陳泗記

營業中

休息中

一行4人，睇完雜誌食評去試菜，非常失望首先環境惡劣已是意料中時，路邊位，腳邊已是渠位，不過希望食物搭夠叫左4款菜第一味 鮮茄腐竹白菜煲 ，淡而無味，純粹係幾樣野放埋一齊第二味 臘味炒芥蘭， 看著師傅把芥蘭放入水煲中煮熟，要放入鑊中象徵式炒20秒，毫無鑊氣第三味 咸魚蓉整豬肉餅， 肯定是機搞肉，肉非常實，不鬆化，似是無落生粉，仲要成碟水，唔講以為係水煮肉餅，任何一個識煮飯ga c9都煮得好食過佢第四味 啫啫骨煲，叫得係啫啫煲，期待中一定係會炸炸聲香噴噴，但結果係只有輕輕幾聲，細聲過大家鐵板ga聲，味道很普通，毫不惹味總結：埋單$440，黎食大排檔，就係期待食物有鑊氣，食返80，90年代ga風味，但結果很失望，絕對無下次

雖然公司每日提供lunch俾我地食，但係偶然見到有啲唔係咁啱口味嘅餸，都會想出去食下~ 話說今日秋風起，有同事提議去大排檔食飯，咁我梗係去啦~ 之不過呢，通常中環食飯真係好多人，我地一行8個人，要搵位真係有難度，不過呢度啲樓面真係算想做生意，因為我去嗰啲大排檔嘅樓面多數都唔會主動幫你搵位，你坐就坐唔坐就算嘅態度~ 但呢度佢好主動咁搬啲枱櫈俾我地坐~ 其實我地一心來到係食缽仔飯，一坐低已經話剩返2款 - 鳳爪排骨飯同梅菜肉餅飯，我地諗左2分鐘，佢嚟同我地落單已經話無哂! 得返一個臘味飯...... 雖則秋風起啫.... 但我未想食臘味住架嘛.... 仲爭札緊之際，侍應話而家乜缽仔飯都無!  / _ \ 於是無野食啦........... 大家無奈地揀左另一名物「餐肉雙蛋飯」。 一嚟到嘅時候，陣豉油香已撲鼻而來，等左咁耐，仲要熱騰騰上碟，真係點可以唔即刻食? 以份量嚟講，真係無呃人，40蚊個飯包野飲，仲要有3塊餐肉2隻蛋，真係良心老闆! 每一塊餐肉唔係話乜野黑毛豬、荷美爾，只係好普通嘅午餐肉，但無薄切，而且好厚肉~ 呢啲先係午餐肉嘅原味! 煎蛋亦好有心機，我好怕啲餐廳無心機煮，求求其其整燶

天氣漸涼，午飯時段開始又可以光顧附近的大排檔了，這天一行7人來到陳泗記，要找位置也不是易事，好不容易才找到了位置，正當準備落單時，大排檔的姐姐就說所有款式的砵仔飯已售罄. . .omg. . 才1時多已經售罄！....原先全枱也是要點這裡最著名的砵仔飯. . . 現在. . 真的不知道吃甚麼好了. . .亦有打算過離去，但為免尷尬還是留在這兒了. . .看看餐牌，其餘的也不太吸引. . . 其實這裡第2款招牌食品就是. . . 餐蛋飯. . .最後所有人也換成了餐蛋飯了. . . 「7碟餐蛋飯呀唔該」. . .這個情況還是首次發生餐蛋飯 （$40）［評分：7/10］餐蛋飯即叫即煎，可能是由於製作時廚房傳出陣陣誘人的餐肉香，因此成名吧. . .賣相是不錯的，3片煎香的餐肉上再放上2隻太陽蛋，蛋邊還帶點微焦，再淋上美極醬油，香氣迫人餐肉雖有3大片，但不算厚身，外層只是輕輕煎香，比較喜歡煎至微焦脆面餐肉表面帶有油光，油份超多. . .淡嚐一口. . .味道不算太香，但鹹度頗高呢. . .還是用白飯伴著吃比較好. . 比較合心意的還是那兩只煎蛋吧，劃破表皮，蛋汁流出，以蛋黃汁伴飯是絕對不會失準

一開始，打算以陳泗記的食文作為第五百篇食評。始於此，終於此。好一個圓滿的終結。然而，細心一想，陳泗記乃小妹踏上這一條沒有終點的不歸路，何不讓其成為另一個新的開始？就這樣，五百零一篇食記，非陳泗記莫屬了﹗ 二零一二年十月某天，小妹與識於微時的Cc、悅和云四個死黨，在誤打誤撞下，於陳泗記聚餐，並寫下人生的第一篇食評。正所謂「同姓三分親」，數千年前，小妹與陳泗記老闆本屬一家，感覺份外地親切。與陳泗記結緣，可以說是巧合，也可以說是命中早已註定。是夜，云遠遊在外，悅臨時要OT，只有閒雲野鶴般的Cc和小妹在陳泗記聚餐慶祝。時值炎夏，天氣甚為翳侷。抬頭，只見密不透風的石屎高樓大廈。月兒星兒也躲在厚厚的雲層外，風兒也不知跑到那裏去了。迎面而來的，是街上的沙塵癈氣，是食肆排出的熱力雜味。四缺二，略感可惜。然，足矣﹗汗流浹背的，仍甘願坐在陳泗記街邊露天地方用餐。不為風月，只為紀念小妹的寫作歷程。千言萬語，盡在心中。好姐妹，你的義無反顧，小妹懂的。 陳泗記位處街口，舖面蠻大的，廚具雪櫃均是用上較堅固實用且容易清潔的不鏽鋼。店面四周雖稱不上乾淨非常，幸仍算企理整潔。七點晚市開始前，阿姐放上一壺舊式有朵大花

五月二十一日 (星期二)中環的老字號大牌檔「陳泗記」最近推出了三款砵仔飯是日下着大雨，不走遠，就來試試其中兩款「梅菜肉餅」和「窩蛋牛肉」 兩者肉味也挺香濃，入口也算煙韌唯分別配上梅菜和煎蛋，味道也覺不突出明顯上枱不算熱辣辣，但飯粒尚算分明整體也收貨啦!還有「鳯爪排骨」，再有機會也來一試

十一月二十八日 (星期三)午飯時間，下着微雨，本想就去小雨天來到店前，架架仔突然一百八十度轉向，來到對面的街邊檔陳泗記這裡，總是坐滿人，難得看到有位，也就第一時間進佔了提供的款式不少，有最簡單不過的腸仔,餐肉,蛋等，也有燒味鹵水等要了真是在家也做到的腸蛋米看到女廚就在檔前不斷的煎蛋,煎腸仔,煎餐肉來到也是熱烘烘的，是廚師腸，蛋也煎得不過燶，只是油多了一點也吃了雙併飯，十多款配料選擇，包括燒味鹵水食品就選了义燒和豬腸义燒不合及，肉瘦不在話下，入口沒有煙韌口感，更當然沒有蜜香豬腸倒不錯，十分爽口，還帶點羶味不過，配上的鹵水汁味較淡，飯也有點爛，非喜愛的那款好醜也是一餐，連凍檸茶一杯，只是六十五，不能要求太多臨走前，有食客先問好店員有沒有咖喱羊片供應才坐下，莫非這才是寶?下次儘管一試~

放工後，約左朋友去中環食飯，由於未決定食咩，早到就四圍逛去搵食，遊走於士丹尼街及威靈頓街。走到士丹尼街頭，看見好多人係路邊大牌檔食野傾偈，好鬼有fell，就搵左近路邊較光猛的陳泗記坐低，call朋友黎。等齊人，一睇菜單，價錢ok，四個人叫左5個小炒，2個靚仔，一支樽裝青島及一支可樂。小炒份量少，好彩我地細食，都食得飽。咕嚕雞球唔夠酸、無咩汁，雞球預先炸的，唔脆；嘟嘟雞d雞唔夠入味，但煲底有幾塊豬潤幾好味；冬菇支竹煲，味道清淡。最好味係梅菜蒸鯇魚，份量夠多、魚又滑又鮮。另一碟腐乳炒通菜都ok。 食完後，我們覺得只可一，不可再。想食小炒，去筲箕灣東大街或深水埗係明智選擇，抵食又好味﹗

來嘗試一下位於中環的大排檔的風味，找到這間陳泗記。有很多不同種類的食品可供選擇，這次選了飯類，是香茅雞中翼飯。賣相不能說很好，但以大排檔的感覺來評定，把雞中翼排成花狀的情況也屬少見，但可惜的是味道欠奉。完全吃不到香茅味，如果說是蒜蓉可能較適合些，因為有不少蒜蓉在其上。而雞中翼也沒有雞味，頗淡口的，好像沒有調過味似的。廚師只用豉油來事後調味，當然不妥當啦。

尋日有朋友請我食生日飯, 佢話想去中環的大排檔, 我自己去先, 見到有2間, 我緊係揀多人D O個間, 但爆晒場, 之後我就去左呢間冇咩人O既陳泗記環境都乾淨, 叫左椒鹽鮮"友"都OK爽口, 算叫新鮮涼瓜牛肉, 呢個就偏鹽, 唔係好食得出咩味, 但我叫佢苦瓜要瓜D , 佢都真係做到, 抵讚!佢話係招牌菜, 鮮腐竹 蕃茄白菜, 呢個我勸大家千祈唔好叫, 因為佢O係度整時我睇到晒佢真係拎鮮腐竹蕃茄同白菜去滾水煮, 加少少味就拎出黎!!!其實我仲叫左一碟腐乳通菜, 冇咩腐乳味, 菜又水旺旺我叫多3支啤, 1碗飯多謝 $240 , 你問我, 我唔會推介, 我認為去街市行好, 咁O既價$ , 我O係香港好多選擇, 唔需要坐街邊.就算坐得街邊, 質素一定好好多!

近排天氣炎熱，站在街上也覺得辛苦，雖然喜歡大牌檔的風味，暫時也只好迴避一下，想起仍未寫陳泗記的食評，趁等睇波的時間回一回帶吧。三月尾，本想幫襯盛記，可惜人客實在太多，連近樓梯的位置也擠滿了人，不知要呆等到何時，肚子太餓，唯有改去鄰檔陳泗記試試。我們一坐底即自動波清洗碗筷，並從餐牌上揀好兩道小菜，可惜等了又等，遲遲都未有伙計上前招呼，明明全場只得兩三檯客，他們卻好像分身不睱似的，偏偏我又不知道他們到底在忙甚麼，完全沒有大牌檔應有的快、狠、準！等了約十五分鐘，終於可以落單，我們要了生炒咕嚕肉 ($48) 和沙爹牛肉炒芥蘭 ($46)，另加一碗白飯 ($6)。這裡的餸菜，由準備材料到落鑊炒，整個流程全是老闆泗哥一手包辦，始終他一人只得雙手，為此稍等一會也沒有所謂。先來的是咕嚕肉，賣相普普通通，配料包括青椒、番茄粒、洋蔥及菠蘿，但份量又不覺豐富，幸咕嚕肉外脆，肉質又夠腍軟，調味酸甜得宜，相當不錯。另一味沙爹牛肉炒芥蘭，牛肉不太腍滑，芥蘭就夠晒爽脆，而沙爹汁雖然煮得比較稀，味道卻十分濃郁，用來撈飯吃都幾開胃的。泗哥炒完餸，可能見到我舉機影相，就過來吹吹水，講開碟沙爹牛肉炒芥蘭煮得夠入味，佢先慨歎

今天要到中環，因昨晚做了個蛋糕，想朋友試試，給我點意見，路經以前拍拖時吃過的為食街大牌檔，很想坐下回憶往事。因當年要儲老婆本，無能力去大餐室，多在小飯店或大牌檔等解決飯餐，難得當時我的另一半很諒解，從不嫌棄，實在感激，做人不可忘本，今天獨自來尋回已發黃的歲月。記憶中，陳泗記也曾在閣麟街，威靈頓街開業，以燒鵝、小菜等聞名，是大牌檔中之XO。看過餐牌，下午賣粉麵、飯為主，晚市則有小菜，今午已吃過午飯，吃碗粉便算。點了一碗滑肉片加菜肉雲吞河。這裏是露天的，每張檯都有太陽傘遮擋，然而，是日天氣廿多度，熱得滿頭大汗，也不乏有外籍人仕惠顧，領略一下香港地道 Alfresco 食肆的風味。約等了五分鐘，滑肉片加菜肉雲吞河便送來，肉片軟身和有肉味，是用新鮮肉片放湯，菜肉雲吞的餡料像是在家裏包的一樣，平實不花巧、無味精，河粉細滑，還伴有兩條生菜，整碗吃後感覺像是媽媽煮的味道，很舒服。也許下次帶太座來吃晚飯，相信她仍不會嫌棄。

星期六午飯時段, 比平日冷清得多, 也不怕在中環午膳, 來到中環歷史悠久的陳泗記, 只點普通食物: 餐蛋麵及四寶飯(包括叉燒+紅腸+咸蛋及鹵水?) 及熱奶茶, 已經現成到沒話說.餐蛋丁率先來到, 吃了一半, 四寶飯也沒有動靜, 尤其此乃大排檔, 大廚就在後面, 是否在準備自己點的心中有數; 尤其這時段頗為悠閒, 所有人都在吃, 大廚已經沒道理不在準備我的.此時詢問伙計是否在準備, 他第一件事強調自己已下了單, 大排檔提防加料也不好再追.丁麵與奶茶都完成了, 再詢問, 那伙計仍然強調"下了單", 但我要的是四寶飯而非"下了單", 由始至終他都沒有任何催促廚房的意思, 直到我們都要埋單離開, 他依然很無奈地說"下了單"但沒有任何挽留.其實四寶飯如果當日沒有供應, 應該下單時揚聲!

上了中環斜路, 隨便坐在大排檔, 一心品嚐一次風味餐. 但無奈食品選擇太少, 但點了最正常的豬扒一丁麵 及 熱檸茶. 當時已時下午3時了, 人不多, 但上菜好慢, 可能人手亦不足. 而碗麵真時普通到極, 豬扒分量少, 檸茶又係一般貨色. 一碗麵$25 + 轉一丁要 $4 + 熱檸茶$10 = $39, 好貴又唔好食, 環境衛生又麻麻, 又多人食煙, 不值一去, 亦不會再去.

中環上班大軍漸退,士丹利街的燈火欄珊處,陳泗記與盛記照樣感覺美麗.一個人吃不下盛記的小菜,反正未來過陳泗記,便在檔口前坐下,獨個兒最好吃碗麵,見到有個大腸麵,便來碗試試.加多一支可樂.麵條當然不是什麼大碌竹自家製,用的是來貨,咬落也夠彈牙,鹼水味也有一點點.大腸外層帶點煙齦,本身沒有什麼一點異味,又好像欠缺一點點"風味".拿著手上的可樂,一個人坐街邊吹風,見著火光熊熊的檔口,沒有男人四十無得撈的無奈,而是看到一點點曙光,像明亮佛光天際初現.

16-10-2009前一日喺隔嚟鋪食薯粉 (), 今次試試呢個好似幾出名的大排檔. 胃口一般, 唔食飯了, 隔嚟位的雞飯賣相又一般, 叫了碗雙併米 ($24), 加杯熱鴛鴦 ($10).先嚟熱鴦, 飲落奶茶 vs 咖啡比例約 6:4, 茶味幾香, 咖啡味亦香, 無酸澀味, 入口亦夠滑溜, 好過好多茶餐廳喎, 唔錯唔錯 雙併係冬菇 + 豬大腸... 湯底味道淡口, 不過無 MSG 痕跡, 算吧; 米粉淥得剛好, 可惜湯底麻麻啦, otherwise 索湯一定好正; 冬菇幾厚肉, 食落又係好淡; 鹵水豬大腸洗得乾淨無異味, 食落幾爽口, 不過都唔「鹵水」嘅, 印象一般而已. 唔算好好食的一碗粉, 但味道住家 feel, 都幾難得, 可以一試.大排檔環境及衛生就當然麻麻, 離開時成把頭髮都係隔嚟檔的油煙味, 附近亦有煙民, 不過都嚟得大排檔都預咗吧? 有時見到 d 室外茶檔 / 大排檔食評, 食物幾好都俾喊面, 因為人哋地方「唔太企理」, 天氣熱搞到周身汗, 落雨地下又濕晒云云, 都幾搞笑 -- 落雨地下濕晒, 又有幾奇呢?