阿詩瑪壹菌 (已結業)

一年一度家庭聚會，又要搵個好地方可以俾幾個親戚家庭去食飯，以往都係酒樓一圍枱食個套餐，不過今年就試下去食其他菜式，最後搵左去太古城食雲南菜餐廳名叫”阿詩瑪壹菌”，我對雲南菜無乜認識，從餐廳名估計應該有好多菌類的菜式，睇到餐牌有好多菜式都係辣，但係長輩好多都唔食得辣，餐廳無大枱，分左兩張枱，於是就要左兩個六人餐首先來個拼盤，拼盤有腐板卷，茄子，海蜇，豬扒，同埋玻璃藕片，藕片幾特別，整得好薄，又脆又甜，作為前菜真係唔錯接著就係野菌粉絲龍躉頭腩煲，砂鍋上可以仍然保持夠熱，同埋用左菌，粉絲一齊煮，所以食龍躉肉時已經好有菇味，而肉質仍然好滑另一值得推介菜式，蝦爆鮮牛肝菌，牛肝菌同蝦仁一齊爆炒，炒完的牛肝菌好夠鑊氣，好香口，仲食得出牛肝菌的鮮味原先係氣鍋雞湯，可惜侍應姐姐話已經賣晒，轉左個淮山野菌雞腳湯，個湯有好多材料，所以煲完個湯真係好鮮甜，飲落都有少少藥材味，應該好啱一家大細飲，同埋飲完都覺得對身體好，哈哈！還有雲南過橋米線，自家制豆腐，食埋碗米線就啱啱好甜品係玫瑰冰粉，好香玫瑰味，冰粉食落似啫哩，又似係透明的涼粉，整碗冰粉少少甜味，加上又夠凍，對於食左好多濃味的菜式，有個清甜的冰粉，可以用來

太古城呢雲南菜食物唔錯，雖然已搬咗一次，但裝修已一段日子、地方開始舊，衞生亦差，碟菜食完先見到裏面有隻蒼蠅，簡直想嘔！蔬菜方面好少選擇，只得上湯腐竹鳳尾菜，雖然上湯上但亦較多油！兩碟前菜蒜蓉豆角幾好味！小籠包ok, 我較喜歡呢到嘅餃子，幾清淡唔會太多肥豬肉同油！雲南過橋米線每次我都會Order, 好好味！肉絲粉皮好味，肉絲用麵鼓醬醃，好入味！其實食物真係幾好味，但希望佢哋注意吓衞生啦！

今日經過朋友介紹 黎到呢間名字有趣 專食雲南美食既餐廳先食左一個粉絲蝦煲做得比較乾身 但唔會話好油 色澤紅紅的令人胃口大增蝦肉唔係得雪味 相反好有鮮味 令人驚喜之後再黎左一個過橋米線係呢度既招牌 入面有多種配料 如豬肉片 火腿 菜 米線等等 湯頭有雞油但唔會過多令米線入口順滑 唔會鞋口 值得一嘗最後再黎一個小籠包熱騰騰既 小籠包既皮屬於較薄既一種唔會話太厚 不過食落就比較單薄幸好入面既肉新鮮同埋個湯好味又唔會口乾沒有食甜品因為份量比較多但玫瑰花凍睇落好靚下次一定會試試！

今日同朋友行經太古城，最煩就係諗食野，水牌上求其揀左阿詩瑪壹菌。一到門口即被富有中式裝潢吸引左，好濃厚民族氣息，感覺好浪漫。第一次食雲南野，只知道小數民族菌類最出名，亳無頭緒點餸，於是叫左個二人餐。首先有拍黃瓜同硽蘿蔔，黃瓜唔太入味，反而蘿蘿爽脆可口，加埋二人餐既香醬涼茄子以及山木耳，即時食慾大增。前菜之後，一人一小碗山珍氣鍋雞，一開蓋，係菌類配合下香味撲鼻，雞湯鮮甜，雞肉嫰滑，估計因為個壼係密封，所以將肉汁以及香味鎖住，二人極速飲完個湯，有衝動encore。話明菌類最出名，點少得來碟火爆牛肝菌。牛肝菌喺青紅黃椒以及蒜片陪襯下，完全帶出香味，食落好爽，以及微微地辣，聽講全部雲南新鮮運送過來，其他餐廳未必試到。糖醋里脊，外脆內軟，一啲都冇誇大，肉塊并非全瘦，帶小小肥，但感覺唔肥膩，可見師傳功力深厚，吾同於一般餐廳，呢度選用蜜桃做配菜，效果更突出，唔會因菠蘿既酸甜程度影響左里脊味道，送飯一流。濃湯浸田園時蔬，不過不失，外形似油麥菜，不過更爽更脆。甜品為呢餐添上美好句號，玫瑰冰粉，冰粉似啫喱，又似寒天愛玉，但口感更加彈同Q，配上玫瑰花瓣，養顏滋潤一流，充公埋老公個杯。

前陣子跟朋友去太古拍聖誕裝飾，逛逛街，晚上就在附近吃個飯。 看見這間古式古香，餐廳名稱也頗有趣，就進去了，後來才知道是吃京川菜的。 邊看餐牌邊吃小食涼拌豆角味道清清，還有黃色的脆脆，雖然不知道是什麼，但很香口。 我們點了滇醬肉絲餅， 吃法跟北京填鴨非常相似，都是用薄餅包著肉絲蔥青瓜來吃，很惹味，口感濃郁又清新。 再來是半隻香酥鴨，炸得連骨頭也很酥脆，鴨味很重，很少會這樣吃，很有新鮮感。 拌飯一流， I like。 主食點了松茸炒飯，炒得乾身又不會硬，松茸味道很香，不錯! 餐廳環境不錯，座位夠寬，很中國feel。

是日同媽咪到太古城買野, 去左詩瑪食雲南菜. 佢地既服務態度真係唔多掂….話說我地叫左幾樣野, 侍應拎餸黎時冇位放, 個侍應就一直拎住碟餸, 又唔出聲, 對眼就啤住我地, 示意叫我地執開D位俾佢放…果下呆左, 咁既服務務態, 真係唔會再黎幫襯….!!!! 

11月中又係開始出動睇燈飾既時間, 約左友人去太古城睇燈飾同shopping^^Shopping 期間, 友人講起佢前幾個月去完雲南, 話好回味當地既食物, 剛好我見太古城都有雲南野食, 就一齊去試下. 阿詩瑪既裝修好古色, 好似去左雲南咁. 一入到門口, 已經聞到好香既酸菜味, 一坐低店員先送上兩個開胃小食: 炸豆和四季豆, 炸豆脆卜卜好香口！聞到咁香既酸菜味, 友人已經急不及待要點菜了^^ 友人點左一鍋大既野菌山珍氣鍋雞, 材料十足, 有很多菰菌0係入面, 湯面清澈而無油膩感, 湯底有濃濃既雞鮮味, 而且好清甜, 雞件好嫩滑, 飲完個湯成個人曖晒, 好滋陰呢 ^^滇醬肉絲餅肉絲本身好濃味, 再用薄餅包住D肉絲/青瓜/京蔥黎食, 食落去好似食緊北京填鴨咁, 唔錯, 而且肉絲既濃味配上薄餅味道剛好! 除左用薄餅包住食, 仲可以配上松茸炒飯一齊食, 都係咁惹味! 松茸炒飯廚師炒得好香, 又唔會油, 啖啖都有松茸既香味. . 段皇爺紅燒肉餐牌係完整嘅一整舊紅燒肉 (兩件), 但黎到時已經切件, 因為店員見我地4個人幫我地分埋, 真係貼心. 雖然紅燒肉好多肥膏, 但食落又唔係覺得好膩, 一啖

一排無來食 lunch, 今次來到有 d 失望，因為 d set lunch 完全轉曬. 之後有好多不同炒米線 & 炒飯，但而家無曬.有小籠包揀既餐得返三款，我就揀左魚片湯飯. 次次來都食小籠包. 雖然唔算好好食，但都好多湯汁. Ok la. 不過而家個轉左用膠蒸籠，總是覺得怪怪的......第一次係呢度食湯飯. 好味 wor! 個魚湯夠鮮味又唔腥. 最緊要無乜胡椒味. 好怕用勁多朝椒既魚湯，無曬魚味！魚肉無係最有驚喜的，好新鮮，又滑又爽口. 正！呢碗湯飯超大碗，我好努力咁食都只食到半碗. 計埋茶錢加一，$90 食呢個餐都值既.

繼上次試過成都菜後，就知道中國菜式博大精深，今次試下滇菜，阿詩瑪呢個名字好特別，吸引左我黎食。以紅金色為主的中式裝修，帶濃厚的喜氣洋洋氣氛。店內有多間獨立房可以俾一家人食飯。前菜有拍青瓜和豆豆(小食$8/碟)，配雲南糯米茶(茶芥$8/位)，清得黎又有味道，茶味獨特，可細意品嘗。健康養生的野菌山珍氣鍋雞($78小)乃雲南名菜，用有嘴的紫陶氣鍋，放入雞和不同食材令到湯汁很有營養又滋補，味道都幾濃郁，真材實料。雲南過穚米線($78)，豬骨湯、生雞肉、生豬肉、菜、腐皮、米線和辣酸菜分開一碟碟上，就體驗到正宗的過橋米線是分開上的。店員會在你面前為你把食材放入湯內。米線Q彈，湯頭跟坊間食的不太一樣，仲可以自己調酸辣度自由組合。味道不俗，感覺新鮮，份量夠兩人食。陳皮蒸龍躉腩($188)即叫即蒸，要等15mins。魚肉面真係有陳皮絲，魚塊有大量魚皮和collagen，肉質嫩滑，味道不俗，不會太淡，食得出係新鮮龍躉，魚油充足，味道清甜，蒸出原汁原味，食多多都唔會膩。娃娃菜吸收晒魚的精華，很入味。玫瑰湯圓($28)有片片玫瑰花瓣係面，詩情畫意。花生餡湯圓，不太甜，湯佷特別，傅來陣陣花香，不是薑水，是玫瑰糖

聽附近番工的朋友講呢間雲南野唔錯所以走左黎試下先來手拍青瓜，隱隱陣陣的一定無得輸再來是我好喜歡的土豆絲以前番工有同事會整...宜家無真係要搵間好食都好難呢到個土豆絲偏辣...岩晒我心意因為我唔鍾意作酸的 hahahaaaaa成碟我食晒每次見到小籠包都會忍唔住叫ge呢個有牛肝菌係入邊所以唔洗點醋食的味道好香好濃郁...不過我覺得皮可以再薄dd 就好唔記得左呢個係乜魚，朋友好想食所以叫左新鮮及滑的...最後點左個玫瑰湯丸，愛玫瑰的真係必試超濃玫瑰味丫！！！入面係花生？因為太勁玫瑰我已分不出 haaaa食到好飽先見到d 雲南米線好似好吸引，仲有個湯！下次要再去試下

在香港吃到正宗的雲南菜機會不多今天有事來到太古必要嚐嚐這家店家設計走中國古典風長在長長的吧枱上靜候美食先送上一壺糯米香茶二人點了一鍋大的野菌山珍氣鍋雞氣鍋雞用上傳統的土陶鍋用蒸汽蒸熟保留原汁原味雞湯呈誘人的金黃色雞肉豬肉牛肝菌等配料也相當美味建議點大份的才喝得過癮滇醬肉絲餅緊接送上用薄餅包裹肉絲青瓜京蔥一口咬下有點北京填鴨的感覺如果可以配上白飯食用也是不錯選擇今晚主角是火爆牛肝菌牛肝菌有著一種獨特的味道用青椒蒜頭辣椒爆香後味道更突出雲南的好山好水今夜都能一一品嚐

太古城內有不少餐飲選擇，假日人流亦不少。“阿詩瑪壹菌” 位於太古城中心地下舖，非常近地鐵站。我每一次經過都會被特別的店名及華麗典雅的裝修所吸引，所以今日約埋朋友一齊試下呢間滇菜（雲南）專門食店。一坐低，侍應就端上2小碟前菜(前菜茶芥各＄16)。分別是涼拌青瓜及醃蘿蔔。味道酸酸辣辣，挺開胃! 青瓜爽脆新鮮非常有口感。打開餐牌開始點菜，我們首先點了前菜組合推介，分別是蟹籽拌土豆絲及牛肝菌小龍包。土豆絲軟硬適中，配上蟹籽又不會流失土豆的香味，而且賣相精美又有不同口感層次。牛肝菌是一種野生而可食用的菇菌類，是雲南省有名的野生食用菌。湯汁加上牛肝菌的鮮味，十分香濃美味。到我們的主菜“雲南過橋米線”，是一道有名的雲南菜式。侍應用手推車推出所以材料包括：一大砂鍋盛裝滾燙雞湯，米線和各種配料，然後在我們面前一一放進湯內，真係又睇得又食得呀! 材料雖然簡單但香濃的雞湯味及配搭上不同的配料足以令人垂涏三尺。另外，米線十分爽口彈牙又入味。真是不能錯過，值得一試。另外叫咗一碟糖醋魚柳＄88 加左一碗白飯＄10 ,糖醋魚柳嘅肉質非常之嫩滑，外面的粉皮同時不會太后生厚身，難得食落去嘅質感仲好脆，口感來講真係冇得彈

今日老婆放早到太古接我放工, 我地6點半已經係太古城中心集合, 時間咁早未係好肚餓, 老婆話想食中菜飲燉湯, 我係Openrice搵到呢間係太古城二期地下嘅阿詩瑪壹菌。阿詩瑪壹菌係一間雲南菜館, 雲南菜係香港比較少見(如果米線店唔計的話🙈),。晚市二人套餐除左氣鍋雞, 兩個小菜, 頭盤同甜品之外, 仲有一份蔬菜, 同老婆食飯佢最緊張有冇菜食, 呢個套餐啱哂。👍 由於我地到餐廳時間尚早, 客人未算多, 不過7點半之後就開始多人。餐廳裝修好有雲南風格, 以紅白黑三種色調為主, 餐廳都幾大間, 卡位座位寬敞, 坐得好舒服。😚晚市二人套餐$428好豐富, 不過老婆睇到Menu有佢好鍾意嘅雲南過橋米線, 結果我地冇叫套餐, 點左一客雲南過橋米線, 一盅氣鍋雞, 酸菜魚片同老婆一定要點嘅浸時蔬。餐前小吃有兩款, 其中一款炸黃豆超香口, 如果唔係老婆怕我熱氣唔俾我食咁多, 我一定會食哂成碟。😝氣鍋雞我地點嘅係小鍋, 不過份量都唔少, 二個人分剛剛好, 湯料非常豐富, 湯頭好鮮甜。😋因為老婆唔太食得辣, 所以我地揀左唔太辣嘅酸菜魚片, 魚肉非常嫩滑, 酸度剛好, 底層除左芽菜仲有薯粉, $118好大盆

自從上年去完雲南旅行之後， 我就一直好掛住當地嘅菜式。 比香港好少有雲南菜餐廳， 今次比我喺太古搵到一間， 就當然要去試下啦。啱啱坐埋位店員就攞咗兩款小食畀我哋， 分別係涼拌青瓜同埋酸蘿蔔。 個人非常鍾意個涼拌青瓜， 味道控制得剛剛好， 帶啲蒜香同麻油香。跟住我哋就叫咗水煮魚， 嚴格嚟講水煮魚算係川菜， 而唔係雲南菜。 但係呢度嘅水煮雨就唔及四川嘅咁辣同咁麻， 比較啱香港人口味。 鯇魚片嘅份量都非常多， 感覺亦幾新鮮， 送飯一流。其實呢款黃燜雞 我之前喺雲南都未食過， 今次見佢呢度有就諗住試下， 本身以為應該係麻辣嘅， 點知食落完全唔辣， 反而有啲似豉油炆雞 。 雞肉比特有嘅醬汁炆到好入味， 食落亦非常之嫩滑。最值得一讚嘅係呢個阿詩瑪泡飯，非常出色。店員首先將炸米倒落泡飯入面， 令到泡飯口感特別，食落 除咗軟綿綿嘅飯粒之外， 仲有脆卜卜嘅炸米。泡飯係以鮮味嘅雞湯炮製， 雞湯非常濃郁 而且冇味精， 入邊仲有蝦、菇、雞肉等配料，非常好食。

今天友人提意試雲南菜，我當然舉腳贊承啦！除了米線外，香港的雲南餐廳也得少，所以來了平時不常來的太古。裝修富有中國色彩，感覺地道。前菜小食 ($8/位) 的青瓜十分爽脆和清新，而小黃豆炸得香甜又覺熱氣，吃完很醒胃唷。野菌山珍氣鍋雞 ($78) 材料充足，有很多菰菌在內。湯底更帶著雞的鮮味，清甜可口而不油膩，是正宗雲南的味道，還有滋陰的感覺呢～酸菜魚片 ($118) 份量十足，應該足夠三至四人分享。味道酸酸辣辣，而且辣度不過火，非常過癮，拌飯吃一流。雞樅醬粉絲蝦 ($98) 也不錯，粉絲炒得乾身入味，鑊氣十足。蝦的份量也不小，還很爽口彈牙呢。整體惹味非常呀！吃了那麼多肉類，也需要吃蔬菜均衡一下飲食。有機腐皮浸時蔬 ($78) 味道清淡，蔬菜鮮嫩翠綠。最後便是必試的玫瑰湯圓 ($28) 不但賣相吸引，味道還很特别。因帶著濃厚的玫瑰花香味，所以味道有清香。湯圓煙煙韌韌非常好吃，可惜只有兩件，不太夠喉呢！吃完濃味的主菜後再吃玫瑰冰粉 ($28) 就最適合不過了。之前吃四川菜也吃過冰粉，但這個加了玫瑰所以更有花香，而且味道不會太甜，口感一流。