陳泗記

營業中

休息中

今日試o左呢間大排檔, 其實都係因為可能佢地呢幾間排檔不日會清拆所以至嚟。地方老實講預o左屈質, 不過地面真係非常污糟, 而且周度都係人食煙, 真係一個惡劣o既用餐環境。睇到個餐牌無炒野食, 真係想即刻起身走人, 大排檔! 都係出名有鑊氣o既出品, 無炒野食真係「成何體統」?? 不過同行友人真係太好人啦, 話俾次機會佢, 結果都係叫o左個蠔仔粥同埋燒肉紅腸飯。個蠔仔粥中規中矩, 但係絕對唔可以用好o黎形容, 尤其是40蚊連野飲, 無乜蠔仔。個燒肉紅腸飯仲離譜, o的燒肉o既皮唔知點解唔見晒, 同得o個幾舊, 紅腸呢o的急凍野就 no comment 啦... 但係最攞胆係落o左o的怪味汁, 真係落葱油同豉油好過, o的飯都太腍, 個人覺得非常難食。我地成日話要保留香港特色, 大排檔係其中之一, 但係以咁o既水準同埋無誠意o既出品......

八月廿五‧雨要為文章拍幾張照，趁八號風剛過，天氣不太熱，來吃碗麵。這裡是正宗大排檔，好天曬，落雨淋就必然的了。是日下大雨，就自然要遠離路邊，又在帆布下的地方最好了。這裡午市主打的是燒臘及粉麵，只簡單的要了碗豬腸麵。豬腸不算肥美，但吃起來還算有咬口，最怕是腍得不咬已散開的豬腸了。麵幾彈牙，湯就淡淡的，應該沒有太多的味精吧。問了要問的資料，連凍飲一杯，埋單34蚊，也不要說吃大排檔是便宜的。

9月尾的晚上男朋友話想到中環的大排檔便到了這裡，本想食抄東風螺，但沒有，只好要了一個啫啫雞煲，抄介蘭，白飯一個及汽水1支，所有菜都等了很久，食物一般。

10/9(三) 1:30pm善用午飯時間先到中環大班取餅方果腹,中環被群情洶湧的上班族攻佔得體無完膚,大排檔,乃為獨食人士中門大開的其一熱食點.印象中此處的出品不過爾爾,瞄瞄手錶,多給它一次機會亦未為過.草草要了碗魚蛋牛筋河$20.方圓魚蛋爽但削,牛筋味不濃,質不軟;慶幸河粉爽滑且薄.以刀仔價錢於此區覓食,收貨!

今與韓國友人到陳泗記，長話短說，老細「泗哥」係有heart之人，生炒骨用黑糖，是好事，菜甫egg十分好，不油，真的不是炸出的。對於要等的問題，我覺得如果是好東西，等又如何？泗哥出菜有自己的風格，魚先，再肉，最後菜是有原因，味道濃淡的關係。香港人不要太心急，太急只出不了好食物

其實已係很久之前的食評, 但近日聽見友人話想到此用餐. 即勾起不快經歷. 話說有次某某的極力推介, 說這裡的燒鵝比鏞記好云云, 於是便試試. 一坐下, 便要了碗叉鵝飯. oh, 叉燒又乾又瘦, un un 地, 唔得. 燒鵝, 點解咁羶架?? 真係吃不下嚥, 好少會吃剩一大半, 今次都幾經典, 絶無下次!

星期四晚去左中環行街, 行完街9點幾唔知食乜, 於是去左呢間大排檔試下, 其間同友人先後多次向一名中年叔叔要求點菜, 但每次都叫我地等等, 以為佢要做其他野, 但發覺並唔係, 佢只係繼續行行企企, 又飲啖啤酒, 都唔知做乜, 叫左幾次都叫我地等等, 把幾火同大聲話佢, 佢好似聽唔到, 要個老闆大聲話佢先識同我地落單, 但最後都係由一個後生d既伙計同我地落單, 我地叫左啫啫雞煲- 好味但好細煲南乳炸骨- 好香脆, 幾好味沙爹牛肉抄芥蘭- 味道OK大家若趕時間千祈唔好去, 因為我地都等左成半粒鐘先有得食, 但呢個服務加呢個價錢都唔算平, 去食之前要三思~

行開中環,本來又想去食下茄牛米,行過陳泗記聽到有人叫差雞飯,突然覺得好吸引就坐低試下啦,不過我份人比較貪心,雙併滿足唔到我,於是叫左個四寶飯.係人都知四寶飯每間飯店都有唔同演繹,所以每次都有驚喜,而依度既四寶則有紅腸,叉燒,牛展同咸蛋,紅腸無野好講,度度都係咁,叉燒就差d喇,無乜叉燒既既蜜味同燒味既香味,有d似食緊白灼肉片..反而牛展唔錯,有咬口又夠味,咸蛋嘛...唔係靚野囉...埋單連凍啡40蚊,香港經濟真係好~可能本身對大排檔有情意結,覺得排檔出品必屬佳品,不過今次叫做跌眼鏡囉..

香港地既大排檔特色就係有鑊氣,食物夠熱,味道夠濃...話說我係中環返工,每到LUNCH都煩係邊度食,今日,我見到陳泗記冇咩人,我決定去試一試...我叫做個叉燒燒肉飯...配料同飯實在太少,連我女朋友見到都話:減肥係呢度食真係一流,樣樣都俾咁少....但要28蚊一碟,比起附近既海運茶餐廳,人地25蚊碟飯都大好多...至少叉燒都多兩舊...當然,都有讚既地方,就係叉燒都唔差,味道未至於得個鹹字,但過份地薄,叉燒切得太薄,有時連咀嚼都唔使就吞得...而且,跟飯個個汁實在太淡太稀了,完全食唔到有任何味道...我同女朋友都話,唔係LUNCH時期中環度度都咁多人,都唔會揀呢間食...燒肉,塊皮實在太硬,當然,我仲後生,仲有牙力去咬,但個賣相,同食落去既感覺真係有D唔同....你問我抵唔抵?我只能夠話,你真係好肚餓而又搵唔到地方既話,都可以食既....至於侍應方面,有部份時有漏單,我地坐定之後,有幾個人搭檯,同我地同檯個幾個人,叫完等左一陣就黎晒食物,我地等左差唔多廿分鐘都未黎.....

魚旦牛腩麵($19) ~ 魚旦口感尚算可以,但牛腩就一d都唔好食,好韌!他們將牛腩切到一片片,全碗麵得兩片牛腩,麵身也不夠爽口,有少少淋奶茶($10) ~ 茶味同奶味配合得剛剛好,不會偏向一邊,好飲!Ps: 這餐還附送小昆蟲一隻

好耐冇食陳泗了, 非常欣賞其豬扒飯.豬扒非常鬆化, 炸得香口而不乾.一送上黎已被香氣吸引, 最正係個美極汁, 令豬扒香氣加陪濃厚.一個飯, 加上鹹到死既例湯, $27, 的確唔平, 加多杯奶茶. 加$10. 不便宜的大排檔. 但呢個豬扒飯, 的碓一流.

前幾晚去食飯, 叫的都是安全的大廚熱賣, 都ok.南乳炸雞件- 至愛, 香脆惹味, 食完一定喉嚨痛(一定要加支冰凍藍妹!)香辣炒羊片- 小辣, 羊唔太羶, 很多很多洋蔥及椰菜絲, 幾香.黑椒牛柳粒- 見大廚係雪櫃取出成隻牛脾大的牛柳出來切了幾片, 一會再切粒, 即炒+洋蔥, 之後再灑黑椒. 估唔到牛柳粒有肉味而好"林", 不過越食越辣.xx肉碎煮娃娃菜(名差不多) - ok, 清清地, 有些冬菜吊味枝竹豆腐泡煮燒腩- 個人好鍾意食枝竹豆泡, 覺得不錯(很久以前試過好小人叫的蕃茄炒蛋, 明明簡單菜但唔知點解可以做得咁難食, 千祈唔好叫)P.S. 最好坐入一點有傘的, 以防天橋有東西掉下! 而星期日唔開的.

從未食過如此難頂既大排檔!今晚同女朋友去中環, 諗住食大排檔, 其實一開始已經係有目標係去x記個檔, 但個檔實在太多人, 吉位d衞生情況又唔好, 但又想食大排檔, 於是就等左一陣, 就算啦, 費時再磨, 就黎隔離呢檔試下啦, 橫掂有位, 又好肚餓, 好啦, 惡夢開始啦......1. 一開波揀左張枱坐, 冇人招呼, 跟手等左一陣, 轉左第二張枱坐, 又係一樣冇人招呼, 係要叫幾次先至有人話叫你再等等, 叫佢開茶, 又係十問九唔應.....叫左枝生力, 又係遲一遲都唔到........2. 好啦, 算! 呢d都唔理, 叫d餸醫下肚先, 叫左蠔仔湯飯, 紅油抄手, 小辣香炒羊肉, 白烚芥蘭, 跟手諗住可能唔夠, 想叫多個煲, 但女朋友話唔好住, 好彩佢叫住, 如果唔係又蝕多幾草野! 等我每樣講下:蠔仔湯飯:呢個我冇食, 係我女朋友食啫, 但試左一兩口; 味道方面, d蠔仔冇乜腥味, d湯胡椒太多, d冬菜好有味(即係太咸); 賣相方面, 一睇都打左個突, 點解碗飯咁多泡架? 紅油抄手:紅油抄手? 咪玩啦, 淨係淥幾粒雲吞加幾滴辣油就當係? 叫紅油雲吞算啦, 正宗川菜風格既咸, 麻, 鮮味完

從未係大排檔食過咁難食既野...12時左右去到亂去在此店食lunch..一坐底就聽到同枱既人兄話d野食好難食..(心想應該唔係咁難食呀)..不過都坐底左都要叫野食啦..2個人叫左碟四寶飯($27)同埋墨丸麵($15), 食物一來就有點嚇人碟飯既餸真係極少呀仲要加左d豉汁怪怪怪..仲收人$27真係賺到盡呀..味道亦麻麻, 碗墨丸麵應該最差不過..完全無墨丸味其他$10一碗既粉麵一定好味過佢十萬倍呀...此店應該係永久bad list

幾個兄弟好耐無見，相約中環陳泗記食飯吹水酒聚是日不太熱，坐街邊食飯都ok﹗試了雜菜煲及0者0者雞煲﹗同場加映露天街邊A&F黃色人仕買衫買成兩個鐘的鬧劇﹗陳泗記味道不錯，家常便飯，八個送都係$380埋單吧﹗