陳泗記

營業中

休息中

個巨型雞脾睇落好似好食，但勁乾身，不值$38 蚊⋯餐蛋飯個餐肉又勁乾。加上服務態度超差⋯單點收費又唔出聲。中環大把質素好過佢。附近又成日有白鴿出現，環境勁差⋯完全中伏！

在中環無意中行過見到好似好味嘅大排檔， 想食奶茶西多士所以坐低咗。一嚟就有人招呼坐低畀餐牌好好招呼！好過好多貴餐廳！叫咗我最想食嘅西多士，熱奶茶，大排檔應該煮得ok的午餐肉煎蛋出前一丁。 很有驚喜！熱奶茶好有從前大排檔的風味！個午餐肉煎到外脆內軟，又厚厚的！ 煎蛋先至係靈魂！好好味！一篤穿會流出蛋黃的！ 佢每隻蛋煎出來的水準都很高，很靚！超欣賞！最驚喜是个西多士！ 炸到剛剛好外面金黃色裏面好軟熟新鮮的麵包！ 而且很好是可以揀內裏有冇花生醬！老闆仲要好好人因我想要多啲糖漿就比多啲我，又話可以任加！非常喜歡老闆們用心製作及經營！

好日唔過去香港，今日走一咗去中環行街，但估唔倒在中環這個繁華的市區內，竟然還存在一些香港地道大排檔，在一條短短的橫街內，竟然還有3、4當這類的排檔，我便求其選取了一檔叫這次選擇了一個看似很簡單的餐肉蛋飯，再細看他們用的還是傳統的生鐵鍋，果然用傳統的製作出來的餐肉@荷包蛋，午餐肉出來還香脆肉嫩，至於荷包蛋還可煎得邊微濃和流心效果:8]還加上一杯香濃咖啡，完全能配合老香港的:9]餐牌有沒有一些美麗的包裝及圖片，只有用上文字來112]細看餐廳附近的環境，以表達不是一些名店食府，只是我們的傳統香港

終於食到你啦～之前黎過一次 但蒸飯好快賣哂🤭大牌檔無冷氣 最岩呢個天氣去食😇·🍚梅菜肉餅砵仔蒸飯（$46，煎蛋加$6）期望太大🥺🥺作為肉餅怪既我 覺得呢個肉餅真係麻麻地😖係咪牛肉飯好味d 架🥺🥺完全無梅菜味～飯粒仲要好淋無咬口😭

環境: 本來想去中環士丹利街的水記食麵, 但撞正水記休息, 於是行多兩步, 去到位於同一街口的陳泗記試一試. 環境當然不是太多人能接受, 但我自己幾鍾意在巷仔大排擋食飯的感覺, 很有香港本土情懷和風味, 也有點重慶森林的感覺.食物: 來到陳泗記, 由於第一次食, 叫了可說是招牌菜的餐肉煎蛋飯. 雖然自己很愛吃這些快餐, 叉燒煎蛋飯或餐肉煎蛋都是我的最愛, 但很久沒有吃了, 對這間餐肉煎蛋飯也有點期待. 在飯未送黎之前, 只見廚房阿姐不斷打蛋煎蛋和午餐肉, 在10多分鐘時間沒有停過手, 可見很多人也點了這個招牌菜. 飯送上來時, 是熱辣辣的, 午餐肉煎得香口唔會太油, 但我嫌薄左少少. 煎蛋嫩滑, 另外, 餐肉煎蛋飯既靈魂, 豉油, 亦唔會太鹹. 整體都算可以.價錢: 在中環食個飯, 冇90都80, 要食得化算, 好多人都會選擇中要巷仔既大排擋或餐廳, 呢間陳泗記都應該係一個唔錯既選擇, 餐肉煎蛋飯$46, 在同區算是相當便宜的.

有一次經過依間大排擋，見到好多人都食緊餐蛋飯，已經覺得一定係好好食架啦!塊午餐肉唔算厚，不過就煎到表面脆脆地，入面又唔會乾曬👏🏼雖然唔記得左request太陽蛋，好彩舊蛋黃仲係流流地心🥳所以咁多人食餐蛋飯係有原因架!😌

近來在中環開飯時間多左，要是好一點的餐廳用膳，閒閒地都過百元一餐飯，長期咁食法真係幾窮，今天同同事決定揾下D平靚正的午餐地方，行下行下，見到陳泗記，又有位，餐牌上一餐的價錢都好合理，大排擋雖然要坐街的，但是甚有風味，幸好在天氣不是太炎熱，尚可接受，衞生就不能太有期望，我叫左窩蛋牛肉飯加涷檸茶，牛肉份量多，都算嫩滑的，飯是以蒸的，不太乾身，夠水份，配上窩蛋吃，好濕潤，叧外有一小碗豉油，提升味道，涷檸茶正常，總括來說4x幾蚊價錢都接受到既

一心諗住食砵仔蒸飯 仲諗好食窩蛋牛肉肉餅飯🍚點知賣哂😿咁轉叉燒煎蛋飯啦 又無叉燒☠️最後叫餐肉煎蛋飯唯有。。。好邪惡。。但唔係太好食🤔碟飯係攤左好耐 凍既👾👾👾咁普通都要46蚊 lol

星期一至五的中環下午真係好難搵位食午飯，只有去的無冷氣同無咁整潔的地方先可以不用排隊等候有得食，依間陳泗記都知態度一般，環境不用講大家係中環行過都見到的。有指定套餐同散叫～我喜歡食香茅雞翼飯，其他都太普通。整體食物都可以～有部分即叫即做如：香茅雞翼，餐腸⋯⋯等。其他服務態度同環境⋯大家要親身感受一下

突然接到女友特殊召喚，要一齊到中環理髮，還帶著聖獸定春同行。任務完成後，著與女友在附近搵食，不過帶著定春在蘭桂坊晚飯實有點困難，要可以寵物進入，要露天可以比狗仔坐的呢。逛了兩三個街口，終於發現陳泗記大排檔，雖然店舖座落於地盤邊，而且環境惡劣又沙塵滾滾，不過無所謂啦，試試無妨。前面有對情侶在等位，我地排第二。情侶兩位先入座，我兩見近火爐位置的四位女仕埋單中，就決定這檯吧﹗誰知剛想坐下，有位貌似老闆娘阿嬸走過來喝止，要我兩走到後邊暗處搭檯，又或是跟剛才對情侶一齊坐。依度全部都屬細圓摺檯或正方摺檯，最多坐到四個人，我兩個加隻狗仔呀﹗又不想騷擾到其他食客。貌似老闆娘阿嬸黑臉而語帶不滿稱，星期五晚無得兩個人坐一張檯 ﹗眼見右邊兩位阿叔食飽飲酒吹水中，再右一點兩位後生仔餸菜剛到進食中，再右一點大隻男女已食到尾聲滿足中。絕大部份都係兩個人一張檯，點解我地兩個加隻狗就要搭檯？又無食客正在等位，只得我地兩個。以為我地食個出前一丁或食件多士呀？最後決定不幫襯此店，慢慢離開此不知所謂地方。另一位侍應嬸嬸呆若木雞般目送我離開，您地唔係以為我會返轉頭麻？No way ﹗陳泗記永不錄用。花十多分鐘走到蘭桂坊斜路，

返中環，最煩就係中午揾野食。食飯個半鐘，行得去食飯，又要排隊，排得黎，落埋單都已經無左大半個鐘，怱怱忙忙，食完飯又要返去埋頭苦幹，其實，真係好辛苦。所以出親去食飯，都係揀快靚正的茶檔。陳泗記都算係飯堂，每逢午飯都坐無虛席。今日貪快點左個餐蛋飯，無點蒸飯。誰知餐蛋飯等得仲耐，足足等了15分鐘，個飯先到。其實飯、餐肉同蛋已經係無製作技巧的食物，所以唔會難食得去邊。個飯已經無野飲配，但今次等到飯都凍埋，餐肉雖熱，但蛋都係涼涼地，成蝶飯，好似攤左好耐咁，令人好沮喪。忙左一個朝早，都係只想食啲熱野，呢蝶飯，影響左我下午的心情，如果唔係等咁耐都還可接受，但等左成15分鐘，人地都差唔多食完我先開始食，最後仲要狼啓吞虎嚥趕上同事步伐，著實很差。

天氣唔太熱，有風，坐室外食個下午茶幾好。一個人，揾個位坐低睇下食咩見姐姐執緊枱，話轉頭過笑落單，冇問題吖，慢慢等。又係食個餐蛋治烘底加杯熱奶茶，過左五分鐘左右有得食。麵包烘得十分脆身，金黃色架（張相影得唔好，反應唔到事實）。熱辣辣，雖然餐肉唔係話厚身，但佢又煎得好燶香喎，做蛋煎得嫩身，食落好好味。奶茶等別嘅，唔會有茶澀味就得喇。想講其實喺呢度食野幾自在，自己揾位坐低可以慢慢睇下叫咩食，冇人催你同趕你，埋單走去同阿姐計數就走得

中午十二點半的中環，lunch time時人來人往是平常事，餐廳裡必定多人，我同個friend見到前面有空位就即刻坐底，睇餐牌。當我舉手叫待應點野食，<<<果個粗有大陸口音既女人>>好大聲好惡咁罵:::點野就大聲嗌,你舉手都冇用，你叫完呢個叫第個做咩！。但係事實上，我舉手示意叫呢個女人但佢扮睇唔到，咁我咪舉手叫第個待應囉。跟著我問跟餐有冇野飲，個女人勁大聲好串好惡，驚死全世界聽唔到咁話:::加錢咪有野飲囉,另轉頭走左我同朋友好唔開心，食個lunch都要受氣，冇胃口，唔想再留此地，但下左單無辦法。跟著就改轉外賣，點知個女人又好冇禮貌好串咁話:::轉外賣都唔好快架。我就話:都要轉架，跟著佢就行走左，而且冇幫我改轉外賣。我就為有搵個收銀轉。總結，，去左呢個露天餐廳，味道中下，服務員態度太差，完全影響我整天的心情而且令我冇胃口！！！

總會被士丹利街那排傳來陣陣油煙鑊氣的大牌檔吸引過去。即使在炎熱的中午時分，室外的大牌檔硬是有種魔力，拉你過去。今次是被座無虛席、傳來陣陣鑊氣的陳泗記拉進去。陳泗記位於中環士丹利街74號，午飯時間總是座無虛席。心血來潮，來個餐蛋飯(餐肉煎雙蛋飯 $40)！看着阿姐以生鐵鑊煎蛋、再煎午餐肉，是一種享受。阿姐把煎好的三片午餐肉放在那碟冒着蒸氣的白飯，再鋪上煎雙蛋，淋上豉油。單單是這幾分鐘，已叫人垂涎三尺！煎蛋看似是普通簡單，但煎過蛋的大概從無數次的失敗中，領悟到要煎得剛好 ─ 即蛋邊微脆而不過燶，蛋黃要流心而不過熟，並非易事。陳泗記的煎雙蛋正正煎得剛好。午餐肉煎得脆身。飯煙韌，伴着流心蛋黃汁和豉油，一大享受。雲吞麵 ─ 陳泗記的雲吞是傳統的雲吞，一隻鮮蝦與肥瘦豬肉的比例，大概是八比二。餡料比例得宜。可一試。反之，麵略為淋身，若能更為爽口彈牙，更好。湯底，一般。凍奶茶，不錯，可一試。容許隔離飯香。看到隔離桌的砵仔蒸飯，蠢蠢欲動想試，唯有留待下次品嚐。

大排檔，我相信有身份證嘅都一定食過，大排檔嘅味道各有差別，但都好小數會至於難食，但我今日要講嘅哩間就係小數難食次一漁香茄子一隻味「辣豆瓣醬味」，丫～都算你過骨椒鹽豬排哩味餸無走雞喇呱？香茅味嚟嘅，同埋你煮到啲椒鹽去晒邊呀？最緊要係煮得唔好食叫個姐姐過嚟問下，你估佢點答～姐姐：「我地椒鹽豬排係咁嘅」哦～你地泰國留學返嚟㗎？鹹魚炒芥蘭好呀，既然係咁，又試下叫個鹹魚炒芥蘭丫！你邊一度似炒過呀？烚芥蘭撈鹹魚咋呱！連鹹魚都無爆香下佢「陳泗記」比我嘅感覺係-好外行、咁基本嘅菜式都做得唔好～唉