阿太車仔麵 (已結業)

{大碗足料車仔麵💓}每次行到呢個斜路位都會見到有好多餐廳，選擇困難症嘅我最後揀咗呢間阿太車仔麵試吓🤣.❣️自選車仔麵$38👉🏻油麵配1️⃣豬大腸 2️⃣豬皮 3️⃣牛柏葉三款餸嘅份量都勁多！！！！豬大腸同豬皮都好入味，牛柏葉好爽👍🏻🥰麵煮得啱啱好😋.📝總結$38有3餸車仔麵而且咁足料👍🏻呢點已經冇得彈！而且味道都唔錯！推薦大家經過嘅話可以試吓😝.❣️食完俾分時間❣️🌟食物: 7/10🌟環境: 7/10🌟服務: 7/10🌟打卡: 6.5/10🌟推介: 7/10.📍 阿太車仔麵牛頭角牛頭角道307號地下B號舖

話說前兩日放假，我地兩公婆去左牛頭角陪個fd睇個單位😪完事之後，對於牛頭角人生路不熟既我倆😑 誤打誤撞入左去呢間「阿太車仔麵」🥴估唔到又幾鬼抵食😎🔸3餸車仔麵只係$38🤩🔹豬大腸、牛腩、墨魚蝦卷、清湯、米線：墨魚蝦卷好好食👍🏻外層係炸過的，食落爽口彈牙😍牛腩夠晒腍🤩一d都唔韌‼️大腸入味，同樣夠腍，好易咬👍🏻所有配料都好多，好似唔使錢咁🤣$38真係抵食‼️🔹冬菇、腩肉、酸齋、腩汁、油麵：我未見過咁厚切既腩肉🤩通常都係薄片呢間野真係唔孤寒😍大大舊既腩肉有3舊咁多🤤肥瘦分明，唔錯👍🏻冬菇都好厚肉🤤唔係扁tat tat果種最令我驚喜既係‼️呢到竟然有酸齋🤭其實都好少車仔麵店有酸齋佢仲要係大大舊🙈又係唔使錢咁🤣平時我食麵，一定落辣椒油，我係重口味人士😆但係佢個腩汁👍🏻好濃郁完全都唔需要落其他調味💕抵讚👍🏻🔹台式鹽酥雞（8粒）$28 ：純粹口痕，又叫多左兩個小食😂鹽酥雞炸粉唔算好厚👍🏻炸到外層酥脆而入面雞肉都唔鞋唯獨有小許美中不足既就係佢唔係配椒鹽粉😣而係泰式辣醬🤯我就覺得椒鹽會惹味d不過個人口味啦，吳生就覺得冇乜所謂😪🔹醬汁辣魷魚$

代表香港嘅食物 魚蛋同雞蛋仔一定榜上有名粉麵類嘅代表 就係雲吞麵同車仔麵啦-🍜🥤三餸麵 加凍檸賓 ($52）油麵係第一選擇 加腩汁再選配滷水蛋滷大腸同豬皮口味地道 經濟實惠 男人嘅浪漫點只豆腐火腩飯-🍜🥤三餸麵加凍飲（$48）要左銀針粉配豬紅墨魚蝦卷白蘿蔔 加凍菜蜜瑞士汁本身帶甜 白蘿蔔無渣 兩樣加埋食更能突顯白蘿蔔嘅清甜 墨魚蝦卷係人氣選擇Q彈爽口銀針粉份量多 成碗粉清爽得嚟富口感-🍡炸花枝丸 (4粒 $20）食麵唔夠飽 叫多三兩款個小食開心share花枝丸一人兩粒 點啲甜酸醬食非常開胃-🦑醬汁辣魷魚 ($30）好多食客都有叫 土魷冇鹼水味 啖啖爽口魷魚鬚粗壯有嚼勁 秘製醬汁小辣帶些少沙嗲味-📍九龍牛頭角牛頭角道307號地下B舖

今次午餐時段到牛頭角區的阿太車仔麵醫肚， 記得大約兩年前食過一次， 最深刻印象是這類的咖哩魷魚， 今次叫車仔麵之外（三餸車仔麵$49、 凍檸檬茶跟餐$2、 四餸車仔麵$52、 凍美綠跟餐$2），一定要再食醬汁魷魚$30，再加碟油菜$15。三餸車仔麵～ 油麵加腩汁加蔥， 餸有彈牙 魚蛋、 厚切雞扒、香口台灣腸， 油麵索晒湯汁好惹味。四餸車仔麵～油麵加腩汁加蔥，軟熟豬紅、肥美腩肉、入味軟腍豬大腸、開胃酸齋，好滿足。醬汁魷魚～濃濃醬汁香味湧出，魷魚夠辣又入味。唐生菜～ 入口爽脆， 配蠔油食，更美味。車仔麵是港式平民美食 ， 相信很多港人都喜歡的。

過左牛頭角搵朋友，佢介紹左我食呢間車仔麵，同傳統麵檔好唔同，佢啲裝飾都算型格老闆仲係球迷同slam dunk迷！我就叫左至愛嘅油麵，三餸牛腩、豬皮、爽甜蘿蔔配腩汁。佢鋪頭都算坐得舒服又可以開心影靚相呢度個腩汁值得一讚有牛腩嘅香味，但係又唔會鹹到令你好快就口渴！牛腩夠晒林又嫩又香牛腩味蘿蔔夠甜冇渣豬皮食落完全冇平時豬皮嘅最大敵：油益味朋友就叫左XO辣醬肉燥撈麵，都係三餸台灣腸、豬大腸、滷水雞翼尖豬大腸唔韌，雞翼尖好入味！台灣腸就正常啦~然後真係跟住佢menu 講咁試下枱頭ang「阿太秘製辣醬」，加咗的確好過癮唔食得辣嘅朋友都可以試下wor因為其實真係唔算太辣只係入口果下有啲刺激感但唔會令你辣得好辛苦。食到一半，覺得乾乾地，再加多幾羹清湯正呀！小食叫左嘅鹽酥雞，都好香脆worr炸粉一啲都唔厚隻雞仲有肉汁幾抵食啊！支持有人情味的香港人！

是日返夜開工前黎牛頭角幫朋友買啲野🙈搞掂正值放飯時間🍴還掂要早餐都未食一於黎食啲野醫下肚先🤪套餐雞扒肉燥蛋飯經慢火細熬富鹹香既魯肉汁☺️魯肉汁中既肉燥肥肪比例均勻🤪🐷淋上飯中每一口都回味在心☺️🍚經慢火細煎既雞扒🐔🔥煎得剛剛好唔會太過燶乾哂身☺️食落肉質都算滑嫩Juicy的😋🐔配合嫩滑蛋香濃郁既魯蛋亦是絕配☺️🥚餐飲就叫左凍奶茶😋雖然奶味較重但走左甜亦帶出濃郁茶香☺️為面對現實既上班夜做充電準備🔋🥺

好耐無食過車仔麵，朋友話有間小店想帶我去食下，响牛頭角道既，店鋪入面以木制牆身同球衣裝飾為主，車仔麵配搭都幾多，配料款式選擇多，仲有全日早餐同肉燥飯供應，不過今次都係想食車仔麵，我地叫左一碗腩汁豬紅，魚蛋，牛腩，肥牛河粉，牛腩都幾淋，魚蛋細細粒彈牙，小食叫左台式鹽酥雞，炸到大大塊，唔會好多粉同好油，味道唔錯，而且份量都幾多有8粒，仲叫左碗魚片頭，瑞士雞翼，雞扒豬扒米線配瑞士汁，湯底甜甜地甘，魚片頭好大塊好有咬口，雞翼都幾入味，同埋叫左個醬汁魷魚，自家制，魷魚有少少辣，杏霜好香濃好飲推介，凍菜蜜就甜左少少，下次如果再食要叫小甜先得。

🔸三餸車仔麵套餐 $44🔸滷水拼盤 $30🔸瑞士雞翼 $20🔸鹽酥雞 $28.平時諗唔到食咩都會揀食車仔麵，貪佢又快又平又可以揀自己鍾意嘅餸嘛～依間阿太車仔麵原來係老闆為佢嘅老婆大人而開嘅，所以餐廳個名叫叫阿太車仔麵，連啲員工都話好鬼sweet啊！車仔麵揀咗鮮牛肉、雞扒(+3)、台灣腸(+2)，再加幾款小食，瑞士雞翼超級入味、滷水拼盤大大碟、鹽酥雞即叫即炸卜卜脆，全部都便宜又好食，簡直係糧尾救星啊！

在門外見到一大塊板寫住 【頂住呀！香港人好快就雨過天晴，請支持小店】【外賣自取大優惠 午市即減五蚊 晚市即減十蚊 「香港人」發揮互助精神！】，諗住支持下，入去叫左碗車仔面外賣比錢時，發現沒有優惠問店員（疑似老闆），對話如下女店員 :要叫連飲品的套餐先有得減5蚊本人：你張紙同外面寫住自取午市減5蚊，晚市減10蚊架，宜家晚上十點半應該係晚市女店員：哦，減10蚊係要叫連飲品的套餐再要叫個20蚊小食先有得減本人：你張單張同門口都無寫要叫咁多野先有優惠架？女店員：... （無回應，唔出聲）本人：你地好唔老實喎，門口大大塊板寫住外賣自取有優惠跟住位女店員繼續唔出聲hang 機，走左去，呢個店大大塊板係門口寫住咩〝香港人互助精神、頂住呀香港人好快就雨過天晴，請支持小店〞，但當香港人真係去支持的時候就呃人個十蚊，咁唔老實，點叫人支持你呀！你可以呃我一次賺多十蚊，不過你以後都冇機會再賺我錢了！真香港人

呢次應該係我第n次幫襯呢間舖頭，因為我朋友住開嗰頭，基本上我每次出去揾佢都會去呢間餐廳到食🙈食咗咁多次我都係最鐘意食佢嘅肉燥飯，尤其是係台灣腸肉燥飯，真係太好味了😋啲台灣腸好多肉汁，一啲都唔乾，而且食落口又好有質感，拍得住喺台灣食嗰啲！🤣而且嗰到都好有人情味，可能係我都成日都食啦，啲阿姐都對我幾好，有時仲會大碗啲俾我，所以我都食得幾開心，住附近嘅朋友仔不妨去試下，試完包你翻唔到轉頭，成日都去食😂😂

今次係我第一次食呢間餐廳，本身都純粹覺得佢係間普普通通嘅餐廳，都冇話有啲咩好大期望咁，但原來真係唔可以睇少佢🤣🤣嗰日去食係平日嚟，都唔係繁忙事段，餐廳人流都唔算多，我就叫咗個肉燥飯，份量大到嚇死我🙈自問食量都唔係話好細，但都飽到食唔哂，要我細佬幫我執手尾🤣但啲肉燥飯真係幾好食，可以話係我食過最好食嘅肉燥！唔錯唔錯！而且價錢都好合理，好平民價，性價比都幾高！住附近嘅朋友仔快啲去試下，唔試就走寶🙈

細個成日同屋企人去食車仔麵，食開觀塘有間又執左。今次就去試吓附近呢間車仔麵。叫左佢個三餸麵，辣魚旦、醬汁魷魚同豬大腸粗麵小辣，加左個手拍青瓜，跟餐包一杯熱飲。3個餸都唔差，中規中矩。魷魚就車仔麵必叫架啦，佢呢個醬好嘢味，啲魷魚麵好彈牙。豬大腸有成五舊又唔係簿切，不錯！另外魚旦冇咩特別就唔講啦。個麵底我個人覺得麵幾大個，食到尾好飽。個拍青瓜好清爽，因為我碗麵幾辣，有個青瓜就好正啦！不過無咩特別可以唔使特登叫。

晏就有小小餓行左一日街，就去左食個下午茶，經過呢間車仔麵見到下午茶送飲品咁抵就走左入去，入到去感覺完全唔同以前一直食開車仔麵既鋪頭咁，好乾淨同好靚既裝修但帶小小懷舊咁，叫左個雞翼尖白蘿蔔生菜牛腩河粉，另外叫左個小食 鹽酥雞試下等左都唔係好耐就有得食，講下碗車仔麵先個雞翼尖好入味d骨都有小小軟，蘿蔔都可以冇咩根，個生菜配埋個腩汁直程係絕配！牛腩唔係全肉有小小肥咬落口個感覺唔會好似柴咁，個小食係熱炸起既咬落去脆卜卜最緊要係佢既味好正食完一份都唔多夠喉送左杯野飲，食完真係飽曬

最近受到疫情影響好多地方都冇嘢好食，朋友介紹咗一間牛頭角嘅車仔麵，咁我同朋友趁週末時間就去咗呢一間車仔麵食一個午餐，嗰度環境都唔錯，幾舒服於是我同朋友叫咗兩個台式肉操飯，分別係雞扒肉操飯，豬扒肉操飯，黎車仔麵但是叫咗飯食，不過雞扒肉操飯的雞扒分量十足，加上佢有特製嘅醬汁， 都唔錯幾好味，而豬扒味道都唔錯，肉操都係豬，兩種唔同口感嘅豬加起來又有另一番風味。雖然好多地方都有類似的肉操飯，如果黎牛頭角的話可以試吓呢間！下次可以試埋佢哋嘅車仔麵

喺牛頭角返工的我，係好鍾意周圍行d大行小巷，去搵好嘢食🤪呢間「阿太車仔麵」我食左幾次之後，已經列入左我的飯堂名單了😆因為呢度除咗有車仔麵之外，仲有好多選擇可以揀，包括常餐、滷肉飯等...當我唔想食車仔麵嘅時候，就會食滷肉飯，滷肉飯既滷肉有好多～而且滷肉唔會覺得好肥😊每次叫車仔麵嘅餸都一定要叫枝竹的，因為枝竹可吸曬湯嘅精華🤤小食系列我最鍾意就係食炸自家製韭菜餃，韭菜有好多一啲都唔會偷工減料💛