隱世貳館 (已結業)

同朋友去沙田搵食,沙角邨既冬菇亭就食得多今次走左去博康邨,原本係想食燒烤架,不過發現佢有蒸鍋天氣涼涼地一於食蒸鍋啦,價錢仲好抵添,鮑魚套餐$188一位,另外龍蝦套餐$218一位套餐同朋友要鮑魚套餐，個餐有海蝦,花蟹,魚,肥牛,雞,蜆,魷魚,生蠔,油炸鬼,什菜盤同牛丸拼墨丸200蚊唔洗有齊魚蝦蟹真係唔錯喎,樣樣都算新鮮個粥底吸收晒所有精華真係好正呀,估唔到屋邨都有好野食

聽聞沙田圍有間好抵食既粥底蒸海鮮，所以今次唔打邊爐，就去試試啦有成隻肉蟹同蟶子！肉蟹好多肉，蟹味好濃郁！蟶子就好新鮮！仲有成條魚俾你食！魚好大條，肉厚，味道鮮甜！蒸鮑魚好大粒！好正除左海鮮仲有肥牛同雞件等等。

一班朋友一直都想食重慶燒烤，咁日約齊成班人黎到沙田博康村「隱世貳館」一試朋友推介既自助重慶燒烤。這兒交通方便，近馬鐵沙田圍站，落左馬鐵唔洗好耐就到。價錢方面：大人１１８，小童９８，包兩包野飲，任食２小時半。今日雖然係閒日，但都唔少有人，如果太晏黎可能會無位。個燒烤爐大小合適，大約可以同時燒廿串，今晚我地有位負責燒既大廚朋友，真係多得佢我地先食得咁開心，嘻嘻。閒話就唔多講了，直接講野食，野食種類尚算多，以肉為主，有各式燒肉串、雞翼、腸、魷魚等等。食材盤都有蓋，唔洗太怕有乜昆蟲，但始終都係室外，唔多唔少都有ｄ，總括而言食材比我既感覺都係乾淨清潔。提一提個蓮藕串，平時蓮藕都食得多，但我就係未試過羅蓮藕燒野食，原來食落都不錯吃。另外講下我喜愛既錫紙金菇，味道好清淡，最好自行再調味，但一包份量……太少了！百零蚊可以食到好飽，食材都算新鮮乾淨，以這個價錢來說很抵。

又到一年一度既中學聚會，朋友話沙田依間自助燒食過覺得唔錯，甘既然其他人又冇乜意見，所以就試下依間啦。店入面有啲似大排檔既感覺，但尚算乾淨。基本上所有食物都係自助，每人包兩份野飲，而且每樣食物都串好一串串，夠曬方便。至於燒烤爐就係用gas爐，唔係一般既炭爐。食物種類都算多，應有盡有，而大部份肉都已經醃製好。燒鴨胸肉都幾厚身，肉同脂肪既比例都好平均。燒出黎有好香既油脂香，未食已經覺得好香好惹味，而且食落一啲都唔羶。肉既種類基本上豬牛羊既都有。牛肉串份量唔多，但都幾新鮮，唔韌，又夠入味，不錯。雞翼係每個人燒烤必燒既食物，依到既雞翼味道都醃得夠曬味，但味道就普普通通，同坊間既味道相若。腸仔都有幾多種類簡，甘多種腸仔方面，最鐘意就係燒司華力腸，燒至外皮脆卜卜，做到外脆內軟既口感，再加埋個調味粉就已經好正。翠玉瓜好爽脆，最岩食完肉食，可以解肉既油膩感。翠玉瓜燒完之後中間啲肉好嫩，而且唔乾身，咬落仲有汁咇出黎，配埋個調味粉真係好食。丸都有好多種，大路既款式都會有。我就最鐘意墨魚丸，夠曬彈牙又有墨魚味。另外雞軟骨都係我心水之一，粒粒都好有咬口，而且燒個里d雞油出曬黎，好香！😍😍😍忍唔住食左好多串

今日去左食蒸汽鍋。想食好耐，終於食到蒸汽鍋。等左十分鐘，以為佢漏左單。原來佢地係即整d生海鮮，整乾淨先上菜，好新鮮。最緊要新鮮，等耐d都冇所謂。花蟹終於上菜！好大隻花蟹。餐單寫曬所有海鮮既蒸煮時間，專業！一夠五分鐘，即刻開蓋食蟹。正。蟹肉真係好新鮮，好甜！好滿足！仲有少少蟹膏係側邊，好鮮甜，好似大閘蟹既味道！聖子都係好新鮮！全部海鮮都好新鮮！！蒸左四分鐘，肉質好彈牙，唔係點豉油都好甜。原來食蒸汽鍋係唔需要點醬油架，因為如果所有海鮮都新鮮，齋蒸左已經好甜。食埋大大隻既海蝦，仲有好多海鮮之後，最後最期待既就係食粥。平時病先食粥，但蒸汽鍋既粥一定要食。海鮮既鮮味通通入曬粥底，一入口，好甜好甜。我諗要蒸汽鍋先整到咁香既粥。平時冇乜好粥，今日成煲粥食曬，好幸福！冬天一定要再黎食過！

好早之前係網上搵到一間好平既燒烤，亦算是朋講開，因為唔想洗咁多錢，但因為真係太想食燒烤啦，所以搵到呢間隱世貳館，覺得價錢真係好合理，所以就諗都唔諗入左去試呀款式都幾多，同埋好多款都係岩我胃口的！食慾大增，好欣賞佢每一款串燒都有一個蓋蓋住D野食去確保衛生和新鮮，就算人與人之間講野 D飛沫都唔會噴落D食物到！比較少串燒店會做到呢一樣野首先拎左我最鍾意既雞肉串，每一串得嗰DD，所以拎多都唔怕食唔曬哂！雞肉鮮嫩多汁，水份十分之足夠，而且肉味重亦可以話食雞肉有雞肉味個到仲有一些蒜蓉包供應，飽肚感大增！可以係燒烤爐上面見到有當日唔同款式既燒烤串燒。貢丸非常之好食！夠大粒，而且後口感真實，好痴牙，唔係得d粉 一個唔覺意把廚師腸燒焦了，真係唔洗太急

好久之前提議去食屋企附近既隱食貳館，可以任食燒烤。😋😋😋依到收費都唔算貴，每位118仼食兩個鐘到，每人包兩包野飲。而海鮮就另外收費既。個燒烤爐係gas爐唔係炭爐，但個爐都幾大下，可以同時間燒到好多串野食，夠曬方便。食物方面，出面串好曬一串串方便拎，各種肉類，丸類都應有盡有，而且店員見冇曬都好快就refill。雞軟骨好正，好香而且燒到脆卜卜，好有咬口。鴨胸肉好食，啖啖肉，加d孜然粉已經好好食。翠玉瓜好爽甜，咬落中間一d都唔乾身，燒左甘多肉最岩食番d蔬果。燒韮菜又係另一推介，韮菜一d都唔老，而且燒個時落孜然粉就會吸曬佢d味，好好食！！燒大腸唔係到到有得食，d大腸都整得好乾淨，而且唔肥，食落味道都唔錯。薯仔芝士兜幾好食，燒個時已經好香芝士味，食落好似食薯蓉甘。雞翼實係個個都會燒既，肉類依到醃得都唔錯，豬肉牛肉肥瘦適中，而且醃得夠惹味，如果嫌唔夠味既話，仲可以落孜然粉添。燒菠蘿好甜好juicy，最岩做飯後果，所以每地成班人都食左好多😋

一搬嚟沙田就想嚟隱世貳館，一開始係想食重慶燒烤嘅不過見佢出咗蒸鍋又想試新嘢先蒸鍋分兩個價錢，一個係鮑魚套餐$188/位、另外係龍蝦套餐$218/位湯底好多選擇，連糖水都有，第一次嚟食就穩穩陣陣海鮮粥底啦套餐揀咗鮑魚套餐，個餐有海蝦、花蟹、游水魚、安格斯肥牛雞件、蜆、鮮魷、油炸鬼、什菜盤、牛丸拼墨丸，另外今日冇生蠔所以轉咗蟶子比我個餐好豐富呀!!有齊魚蝦蟹食落除咗蜆同丸比較差，其他海鮮都好鮮甜呀安格斯肥牛望落就打個突，不過味道唔錯而且叫做乜都有啲啦最後個粥底係超級鮮甜，我連埋啲蟹殼蝦頭掉埋去煲因為食到尾已經好晏，個粥底仲可以打包返屋企慢慢食添

呢排出街食得太肥膩，星期五想食好少少，但又要清清地，就決定去食蒸氣鍋。果然係意想不到咁驚喜，食物只要新鮮，就唔需要加太多調味，簡單就是美！侍應好有耐性講解海鮮蒸法！原來要計時～OMG,成餐飯都好忙😂😂驚有時唔記得計就煮得太熟侍應話，d粥係最未先加既，要小心唔好痴底，所以食到最後都係好忙😂😂，要專心自己煮粥！如果想懶洋洋咁食餐野，呢度就會攰少少！可能係我懶姐海鮮真係好新鮮，份量對兩個人黎講，超誇張XD蜆殻類海鮮非常甜！花蜆一蒸就開哂殻！海蝦係游水既！可想而知咁新鮮！倉魚係成條上！本身怕冇落豆豉蒸會冇味，但原來唔使！魚腩位好滑好甜！配上少少蒸魚豉油，一流！鮑魚都算大隻，入口爽甜，餐廳預備功夫做得好，鮑魚清潔得好乾淨，比個讚蒸蟹雖然冇膏，但都好新鮮。蟹肉的汁水多，食落好清新，雞肉牛肉：中規中矩，牛肉都幾厚身，脂肪唔太多，有少少牛味。但雞肉就味道較淡。蒸油炸鬼又幾特別，好似食響鈴咁，點甜豉油就好似食炸兩,煙煙韌韌。平時出街食飯，好少有機會食菜。就算有，都係好多油，攪到唔想食！蔬菜籃有一大盆，份量好多（夠4個人）、好耐冇食咁多蔬菜，好健康！！個人覺得南瓜、粟米、娃娃菜最好食，容易蒸，又甜甜地。但

與朋友在沙田區晚飯，朋友提議轉轉口味，唔打邊爐、唔食放題、雞煲；去大排擋食蒸海鮮。我們叫了粥底鮑魚套餐（$188）。侍應非常細心地提點各食材的蒸法，需要計時，最後才加入粥底，煮成海鮮粥。值得一讚是海鮮非常新鮮，全都是落單後才準備的。我們七時入座，等了二十分鐘食材才到呢！不過都是值得的。食材即時準備，可以立即享受到海鮮的鮮味，口感亦更彈牙。個人覺得海蝦、聖子、蟹味道最好。平日吃的炒聖子，多炒至過熟，但自己蒸就可好好控制時間。朋友都表示，從未吃過這麼鮮甜味美的聖子呢！而且沒有加任何調味，完完全全可以吃到食材原本的鮮味。游水海蝦彈牙無比，帶天然的海水鹹香。蒸蟹亦很鮮甜，廚師預先把硬殻弄碎，可以食到啖啖肉。鮑魚方面，個人覺得味道較淡，多點調味（如陳皮）蒸會更好。（我認我嘴刁）蔬菜拼盤種類很多，有鮮菇、南瓜、粟米、生菜、菜心等。南瓜、粟米好香甜，至於根葉類蔬菜，好像較適合當火鍋料。雖說是海鮮蒸鍋，但想不到肉丸也非常出色，彈牙之餘亦有香菇味。終於把食材一一吃光，最後倒入粥底，煮成海鮮粥。海鮮粥口感綿滑，是淡淡的奶白色，入口帶著海鮮及菜蔬等鮮甜，令人暖胃又舒服。總結覺得這頓晚飯性價比頗高，海鮮新鮮之

朋友提議平食自助燒烤餐，結果我哋一班朋友就嚟到呢間食任食自助重慶燒烤非常之抵食，118蚊任食各類新鮮嘅串燒，我哋當然要試下啦。燒呀燒！菠蘿十分厚身，多汁又夠甜，雞肉串和豬肉串很有炭燒的味道。這個串燒是燒豆卜，蜜糖腸非常之好食，狂拎狂食。呢度的雞翼串燒非常之新鮮 味道適中，水份鎖得比較好，非常之正，裏面嘅肉熱辣辣都幾嫩下。我們也燒了不少多春魚，多春魚真係非常之好食，特別係黃色嗰啲春。之後有燒肉，調味的確不錯，我們encore了不少次。可以話係價廉物美，特別係海鮮，好有驚喜，味道好正。同朋友一路吹水飲下野食下串燒，一大樂事。員工服務態度不錯定時定候也會為我們換上爐架，以致我們不會燒焦或變炭黑色。 場面非常之熱鬧，雖然係夏天燒烤，但係當日嘅通風系統都做得唔錯，唔會話太局，同一班朋友食到飽一飽就離開了 。⁠⁠⁠⁠

首先分享食評前想跟大家分享我的一份小小喜悅...“不知不覺原來在openrice已刊登了二十篇食評，從第一篇由頭翻閱一次，當時用膳的歡樂好像影片般在腦裡重播...“有時候看到自己的食評被其他的食家按下♡推介，其實對我來說是一份無聲的支持和鼓勵，在此謝謝看過我食評的每一位，謝謝你們！長話短說，言歸正傳，今次想分享一間位於沙田圍的多元素食店“隱世貮館。是次慶祝朋友生日，壽星女喜歡燒烤，一行六人食量必然瘋狂，商量後到了這裡食燒烤放題，後來到了這裡發現了有火鍋，蒸鍋，小菜，選擇很多，最後決定燒烤加蒸鍋雙食！蒸鍋的鍋底蠻特別，不只普遍的粥底，維他奶西米露可謂第一次見，雖然個人很想試，但壽星女不喜歡甜食，最後選了芝士伊面鍋底！•蒸完海鮮蔬菜肉類等，將芝士倒入伊面裏，利用剛剛蒸海鮮蔬菜的精華湯煮透伊面，濃濃的芝士掛在每條伊面上，滋味無窮！•簡易教學，寫出各食物蒸煮時間，附上計時器，蠻貼心！•鮑魚，蟹，魚，蝦，聖子，雞件.. ...等等！剛剛開始還怕不夠食，但看到眼前數之不盡的食物，大家有點呆眼了！•鮑魚，洗擦得清潔，鮮甜，聖子略嫌廋身不夠肥美，雞件沒雪藏味，肉質嫩滑！**燒烤環節**•無炭烤法，較健

假期去呢度食海鮮真係平靚正。所以話食開先唔一定要去西貢，沙田呢一條平民化嘅公共屋邨，大排檔之選！難得朋友介紹先識得來呢度，以前呢度一向以自助燒烤出名！聽講話蒸海鮮係近期先開始推出蒸！比起炒、炸、煎其他嘅烹飪方法，蒸出來嘅所含油脂少，而且能在很大程度上保存菜嘅各種營養！而且最重要係呢度價錢平！蜆大大粒，好新鮮，清蒸已經夠好味游水魚呢條魚嘅份量都真係夠四個人食，好大條，最後我哋都食唔晒攞咗來做湯底肥牛第一次用蒸嘅方法食肥牛，感覺唔錯！原來會比打邊爐食法更鮮甜！雞件足足半隻雞！呢個2人套餐份量真係多到3個人食都夠飽能夠以咁平民化嘅價錢食到蒸海鮮，感覺真係唔錯！希望陸續有更多價錢親民嘅蒸海鮮令大家有更多選擇。

大熱天時，朋友竟然約我食蒸氣鍋，不過佢講到價錢咁吸引，唔試又好似過唔到自己果關。黎到發覺，原來蒸鍋套餐已經包左好多款海鮮，唔洗額外加錢再叫。有海蝦、花蟹、鮑魚等等睇完個MENU後，期待既TURBO已經完全開啟!我諗佢全部海鮮都應該係新鮮，因為口感同味道都好彈牙、鮮味。海蝦同魷魚都好彈牙，花蟹肉多膏多。魚蒸得岩岩好，好嫩有肉汁。不過蜆就唔夠鮮甜。肥牛打邊爐就落得多，蒸都係第一次，可以食到單純既牛味，都係果句，時間好重要，1.5分鐘就可以食到嫩滑既牛肉。丸類有牛丸同墨丸，都幾爽口。而且仲切開兩邊，等佢地快D熟，我地有得快D食。去到最後有什菜盤，真係咩都有D，食完咁多肉後，清清腸胃似乎都好有必要。PS. 其實冷氣足夠，無須擔心

今次第一次試蒸氣鍋🍜 之前都想試但就冇咩機會 而今晚咁岩撞正我地得閒就一齊去食 間野幾易搵😁 地鐵站一出就到 好快望到 可能我地6點幾到 人唔算多 環境幾大 睇落幾乾淨企理 我地睇一睇餐牌就好快嗌咗我地都幾期待既蒸鍋套餐😎😎套餐有兩款 有平有貴我地就嗌咗個平d既鮑魚set $188位 唔洗加一😮😮一坐低就比咗水🍹 同一個幾詳細既教學 教我地點樣同蒸幾耐d野食先最好味 而我地就簡咗海鮮粥底 先食哂d蒸海鮮 肉 再等佢地蒸哂海鮮既精華落去 最後落粥芯 粥芯就會入哂味😁一開始佢所有既野都會上哂😉 我地就主要由海鮮食起 佢大部分既野食都份量幾大 夠我地食 特別係雞件 一人至少可以食6，7舊 食落有雞味又幾滑溜 好好食👍🏻👍🏻👍🏻 時間我地可以用佢提供既計時器計時 夠哂方便😀😆海鮮方面我覺得最大賣點係原隻蟹 蟹肉用蒸海鮮既方法 好鮮甜好有蟹味 唔會比調味料沖淡咗原來既鮮味😍 一流! 食到最尾我地落粥芯 成個粥底好香 有淡淡清香 飲落有海味👍🏻👍🏻