餐, 推介!

Went there last Sunday with my husband after Sunday service around 1:30pm and it looked full house from the outside. The waiter tooked us upstair and we ordered 黑椒牛仔骨焗飯$58 & 帶子天使面$58. The soup was not very thick but still taste good, the salad I had was very fresh. Then the rice came and the portion is more than I expected and it tasted yummy!!!! the noodle took a longer time to come but the taste was good as well, my husband liked the cream sauce very much. However, the dessert was bad - ovatin

放工之後就同男朋友揸車黎呢到食, 我就ORDER左一個PIZZA $98可以揀3樣野,我就揀左三文魚,水牛之士同沙樂美腸味道幾好又多餡….男朋友就叫左一個白松露意粉, 都係$118 好好好好味, 好彈牙又夠干身….加多$40仲有湯SALAD 同野飲…都係甘好食…..而最值得一讚既就係個到D SERVICE真係好好….佢地會等你食完一樣先一樣….唔會咩都攤晒上枱好似想叫你食完快D走甘, 而個到D STAFF又會同你講下D調味料有咩用….埋單都係300有找…會再去

set lunch, $50+ - $70+, 有成七八款選擇, 仲會經常轉款. 一個set lunch, 主菜以外, 仲有餐飽餐湯餐飲再加甜品. 呢個地區呢個價錢, 抵呀!不過最緊要都係食物質素! 今次order 左2個set lunch, 一個係什扒$68, 另一個係鴨胸天使麵$58(原本想叫豬扒焗飯, 見隔里枱 食緊, 好似幾好味, 但怕同個什扒重覆左, 所以先叫天使麵).餐飽- 係硬身麵包條(3支), 配意大利式橄欖油, 其實比用牛油搽麵包更好更鍾意, 不過今次係麵包條, 幾硬身, 唔係好"索"到d橄欖油, 所以如果改用軟身麵包就會更好.餐湯/沙津- 是日餐湯係海皇湯, 飲落無咩肉, 但幾好味, 幾鮮甜wo! 沙津就ok啦, 都幾多種菜幾新鮮.主菜- 出奇地什扒係雞扒羊扒! 唔知係咪唔想同餐牌上既牛豬set lunch撞款呢?! 早前既顧慮原來係多餘ga! 而且感覺set 呢個餐牌既人係好有心思lor. d 雞扒同羊扒都好味呀, 唔會過火, 雞唔會太"鞋", 羊又夠淋. 鴨胸天使麵都好好味呀, 鴨胸略煎過, 有香口既感覺, 天使麵幾滑幾淋, 亦不乏口感! 而且兩款主菜份量都唔細

一入門口，已有**數**位服務員問我有無book位，貴姓。。。放lunch遲左，所以累得朋友等了好一陣時間，知道朋友坐響2樓，所以想一支箭走上去，對住難路既問題同服務生，真系感到好點over service 。我地果台服務生系位中年太太，拒好細心，等我地食完頭盤至上主菜，以免我地成台都系食物。食物質素都above average，不過甜品就唔太合我胃口因為我唔中意食0者0里。臨走時，一位70多歲既伯伯幫我0地拉門，哎喲，感覺好唔好意思呢。。。理應我0地幫長輩，而家倒轉要伯伯幫我0地拉門>__<

約朋友0係中環食lunch, 為0左避開上班一族的lunch hour, 2:00pm 先入到0黎. 叫了兩個lunch set, 有餐湯, 主菜, 餐飲同甜品, 好豐富亦好抵食!餐湯係意大利雜菜湯... 好普通0既一個dish, 不過呢度的整得好好, 好香, 蕃茄湯底濃度適中, 又唔會太酸, 好好飲!露筍蟹籽忌廉汁天使麵(圖上) 賣相一流, 蟹籽份量多得厲害. 忌廉汁天使麵味道唔錯, 加埋大量蟹籽, 口感好豐富. 好幼的綠色露筍就帶甜味, 食落脆卜卜幾得意. 整體相當好食, 份量亦比想像中大, 唔好睇佢好似好細碟, 其實食晒之後好飽肚的.朋友的芝士茄汁黑椒煙鴨胸焗飯(圖下) 賣相都唔錯, 我試了一啖飯+ 一片煙鴨胸, 味道都唔錯, 煙鴨胸甜甜0地咁, 黑椒味幾香, 唔會辣; d 汁亦好食, 飯就幾腍. 望落碟頭好大, 但朋友(一個reasonably 大食的男子) 食完成碟0野竟然話0岩0岩好唔會好漏. 厲害!甜品係阿華田布甸... 呢個一般, 食落似0者喱/大菜糕多d, 可能因為阿華田係用水(而唔係奶) 沖, 所以無creamy 0既感覺.環境俾人懶洋洋0既感覺, 座位

今日去開上環,就去了電視節目介紹的這間餐廳.老實講, 如果唔係電視介紹,真是不會想到歌賦街(頗狹窄的內街)有這樣好的食店,而且,食品水準及服務態度都一流,絕對物超所值.今日早了到,餐廳未開門, 距離開門時間仲有20 多分鐘,由於附近沒行的地方,就問經理(節目介紹的經理)可不可以入內坐住等,經理都比, 態度仲幾nice.仲立即有位侍應幫我斟水比我. 雖然等了很久, 但經理自己忙之餘, 都不時照顧我, 幾次同我講等多陣就得, 自己開心之餘又幾唔好意思….叫了一個lunch set, 好似叫新鮮三文魚蕃茄天使麵.( $58).等了五鐘左右, 最初見到碟頭好細, 點知食落都好飽, 未食早餐ge 我, 食這碟麵都食了幾個字.最上層是一些芝士片, 然後是三文魚…一層一層. 芝士幾香,三文魚很新鮮, 麵很入味, 還有一種特別的豆角, 很清甜, 吃完飽而不膩. 還有甜品, 是提子布甸?藍莓布甸?自己兩樣都無食開, 所以唔知是什麼.只覺得甜得剛剛好, 雖然是附送甜品,但做得很用心.餐飲的奶茶,雖然是凍奶茶,但飲得出很濃,很滑,很香, 好似絲襪奶茶.最後, 真是要讚多次這裏的服務. 雖然這間餐廳的主管及侍

goose liver : so sofried crab : okpork chop : overcookedchicken spinach roll : overcookedwine : inexpensive, but only few selectionSerivce : staff tried hard to do good job.

Lunch非常好食, 又唔貴. 尢其是意大利飯, 好有質感, 仲有大量蟹子係飯上面, 好好食. 服務亦非常體貼. 退休人士值得支持

早前看一個港台節目提到這間餐廳是透過政府資助退休人士的創業計劃而開業的，加上看到這裡的口碑也不錯，因此很有興趣來一試。不知是否因為適逢禮拜初加月尾，歌賦街未見大排長龍，雖然我未有訂枱，但幸好他們樓上尚有雅座。看了餐牌，發現標價比想像中尚要便宜，難怪他們客似雲來。由於我和朋友是日都不算肚餓，加上第一次來試，所以我們都保守地點了意粉。午餐跟湯和餐茶，食物份量偏少，較適合女士，但味道頗佳，算得上色香味俱全。儘管伯伯嬸嬸們的效率比年輕力壯的可能略為遜色，但他們卻仍很有幹勁，而且服務態度殷勤，因此絕對得到顧客們的尊敬和體諒。坦白講，與其要一個年輕貎美但沒有承擔的侍應，我寧願多給機會讓細心照顧食客的長者來招呼我。

昨晚夜同老婆食飯,本來去蓮香食飯,但係太多人啦!唔想等,上左去尼銀杏館,記得有人話d食物水準幾高,所以就試一試,一入門口就有位伯伯"十分有禮貌招呼我地"又推介我地食d咩,服務態度非常好!!地方好清潔,好舒服!!!我地叫左一個pizza,洋蔥圈,湯,甜品.全部都幾好,但個甜品就我個人覺得一般,因為佢係一個疏乎厘入面有個布丁,但唔係咁鍾意入面個布丁係凍既!!因為如果一冷一熱的話會產生大量水份,會影響個甜品既味道!!!!!地方好清潔,好舒服!!!

耆英服務不比一般西餐廳遜色，親切誠懇的服務，返而是云云收加一而沒有服務的食肆很值得學習的地方。午餐選擇：南瓜湯或鮮菜沙律，一般，湯較稀，落左太多水了，每台有面包條當餐包，可惜是"林"的，主菜：黑松露菌汁配煎三文魚扒、什扒餐(什扒居然係煙肉、羊扒和雞扒而唔係火腿扒廚師腸的快餐料，有誠意!!! )，主菜good!!，甜品是椰汁布甸，幾好味道，水吧就差一點，朱古力好稀無味道，睇色水都知道，檸茶沒茶味。這裡取勝的是服務，輪裝修、輪食品質數/水平穩定性、價錢，這裡附近都有好幾間差不多的，希望他們加油去突出自己~

為了這位好朋友,獻出了我的第一次,寫食評.<br /> 好開心佢很賞面出來,所以我特別為她挑選這間有意思的銀杏館,希望比倒一個開心的回憶佢.<br /> 由我一早打去訂位,我就知道冇搵錯地方,接電話的好有禮貌,夜晚去到一入門口啲Uncle個服務態度好到...正呀!開頭又話會幫我安排樓上,點知佢地話夜晚唔開,不過算啦,之後Uncle問要不要叫啲飲品,哈我呢個朋友竟然很叫...白酒飲...真開心,所以我地叫咗一支,最攪笑佢地話可以試飲,如果唔啱飲可以開過一支,嗱!呢啲未叫Service囉.<br />跟住我地叫咗"白酒煮青口配天使麵"和"羊肉"(成個名唔記得),加多$40仲可以配餐湯和沙律,真係好低!先要讚下呢個上面鋪滿菠菜蓉嘅蒜蓉飽,哈...一字記之曰...正!! 到主菜,哈..直情差D講唔倒野...正呀!! 最後埋單8舊幾,真係好低!<br /> 希望有其他鍾意週圍搵地方食野嘅人,都去呢度試下啦,其實食物的味道係其次,最重要係你同咩人食和去邊度食嘛!請支持長者,想食野呀...去..."銀杏館"啦...YE