阿太車仔麵 (已結業)

🍙等待時間：一行三人約十二點三到埗，唔洗等直入，入面本身得一枱客。🍔室內環境：睇得出店主好鐘情足球，放左唔同球隊既波衫，仲有仿製獎盃，可惜冇擺阿仙奴。🍰服務質素：正正常常，但冇咩人既情況漏單。🔺用餐簡評：我自己叫左三餸米線，豬大腸，辣魚蛋，加肥牛，仲一份小食滷水雞翼。我同事話d配料不錯，我自己覺得一般，魚蛋唔夠辣同彈牙，肥牛亦普通。而滷水雞翼凍左縮埋，當然我冇即刻食都有影響。🔹總括來講：不算太出色。

其實次次食車仔麵我都揀食油麵😌，今次去阿太車仔麵食，我都唔例外，今次我叫咗個兩餸麵，油麵底，餸就揀咗我最愛嘅雞翼同埋豬紅，雞翼同豬紅都煮得夠入味，湯底夠濃味，油麵都彈牙🥰另外小食我就叫左韮菜豬紅，份量都幾大碗啊，勁多韮菜同豬紅，好抵食呀，味道又夠入味，唔錯呀👍🏻題外話，我今次係一個人嚟食🙈，佢中間有張枱，間開咗一半，唔使同對面嗰個人面對面咁尷尬，又唔使坐高台面壁思過咁，一個人嚟食都唔錯🙃

車仔麵，好多香港市民嘅日常快捷食物，選擇可以好多，不同種類嘅食物，任君選擇，講番喺牛頭角呢間阿太車仔麵，雖然舖裝修似一間日本居酒屋（牆身），不過我坐唔慣佢D高櫈但佢係好港式的，落單都係拎張order紙自己選擇要嘅餸，麵底，湯汁等等，喺眾多嘅選擇入邊，我揀咗鹵水雞翼尖豬紅同韭菜餃配油麵，加配小食炸花枝丸，加埋都$38+$20=$58，不過好多地方都係呢D價錢，最緊要好味道，等左三分鐘左右到碗麵就上菜，係炸花枝丸耐左少少，但係新鮮炸熱辣辣，炸花枝丸上左層炸粉，咬第一口好脆，其後同平時食既差唔多, 加埋佢既酸甜醬配搭一起食味道唔錯!麵既餸每樣幾舊係餃子得兩舊較可惜,  不過餃子好好食, 好香, 豬紅無鬆泡泡一夾無散唔失敗啦, 翼尖入味, 湯頭慶幸唔係死味精湯底，加埋佢檯面的辣醬碗麵即刻惹味好多，值得一嘗。

放工攰到死，天氣凍左個人凍冰冰返到屋企樓下就決定食碗熱辣辣既車仔麵暖下胃呢間車仔麵都好多餸可以選擇，又有小食。麵類仲有平時比較小有既辛辣麵同XO醬肉燥撈麵粉選擇💥💥💥嗌左個三餸麵（$38）💥💥💥 加$2有凍飲/汽水 夠哂平民化1️⃣豬紅 ⭐️⭐️⭐️⭐️ 呢度既豬紅無乜腥味五係雞紅,有口感,筷子一夾都五易散。2️⃣雞亦尖⭐️⭐️⭐️⭐️ 雞翼尖鹵得入味，煮得夠淋。3️⃣餃子⭐️⭐️ 普通通通沒特別，餡料足。

Came to this place at ngau tau kok to try out this kind of Hong Kong style noodle， but I was not too hungry that day, so instead of having Noodles, I went for appetisers.I ordered one kind of fried cuttlefish ball, which seems to me very Taiwanese style，The cuttlefish ball was chewy, and I like the sour and spicy sauce that goes with itAnd I also order a Taiwanese style deep fried chicken ,it was also served with the same sour and spicy sauce, but I think it is better to eat the fried chicken al

辦公室喺觀塘創紀之城，臨近聖誕成日都要OT，所以就習慣咗喺牛頭角一帶食元宵夜先至返屋企。聽同事講呢間係牛頭角道嘅車仔麵嘅餸同湯底都好有特色，我嗰日去咗試試發覺真係幾好食！我叫咗醬汁魷魚，魚肉春卷配油麵底首先係佢哋嘅醬汁魷魚好入味好爽口，魚肉春卷有兩條，廚房將啲春卷炸得好香脆，食落好正 麵底份量多，正常價錢但可能廚房姐姐見我靚仔，所以俾咗加底嘅份量我？😂😂兩送麵都只不過係$33，非常抵食👍🏻👍🏻

觀塘牛頭角一帶都好多食店，咁多選擇之下會番食既都吾會太差呢間車仔面店食過幾次，覺得佢既湯底濃郁，有特色醬汁，餸菜都好多選擇，啱晒鐘意重口味又選擇困難既我，可以一次過食好多款好味既餸菜今次吾太肚餓，叫左菜底，餸叫左蘿蔔、甜酸齋、咖喱魷魚，款款都好啱胃口，好入味有款五十幾蚊有十款餸，仲連埋野飲，真心抵！又啱晒選擇困難既我，雖然每款餸會少d, 不過都好夠食另外叫左小食，炸墨魚丸都幾熱幾彈牙，吾錯！真心推介呢間車仔面店

食早餐，服務差到極，冇禮貌，早餐不知所謂，越做越差，央冇央味，公仔麵未熟，黑衫果位落單阿嬋長期dup低頭玩電話，完全冇理話有人入左黎/要埋單/落單，店內多小強，一路食已見2隻大強喺店中間，可能店員掛住玩手機，完全唔為意，但早上都只係得3枱客，冇下次！永不幫襯！

八點幾搵緊食咩既時候 諗住搵間野食服務又慢 枱又唔抹 野食仲要唔熟檸檬茶又冇味 啲餸又小。未食過啲咁難食既野。啲數仲要計錯哂 原全不予置評。本身仲以為諗住試下新野 點知咁差。

在同一條街，有好多間提供茶餐廳式既早餐，早上時段間間都人頭湧湧，沒其他選擇下揀左呢間仲有位既，點知就中伏了，而且是第一次光顧! 早餐餐牌選擇看似很多，但其實來來去去果幾味。進店時大概4成客滿，只有兩名店員，看似應付有如...當時其中一位在收銀處位置替客人"用電腦入機"落單，店鋪細小，客人於座位"叫"便可，包括我都係就咁落單，但即使我重複了兩次都係落錯單，食物飲品完全錯哂！早餐G變成早餐A, 凍檸茶變成凍奶茶究竟該電腦系統錯誤還是人為錯誤？該店員每每在"入單"後走回出菜位寫寫劃劃。由看到完全錯誤的電腦單，已經失去對呢間餐廳既興趣，就只差起身走人！該餐廳主力係做車仔麵，可惜根本應付不了早餐，簡單如沙爹牛肉麵都可以好難食，牛肉似牛肉乾，公仔麵好似未煮過咁；呢碟所謂黑松露蘑菇炒蛋及厚多士，充分表現hea煮及凌亂 加埋沒有檸檬味的凍檸茶，再睇返個餐牌寫呢d叫 "愛心早餐" 冇心早餐較為貼切！可以的話，一粒星都俾多左

有時候去街坊小店都會有驚喜。剛巧下午茶時間路過，一見下午茶送嘢飲，街上又熱，又好耐冇食車仔麵，所以就入去一探究竟！望下望下，車仔麵唔吸引，反而喺Menu上最吸引我嘅竟然係肉燥飯！1. 蛋就好一般，唔夠入味是常識吧。2. 但個雞扒竟然唔係好似其他餐廳咁生炸，keep到Juicy，已經加多好多分！3. 個飯底根本唔係下午茶應有嘅份量！4. 肉燥小甜，十分滿意！不過如果你唔鐘意甜甜地嘅肉燥，咁就無辦法下下幫襯大集團，不如發掘下身邊嘅小店？

之前行過好多次，今日終於入去試一次一入去覺得環境唔錯。自選車仔配料配湯幼麵配料揀左豬皮、豬紅、蘿白、牛腩、冬菇、魚肉春卷、辣魚蛋等等。豬紅好新鮮唔腥；蘿白好清甜；冬菇大大隻好夠味！炸自家製韭菜餃炸得脹卜卜金黃色的，外皮好香脆，內裏的韭菜肉餡非常惹味，韭菜香喺口裡久久都不散去醬汁魷魚很爽但是醬汁很奇怪 很混沌的感覺手拍青瓜就切得幾細粒、易入口，上面啲辣椒就普通啲。这里的菜式多样款式多，口感纯正喇。服務：服務態度好，店員臉上常有笑容。 環境ok，消費有比較親民

幾名友人在將軍澳運動後想不到吃甚麼，又出來觀塘找吃腩肉、豬大腸、瑞士雞翼米線，看似不多，好像湯底夠多，以為空虛，實質米線份量也不少。腩肉肥瘦均勻，不會乾韌，也不太肥膩， 一層一層的腩肉，賣相也不錯，味道也相當入味，但又不會太鹹。豬大腸又香又乾淨，件數不少。車仔麵內有幾粒荵花、夠香。漏了雞翼，問一問阿姐，很快就再端來了，另上更好，瑞士汁不會流到湯底內。小辣，辣是放桌上自由加的，像是老乾媽的賣相，卻有另一種香氣，而且沒有豆豉，反而像是肉粒的辣醬凍檸茶少冰，想不到車仔麵店的凍飲，居然如斯濃香的茶香，可能比起傳統冰室可平分秋色，茶味濃而香，難得。阿姐服務態度都非常之好，由於她見到我拿的背囊極之龐大，下午茶時間不算很多客人，她都會提議，不如將背囊放在另一邊高枱位置。

早兩晚11點左右，附近運動後就去諗住食返碗車仔麵🍜，入到去中間張長枱兩邊都坐左D人, 咁我就揀左側邊D高枱，坐好後order左3個餸，油麵，中辣🌶，加埋杯凍🍋水。轉個飲品好快就擺低左，坐左陣，事情就出現喇，本來想慢慢食埋碗麵先走，點知突然收到電話☎️，要即刻🏃🏻‍♂️返屋企，就十分唔好意思同店員講碗麵要拎走，本來佢都話已經造好，準備拎出黎，叫我不如食埋先，但果陣真係急，無辦法之下佢都幫我轉返拎走，我叫佢就咁幫我倒落碗就得。返到屋企處理好事情後就第一時間打開個麵醫肚，發現竟然原來幫我分左湯，仲擺得好靚靚仔仔，味道就同平時一樣正常狀態啦，但當感受到良好服務時，食咩都好味D!

呢間車仔麵開咗年幾，之前都有食開，個時幾有心做，啲嘢食保持得幾好，個辣醬好惹味，淥麵都食得出有心機。之後幾次來，愈食愈唔掂，都真係要講下。今日來食撈麵，本身有肉燥，有辣醬。食豬頸肉，雞翼同腩肉，跟個湯。一上台，飲啖湯先，味精到爆，完全得雞粉同雞粉水加蔥，欺世盜名，講乜嘢清湯呀？知唔知咩叫湯呀？真係寧願俾杯水我都無咁嬲。再講個麵，真心係大碗料足，但係無溫度囉。肉燥室溫，啲肉又鞋，一定炆得唔夠。豬頸肉就淋啦，但乾囉，又唔知切好咗放咗幾耐。腩肉夠淋又夠味，但唔洗講又係凍囉。雞翼都係唔熱就預咗，但鞋到入心就真係無諗到，大佬！想問下啲餸你擺咗幾耐呀？全晚唯一好係個辣醬，叫仲保持到囉。今次打呢篇嘢，真係忍無可忍先講，最慘係愈來愈多呢啲餐廳囉，唉，真係要求救觀世音先得。